(ഉമേശന്‍ മാഷ്‌ടെ) ആശയചോരണത്തെപ്പറ്റി വായിച്ചപ്പോള്‍ എനിക്കും ശകലം നൊസ്റ്റാള്‍‌ജിയ വന്നു - പണ്ട് ഇ-മെയില്‍ യൂയൂസീപ്പി വഴി വന്നിരുന്നകാലത്ത് ആദ്യമായി വായിച്ചത്: http://www.canonical.org/~kragen/tao-of-programming.html#book3 (കൃത്യമായി, 3.2)

“നമുക്കീ നൊസ്റ്റാല്‍‌ജിയ മരിക്കും‌വരെയുണ്ടാം” - ഓയെന്‍‌വി

പത്തിരുപത്തഞ്ചു കൊല്ലം മുമ്പു വായിച്ച ഒരു ഇംഗ്ലീഷ് ജോക്ക് ബുക്കിലാണു് ഈ വാക്യം കണ്ടതു്. Nostalgia is not as good as it used to be.

അന്നു നൊസ്റ്റാൽജിയയുടെ അർത്ഥം അറിയാത്തതുകൊണ്ടു് ഫലിതം മനസ്സിലായില്ല. പിന്നെയും കുറേക്കാലത്തിനു ശേഷം (കൃത്യമായിപ്പറഞ്ഞാൽ 1992-ൽ) ബോംബെയിൽ സഹമുറിയനായിരുന്ന ജോർജ്ജ് ജോയിയാണു് (സുരേഷ്, നോട്ട് ദ പോയിന്റ്!) ആ വാക്കു പറഞ്ഞുതന്നതു്. അപ്പോൾ ആ ഫലിതം ഓർമ്മ വന്നില്ല. പിന്നീടു് എപ്പോഴോ ഇതു രണ്ടും ഒരേ സമയത്തു് ഓർമ്മ വന്നപ്പോഴാണു് എനിക്കു് ആ ഫലിതം പിടികിട്ടിയതു്.

സന്ദീപേ, ഉത്തരം കിട്ടിയല്ലോ?

(ഇതൊരു പോസ്റ്റാക്കാൻ ഇരുന്നതായിരുന്നു. എന്തു ചെയ്യാൻ, ഈ എട്ടുകാലി മമ്മൂഞ്ഞുമാരെല്ലാവരും കൂടി എന്നെ കേരൾസ് ഡോട്ട് കോം ആക്കിയാലോ? )

ള് + യ് + അ എന്ന അക്ഷരത്തിനെ സൂചിപ്പിക്കാൻ

1. നിങ്ങൾ നിങ്ങളുടെ എഴുത്തുസോഫ്റ്റ്വെയറിനു് ആവശ്യമായ കീകൾ അമർത്തണം. മൊഴിയിൽ അതു് Lya എന്നു്. ഇൻസ്ക്രിപ്റ്റിൽ Nd/ എന്നും.
2. ശരിയായ കീകൾ അമർത്തുമ്പോൾ നിങ്ങൾ ഉപയോഗിക്കുന്ന എഴുത്തുസോഫ്റ്റ്‌വെയർ ള (0D33), വിരാമം (0D4D), യ (0D2F) എന്നു മൂന്നു കോഡ്പോയിന്റുകൾ ഉണ്ടാക്കണം. അതുണ്ടാക്കിയില്ലെങ്കിൽ സോഫ്റ്റ്വെയറിന്റെ പ്രശ്നം.
3. ഇതിനെ എങ്ങനെ കാണിക്കണം എന്നു് നിങ്ങളുടെ കമ്പ്യൂട്ടറിലുള്ള ലേ ഔട്ട് എഞ്ചിൻ തീരുമാനിക്കും. ള ചന്ദ്രക്കല യ എന്നാണോ ളയുടെ കീഴിൽ യയുടെ ചിഹ്നം വേണോ എന്നൊക്കെ അതാണു തീരുമാനിക്കുന്നതു്.
4. ലേ ഔട്ട് എഞ്ചിൻ ഉപദേശിക്കുന്ന രീതിയിൽ നിരത്താനുള്ള ചിഹ്നങ്ങൾ ഫോണ്ടിലുണ്ടാവണം. അതില്ലെങ്കിലോ തെറ്റായാണു് ഉള്ളതെങ്കിലോ അതു ഫോണ്ടിന്റെ പ്രശ്നം.

ജാള്യത്തിന്റെ കാര്യത്തിൽ മൂന്നാമത്തേതാണു പറ്റിയതു്. മൈക്രോസോഫ്റ്റിന്റെ യൂണിസ്ക്രൈബ് ലേ ഔട്ട് എഞ്ചിൻ എക്സ് പി വരെ ഇങ്ങനെയാണു ചെയ്യുന്നതു്. വിസ്റ്റയിൽ ശരിയാക്കി എന്നു പറയുന്നു. എനിക്കുറപ്പില്ല.

ള്യ മാത്രമല്ല, മല്ലു എന്നെഴുതിയിട്ടു് ഒരു ചന്ദ്രക്കല ഇട്ടുനോക്കൂ. മല്ലു് എന്നു കാണാം. ഇതു ശരിയായി അല്ല എങ്കിൽ ഇതു തന്നെ പ്രശ്നം.

കൂടുതൽ വിവരങ്ങൾക്കു് ഇതു വായിക്കുക.