ഉമേഷേട്ടാ.. ഈ ശ്ലോകം ഞാന്‍ കേട്ടിരുന്നില്ല്യ ന്ന്‍ പറായാന്‍ തൊടങ്ങ്യേതാര്‍ന്നു. ഭാഗ്യത്തിന് വെര്‍തെ ഒന്നൂടെ മോളില്‍ പോയി നോക്കാന്‍ തോന്നി. അപ്പൊ ദേ ​തുടക്കത്തിലന്നെ പറഞ്ഞണ്ണു ഇത് കേള്‍ക്കാത്തവര്‍ കുറവായിരിക്കും എന്ന്‍. അഭിമാന പ്രശ്നമായില്ലെ? അപ്പൊ പിന്നെ കേട്ടെന്നു സമ്മതിക്കുക തന്നെ (ആ കുറഞ്ഞ വിഭാഗത്തില്‍ പെടുന്നവനാന്ന്‍ നാലാള്‍ അറിയരുതല്ലൊ. പിന്നെ, ഇത്രേം കാലം കഴിഞ്ഞുള്ള പോസ്റ്റ് ആവ്ഓണ്ട് ആരും നോക്കില്ല്യേരിക്കും ന്നു സമാധാനിക്ക്യ.

എന്തായാലും ശ്ലോക ശകലത്തിന് താങ്ക്യൂ… എപ്പോഴെങ്കിലും എടുത്തിട്ട് അലക്കാലോ.. കേക്കുമ്പോ ആള്‍ക്കാര്‍ക്ക് ഞാനും ഒരു ബുജി ആണെന്ന്‍ തോന്ന്യാച്ചാ എരമ്പി… (ഈശ്വരാ..അതിനും പക്ഷെ ഇത് മുഴോനെ ഓര്‍മ്മേം ഇണ്ടാവണലോ?!!)

സംസ്കൃതപമഗരി ഞമ്മക്കറിഞ്ഞൂടാ, പക്ഷേ ആ പാട്ട്‌ അബദ്ധമാണെന്ന് തിരിഞ്ഞിക്കണ്‌.[അഷ്ടാംഗ ഹൃദയത്തില്‍ കളിയരങ്ങ്‌? അഷ്ടപദി പാട്ട്‌ ഗോപികമാരും പാടാന്‍ തുടങ്ങിയോ. അങ്ങനെ അവസാനവരി വരെ എടുത്താല്‍ മൊത്തത്തില്‍ പാട്ടു പോക്കാ)

അതു് “അടവുകള്‍ 18” എന്ന സിനിമയിലെയല്ലേ? സീമയും രവികുമാറും. ആ പാട്ടും കൊണ്ടക്സ്റ്റും മൊത്തം അബദ്ധമാണു്. “സ്ത്രീണാം ച ചിത്തം പുരുഷസ്യ ഭാഗ്യം…” എന്ന പ്രയോഗവും അതിനു മുന്നിലെ സൂര്യനമസ്കാരമന്ത്രവും, ആ പാട്ടിന്റെ അര്‍ത്ഥവും എല്ലാം.

‘സ്ത്രീണാം ച ചിത്തം’ ലത് എന്താണ് എങ്ങനെ വര്‍ക്ക് ചെയ്യും എന്ന് ഇതേ വരെ യാതൊരു ഐഡിയയും കിട്ടിയിട്ടില്ല.

പക്ഷെ കുതിര്‍ അങ്ങനെ അല്ല എന്നാണ് അറിവ്. അത് മര്യാദയ്ക്ക് നമ്മള്‍ പറയുന്നതു പോലെ ഒക്കെ കേള്‍ക്കും എന്നാണല്ലോ അതിന്റെ പൊറത്ത് കുതിരകയറിയിട്ടുള്ള പല സുഹൃത്തുക്കളും പറഞ്ഞിട്ടുള്ളത്. ഞാനായിട്ടു പരീക്ഷിച്ചിട്ടില്ല. അതുകൊണ്ട് ഞാനിപ്പൊഴും ഒരു പീസില്‍ തന്നെ ഉണ്ട്.

(അന്തം വിട്ടു നില്‍ക്കുന്നവരെ ശ്രീജിത്തിന്റെ മണ്ടത്തരങ്ങള്‍ ബ്ലോഗിലേക്കു ക്ഷണിച്ചുകൊള്ളുന്നു…)

കുതിരയുടെ കാര്യം മാത്രം എനിക്കൊരു പിടിയുമില്ലായിരുന്നു. (ആകെ അറിയാവുന്നതു കുടയുടെ കുതിരയും ചതുരംഗത്തിലെ കുതിരയുമാണു്.) ആദിയോടു ചോദിക്കാമെന്നു വെച്ചാല്‍ അവനിങ്ങനെ വെറുതേ സ്റ്റൈലിനൊരു കുതിരയുടെ പടം വെച്ചിരിക്കുന്നതാ; അവനും കുതിരയും തമ്മില്‍ കോയീ സംബന്ധ് നഹീം…

:)

ഭാഗ്യവന്തം പ്രസൂയേഥാഃ
മാ ശൂരം, മാ ച പണ്ഡിതം
ശൂരാശ്ച കൃതവിദ്യാശ്ച
മമ പുത്രാഃ വനം ഗതാഃ

പത്താം ക്ലാ‍സ്സില്‍ വേങ്ങയില്‍ കുഞ്ഞിരാമന്‍ നായനാരുടെ ആദ്യപാഠത്തില്‍ (പേരു മറന്നു പോയി - “പരിണാമം” എന്നായിരുന്നോ? നരിയെ പിടിക്കാന്‍ പോയ കഥ.) ഇതിന്റെ പൂര്‍വാര്‍ദ്ധം പഠിച്ചപ്പോഴാണു് ഈ ശ്ലോകത്തെപ്പറ്റി അറിഞ്ഞതു്. അന്നു ചെയ്ത വികലതര്‍ജ്ജമ:

പെറൂ നീ ഭാഗ്യവാന്മാരെ
വേണ്ടാ പണ്ഡിതശൂരരെ
വിദ്യയുള്ളോരു ശൂരന്മാ-
രെന്‍ പുത്രര്‍ പോയി കാനനേ