ഒരു പുതിയ ബ്ലോഗ് വിഭാഗം കൂടി – ഛന്ദശ്ശാസ്ത്രം. പദ്യത്തെ വാര്‍ക്കുന്ന വൃത്തങ്ങളെപ്പറ്റി.
പെരിങ്ങോടന്‍ കുറെക്കാലമായി പറയുന്നതാണു്. കൂടാതെ മറ്റു പലരും ആവശ്യപ്പെട്ടിട്ടുണ്ടു്.
വൃത്തം ഗണിക്കുക തുടങ്ങിയ കാര്യങ്ങള്‍ വിശദീകരിക്കുവാന്‍ ഉദ്ദേശ്യമില്ല. ചില വൃത്തങ്ങളെ പരിചയപ്പെടുത്തുക, ഗണം തിരിക്കാതെ തന്നെ, ചൊല്ലി നോക്കി അവയെ തിരിച്ചറിയാന്‍ പരിശീലിപ്പിക്കുക, ആ വൃത്തം ഉപയോഗിച്ചിട്ടുള്ള പദ്യങ്ങളെപ്പറ്റി പ്രതിപാദിക്കുക, അതിനോടു ചേരുന്ന ഭാവങ്ങളും പ്രാസങ്ങളും ഉദാഹരണസഹിതം വിശദീകരിക്കുക തുടങ്ങിയവയാണു ലക്ഷ്യങ്ങള്‍. മലയാളത്തില്‍ വിശദീകരണങ്ങളും, ഇടയ്ക്കിടെ ഓഡിയോ ഫയലുകള്‍ ഉപയോഗിച്ചുള്ള ഉദാഹരണങ്ങളും ഉണ്ടാവും. (എന്റെ ശബ്ദം ഇനിയും സഹിക്കേണ്ടി വരും എന്നര്‍ത്ഥം :-()
എഴുതാനുള്ള ലേഖനങ്ങളും ഓഡിയോ ഫയലുകളും ഇതിനു വേണ്ടതുകൊണ്ടു് വളരെ കുറഞ്ഞ ആവൃത്തിയിലേ ഇവ ഉണ്ടാവൂ. (രണ്ടാഴ്ചയില്‍ ഒന്നോ മറ്റോ). Starting trouble മാറിക്കിട്ടാനാണു് ഈ പോസ്റ്റ്.
തുടക്കത്തില്‍ സംസ്കൃതവൃത്തങ്ങള്‍ മാത്രമാണു് ഉള്‍ക്കൊള്ളിക്കുന്നതു്. ഭാഷാവൃത്തങ്ങള്‍ കുറച്ചുകൂടി വലിയ വിഷയമാണു്. കൂടുതല്‍ വായനയും ആവശ്യമാണു്.
Umesh | 10-Jun-06 at 1:29 am | Permalink
പുതിയ ബ്ലോഗ് വിഭാഗം – ഛന്ദശ്ശാസ്ത്രം.
സന്തോഷ് | 10-Jun-06 at 3:40 am | Permalink
നല്ല നീക്കം!
Meters-ന്‍റെയും Audio-യുടെയും ആദ്യാക്ഷരങ്ങള്‍ വലുതാക്കൂ:)
ബെന്നി | 17-Jun-06 at 7:39 am | Permalink
ഉമേഷേ, എനിക്കും കൂടി താല്‍പ്പര്യമുള്ള വിഷയമാണ് ചന്ദശ്ശാസ്ത്രം. അപ്പന്‍ ചെറിയൊരു കവിയും കലാകാരനും ആയതിനാല്‍ ചില വൃത്തങ്ങളൊക്കെ ഞാന്‍ ബൈഹാര്‍ട്ടാക്കിയിട്ടുണ്ട്. പഠനം കഴിഞ്ഞതില്‍ പിന്നെ ചന്ദശാസ്ത്രവുമായി ഒന്ന് ഏറ്റുമുട്ടാന്‍ ശ്രമിച്ചതാണ്. വേണ്ടത്ര വിജയിച്ചില്ല. ഉമേഷിന്റെ ഈ ഉദ്യമം കണ്ടപ്പോള്‍ ഒരു മോഹം, വൃത്തങ്ങളൊക്കെ ശരിക്കൊന്നു പഠിച്ചാല്‍ കൊള്ളാമെന്ന്.
ഈ സെക്ഷനിലെ പോസ്റ്റുകള്‍ക്കായി കാത്തിരിക്കുന്നു. നന്ദി.
സതീഷ് | 17-Jun-06 at 8:53 am | Permalink
ഈ വക കാര്യങ്ങളില്‍ നല്ല interest ഉണ്ട്. പക്ഷെ മനസ്സിരുത്തി പഠിക്കാനുള്ള ക്ഷമയും (സമയമില്ലാന്ന് പറഞ്ഞാല്‍ ദൈവം പൊറുക്കില്ല!)ഇല്ലാത്തതു കാരണം ആ വക interest ഒക്കെ ഷെഡില്‍ കേറ്റിയിട്ടിരിക്കുകയായിരുന്നു!
ഉമേഷ്ജി..ഞാനും ഉണ്ട് കൂടെ.