ഗണപതി വരെ ശരിയാണു്, അനന്തനെ ശിവൻ കഴുത്തിൽ ധരിച്ച കഥ എനിക്കറിയില്ലെങ്കിലും. (പാമ്പു് എന്നേ ഞാൻ മനസ്സിലാക്കിയിട്ടുള്ളൂ.)

ഗണപതിയുടെ കൊമ്പൊടിച്ചതു പരശുരാമനാണെന്നും സുബ്രഹ്മണ്യനാണെന്നും രണ്ടു കഥയുണ്ടു്. ഇവിടെ സുബ്രഹ്മണ്യൻ എന്നെടുക്കണം. സുബ്രഹ്മണ്യന്റെ ചേട്ടൻ വീണ്ടും ഗണപതി. ഗണപതിയെ പേടിച്ചു് ഓടിയവൻ കുബേരൻ. കുബേരന്റെ ചാട്ടു് പുഷ്പകവിമാനം. അതിന്റെ കോട്ടം കളഞ്ഞവൻ രാവണൻ. അയാളുടെ ഉണ്ണി ഇന്ദ്രജിത്ത്. ഇന്ദ്രജിത്തിനെ കൊന്നവൻ ശ്രീരാമൻ.

ദാ, അപ്പോൾ അതാണു കാര്യം.

ഒരു സംശയം: വാമനൻ പരശുരാമന്റെ ചേട്ടൻ ആകുന്നതു് ഏതു വഴിക്കാണു്?

താമരസാക്ഷന്റെ (വിഷ്ണു?) മെത്തേടെ താഴത്തു
താങ്ങിക്കിടക്കുന്നവനെ (അനന്തന്‍?) ച്ചുമക്കുന്ന
വമ്പന്റെ കൊമ്പന്റെ കൊമ്പൊന്നൊടിച്ചോന്റെ (ഗണപതിയുടെ കൊമ്പൊടിച്ച പരശുരാമന്‍?)
ചേട്ടനെപ്പേടിച്ചു (ചേട്ടന്‍ - വാ‍മനനോ മറ്റ് മുന്‍ അവതാരങ്ങളിലാരെങ്കിലുമോ ആണോ?) നാട്ടീന്നു പോയോന്റെ
ചാട്ടിന്റെ കൂട്ടിന്റെ കോട്ടം കളഞ്ഞവ- (ഒരു പിടിയുമില്ല)
ന്റുണ്ണിക്കഴുത്തറുത്തോരു പുരുഷനെ- (ഇത് ശ്രീരാമന്‍ അല്ലേ?)
ന്നുള്ളത്തില്‍ വന്നു വിളങ്ങേണമീശ്വരാ!

അത് പോലെ തന്നെ ഉഡുരാജമുഖി യുടെ അവസാനത്തെ രണ്ട് വരിയുടെ അര്‍ത്ഥം കൂടെ അറിഞ്ഞാല്‍ കൊള്ളാമെന്നുണ്ട്. (യദി സാ യുവതീ ഹൃദയേ വസതീ
ക്വ ജപഃ? ക്വ തപഃ? ക്വ സമാധി വിധി? ) - എന്‍ട്രന്‍സിന് കറക്കിക്കുത്തിയപോലെ ഒരു വൈല്‍ഡ് ഗസ്സടിക്കുകയാണെങ്കില്‍ - അത്തരത്തിലുള്ള ഒരു യുവതിയുടെ ഹൃദയത്തില്‍ സ്ഥാനം നേടുന്നവന് പിന്നെന്ത് ജപം, എന്ത് തപം, എന്ത് സമാധി? തെറ്റാണെന്ന് 90 ശതമാനം ഉറപ്പുണ്ട്.. എന്നാലും ഗാസടിക്കാനുള്ള ത്വര പിടിച്ച് നിര്‍ത്താന്‍ പറ്റുന്നില്ല - മൈനസ് മാര്‍ക്കൊന്നുമില്ലല്ലോ..

ചേര്‍ക്കുന്നതേ ചേര്‍ക്കാവൂ എന്ന്‌ അറിയില്ലേ!

ഐരാവതത്തിനെക്കാളും അപൂര്‍വമായ സംഗതികള്‍ക്കൊക്കെ ആരു ലക്ഷണം ചൊല്ലാനാ മാഷേ!