Comments on: പാമ്പിനു പാല്‍ കൊടുത്താല്‍…

by: Umesh::ഉമേഷ്

Thu, 08 Mar 2007 02:55:06 +0000

ആവനാഴീ, പദ്യങ്ങള്‍ക്കു നന്ദി. “സുഭാഷിത”ത്തിലെ മറ്റു പദ്യങ്ങള്‍ക്കും പരിഭാഷ എഴുതും എന്നു പ്രതീക്ഷിക്കുന്നു. സമസ്യകള്‍ക്കു പൂരണങ്ങളും. ചിത്രകാരാ/കൈപ്പള്ളീ, ഈ പ്രശ്നത്തിനു വേണ്ടി എഴുതിയ പോസ്റ്റല്ല ഇതു്. കഴിഞ്ഞ ഓഗസ്റ്റില്‍ എഴുതിയതാണിതു്. അപ്പോള്‍ ഇതു് ഓര്‍മ്മവന്നു എന്നു മാത്രം. ചിത്രകാരനെ പാമ്പുമായി ഉപമിച്ചിട്ടുമില്ല. കൈപ്പള്ളിയുടെ പ്രവൃത്തിയെ പാമ്പിനു പാല്‍ കൊടുക്കുന്നതിനോടു മാത്രമാണു ഞാന്‍ ഉപമിച്ചതു്. ചിത്രകാരനെ ഉപമിക്കാന്‍ പറ്റിയ ഉപമാനം പാമ്പല്ല. അതു് ഈ ശ്ലോകത്തില്‍ ഉണ്ടു്. [വായിക്കാതെ കിടക്കുന്ന പോസ്റ്റുകള്‍ വായിപ്പിക്കാന്‍ ആളുകള്‍ എന്തൊക്കെ കളികള്‍ കളിക്കുന്നു പടച്ചോനേ!]

by: കൈപ്പള്ളി

Sun, 11 Feb 2007 05:05:24 +0000

നന്ദി ഉമേഷ്.

ശ്ലോകം വളരെ ഇഷ്ടപെട്ടു.

പരിണാമം എന്ന വന്‍ വൃക്ഷത്തിന്റെ കീഴ് കൊമ്പില്‍ ഇരിക്കുന്ന പാമ്പിനേയും നാം സംരക്ഷക്കണ്ടേ?

by: ആവനാഴി

Sat, 03 Feb 2007 09:32:52 +0000

കാക:കൃഷ്ണ: പിക:കൃഷ്ണ:
കോഭേദം പികകാകയോ:?
വസന്തകാലേസംപ്രാപ്തേ
കാക: കാക: പിക:പിക:!

ഇതിന്റെ ഒരു പ്രതിഭാഷ ഇതാ:

കാക്കയും കുയിലും തമ്മില്‍
എന്താണന്തരമോര്‍ക്കുകില്‍?
വസന്തകാലം വന്നീടില്‍
കാക്ക കാക്ക കുയില്‍ കുയില്‍!

by: ആവനാഴി

Sat, 03 Feb 2007 08:55:36 +0000

ഇനി പ്രമോദിന്റെ ( നമ്പര്‍ 15)പരിഭാഷക്കൊരു പരിഷ്കാരം:

നീചര്‍ക്കു നന്‍മചെയ്തീടില്‍
കിട്ടും ദോഷഫലം ശൃണു
പാമ്പിന്നേകുന്ന പാല്‍ത്തുള്ളി
വിഷവര്‍ദ്ധകമല്ലയോ?

by: ആവനാഴി

Sat, 03 Feb 2007 08:16:25 +0000

(മുകളീല്‍ നമ്പര്‍ 8 ല്‍ പോസ്റ്റു ചെയ്തിരിക്കുന്ന)
“വൃശ്ചികസ്യ വിഷം പുഛം…….” എന്ന ശ്ലോകത്തിനൊരു ഭാഷാന്തരീകരണം:

വിഷം തേളിന്നു വാലിന്‍മേല്‍
തേനീച്ചക്കതു മോന്തയില്‍
പാമ്പിനോ പല്ലിലാണത്രേ
മേലാകേ ദുര്‍ജ്ജനത്തിനു!

by: ആവനാഴി

Sat, 03 Feb 2007 07:29:00 +0000

ബാബുവിന്റെ ശ്ലോകത്തെ (നമ്പര്‍ 10) ഇങ്ങിനെയൊന്നു മാറ്റിയെഴുതിയാലോ?

ദോഷമായിബ്ഭവിച്ചീടും
നീചന്നേകുന്ന നന്‍മകള്‍
ദുഗ്ദ്ധധാരവിഷം കൂട്ടാ
നുതകും കാളിയന്നഹോ!

by: ആവനാഴി

Sat, 03 Feb 2007 07:05:35 +0000

കൂമന്റെ പോസ്റ്റിനൊരു പാഠഭേദം:

നീചന്നുചെയ്തോരുപകാരമെല്ലാം
പ്രത്യാഗമിക്കും പുന: ദോഷമായി
പാല്‍ വീഴ്ത്തു ചേരക്കുടനേയവന്‍
നിന്‍ നേരെകുതിക്കും കരിമൂര്‍ഖനായി

by: chithrakaran

Sat, 03 Feb 2007 06:55:25 +0000

പ്രിയ ഉമെഷ്‌,
താങ്കള്‍
ചിത്രകാരനെ വിഷ പാംബായി ഉപമിച്ചതു വായിച്ചു. സന്തൊഷം , അതില്‍ കുഴപ്പമൊന്നുമില്ല. താങ്കളുടെ ആത്മാര്‍ത്ഥതയെയും, ആത്മശുദ്ധിയെയും ചിത്രകാരന്‍ ബഹുമാനിക്കുന്നു.
എന്നാല്‍, താങ്കളുടെ ചിന്തകളും, പ്രവൃത്തിയും വളരെ ഉപരിപ്ലവമായ തലങ്ങളിലാണ്‌ എന്നു ചൂണ്ടിക്കണിക്കെണ്ടി വന്നതില്‍ ഖേദിക്കുന്നു. എന്താാാ…. വല്ല ഇലക്ഷനും നില്‍ക്കാന്‍ പരിപാടിയുണ്ടോ ?? അതും ഈ പൊട്ടക്കുളം വില്ലേജില്‍ !!
പാണ്ഡിത്യം നല്ലതുതന്നെ, പക്ഷെ അതു സര്‍വസ്വമാകുമൊ എന്ന് ചിന്തിക്കുന്നത്‌ മുന്നൊട്ടുപൊകാന്‍ മാര്‍ഗങ്ങളുണ്ടാക്കും.
സസ്നേഹം -ചിത്രകാരന്‍.

by: ആവനാഴി

Sat, 03 Feb 2007 05:22:40 +0000

ഗുണം ദുഷ്ടന്നുചെയ്തീടില്‍
ഫലത്തില്‍ ദോഷമായ്‌വരും
പാലു നാഗത്തിനേകീടില്‍
നിര്‍ണ്ണയം വിഷദംശനം.

എന്നായാലോ സൂ. ( മുകളില്‍ ശ്ലോകം 5 നോക്കുക)

by: ആവനാഴി

Sat, 03 Feb 2007 05:02:30 +0000

ഉമേഷെ,

ഉപകാരം നീചനേകില്‍
കുളമായി ഭവിക്കുമേ
പാമ്പിന്നു പാല്‍ കൊടുത്തീടില്‍
വിഷം വര്‍ദ്ധിക്കു, മത്ര താന്‍.

ഇതു ഉമേഷിന്റെ കൃതി. അതിനു ഞാന്‍ ഇതാ ഒരു പാഠഭേദം കൊടുക്കുന്നു:

ഉപകാരം നീചനേകില്‍
വരും ദുര്‍ഗ്ഗതി നിര്‍ണ്ണയം
പാമ്പിന്നു പാല്‍ കൊടുത്തീടില്‍
വിഷം വര്‍ദ്ധിക്കു, മത്ര താന്‍.