Comments on: മയക്കം (ЛЕТАРГИЯ) [വാലന്റൈൻ ദിനം കഴിഞ്ഞുള്ളതു്]

by: Pramod.K.M

Mon, 02 Mar 2009 05:32:39 +0000

മധുരാജ,മനസ്സിനുള്ളിലെ
മധുപം മൂളിന ഗാനഖണ്ഡമീ
വിധമിങ്ങെഴുതുന്നു,നേരമി-
ല്ലധികം ചില്ലിനെനോക്കിനില്‍ക്കുവാന്‍:)

by: P.C.Madhuraj

Mon, 02 Mar 2009 04:42:24 +0000

ഗംഭീരമാവുന്നുണ്ട് “ശ്ലോകമണ്ഡലം”.
പ്രമോദ്, ജ്യോതി,ഉമേഷ് എന്നിവരെയും ഇനി ശ്ലോകമെഴുതാന്‍ തയ്യാറെടുക്കുന്നവരെയും കവനകൌതുകം( ഇക്കഴിഞ്ഞ ഫിബ്രവരി ലക്കം) പത്രാധിപരുടെ ഒരാഹ്വാനം ഓര്‍മ്മിപ്പിക്കാന്‍ ഈ അവസരം ഉപയോഗിക്കട്ടെ.
ശ്ലോകം, ചൊല്ലുന്നവര്‍ക്കുള്ളതാണല്ലോ.ഈ കണ്‍സ്യൂമറെ മറക്കരുതേ എന്നതാണു പത്രാധിപരുടെ, കവികളോടുള്ള അപേക്ഷ.ലഘുവിനെ പിന്‍ വരുന്ന ചില്ലില്‍ഊന്നി ഗുരുവാക്കേണ്ടിവരുന്നത് ചൊല്ലുന്നവര്‍ക്കു പ്രയാസമുണ്ടാക്കുന്നു. ആധ്മാനം എന്ന ഈ ദോഷമൊഴിവാക്കാന്‍ കവികള്‍ ശ്രമിക്കണേ എന്നാണു ക.കൌ. പത്രാധിപര്‍ പ്രാര്‍ഥിക്കുന്നത്.
(ഉമേഷ്, രക്ഷക്കു പിടിക്കുന്ന ഈ കുട ഇനി ഒഴിവാക്കരുതോ?(സെക്യൂരിറ്റി കൊഡെ)

by: Pramod.K.M

Sat, 21 Feb 2009 03:48:48 +0000

തുലോംകുറഞ്ഞ സൈസിലുള്ള ഫോണ്ടു തന്നെയാണഹോ
വിലക്കമായിനിന്നതെന്റെ വാക്കുകള്‍ ഗ്രഹിക്കുവാന്‍
കുലം കലം തിരിഞ്ഞതിന്റെ കാരണം മനസ്സിലായ്
കുലത്തിലേ ഗുരുക്കളേ പിണക്കമില്ലയേതുമേ…:)

by: Umesh:ഉമേഷ്

Fri, 20 Feb 2009 15:42:17 +0000

രണ്ടു തെറ്റും സമ്മതിച്ചു. നൂറു് ഏത്തം ദാ…

(രഥോദ്ധത, വിയോഗിനി, സ്രഗ്ദ്ധര… ഇനി പുഷ്പിതാഗ്രകൾ മന്ദാരങ്ങൾ ആർക്കെങ്കിലും വേണോ? )

ലിപി പഴയതു, ഫോണ്ടു കുഞ്ഞുമായാൽ
കുലകലഭേദമകന്നു പോകുമല്ലോ…
തല പഴയതു, ബുദ്ധി വക്രമായാൽ
തെറി പറയും നലമായ വാ‍ക്കിനും ഹാ!

by: Pramod.K.M

Fri, 20 Feb 2009 09:37:03 +0000

[കലവും കുലവും മറിഞ്ഞഹോ
കലയില്‍ പുംഗവനാമുമേശനും!
നിലയില്ല ചുരുക്കമൊന്നിനും
ഉലകില്‍,കൂടുതലെന്തു ചൊല്ലുവാന്‍!!]
—————————-
നോക്കേണം വാക്കു നന്നായ്,വരികള്‍ മുഴുവനും വായ്ക്കണം സൂക്ഷ്മമായി
വക്കാണത്തിന്നു പല്ലും പുനരിഹ നഖവും കൊണ്ടു പോരുന്ന നേരം.
ഇക്കാണും പോസ്റ്റുകള്‍തന്‍ തിരകളലയടിക്കുന്നതാം ബ്ലോഗ്ഗുനാമം
ഓര്‍ക്കൂ;ഞാന്‍ ചൊന്നതാഹാ!ഗുരു‘കുലമിതു തന്‍ നാഥ’നെ,ന്നെന്തു ഹിന്ദി?
————–
(ഹിഹി,ജ്യോതി ചേച്ചി സപ്പോര്‍ട്ട് ചെയ്ത സ്ഥിതിക്ക് ഇതെങ്കിലും വേണ്ടേ:))

by: ജ്യോതിര്‍മയി

Fri, 20 Feb 2009 08:06:10 +0000

ഒരു കമന്റും അതിനുള്ള മറുപടിയും കണ്ടപ്പോള്‍ തോന്നിയത്- (പാവം പ്രമോദ് )

ചെമ്പടക്കൊടിപറന്നനാടിനെ
ക്കുമ്പിടും പടി നിനച്ചുകൊണ്ടഹോ
ഇമ്പമാര്‍ന്നകവിതയ്ക്കുനന്ദിയും
തമ്പിചൊന്നതുരസിച്ചതില്ലയോ?

കുലയും കലയും കലത്തിലായ്
പലനാളിട്ടു കരിച്ചകുറ്റമായ്
നലവാക്കുരചെയ്തവന്നെ യ-
ങ്ങലിവറ്റുള്ളൊരു ശത്രുവാക്കയോ?
…………………………………

by: ജ്യോതിര്‍മയി

Wed, 18 Feb 2009 14:36:28 +0000

‘കുഞ്ഞുനാള്‍’ എന്നൊരു നാളുണ്ടോ?

റഷ്യന്‍ ഭാഷയില്‍ കര്‍ത്താവ്-കര്‍മ്മം-ക്രിയ എന്നാണോ വാക്യക്രമം? അതോ കര്‍ത്താവ്-ക്രിയ കര്‍മ്മം ആണോ?

ഉമേഷിന്റെ മറുപടി:
കുഞ്ഞുനാൾ, കുഞ്ഞുന്നാൾ എന്നൊക്കെ ഞാൻ ധാരാളം കേട്ടിട്ടുണ്ടു്. കുട്ടിക്കാലം എന്നർത്ഥം.

റഷ്യൻ അടിസ്ഥാനപരമായി ഇംഗ്ലീഷ് പോലെ കർത്താവ്-ക്രിയ-കർമ്മം ആണെങ്കിലും സംസ്കൃതം പോലെ ഏതു ക്രമത്തിലും ഉപയോഗിക്കാം. ക്രിയ കർത്താവനുസരിച്ചും വിശേഷണം വിശേഷ്യമനുസരിച്ചും മാറുന്നതിനാൽ ഏതു ക്രമത്തിൽ എഴുതിയാലും അർത്ഥം വ്യക്തമാകും. അതു് അതിന്റെ കവിതകളെ വളരെ ചെറുതും മനോഹരവുമാക്കുന്നു. സംസ്കൃതത്തോടുള്ള ഈ സാദൃശ്യമാണു് ഞാൻ ആദ്യം ശ്രദ്ധിച്ചതു്.

ബാക്കി തണുപ്പൻ പറയും. തണുപ്പോ, പൂയ്… ഇവനെവിടെപ്പോയി? കോന്നിലം പാടത്തെ പ്രേതത്തെ കണ്ടു പനി പിടിച്ചു കിടക്കുകയാണോ?

by: ആന്റി വാലന്റൈന്‍

Tue, 17 Feb 2009 16:09:34 +0000

ഓഫ് ടോ:
ബഹുവ്രീഹി അയല്‍ക്കാരന്ന് ഒരു പറ നെല്ലെങ്കിലും കൊടുക്കാത്തതെന്ത്?

ഓണ്‍ ടോ:

കവിത നന്നായി, ചൊല്ലാനും കൊള്ളാം-
നന്ദിയെത്ര പറയും ഞാന്‍!
(അക്ഷരത്തെറ്റു മായ്ക്കേണം പെട്ടെ-
ന്നാറാമത്തെവരിയതില്‍)

ഉണ്ടെനിയ്ക്കൊന്നങ്ങാരായാനിപ്പോ-
ഴുള്ളിലുണര്‍ന്നചോദ്യമാം.
നീണ്ടപത്തുപതിനഞ്ചുകൊല്ലം
നല്ലമയക്കമാകിലും
ആരും കാണാതെ, മച്ചകക്കോണില്‍
ഉണ്ടൊരിഷ്ടമുറങ്ങുന്നു…
എന്തുചെയ്യുമുണര്‍ത്തണോ വേഗം
പെട്ടിയ്ക്കുള്ളിലടക്കണോ?
ഉത്തരമുണ്ടോ സജ്ജനങ്ങളേ ‍
ചോദ്യം ചോദിപ്പാ‍രാധിക!

-വാലന്റൈനാന്റി

ഉമേഷിന്റെ മറുപടി:
പത്തു കൊല്ലത്തിലേറെയായെങ്കിൽ
ചത്തുകാണുമതെപ്പൊഴേ…
ചീഞ്ഞളിഞ്ഞു ദുർഗന്ധം വാർന്നുവോ
മാഞ്ഞു മണ്ണിലടിഞ്ഞുവോ?
ചത്തു പോവതിൻ മുമ്പുണർത്തുവാ-
നൊത്തുവെങ്കിലുണർത്തുക
അല്ലയോ, ചീഞ്ഞു പോകട്ടേ, വളം
നല്ല പോൽ ചെടിയ്ക്കേകട്ടേ…

(അക്ഷരത്തെറ്റു മാറ്റി പദ്യത്തിൽ;
പക്ഷേ, തെറ്റാണു ജീവിതം;
നന്ദി, ഇത്തരമക്ഷരത്തെറ്റു
നന്നായ് വായിച്ചു കാട്ടണേ…)

by: Pramod. K. M

Mon, 16 Feb 2009 09:29:47 +0000

ദിഷ്ടം കഴിഞ്ഞു ധര നൂതനമായിടട്ടെ
നഷ്ടപ്പെടട്ടെ തിലകങ്ങള്‍ വസന്തമൊക്കെ
സ്പഷ്ടം മയക്കമിതു നല്ലൊരു പദ്യമാഹാ!
ഇഷ്ടപ്പെടുന്നു കുലനാഥനു മംഗളങ്ങള്‍..:)

ഉമേഷിന്റെ മറുപടി:
ചൊല്ലാർന്ന റഷ്യകവിതാപരിഭാഷ ചെയ്യാൻ
വല്ലാത്ത വേല, യതു വല്ല വിധം കഴിച്ചാൽ
കൊല്ലാൻ വരുന്നൊരു പ്രമോദ, നിനക്കു ചുട്ട
തല്ലാണു നല്ല വഴിയെന്നതു തീർച്ചയല്ലേ?

(കലനാഥൻ എന്നു വെച്ചാൽ കലത്തിന്റെ നാഥൻ എന്നാണോ? ഹിന്ദിയാണോ ഭാഷ, അതോ മലയാളമോ? )

by: ബഹുവ്രീഹി

Mon, 16 Feb 2009 04:16:00 +0000

Thanks ayalkaran,