ഉമേഷിന്റെ മറുപടി:
അല്ലാ, ഇരുപത്തിമൂന്നുകാരൻ പയ്യനെന്തിനാ എപ്പോഴും കല്യാണം കല്യാണം എന്നു പറഞ്ഞു നടക്കുന്നതു്?

2009 ജനുവരി 7 8:22 AM മുതൽ ജനുവരി 8 6:14 AM വരെയാണു് കാർത്തികനക്ഷത്രം. ഈ രണ്ടു ദിവസവും സൂര്യൻ എകദേശം 6:48-നു് ഉദിക്കുന്നതു കൊണ്ടു് കാർത്തിക ഉദയത്തിനില്ല. മറ്റൊരു വിധത്തിൽ പറഞ്ഞാൽ, ഉദിച്ചു കഴിഞ്ഞു തുടങ്ങി അടുത്ത ഉദയത്തിനു മുമ്പു തീരുന്നു. പിറന്നാളിനു് അതിരാവിലെ എഴുനേറ്റു് അമ്പലത്തിൽ പോകുകയോ മറ്റോ ചെയ്യുന്നവർ അതു പിറന്നാളിനു തന്നെ ആയ്ക്കോട്ടേ എന്നു കരുതിയാണു് പിറന്നാൾ സൂര്യോദയം അനുസരിച്ചു കണക്കാക്കുന്നതു്. ബാബു ജനുവരി 7-നു തന്നെ പിറന്നാൾ ഉണ്ടോളൂ. അല്പം വൈകി എഴുനേറ്റു് അമ്പലത്തിൽ പോയാൽ മതി.

ഇതിനോടു സാദൃശ്യമുള്ള ഒരു ചോദ്യം ഒരു കൊല്ലം മുമ്പു് ജ്യോതിർമയി ചോദിച്ചിരുന്നു. ആ കമന്റും അതിനു ശേഷമുള്ള രണ്ടു കമന്റുകളും വായിക്കുക.