കൊള്ളാം. ദ്രാവിഡവൃത്തങ്ങള്‍ക്കു കുഴപ്പമൊന്നുമില്ല. ശ്ലോകങ്ങള്‍ക്കു പരിഭാഷകളായി എന്റെ പോസ്റ്റുകളില്‍ ശ്ലോകങ്ങള്‍ മാത്രമേ ഞാന്‍ കൊടുക്കാറുള്ളൂ എന്നു മാത്രം.

മഞ്ജരി വൃത്തമാണു് ഉദ്ദേശിച്ചതെന്നു തോന്നുന്നു. മഞ്ജരിയുടെ ഓരോ മൂന്നക്ഷരഗണത്തിലും കുറഞ്ഞതു് അഞ്ചു മാത്രയെങ്കിലും വേണം - പാടി നീട്ടിയാണെങ്കിലും. അതുകൊണ്ടു്, “ധനങ്ങളിലുത്തമ” അഭംഗിയാണു്. “ഭാരമില്ല തെല്ലും” എന്നിടത്തും ഒരു കല്ലുകടി.

ബാബുവിന്റെ പുതിയ കവിത വായിച്ചിരുന്നു. ഒന്നുകൂടി വായിക്കാന്‍ സമയം കിട്ടിയില്ല. ആദ്യവായനയില്‍ കുറെക്കൂടി മനസ്സിലാകാനുള്ളതുപോലെ തോന്നി. വലുതായി ഇഷ്ടപ്പെട്ടുമില്ല. ഒന്നുകൂടി വായിച്ചിട്ടു് അഭിപ്രായം പറയാം.

ബിന്ദൂ,
വാസ്തവം.
ബിന്ദു പറഞ്ഞ ശ്ലോകം ഇവിടെ.

കള്ളനോ രാജാവോ മോഷ്ടിക്കുകയില്ല
ഭാഗിച്ചു നല്‍കേണ്ട സോദരര്‍ക്കും.
ഭാരമില്ല തെല്ലും, നല്‍കുമ്പോള്‍ വര്‍ദ്ധിക്കും,
ധനങ്ങളിലുത്തമം വിദ്യാധനം.

ന്നാ ദേ എന്റെ ഒരു പാരഡി…രാജേഷേട്ടനൊക്കെ കൈ വെച്ചതാണെങ്കിലും…..

പകുത്തിടുന്നു ഞങ്ങള്‍ കോളെജുകള്‍ സര്‍വ്വതും
എടുത്തിടുന്നു ഞങ്ങള്‍ ഡോണെഷന്‍ വഴിയെല്ലാം
കൊടുക്കുന്ന കരങ്ങള്‍ക്ക് കടിക്കുവാന്‍,
വിദ്യ തന്‍ പാഷാണം വിറ്റഴിക്കുന്നു ഞങ്ങള്‍!

ഈ സുഭാഷിതം ബ്ലോഗ് തുടങ്ങിയതിന്റെ ഏറ്റവും വലിയ സന്തോഷം രാജേഷിനെക്കൊണ്ടു വീണ്ടും ശ്ലോകമെഴുതിക്കാന്‍ സാധിച്ചു എന്നതാണു്.