ഇതില്‍നിന്നും എന്നു പറയുന്നത് ഇപ്പോള്‍ പ്രചാരത്തിലുള്ള ഇംഗ്ലീഷ് കലണ്ടറിനെയാണ്. ചുവപ്പ് നിറത്തില്‍ കൊടുത്തിട്ടുള്ള പദങ്ങള്‍ പരലുകളാക്കി ( സംഖ്യകള്‍ ) ” ഇതില്‍നിന്നും ” അതാതു ശ്ലോകങ്ങളില്‍ പറഞ്ഞിട്ടുള്ള ക്രിയകള്‍ ചെയ്‌താല്‍ അതാതു ശ്ലോകങ്ങളില്‍ പറഞ്ഞിട്ടുള്ള വര്‍ഷം കിട്ടും.

ഉദാ: കൊല്ലവര്‍ഷം അറിയാനായി “ഇതില്‍നിന്നും” “വിരഹം ” ഒഴിവാക്കുക. എന്നുവച്ചാല്‍
ഇംഗ്ലീഷ് വര്‍ഷമായ 2010 ള്‍ നിന്നും “വിരഹം” എന്നതിന്‍റെ പരല്‍പ്പേര്‍ കുറയ്ക്കുക എന്നു സാരം. “വിരഹം ” = 824 .

2010 - 824= 1186 എന്നു കിട്ടുന്നു.

ഇപ്പോള്‍ 1185 അല്ലെ ആയിട്ടുള്ളൂ എന്നൊരു ചോദ്യം വരാം. ശരിതന്നെ. 2010 കുറച്ചു മാസങ്ങള്‍ 1185 ഉം കുറച്ചു മാസങ്ങള്‍ 1186 ഉം ആണ്. ഓരോ കലണ്ടറുകളും തുടങ്ങുന്നത് വ്യത്യസ്ത ദിനങ്ങളിലാണല്ലോ.

“സംഭാവ്യമാണു ചെറുമാറ്റമിവയ്ക്കു വര്‍ഷാ-
രംഭം പലേ സമകളില്‍ പലതാക മൂലം.”

എന്നാണു അതിനുള്ള സമാധാനം.

ഇതിവിടെ പോസ്റ്റു ചെയ്യാന്‍ പറ്റിയതില്‍ ഞാന്‍ അഭിമാനിക്കുന്നു.

6 .നേര്‍ക്കാ ‘ യുഗാബ്ദ ‘ മതുപോല്‍ ‘ കലിവര്‍ഷ ‘ മേവം
ചൊല്‍ക്കൊണ്ടൊരാണ്ടറിയുവാ ‘ നിതിനോടു’ ചേര്‍ക്കൂ
ആക്കത്തൊടിന്നുവിമലേ ! കനകാംഗ മെന്മേല്‍
തക്കത്തിലെന്‍റെ ‘ കലിവര്‍ഷ ‘ മടങ്ങുവാനും.

7 . ആര്‍ഷപ്രഭാവമൊടു ‘ ലക്ഷ്മണസേന ‘ യെന്ന
വര്‍ഷം പുരാ മിഥിലയില്‍ പ്രചരിച്ചിരുന്നു.
ഹര്‍ഷത്തൊടായതറിയാ ‘നിതില്‍നിന്നു’ നിന്നുത്-
ക്കര്‍ഷത്തിനും കളക ഹീനപടം മനോജ്ഞ്ഞേ !

8 . ഹെമാംഗി ! ‘ വിക്രമസമ’ യ്ക്കിവിടത്തിലെല്ലാം
പ്രാമാണ്യമുണ്ടതറിയാ ‘ നിതിനോടു ‘ വേഗം
സാമര്‍ത്ഥ്യമാര്‍ന്നു സുമ മന്‍പോടു ചേര്‍ക്ക,ദുര്‍ഗ്ഗാ-
ശ്രീമദ്പദത്തിലുമയേ ശുഭമേറുമെന്നാല്‍

9 . സൂരീന്ദ്രരിന്ത്യയിലെമേക്കുവശത്തു ‘കാല-
ച്ചൂരീ ‘ തി വര്‍ഷഗണനക്രമമാര്‍ന്നതോര്‍ത്താല്‍
സ്വൈരം വരാംഗി ! വഴിപോലിതില്‍നിന്നു നീ സദ്‌-
വൈരം കുറയ്ക്കുക ;ഗുണം പെരുകാനുമേറ്റം

10. ‘സപ്തര്‍ഷിവര്‍ഷ’ മിനി ‘ ലൌകികവര്‍ഷ’ മേവം
വ്യാപ്താഖ്യ ചേര്‍ന്നുവിലസും സമ കണ്ടുകിട്ടാന്‍
ദീപ്താംഗി ! നീ ‘ യിതിനൊട ‘ ന്‍പൊടു ചേര്‍ക്ക തീര്‍ത്ഥം
തപ്തം മമാംഗമിതിലും കുളിരേറുമെന്നാല്‍

11 . ദേശീയവര്‍ഷപദമേറ്റ ‘ശകാ ‘ ബ്ദ മിന്ന-
ങ്ങാശിച്ച മട്ടിലറിയാന്‍ മറിമാഞ്ചലാക്ഷി !
ക്ലേശിച്ചിടാതെ ‘ യിതില്‍നി ‘ ന്നയി ! ഹിംസ നീക്കൂ
വൈശിഷ്ട്യമാര്‍ന്നരിയ പുണ്യമിണങ്ങുവാനും

12 . കോപിച്ചിടായ്ക ചിരമുത്തമദിക്കിലെല്ലാം
വ്യാപിച്ചിരുന്ന സമ യാകിയ ‘ ഗുപ്തവര്‍ഷം ‘
ലോപിച്ചിടാതെയറിയാ ‘നിതില്‍നി; ന്നു മാറ്റൂ
ധീപീഡ നീ,തവമുഖം തെളിയാനുമാര്യേ !

13 . ലോലാക്ഷി! മദ്ധ്യഭരതക്ഷിതി പണ്ടുകണ്ട
ചാലൂക്യവര്‍ഷമറിയാ ‘ നിതില്‍നി ;ന്നു ഭദ്രേ !
മാലറ്റു തുച്ഛനയ മങ്ങൊഴിവാക്കിടേണം
ചേലാര്‍ന്നു നന്മവരുവാനുമതേവിധം നാം.

14 . സംഭാവ്യമാണു ചെറുമാറ്റമിവയ്ക്കു വര്‍ഷാ-
രംഭം പലേ സമകളില്‍ പലതാക മൂലം.
സംഭാവനീയമതുമെന്നറിയാവു നീയെന്‍
ജംഭാരികുംഭിവരദംഭവിധൂതയാനേ !

15 . ശ്ലോകങ്ങളിത്രയധികം വടിവായ് പഠിയ്ക്കാ -
നാകാ ; പരം വിഷമമെന്നൊരു പക്ഷമെങ്കില്‍
ശോകം തരിമ്പുമിയലായ്കസമസ്തവും ഞാന്‍
ശ്ലോകദ്വയത്തിലൊരുമാതിരിയങ്ങൊതുക്കാം

16 . റോമന്‍ കലണ്ടറിനുമുന്‍പു പിറന്നതെന്ന
കേമത്തമുള്ളൊരു ‘ സമാത്രയ ‘ മാദ്യപദ്യം
വാമാലസാക്ഷി! വെളിവാക്കു,മടുത്തതോ പിന്‍-
പീ മന്നിലൂന്നിയൊരു വത്സരഷള്‍ക്കവും കേള്‍

17 . കേള്‍ക്കേണം ‘ കലിവര്‍ഷ’ മെന്നഖിലരും ചൊല്ലും ‘യുഗാബ്ദം ‘ പരം
ചൊല്‍ക്കൊള്ളുന്നൊരു ‘ വിക്രമാബ്ദ ‘ മതുപോല്‍ സപ്തര്‍ഷിസംവത്സരം
ചിക്കെന്നൊക്കെയറിഞ്ഞിടാന്‍ ക്രമമൊടക്രിസ്ത്വബ്ദമായെപ്പോഴും
ചേര്‍ക്കേണംകനകാംഗ’ വും സുമവുമെന്‍ മുഗ്ദ്ധാനനേ!തീര്‍ത്ഥ വും.

18 . ചൊല്ലാം ‘ലക്ഷ്മണസേന’ ‘ഗുപ്ത’ മയി! ‘ കാലച്ചൂരി’ ‘ചാലൂക്യ’മ-
‘ക്കൊല്ലം’ കേള്‍ ‘ശക’ മാണ്ടിതൊക്കെയറിയാന ക്ക്രിസ്തു വര്‍ഷാത്പരം
കില്ലന്യേ ക്രമമോടു ഹീനപട മ ദ്ധീപീഡ, സദ്‌വൈര മെ -
ന്നല്ലാ തുച്ഛനയം പ്രിയേ ! വിരഹവും നീക്കാവു നീഹിംസയും

ഓമല്‍പ്രിയേ ! ഭരതഭൂമിയിലങ്ങുമിങ്ങും
പ്രാമാണ്യമോടു നിലനില്പ്പൊരു വര്‍ഷമെല്ലാം
റോമന്‍ കലണ്ടറൊടു ചെര്‍ത്തരിയേണ്ട സൂത്രം
സാമാന്യമായിവിടെ ഞാന്‍ പറയാം ശ്രവിയ്ക്കൂ.

നിസ്തുല്യമായുലകിലെങ്ങുമറിഞ്ഞിടും തത് -
ക്രിസ്ത്വബ്ദമാണിവിടെ മദ്ധ്യമവര്‍ത്തി നൂനം
നിസ്തന്ദ്രമാ “യതിനൊ” ട “ങ്ങിതില്‍നി” ന്നിവണ്ണം
പ്രസ്താവനയ്ക്കൊരു നിദാനമതെന്നുമോര്‍ക്കാം.

വേണ്ടുംനില “യ്ക്കിതിനൊ” ടന്‍പൊടു ചേര്‍ക്കുവാന്‍ കൈ-
ക്കൊണ്ടുള്ള സംഖ്യയിതില്‍നിന്നൊഴിവാക്കുവാനും
വേണ്ടുന്നത # “ക്കടപയാ”ദിയതാം പരല്‍പ്പേര്‍
കൊണ്ടും മുറയ്ക്കരുളുമെന്നതുമോര്‍മ്മവേണം.

( thudarum )