ഈ അടുത്തിടെ ഒരു പാർക്കിൽ നടന്ന കൂടിക്കാഴ്ചയ്ക്കു ശേഷം മടങ്ങിപ്പോകുമ്പോൾ എന്റെ സുഹൃത്തു് ദുലീപ് എടുത്ത ചിത്രം:
ജനിച്ചപ്പോൾ വിഘ്നേശിനെ “വിക്കി” എന്നു വിളിച്ചിരുന്നു. ഇപ്പോൾ കുറേക്കാലമായി “കിച്ചു” ആണു്.
(“പാർക്കു ക്രോപ്പു ചെയ്യണം” എന്നും മറ്റും പറഞ്ഞു വരുന്ന ഫോട്ടോപ്പുലികളുടെ നാക്കു ഞാൻ ക്രോപ്പു ചെയ്യും, പറഞ്ഞില്ലെന്നു വേണ്ടാ. ഐഫോണിന്റെ ക്യാമറയിലെടുത്ത ഒരു സാധാരണ ചിത്രം മാത്രമാണിതു്.)
ഈ ചിത്രം കണ്ടപ്പോൾ ഈ തലക്കെട്ടു നിർദ്ദേശിച്ചതു് പൂർവ്വാശ്രമത്തിൽ ഒരു ബ്ലോഗറും ഇപ്പോൾ വിക്കിപ്പീഡിയയെ ചുമക്കുന്നവരിൽ ഒരാളുമായ ശനിയൻ ആണു്.
ദുലീപിനും ശനിയനും നന്ദി.
“തലയില്ലെങ്കിലും തലക്കെട്ടു നന്നാവണം” എന്ന ബ്ലോഗറുടെ പതിനൊന്നാം കല്പന ഒരിക്കൽക്കൂടി പാലിക്കുന്നു - രാം മോഹൻ പാലിയത്തിനെ സ്മരിച്ചുകൊണ്ടു്.
ആർക്കെങ്കിലും വേറേ അടിക്കുറിപ്പു് എന്തെങ്കിലും തോന്നുന്നുണ്ടോ?
അനില് | 30-Dec-08 at 6:43 pm | Permalink
പാംപേഴ്സ് ഉണ്ടല്ലോ ല്ലേ?
maya | 30-Dec-08 at 6:47 pm | Permalink
Chakku vikkanundo chakku ? kannadiyitta chakku
mov | 31-Dec-08 at 6:05 am | Permalink
കണ്ടുകണ്ടങ്ങിരിക്കും പിഞ്ചുകുഞ്ഞുങ്ങളെ
കണ്ട മാറാപ്പിന് തോളിലേറ്റുന്നതും ഭവാന്
suraj | 31-Dec-08 at 2:23 pm | Permalink
തലക്കെട്ട് കണ്ട് നമ്മട പട്ടമരപ്പ് പ്രശ്നത്തിലെ ടേക്കായിരിക്കുമെന്ന് വച്ച് ഓടിവന്നതാണ്. പോട്ടം കണ്ടപ്പഴേ സംഗതി പുടികിട്ടിയൊള്ളൂ. ചിരിച്ച് ചിരിച്ച് കമന്റാന് വന്നപ്പം ദേ ഒതളങ്ങ വര്മ്മ മൂട്ടില് അതിലും വലിയ വെടിക്കെട്ടിന് തിരീം കൊളുത്തിയിരിക്കണ് !
ജയരാജൻ | 01-Jan-09 at 8:56 pm | Permalink
വിക്കിയോളം വരുമോ, വിക്കിയുടെ കണ്ണട
അങ്കിള് | 03-Jan-09 at 5:09 am | Permalink
എന്നെ ബൂലോക ക്ലബ്ബില് അംഗമാക്കിയ ശനിയനെപറ്റി പിന്നെ ഇന്നാണ് കേള്ക്കുന്നത്. ക്ലബ് എല്ലാം പോയെങ്കിലും ശനിയന് ഇപ്പോഴും അക്ടീവാണന്നറിയിച്ചതിനു നന്ദി. ഈ കമന്റ് ഓഫായി പോയി. ഒരു അരമണിക്കൂര് ഇവിടെ കിടന്നോട്ടെ. അതു കഴിഞ്ഞ് മാറ്റിക്കോളു. ശനിയന് ഇതൊന്നു കണ്ടോട്ടെ.
ഉമേഷ്:Umesh | 04-Jan-09 at 3:40 pm | Permalink
അങ്കിള്,
ശനിയന് ഇപ്പോള് ബ്ലോഗില് ആക്ടീവല്ല. കുടുംബജീവിതവും തിരക്കുള്ള ജോലിയും കഴിഞ്ഞു വീണുകിട്ടുന്ന കുറച്ചു സമയം അദ്ദേഹം വിക്കിപീഡിയയ്ക്കു വേണ്ടിയാണു് ചെലവഴിക്കുന്നതു്. വിക്കിപീഡിയയ്ക്കു വേണ്ടി എന്തെങ്കിലും ചെയ്യുന്നവര്ക്കു് അദ്ദേഹത്തിന്റെ ആക്റ്റിവിറ്റികളെപ്പറ്റി അറിയാം.
എന്റെ ബ്ലോഗും അദ്ദേഹം വായിക്കുന്നുണ്ടെന്നു തോന്നുന്നില്ല. ഒരു കൊല്ലം മുമ്പു് ശനിയനെ പരാമര്ശിച്ചിരുന്ന ഒരു പോസ്റ്റിന്റെ ലിങ്ക് ഞാന് അയച്ചുകൊടുത്തിരുന്നു. അതില് അദ്ദേഹം ഇട്ട ഈ കമന്റാണു് എന്റെ അറിവില് അദ്ദേഹം വായിച്ച അവസാനത്തെ ഗുരുകുലപോസ്റ്റ്. ഈ പോസ്റ്റിന്റെ ലിങ്കും ഞാന് അയച്ചുകൊടുത്തിട്ടുണ്ടു്.
അദ്ദേഹം ഇപ്പോഴും എന്റെ സുഹൃത്താണു്. ഈ ഫോട്ടോ കിട്ടിയപ്പോള് ചില സുഹൃത്തുക്കള്ക്കു ഞാന് അയച്ചുകൊടുത്തിരുന്നു. അവരില് ഒരാളാണു ശനിയന്.
ബ്ലോഗേഴ്സിന്റെ ആക്റ്റിവിറ്റികളെപ്പറ്റി ഊഹാപോഹങ്ങള് നടത്തുന്നതു് എന്നും അങ്കിളിനു ഹരമാണല്ലോ. അങ്കിളിന്റെ ഫണ്ടമെന്റല് ഡൗട്ടുകള് തീര്ത്തു തരുന്നതു് എനിക്കും ഹരം തന്നെ. ബ്ലോഗെഴുതാന് എവിടെയൊക്കെ വെച്ചാണു സമയം ചെലവാക്കുന്നതു് എന്നു് ഈ പോസ്റ്റു കൊണ്ടു വ്യക്തമായിക്കാണുമല്ലോ, അല്ലേ?
ധനേഷ് | 05-Jan-09 at 3:20 pm | Permalink
“sometimes coder.. sometimes coddler”
കമന്റ് തോന്നിയത് ആംഗലേയത്തിലായിപ്പോയി,
കമന്റാന് തോന്നിയത് ആറിത്തണുത്തിട്ടും…
അപ്പൊ ശരി, ഇനി പഞ്ചാംഗം ഒന്നു മറിച്ചു നോക്കാം ..