കാലം: പതിനാലാം നൂറ്റാണ്ടു്.
സ്ഥലം: യൂറോപ്പിലെ ഒരു സ്കൂൾ.
പശ്ചാത്തലം: അരിസ്റ്റോട്ടിലിനു ശേഷം ലോകത്തിലെ ശാസ്ത്രജ്ഞാനമൊക്കെ നിന്നു പോയി എന്നു യൂറോപ്യന്മാർ വിശ്വസിക്കുന്നു. അതിനിടയിൽ ഇന്ത്യയിൽ ചൈനയിലും അറേബ്യയിലുമൊന്നും ശാസ്ത്രം വളരെ മുന്നോട്ടു പോയതൊന്നും ഇവന്മാർ അറിഞ്ഞിട്ടില്ല. കുറേക്കാലം കഴിഞ്ഞിട്ടേ അറബികൾ അവിടുന്നും ഇവിടുന്നുമൊക്കെ അടിച്ചു മാറ്റിയ അറിവുകളൊക്കെ തടുത്തു കൂട്ടി ഇവർ പുതിയ തിയറികളൊക്കെ ഉണ്ടാക്കി പിന്നീടുള്ള ചരിത്രകാരന്മാരെക്കൊണ്ടു് റോമിലെയും ഗ്രീസിലെയും ശാസ്ത്രം അസ്തമിച്ചതിൽ‌പ്പിന്നെ ലോകം അന്ധകാരത്തിലായിരുന്നെന്നും പിന്നെ പത്തുപതിന്നാലു നൂറ്റാണ്ടു കഴിഞ്ഞിട്ടു യൂറോപ്പിലാണു് അതു് ഉയിർത്തെഴുനേറ്റതെന്നും എഴുതിക്കാൻ പരിപാടിയിടുന്നുള്ളൂ.
അദ്ധ്യാപകൻ: ആണുങ്ങൾക്കു് പെണ്ണുങ്ങളെക്കാൾ കൂടുതൽ പല്ലുകളുണ്ടു്. പറയൂ.
കുട്ടികൾ (ഒരുമിച്ചു്) : ആണുങ്ങൾക്കു് പെണ്ണുങ്ങളെക്കാൾ കൂടുതൽ പല്ലുകളുണ്ടു്.
അദ്ധ്യാപകൻ: ആരാണു് ഇതു പറഞ്ഞതു്?
കുട്ടികൾ: മഹാനായ അരിസ്റ്റോട്ടിൽ.
അദ്ധ്യാപകൻ: ഭാരം കൂടിയ ഒരു വസ്തുവും ഭാരം കുറഞ്ഞ ഒരു വസ്തുവും കൂടി ഒരേ ഉയരത്തിൽ നിന്നു താഴേയ്ക്കിട്ടാൽ ഏതു് ആദ്യം തറയിലെത്തും?
കുട്ടികൾ: ഭാരം കൂടിയ വസ്തു.
അദ്ധ്യാപകൻ: ആരാണു് ഇതു പറഞ്ഞതു്?
കുട്ടികൾ: മഹാനായ അരിസ്റ്റോട്ടിൽ.
കുട്ടികളുടെ പല തലമുറകൾ ഇവ ഉരുവിട്ടു പഠിച്ചു. കേട്ട കുട്ടികളാരും വീട്ടിൽ ചെന്നു് അച്ഛന്റെയും അമ്മയുടെയും പല്ലുകളെണ്ണി നോക്കിയില്ല. ഒരു ഇരുമ്പുകഷണവും തടിക്കഷണവും കൂടി പുരപ്പുറത്തു നിന്നു താഴേയ്ക്കിട്ടു നോക്കിയില്ല. ഒന്നു രണ്ടു ശാസ്ത്രകുതുകികൾ ഒഴികെ. അവസാനം ഗലീലിയോ പിസാ ഗോപുരത്തിനു മുകളിൽ കയറിയപ്പോഴാണു് ലോകത്തിനു രണ്ടാമത്തെ കാര്യം ബോദ്ധ്യമായതു്.
“A biography by Galileo’s pupil Vincenzo Viviani stated that Galileo had dropped balls of the same material, but different masses, from the Leaning Tower of Pisa to demonstrate that their time of descent was independent of their mass.[85] This was contrary to what Aristotle had taught: that heavy objects fall faster than lighter ones, in direct proportion to weight.[86] While this story has been retold in popular accounts, there is no account by Galileo himself of such an experiment, and it is generally accepted by historians that it was at most a thought experiment which did not actually take place. [87]
ചൂണ്ടിക്കാട്ടിയ ബ്രൈറ്റിനു നന്ദി.
ഈ അരിസ്റ്റോട്ടിലിന്റെ ഗുരുവായിരുന്ന പ്ലേറ്റോ, തന്റെ ഗുരുവായിരുന്ന സോക്രട്ടീസിന്റെ ചുവടു പിടിച്ചു് ഇങ്ങനെ പറഞ്ഞു:
“ചിന്തയാണു് ഏറ്റവും പ്രധാനം. മനുഷ്യന്റെ ചിന്തയിൽ നിന്നു് ഉരുത്തിരിയുന്ന ജ്ഞാനമാണു് ഏറ്റവും മഹത്തായതു്. നിരീക്ഷണത്തിനു രണ്ടാം സ്ഥാനമേ ഉള്ളൂ. പരീക്ഷണമാകട്ടേ ഏറ്റവും മോശവും.”
ആധുനികശാസ്ത്രപ്രചാരകർ ഇതിനെ നിഷേധിക്കുന്നു. ചിന്തയ്ക്കൊപ്പമോ കൂടുതലോ ആയി നിരീക്ഷണത്തിനും അതിനൊപ്പമോ കൂടുതലോ ആയി പരീക്ഷണത്തിനും അവർ പ്രാധാന്യം കൊടുക്കുന്നു.
തികച്ചും സൈദ്ധാന്തികമായ ജ്ഞാനശാഖകൾ പലതുമുണ്ടു്. സാഹിത്യമീമാംസ മുതൽ ശുദ്ധഗണിതം വരെ. ഭാരതീയാചാര്യന്മാർ ഇവയെയെല്ലാം “ശാസ്ത്രം” എന്നു വിളിച്ചു. ഈ ശാസ്ത്രങ്ങൾക്കു നിത്യജീവിതത്തിൽ അളക്കാൻ പറ്റുന്ന എന്തെങ്കിലുമായി ബന്ധമുണ്ടാകണമെന്നു നിർബന്ധമില്ല.
അളക്കാനോ വിശകലനം ചെയ്യാനോ പര്യാപ്തമാകുന്ന സന്ദർഭത്തിലാണു് ശാസ്ത്രം സയൻസാകുന്നതു്. സയൻസിനെ പരിഭാഷപ്പെടുത്തിയപ്പോൾ “ശാസ്ത്രം” എന്ന വാക്കുപയോഗിച്ചതു പല പ്രശ്നങ്ങൾക്കും വഴി തെളിച്ചിട്ടുണ്ടു്. സയൻസുമായി പുലബന്ധം പോലുമില്ലാത്ത കോടാങ്കിശാസ്ത്രം, ഹസ്തരേഖാശാസ്ത്രം, ജ്യോതിഷം, അലങ്കാരശാസ്ത്രം, ദൈവശാസ്ത്രം തുടങ്ങിയവയും ഭാരതീയനിർ‌വ്വചനമനുസരിച്ചു് ശാസ്ത്രങ്ങളാണു്.
സൈദ്ധാന്തികശാസ്ത്രങ്ങൾ നിലനിൽക്കുന്നതിൽ യാതൊരു കുഴപ്പവുമില്ല. അവയിൽ പലതും സംസ്കാരത്തിന്റെ ഭാഗങ്ങളായി കരുതപ്പെടുന്നു. ഉദാഹരണമായി, മനുഷ്യസ്വഭാവങ്ങളും വിധിയും പ്രവചിക്കാൻ ഉപകരിക്കും എന്നു മനുഷ്യർ വിശ്വസിച്ച ജ്യോതിഷം എന്ന ശാസ്ത്രം. അതേ ശാസ്ത്രം തന്നെ സൂര്യന്റെയും ഭൂമിയുടെയും ഗ്രഹങ്ങളുടെയും ചലനങ്ങളെപ്പറ്റിയുള്ള വിവരങ്ങൾ തന്നപ്പോൾ അതു സയൻസായി. അതിൽ എത്രത്തോളം ശരിയുണ്ടെന്നു നമുക്കു കണ്ടുപിടിക്കാൻ കഴിയും. ജ്യോതിഷവും ജ്യോതിശ്ശാസ്ത്രവും പ്രാചീനഗ്രന്ഥങ്ങളിൽ കൂടിക്കലർന്നു കിടക്കുന്നെങ്കിലും, അവയിലെ സൈദ്ധാന്തികജ്ഞാനവും സയൻസും തമ്മിലുള്ള വ്യത്യാസം ഈ വിധത്തിൽ പ്രകടമാണു്. അതു പോലെ, ഉറക്കം ഉണർന്നെഴുനേൽക്കുമ്പോൾ കിഴക്കോട്ടോ വടക്കോട്ടോ നോക്കി വേണം എഴുനേൽക്കാൻ എന്ന വിശ്വാസത്തെയും, ഉണർന്നെഴുനേൽക്കുന്നതു് വലത്തോട്ടായിരിക്കണം എന്ന വിശ്വാസത്തെയും തമ്മിൽ ചേർത്തപ്പോൾ, ഉറങ്ങുന്നതു് തെക്കോട്ടോ കിഴക്കോട്ടോ തല വെച്ചായിരിക്കണം എന്ന “ശാസ്ത്രം” ഉണ്ടായതു് രസകരമായ ഒരു നിരീക്ഷണമാണു്.
അതിൽ നിന്നു വ്യത്യസ്തമായി, ഒരു പ്രത്യേകരാഗം പാടുന്നതു് ഒരു രോഗം ഇല്ലാതാക്കുമെന്നോ, ഒരു ഗ്രഹത്തിന്റെ സ്ഥാനം വിധിയെ നിർണ്ണയിക്കുമെന്നോ, വടക്കോട്ടും പടിഞ്ഞാട്ടും തല വെച്ചാൽ ഭൂമിയുടെ കാന്തികപ്രഭാവവും ശരീരത്തിലെ കാന്തവും കൂടി ചേർന്നു് “നെഗറ്റീവ് എനർജി” ഉണ്ടാവും എന്നോ പറയുമ്പോൾ, അതായതു് ഒരു സൈദ്ധാന്തികശാസ്ത്രത്തിനു പ്രായോഗികതലത്തിൽ പ്രസക്തിയുണ്ടെന്നു സമർത്ഥിക്കുമ്പോൾ, അതു വിശകലനം ചെയ്യാനും നാം ബാദ്ധ്യസ്ഥരാണു്.
സയൻസിലേയ്ക്കെത്തുമ്പോൾ പ്ലേറ്റോ പറഞ്ഞതു തെറ്റാണെന്നു മനസ്സിലാകും. മനുഷ്യന്റെ ചിന്തയിൽ നിന്നു മാത്രം ഉണ്ടായ പല സിദ്ധാന്തങ്ങളും തെറ്റാണെന്നു പിന്നീടു നിരീക്ഷണവും പരീക്ഷണവും വഴി തെളിയിച്ചിട്ടുണ്ടു്. നിരീക്ഷണവും പരീക്ഷണവുമാണു് ആധുനികസയൻസിന്റെ ആണിക്കല്ലുകൾ. അപ്പോൾ പ്ലേറ്റോയുടെ വിശകലനം നേരേ തിരിച്ചിടണം എന്നു വരുന്നു.
ആധുനികവീക്ഷണം ഇതാണെങ്കിലും, പഴയ കാലത്തെ ചിന്താഗതി – ഭാരതത്തിലായാലും ഗ്രീസിലായാലും ഈജിപ്തിലായാലും ബാബിലോണിയയിലായാലും ചൈനയിലായാലും – സൈദ്ധാന്തികശാസ്ത്രങ്ങളെ തുണയ്ക്കുന്ന രീതിയെയാണു പിന്തുടർന്നതു്. അവയെ പ്രായോഗികതലത്തിൽ വിശകലനം ചെയ്യാൻ സഹായിക്കുന്ന ഉപകരണങ്ങളുടെ അഭാവമാണു് ഒരു കാരണം. സയൻസ് പുരോഗമിച്ചപ്പോൾ ഇവയുടെ വിശകലനം കൂടുതൽ എളുപ്പമാകുകയും നിരീക്ഷണ-പരീക്ഷണങ്ങളുടെ അടിസ്ഥാനത്തിൽ അവയെ കുറ്റമറ്റതാക്കുവാനുള്ള ശ്രമങ്ങൾ നടക്കുകയും ചെയ്തു. ആധുനികസയൻസ് എന്നു പറയുന്നതു് എങ്ങനെ പ്രാചീനശാസ്ത്രങ്ങളെ ഈ വിധത്തിൽ നന്നാക്കിയതു തന്നെയാണു്. അതിൽ ആ പ്രാചീനശാസ്ത്രങ്ങളുടെ ശേഷിപ്പുകൾ ഉണ്ടാവുകയും ചെയ്യും. ഗ്രഹങ്ങൾക്കു് ഗ്രീക്ക് ദേവന്മാരുടെ (ഭാരതത്തിൽ ഭാരതീയദേവന്മാരുടെയും)പേരുകൾ കൊടുത്തതു് ഒരുദാഹരണം. നഗ്നനേത്രങ്ങൾക്കു ദൃശ്യമല്ലാത്ത ഗ്രഹങ്ങളെ സയൻസ് ടെലിസ്കോപ്പു കൊണ്ടു കണ്ടുപിടിച്ചപ്പോൾ അവയ്ക്കും പഴയ രീതി പിന്തുടർന്നു് ഗ്രീക്ക് ദേവന്മാരുടെ പേരുകൾ കൊടുത്തതു് ഇവിടെ ഓർക്കാം.
എല്ലാക്കാലത്തും സൈദ്ധാന്തികശാസ്ത്രങ്ങൾ പുരോഗമിക്കുന്നുണ്ടു്. ഗണിതശാസ്ത്രം ഏറ്റവും നല്ല ഉദാഹരണം. അതുപോലെ ബിഗ് ബാംഗ് തിയറി, പരിണാമസിദ്ധാന്തം, ആപേക്ഷികതാസിദ്ധാന്തം, ക്വാന്റം മെക്കാനിക്സ് തുടങ്ങിയവയിലെ പലതും സൈദ്ധാന്തികശാസ്ത്രമായി തുടങ്ങി പിന്നെ നിരീക്ഷണത്തിലൂടെയും പരീക്ഷണത്തിലൂടെയും തിരുത്തിയെഴുതി നന്നാക്കിയ സിദ്ധാന്തങ്ങളാണു്.
നാം നിത്യേന കേൾക്കുന്ന പല സിദ്ധാന്തങ്ങളും നിരീക്ഷണവും പരീക്ഷണവും വഴി വിശകലനം ചെയ്യാൻ വളരെയധികം ശാസ്ത്രജ്ഞാനമൊന്നും ആവശ്യമില്ല. സാമാന്യബുദ്ധി മാത്രം മതി. എങ്കിലും, പറഞ്ഞുകേട്ടതും പാടിപ്പഠിച്ചതും പുസ്തകത്തിൽ കണ്ടതും പരീക്ഷിച്ചു നോക്കാൻ പറ്റുന്നവയാണെങ്കിൽ പോലും അതു ചെയ്യാതെ തലയിൽ കയറ്റുന്നതു് മനുഷ്യന്റെ സ്വഭാവമാണു്. പഴയ ആളുകൾ പറഞ്ഞതു തെറ്റില്ല എന്നൊരു വിശ്വാസവും ശാസ്ത്രപരീക്ഷണങ്ങൾ തങ്ങൾക്കും ചെയ്യാൻ കഴിയും എന്ന ആത്മവിശ്വാസം ഇല്ലാത്തതുമാണു് ഇതിനു കാരണം.
ആധുനികവിദ്യാഭ്യാസം നിരീക്ഷണപരീക്ഷണങ്ങൾക്കു നല്ല പ്രാധാന്യം കൊടുക്കുന്നുണ്ടു്. “നമുക്കു കണ്ടുപിടിക്കാം” എന്നു ശീർഷകമുള്ള ചില പരീക്ഷണങ്ങൾ മുമ്പു പുസ്തകങ്ങളിലുണ്ടായിരുന്നു. അമേരിക്കയിലെ സർക്കാർ സ്കൂളുകളിൽ ചെറിയ പ്രോജക്ടുകൾ വഴി പഠിക്കുന്ന രീതി വളരെ നല്ലതായി എനിക്കു തോന്നിയിട്ടുണ്ടു്. നമ്മുടെ നാട്ടിലും ഇപ്പോൾ പ്രോജക്ടുകൾ വഴിയാണു പഠനം നടക്കുന്നതു് എന്നറിയുന്നു. വളരെ നല്ലതു്. (ഇതിനെ എതിർക്കുന്ന ഒരു ഭൂരിപക്ഷം ഉണ്ടെന്നും കേൾക്കുന്നു. അദ്ധ്യാപകരുടെ ഇടയിൽത്തന്നെ. വ്യക്തമായ ഉത്തരത്തിന്റെ അടിസ്ഥാനത്തിൽ യാന്ത്രികമായി ഉത്തരക്കടലാസു നോക്കുന്ന പഴയ രീതിയെക്കാൾ വിശകലനം ചെയ്യേണ്ട പുതിയ രീതി കൂടുതൽ ബുദ്ധിമുട്ടായതാവും കാരണം.) പുസ്തകത്തിലെ വിവരങ്ങളെ ചോദ്യം ചെയ്യാനും പരീക്ഷിച്ചു മനസ്സിലാക്കാനും പ്രോത്സാഹനം കൊടുക്കുന്നതാവണം ശാസ്ത്രപഠനം.
ഇങ്ങനെയാണെങ്കിലും പണ്ടു കേട്ടിട്ടുള്ള അബദ്ധങ്ങൾ തന്നെ പിന്നെയും പിന്നെയും പാടുന്ന സമ്പ്രദായത്തിനും ഇപ്പോൾ കുറവൊന്നുമില്ല. തെറ്റാണെന്നു പലരും ചൂണ്ടിക്കാണിച്ചതും തെറ്റാണെന്നു് എളുപ്പത്തിൽ ബോദ്ധ്യമാകുന്നതുമായ കാര്യങ്ങൾ പിന്നെയും പിന്നെയും പ്രസിദ്ധീകരണങ്ങളും ദൃശ്യമാദ്ധ്യമങ്ങളും വിളിച്ചുകൂവുന്നതു കാണുമ്പോൾ നമ്മുടെ ശാസ്ത്രബോധം എവിടെയെത്തി നിൽക്കുന്നു എന്നു സംശയമുണ്ടാവും.
ഇതൊക്കെ ഇപ്പോൾ പറയാൻ എന്താണു കാരണമെന്നല്ലേ. പറയാം. ഇക്കഴിഞ്ഞ വിഷുദിനത്തോടനുബന്ധിച്ചു് നമ്മുടെ മാദ്ധ്യമങ്ങൾ പ്രസിദ്ധീകരിച്ച വിഷു-നൊസ്റ്റാൽജിയ-പുരാണ-ശാസ്ത്രീയ-ജ്യോതിശ്ശാസ്ത്ര-ലേഖനങ്ങളിൽ നിന്നു് ചില ഉദ്ധരണികളാണു താഴെ.
- ദാറ്റ്സ് മലയാളം: കൊന്നപ്പൂവിന്റെയും കണിവെള്ളരിയുടെയും വിഷു
സൂര്യന്‍ ഭൂമധ്യരേഖയില്‍ തന്നെ ഉദിക്കുന്ന ദിവസം കൂടിയാണ് വിഷു. അതിനാല്‍ വിഷുദിനത്തില്‍ രാത്രിയുടെയും പകലിന്റെയും ദൈര്‍ഘ്യം സമമായിരിക്കും. തുലാം മാസത്തിലും സൂര്യന്‍ ഭൂമധ്യരേഖയില്‍ തന്നെ ഉദിക്കുന്നുണ്ട്. അന്ന് തുലാ വിഷു എന്നറിയപ്പെടുന്നു. തുലാവിഷുവിന് ആഘോഷങ്ങളൊന്നുമില്ല.
- മനോരമ ഓൺ‌ലൈനിൽ ഒന്നല്ല, രണ്ടിടത്തുണ്ടു്:
- വിഷു: ഐതിഹ്യങ്ങള്‍ ഉറങ്ങുന്ന ക്ഷേത്രങ്ങളിലൂടെ
സൂര്യന്‍ ഭൂമധ്യരേഖയ്ക്ക് നേരെ കിഴക്കുദിക്കുന്ന ദിവസമാണ് വിഷു. മേടവിഷു ദിവസം ദിനരാത്രങ്ങള്‍ തുല്യമായിരിക്കും. വിഷു സംബന്ധമായി ധാരാളം ഐതിഹ്യങ്ങളും കഥകളും നിലവിലുണ്ട്. ഓരോ ക്ഷേത്രത്തിനും വിഷുവുമായി ബന്ധപ്പെട്ട് ഒരു ഐതിഹ്യമുണ്ടാവും. ചില ഐതിഹ്യങ്ങള്‍ ക്ഷേത്രവുമായി നേരിട്ട് ബന്ധപ്പെടുമ്പോള്‍ ചിലവ ഉപകഥകള്‍മാത്രമാണ്. ദിനരാത്രങ്ങള്‍ തുല്യമായി വരുന്ന മേടസംക്രമം വേദകാലത്തും പരമര്‍ശിക്കപ്പെട്ടിട്ടുണ്ട്. രാമായണത്തിലും മഹാഭാരതത്തിലും വിഷു സംബന്ധമായ ഇത്തരം സൂചനകള്‍ കാണുന്നു. ശ്രീരാമന്‍ രാവണനെ വധിച്ച ദിവസമാണ് വിഷുവായി ആഘോഷിക്കുന്നതെന്നാണ് അതില്‍ പ്രധാനപ്പെട്ട ഒരു പരാമര്‍ശം. - വിഷു: മേടസംക്രമപ്പുലരി (നിഷ കെ.നായര്‍)
മേടസംക്രമം കഴിഞ്ഞുവരുന്ന പുലരിയാണു വിഷുപ്പുലരി. സൂര്യന്‍ മീനരാശിയില്‍നിന്ന് മേടരാശിയിലേക്ക് പ്രവേശിക്കുന്ന ദിവസം. രാവും പകലും തുല്യമായിരിക്കും വര്‍ഷത്തിലെ ഒരേയൊരു ദിവസമാണിത്. ഉത്തരായനത്തില്‍ സൂര്യന്‍ ഭൂമധ്യരേഖയ്ക്കു നേരേ മുകളില്‍ എത്തുന്ന ദിവസമാണ് ജ്യോതിശാസ്ത്രത്തില്‍ ‘വൈഷവം’ എന്നറിയപ്പെടുന്ന വിഷു.
- വിഷു: ഐതിഹ്യങ്ങള്‍ ഉറങ്ങുന്ന ക്ഷേത്രങ്ങളിലൂടെ
- അപ്പോൾ വെബ് ദുനിയാ മോശമാകുമോ? അവിടെയുമുണ്ടു് രണ്ടിടത്തു്.
- വിഷു സമഭാവനയുടെ ദിനം
ശകവര്‍ഷത്തിന്‍റെയും, തമിഴ് വര്‍ഷത്തിന്‍റെയും, പുതുവര്‍ഷാരംഭം കൂടിയാണ് വിഷു. സൂര്യന്‍ ഭൂമദ്ധ്യരേഖയില്‍ വരുന്നതിനാല്‍ പകലും, രാവും തുല്യമായ ദിനമാണിത്.
- വിഷുവും സൂര്യനും
ഭൂമിശാസ്ത്രപരമായും ജ്യോതിശ്ശാസ്ത്രപരമായും വളരെയധികം പ്രാധാന്യമാണ് വിഷുവിനുള്ളത്. “വിഷു’ എന്ന പദത്തിനര്‍ത്ഥം തുല്യാവസ്ഥയോടു കൂടിയത് എന്നാണ്. രാവും പകലും തുല്യമായി വരുന്ന ദിനങ്ങളാണ് വിഷുദിനങ്ങള്‍. ഓരോ വര്‍ഷവും ഇപ്രകാരം രണ്ട് ദിവസങ്ങളുണ്ട്. മേടം ഒന്നാം തീയതിയും തുലാം ഒന്നാം തീയതിയും. ഈ ദിവസങ്ങളില്‍ ഭൂമിയുടെ ഏതു ഭാഗത്തുള്ളവര്‍ക്കും ദിനവും രാത്രിയും തുല്യമായിരിക്കും. വിഷുവിന് സൂര്യന്‍ ഭൂമധ്യരേഖയ്ക്ക് നേരേ മുകളില്‍ വരുന്നു.
- വിഷു സമഭാവനയുടെ ദിനം
- ബ്ലോഗുകളുടെ കാര്യമാണെങ്കിൽ പറയണ്ടാ. സാമ്പിളിനു് ഒരെണ്ണം:
ബൂലോകം ഓൺ‌ലൈൻ ബ്ലോഗ്: വിഷു എന്ത്? എന്തിനു? എങ്ങനെ? (നീലകണ്ഠൻ)
പകലും രാത്രിയും സമം ആകുന്ന ദിനം എന്നാണു വിഷു എന്ന പദത്തിന് അര്‍ത്ഥം,അര്‍ത്ഥം സൂചിപ്പിക്കുന്ന പോലെ തന്നെ പകലും രാത്രിയും സമം ആകുന്ന ദിനം ആണ് വിഷു .ആണ്ടില്‍ രണ്ടു പ്രാവശ്യം വിഷു ഉണ്ട് തുലാം ഒന്നിനും, മേടം ഒന്നിനും. ഇതില്‍ മേടം ഒന്നിന് ആണ് നാം ആചരിക്കുന്നത്.
എല്ലാവർക്കും മനസ്സിലായല്ലോ. ഇനി എല്ലാവരും ഒരുമിച്ചു് ഒന്നു പറഞ്ഞേ:
“പകലും രാത്രിയും ഒരേ ദൈർഘ്യത്തിൽ വരുന്ന ദിവസമാണു് വിഷു. മേടം 1-നു് (ഏപ്രിൽ 14-നോ 15-നോ) ആണു് ഇതു വരുന്നതു്. അന്നു സൂര്യൻ ഭൂമദ്ധ്യരേഖയുടെ നേരേ മുകളിലായിരിക്കും.”
അതു തന്നെ. ഇനി എല്ലാവരും ഒന്നു കൂടി പറഞ്ഞേ.
“പകലും രാത്രിയും ഒരേ ദൈർഘ്യത്തിൽ വരുന്ന ദിവസമാണു് വിഷു. മേടം 1-നു് (ഏപ്രിൽ 14-നോ 15-നോ) ആണു് ഇതു വരുന്നതു്. അന്നു സൂര്യൻ ഭൂമദ്ധ്യരേഖയുടെ നേരേ മുകളിലായിരിക്കും.”
ആർക്കെങ്കിലും സംശയമുണ്ടോ? ഇല്ല.
ആരുടെയെങ്കിലും വീട്ടിൽ മലയാളം കലണ്ടറുണ്ടോ? അതില്ലാത്ത വീടില്ല.
മലയാളം പത്രമുണ്ടോ? എന്തൊരു ചോദ്യമാണിതു്?
ഏപ്രിലിലെ കലണ്ടറെടുക്കൂ. അല്ലെങ്കിൽ ഏപ്രിൽ 14-ലെ പത്രമെടുക്കൂ. മിക്കവാറും ഉദയാസ്തമയങ്ങൾ ഉണ്ടാവും. ഏപ്രിൽ 14-ന്റെ (ഇക്കൊല്ലത്തെ മേടം 1) ഉദയാസ്തമയങ്ങൾ നോക്കൂ. കലണ്ടറിൽ 14 ഇല്ലെങ്കിൽ അതിനടുത്ത (ഉദാ: 15) നോക്കിയാലും മതി.
ഉദാഹരണമായി, തൃശൂരിൽ (അക്ഷാംശമനുസരിച്ചു് കേരളത്തിന്റെ കൃത്യം മദ്ധ്യത്തിൽ കിടക്കുന്നതു കൊണ്ടാണു് തൃശ്ശൂർ എടുത്തതു്. ഏതു സ്ഥലവുമെടുക്കാം.) ഉദയം രാവിലെ 6:18-നു്. അസ്തമയം വൈകിട്ടു് 6:32-നു്. അതായതു് പകലിന്റെ ദൈർഘ്യം 12 മണിക്കൂർ 14 മിനിട്ടു്. രാത്രിയുടെ ദൈർഘ്യം 11 മണിക്കൂർ 46 മിനിട്ടു്. തമ്മിൽ ഏകദേശം അര മണിക്കൂറിന്റെ വ്യത്യാസം.
ഇനി, മാർച്ച് 21-ന്റെ ഉദയാസ്തമയം നോക്കൂ. ഉദയം രാവിലെ 6:32-നു്. അസ്തമയം വൈകിട്ടു് 6:32-നു്. പകലിന്റെ ദൈർഘ്യം 12 മണിക്കൂർ. രാത്രിയുടെ ദൈർഘ്യം 12 മണിക്കൂർ.
സംശയം തീർന്നില്ലെങ്കിൽ കഴിഞ്ഞ കൊല്ലങ്ങളിലെ കലണ്ടറുകളോ പഞ്ചാംഗങ്ങളോ അൽമനാക്കുകളോ അസ്ട്രോണമിക്കൽ ടേബിളുകളോ നോക്കുക. പകലും രാത്രിയും തുല്യമാകുന്നതു് മാർച്ച് 20-നും 23-നും ഇടയ്ക്കാണു്, ഏപ്രിൽ 14-നു് (മേടം 1) അല്ല എന്നു കാണാൻ കഴിയും.
ഒരിക്കൽ കൂടി പറയാം: രാത്രിയും പകലും തുല്യമാകുന്നതും സൂര്യൻ ഭൂമദ്ധ്യരേഖയ്ക്കു നേരേ മുകളിലാകുന്നതും മാർച്ച് 20-നും 23-നും ഇടയ്ക്കാണു്. മേടം 1 വരുന്ന ഏപ്രിൽ 14/15-നു് അല്ല. വിഷു മാർച്ച് 21-നു് ആഘോഷിക്കണം എന്നു് അഭിപ്രായമില്ല. പാരമ്പര്യരീതി തുടർന്നുകൊള്ളട്ടേ. പക്ഷേ, ആ ദിവസമാണു് മുകളിൽ പറഞ്ഞ രണ്ടു കാര്യങ്ങളും സംഭവിക്കുന്നതു് എന്നു പറയരുതു്.
വിശദവിവരങ്ങൾക്കു്‌ ഷിജു അലക്സിന്റെ വിഷുവങ്ങൾ എന്ന പോസ്റ്റു കാണുക. അതുപോലെ മലയാളം വിക്കിപീഡിയയിലെ വിഷുവം, അയനാന്തങ്ങൾ എന്നീ ലേഖനങ്ങളും, ഇംഗ്ലീഷ് വിക്കിപീഡിയയിലെ Equinox, Solstice എന്നീ ലേഖനങ്ങളും. പ്രസക്തവിവരങ്ങൾ താഴെച്ചേർക്കുന്നു:
- ഭൂമിയുടെ അച്ചുതണ്ടു് (ഭൂമി സ്വയം ചുറ്റുന്നതിന്റെ അടിസ്ഥാനമായ സാങ്കൽ‌പ്പികരേഖ എന്നേ വിവക്ഷയുള്ളൂ. അങ്ങനെയൊരു ‘തണ്ടു്’ ഇല്ല.) ഭൂമിയുടെ ഭ്രമണപഥം ഉൾപ്പെടുന്ന തലത്തിനു കൃത്യം ലംബമല്ല. ഏകദേശം 24 ഡിഗ്രി ചരിഞ്ഞാണു്. അതിനാൽ ആറു മാസം (ഏകദേശം മാർച്ച് 21 മുതൽ സെപ്റ്റംബർ 23 വരെ) ഉത്തരാർദ്ധഗോളം സൂര്യന്റെ നേർക്കു തിരിഞ്ഞിരിക്കുന്നു. അതിനു ശേഷം ആറു മാസത്തേയ്ക്കു് (ഏകദേശം സെപ്റ്റംബർ 23 മുതൽ മാർച്ച് 21 വരെ) ഭൂമിയുടെ ദക്ഷിണാർദ്ധഗോളം സൂര്യന്റെ നേർക്കു തിരിഞ്ഞിരിക്കുന്നു.
- ഏകദേശം മാർച്ച് 21-നു് സൂര്യൻ ഭൂമദ്ധ്യരേഖയുടെ നേരേ മുകളിൽ വരുന്നു. അതിനെ മഹാവിഷുവം (vernal equinox) എന്നു പറയുന്നു.
ഈ സമയത്തു് ആർട്ടിക് വൃത്തത്തിനും (ഏകദേശം അറുപത്താറര ഡിഗ്രി വടക്കു്) അന്റാർട്ടിക് വൃത്തത്തിനും (ഏകദേശം അറുപത്താറര ഡിഗ്രി തെക്കു്) ഇടയിലുള്ളവർക്കു് പകലിനും രാത്രിയ്ക്കും ഒരേ വലിപ്പമായിരിക്കും. ആർട്ടിക് വൃത്തത്തിനു വടക്കുള്ളവർക്കു് ഈ സമയത്തു് രാത്രി കഴിഞ്ഞു് പകൽ തുടങ്ങും. അടുത്ത ആറു മാസത്തേയ്ക്കു് അവർക്കിനി പകലായിരിക്കും. അതു പോലെ അന്റാർട്ടിക് വൃത്തത്തിനു തെക്കുള്ളവർക്കു് ഈ സമയത്തു് പകൽ കഴിഞ്ഞു രാത്രി തുടങ്ങും. അവർക്കു് ഇനി ആറു മാസത്തേക്കു രാത്രിയായിരിക്കും.ഈ സമയത്തു് ഉത്തരധ്രുവത്തിൽ രാത്രി കഴിഞ്ഞു പകൽ തുടങ്ങും. അതു പോലെ ദക്ഷിണധ്രുവത്തിൽ പകൽ കഴിഞ്ഞു രാത്രി തുടങ്ങും. - സൂര്യരശ്മി ക്രമേണ ഭൂമദ്ധ്യരേഖ മുതൽ ഉത്തരായണരേഖ വരെ (23.5 ഡിഗ്രി വടക്കു്)യുള്ള പ്രദേശങ്ങൾക്കു മുകളിൽ ലംബമായി പതിക്കാൻ തുടങ്ങുന്നു. ഇതു് ഏകദേശം ജൂൺ 21 വരെ തുടരുന്നു.
- ഏകദേശം ജൂൺ 21-നു് സൂര്യൻ ഉത്തരായണരേഖയുടെ മുകളിൽ എത്തുന്നു. ഇതിനെ ഉത്തരായണാന്തം (Northern Solstice) എന്നു വിളിക്കുന്നു. ഈ ദിവസത്തിൽ ഉത്തരാർദ്ധഗോളത്തിൽ
(ഭൂമദ്ധ്യരേഖ മുതൽ ആർട്ടിക് വൃത്തം വരെ)ഏറ്റവും വലിയ പകലും ഏറ്റവും ചെറിയ രാത്രിയും ആയിരിക്കും. അതുപോലെ ദക്ഷിണാർദ്ധഗോളത്തിൽ(ഭൂമദ്ധ്യരേഖ മുതൽ അന്റാർട്ടിക് വൃത്തം വരെ)ഏറ്റവും വലിയ രാത്രിയും ഏറ്റവും ചെറിയ പകലും ആയിരിക്കും. - സൂര്യരശ്മികൾ തിരിച്ചു് ഉത്തരായണരേഖയിൽ നിന്നു് ഭൂമദ്ധ്യരേഖ വരെയുള്ള അക്ഷാംശങ്ങളിൽ ക്രമേണ ലംബമായി പതിക്കുന്നു.
- ഏകദേശം സെപ്റ്റംബർ 23-നു് അവ വീണ്ടും ഭൂമദ്ധ്യരേഖയ്ക്കു മുകളിൽ എത്തുന്നു. അതിനെ അപരവിഷുവം (autumnal equinox) എന്നു വിളിക്കുന്നു.
ഈ സമയത്തു് ആർട്ടിക് വൃത്തത്തിനും (ഏകദേശം അറുപത്താറര ഡിഗ്രി വടക്കു്) അന്റാർട്ടിക് വൃത്തത്തിനും (ഏകദേശം അറുപത്താറര ഡിഗ്രി തെക്കു്) ഇടയിലുള്ളവർക്കു് പകലിനും രാത്രിയ്ക്കും ഒരേ വലിപ്പമായിരിക്കും. ആർട്ടിക് വൃത്തത്തിനു വടക്കുള്ളവർക്കു് ഈ സമയത്തു് ഈ സമയത്തു് പകൽ കഴിഞ്ഞു രാത്രി തുടങ്ങും. അവർക്കു് ഇനി ആറു മാസത്തേക്കു രാത്രിയായിരിക്കും. അതു പോലെ അന്റാർട്ടിക് വൃത്തത്തിനു തെക്കുള്ളവർക്കു് രാത്രി കഴിഞ്ഞു് പകൽ തുടങ്ങും. അടുത്ത ആറു മാസത്തേയ്ക്കു് അവർക്കിനി പകലായിരിക്കും.ഈ സമയത്തു് ഉത്തരധ്രുവത്തിൽ പകൽ കഴിഞ്ഞു രാത്രി തുടങ്ങും. അതു പോലെ ദക്ഷിണധ്രുവത്തിൽ രാത്രി കഴിഞ്ഞു പകൽ തുടങ്ങും. - സൂര്യരശ്മി ക്രമേണ ഭൂമദ്ധ്യരേഖ മുതൽ ദക്ഷിണായന രേഖ വരെ (23.5 ഡിഗ്രി തെക്കു്)യുള്ള പ്രദേശങ്ങൾക്കു മുകളിൽ ലംബമായി പതിക്കാൻ തുടങ്ങുന്നു. ഇതു് ഏകദേശം ഡിസംബർ 23 വരെ തുടരുന്നു.
- ഏകദേശം ഡിസംബർ 23-നു് സൂര്യൻ ദക്ഷിണായനരേഖയുടെ മുകളിൽ എത്തുന്നു. ഇതിനെ ദക്ഷിണായനാന്തം (Southern Solstice) എന്നു വിളിക്കുന്നു. ഈ ദിവസത്തിൽ ദക്ഷിണാർദ്ധഗോളത്തിൽ (ഭൂമദ്ധ്യരേഖ മുതൽ അന്റാർട്ടിക് വൃത്തം വരെ) ഏറ്റവും വലിയ പകലും ഏറ്റവും ചെറിയ രാത്രിയും ആയിരിക്കും. അതുപോലെ ഉത്തരാർദ്ധഗോളത്തിൽ (ഭൂമദ്ധ്യരേഖ മുതൽ ആർട്ടിക് വൃത്തം വരെ) ഏറ്റവും വലിയ രാത്രിയും ഏറ്റവും ചെറിയ പകലും ആയിരിക്കും.
- സൂര്യരശ്മികൾ തിരിച്ചു് ദക്ഷിണായനരേഖയിൽ നിന്നു് ഭൂമദ്ധ്യരേഖ വരെയുള്ള അക്ഷാംശങ്ങളിൽ ക്രമേണ ലംബമായി പതിക്കുന്നു. ഏകദേശം മാർച്ച് 21-നു് അവ വീണ്ടും ഭൂമദ്ധ്യരേഖയ്ക്കു മുകളിൽ എത്തുന്നു.
ഈ മാർച്ച് 21, ജൂൺ 21 എന്നൊക്കെ പറഞ്ഞതിനു ചെറിയ വ്യത്യാസമുണ്ടാവാം. 365.2425 ദിവസം ദൈഘ്യമുള്ള സൗരവർഷത്തെ 365 ദിവസങ്ങളുള്ള സാധാരണവർഷങ്ങളും പുട്ടിനിടയിൽ തേങ്ങാപ്പീര പോലെ അവയ്ക്കിടയിൽ 366 ദിവസങ്ങളുള്ള അധിവർഷങ്ങളും അടുക്കിയിരിക്കുന്നതു കൊണ്ടാണു് ഈ ചെറിയ വ്യത്യാസം. (ഈ അടുക്കൽ തന്നെ ക്രമമല്ല. 400 കൊല്ലത്തിൽ 97 അധിവർഷങ്ങൾ ക്രമമായി വിന്യസിക്കേണ്ടതു് 5 9 13 17 21 25 29 33 38 42 46 50 54 58 62 66 71 75 79 83 87 91 95 99 104 108 112 116 120 124 128 132 137 141 145 149 153 157 161 165 170 174 178 182 186 190 194 198 203 207 211 215 219 223 227 231 236 240 244 248 252 256 260 264 269 273 277 281 285 289 293 297 302 306 310 314 318 322 326 330 335 339 343 347 351 355 359 363 368 372 376 380 384 388 392 396 എന്നീ വർഷങ്ങളിലാണു്. അങ്ങനെ ചെയ്യാതെ പഴയ ജൂലിയൻ കലണ്ടറിനെ പിൻ‌പറ്റി നാലു കൊല്ലത്തിലൊരിക്കൽ അധിവർഷവും പിന്നെ അതിനെ ശരിയാക്കാൻ 100 കൊല്ലത്തിലൊരിക്കൽ സാധാരണവർഷവും പിന്നെ 400 കൊല്ലത്തിലൊരിക്കൽ അധിവർഷവും എന്നിങ്ങനെയുള്ള ക്രമമില്ലായ്മയും ഈ വ്യത്യാസത്തിനു ചെറിയ ഒരു കാരണമായിട്ടുണ്ടു്.) 2010-ലെ വിഷുവങ്ങളും അയനാന്തങ്ങളും താഴെച്ചേർക്കുന്നു. എല്ലാം ഇന്ത്യൻ സ്റ്റാന്റേർഡ് സമയത്തിൽ.
| Vernal Equinox | Mar 20 2010 | 11:02 PM |
| Summer Solstice | Jun 21 2010 | 04:58 PM |
| Autumnal Equinox | Sep 22 2010 | 08:39 AM |
| Winter Solstice | Dec 21 2010 | 04:08 AM |
ഈ സമയങ്ങൾക്കടുത്തുള്ള ദിവസങ്ങളിലായിരിക്കും വിഷുവങ്ങളുടെയും അയനാന്തങ്ങളുടെയും പ്രത്യേകതകൾ കാണുക. മേടം, കർക്കടകം, തുലാം, മകരം എന്നീ മാസങ്ങളുടെ ആദിയിൽ അല്ല.
ഭൂമദ്ധ്യരേഖയിലുള്ളവർക്കു് എന്നും പകലും രാത്രിയും ഒരേ ദൈർഘ്യമായിരിക്കും. (12 മണിക്കൂർ വീതം.) ആർട്ടിക് വൃത്തത്തിനു വടക്കുള്ളവർക്കും അന്റാർട്ടിക് വൃത്തത്തിനു തെക്കുള്ളവർക്കും അങ്ങനെ തന്നെ. (ആറു മാസം വീതം നീളമുള്ള പകലും രാത്രിയും.) ഇവയ്ക്കിടയിലുള്ളവർക്കു് അക്ഷാംശം കൂടുന്തോറും പകലിന്റെയും രാത്രിയുടെയും ദൈർഘ്യം കൂടിയും കുറഞ്ഞും ഇരിക്കും.
താരതമ്യത്തിനായി മൂന്നു സ്ഥലങ്ങളിലെ (ഭൂമദ്ധ്യരേഖയിൽ, ഉത്തരാർദ്ധഗോളത്തിൽ, ദക്ഷിണാർദ്ധഗോളത്തിൽ) ഈ നാലു ദിവസങ്ങളിലെ ദിനമാനം പരിശോധിക്കാം.
- ഇൻഡോനേഷ്യയിലുള്ള ബോർണിയോ. 0 ഡിഗ്രി അക്ഷാംശം. 114 ഡിഗ്രി കിഴക്കേ രേഖാംശം. 120 ഡിഗ്രി കിഴക്കേ രേഖാംശത്തിലെ സ്റ്റാൻഡേർഡ് സമയം (GMT +08).
- സിയാറ്റിൽ, അമേരിക്ക. 47:37 വടക്കേ അക്ഷാംശം 122:30 പടിഞ്ഞാറേ രേഖാംശം. 120 ഡിഗ്രി പടിഞ്ഞാറേ രേഖാംശത്തിലെ സമയം (GMT -08).
- Waimate, ന്യൂ സീലാൻഡ്, തെക്കേ അക്ഷാംശം 44:44, കിഴക്കേ രേഖാംശം 171:02. 180 ഡിഗ്രിയിലെ സമയം (GMT +12).
(ഡേ ലൈറ്റ് സേവിംഗ്സ് കൊണ്ടുണ്ടാകുന്ന സമയമാറ്റം ഇവിടെ പരിഗണിച്ചിട്ടില്ല. സ്റ്റാൻഡേർഡ് സമയമാണു കൊടുത്തിട്ടുള്ളതു്.)
| സ്ഥലം / തീയതി | Borneo | Seattle | Waimate | |
|---|---|---|---|---|
| Mar 21 | ഉദയം | 06:31A | 06:17A | 07:43A |
| അസ്തമയം | 06:31P | 06:17P | 07:42P | |
| പകൽ (h:m) | 12:00 | 12:00 | 11:59 | |
| രാത്രി (h:m) | 12:00 | 12:00 | 12:01 | |
| June 21 | ഉദയം | 06:25A | 04:17A | 08:19A |
| അസ്തമയം | 06:25P | 08:04P | 04:56P | |
| പകൽ (h:m) | 12:00 | 15:47 | 08:37 | |
| രാത്രി (h:m) | 12:00 | 08:13 | 15:23 | |
| Sep 23 | ഉദയം | 06:17A | 06:02A | 06:29 |
| അസ്തമയം | 06:16P | 06:00P | 06:28P | |
| പകൽ (h:m) | 11:59 | 11:58 | 11:59 | |
| രാത്രി (h:m) | 12:01 | 12:02 | 12:01 | |
| Dec 23 | ഉദയം | 06:22A | 08:01A | 04:52A |
| അസ്തമയം | 06:23P | 04:15P | 08:16P | |
| പകൽ (h:m) | 12:01 | 08:14 | 15:21 | |
| രാത്രി (h:m) | 11:59 | 15:46 | 08:39 | |
വിഷുവങ്ങളുടെ സമയത്തു് (മാർച്ച് 21, സെപ്റ്റംബർ 23) മൂന്നു സ്ഥലങ്ങളിലും പകലിന്റെയും രാത്രിയുടെയും ദൈർഘ്യം തുല്യമാണെന്നും, ഭൂമദ്ധ്യരേഖയിലുള്ള ബോർണിയോയിൽ എല്ലാ സമയത്തും പകലും രാത്രിയും തുല്യമാണെന്നും, അയനാന്തങ്ങളിൽ പകലും രാത്രിയും തമ്മിലുള്ള വ്യത്യാസം അങ്ങേയറ്റമാകുമെന്നും ഇതിൽ നിന്നു മനസ്സിലാക്കാം.
എന്തുകൊണ്ടു് വിഷുവങ്ങൾ ഇപ്പോൾ മേടം ഒന്നിനും തുലാം ഒന്നിനും സംഭവിക്കുന്നില്ല? എന്തുകൊണ്ടു് അവ ഗ്രിഗോറിയൻ കലണ്ടറിലെ ഏതാണ്ടു് അടുത്ത ദിവസങ്ങളിൽ സംഭവിക്കുന്നു?
ഗ്രിഗോറിയൻ കലണ്ടർ ഭൂമിയെ അപേക്ഷിച്ചു് സൂര്യനുള്ള സ്ഥാനത്തെ അടിസ്ഥാനമാക്കിയതാണു്. രണ്ടു വിഷുവങ്ങൾക്കിടയിലുള്ള സമയത്തെയാണു് അവിടെ ഒരു വർഷമായി കണക്കാക്കുന്നതു്. ജ്യോതിശ്ശാസ്ത്രത്തിനു വേണ്ടി കണക്കുകൂട്ടുമ്പോൾ മഹാവിഷുവത്തെ അവർ രാശിചക്രം തുടങ്ങുന്ന (0 ഡിഗ്രി) ആയി കണക്കുകൂട്ടുന്നു. അതിനാൽ വിഷുവങ്ങളും അയനാന്തങ്ങളും ഏകദേശം ഒരേ ദിവസങ്ങളിൽ എല്ലാക്കൊല്ലവും വരുന്നു.
നമ്മുടെ കൊല്ലവർഷക്കലണ്ടറും ഭാരതീയജ്യോതിശ്ശാസ്ത്രവും അടിസ്ഥാനമാക്കിയതു് സ്ഥിരമായി നിൽക്കുന്നു എന്നു് അവർ കരുതിയ നക്ഷത്രങ്ങളെയാണു്. ഉദാഹരണമായി, രേവതിക്കും അശ്വതിക്കും ഇടയിലുള്ള ബിന്ദു പൂജ്യം ഡിഗ്രി ആയി. അല്ലെങ്കിൽ ചിത്തിര നക്ഷത്രത്തിന്റെ ദിശ 180 ഡിഗ്രി ആയി. ഇതു സ്റ്റാൻഡേർഡൈസ് ചെയ്തതു് ക്രി. പി. അഞ്ചാം നൂറ്റാണ്ടിനടുത്താണെന്നു കാണാം. (ആര്യഭടൻ, വരാഹമിഹിരൻ, ബ്രഹ്മഗുപ്തൻ തുടങ്ങിയവരുടെ കാലം.) അന്നു് മഹാവിഷുവത്തിനു് സൂര്യൻ രേവതിക്കും അശ്വതിക്കും ഇടയിലായിരുന്നു. അന്നു തന്നെയായിരുന്നു (കൊല്ലവർഷം ഉണ്ടായിരുന്നെങ്കിൽ) മേടം 1.
രണ്ടു കാര്യങ്ങളാണു് അന്നത്തേതിൽ നിന്നു മാറിയതു്.
ഒന്നു്, ഭൂമിയെ അപേക്ഷിച്ചു സൂര്യന്റെ ഗതി നക്ഷത്രങ്ങളുടെ പശ്ചാത്തലത്തിൽ മാറാൻ തുടങ്ങി. ഏതാനും വർഷങ്ങൾ കഴിഞ്ഞപ്പോൾ മഹാവിഷുവത്തിനു് (സൂര്യൻ ഭൂമദ്ധ്യരേഖയ്ക്കു മുകളിൽ വരുമ്പോൾ) സൂര്യൻ രേവതിയുടെയും അശ്വതിയുടെയും ഇടയ്ക്കു് അല്ലാതായി. പക്ഷേ, നമ്മൾ നക്ഷത്രങ്ങളെ അടിസ്ഥാനമാക്കി കാലനിർൺനയം നടത്തിയതു കൊണ്ടു് വിഷുവം ക്രമേണ പുറകോട്ടു പോയി. ഇപ്പോൾ 24 ഡിഗ്രിയാണു് വ്യത്യാസം. എന്നു വെച്ചാൽ 24 x 365.2425 / 360 = 24.35 ദിവസത്തിന്റെ വ്യത്യാസമുണ്ടാവും. ഈ വ്യത്യാസമാണു് മഹാവിഷുവവും (മാർച്ച് 21) നമ്മുടെ വിഷുവും (ഏപ്രിൽ 14) തമ്മിലുള്ള വ്യത്യാസം. ഈ വ്യത്യാസത്തെ “അയനാംശം” എന്നു വിളിക്കുന്നു. സൂര്യന്റെ അയനത്തെ കണക്കിലെടുക്കുന്ന പാശ്ചാത്യരീതിയെ സായനരീതി (സ-അയന-രീതി. പ്രകാശവേഗത കണ്ടുപിടിച്ചു എന്നു ഡോ. ഗോപാലകൃഷ്ണനും സുഭാഷ് കാക്കും പറഞ്ഞ സായണനുമായി ബന്ധമില്ല.) എന്നും കണക്കിലെടുക്കാത്ത ഭാരതീയരീതിയെ നിരയയനരീതി (നിർ-അയന-രീതി) എന്നും പറയുന്നു.
(ഇതിനെപ്പറ്റി വിശദമായി മനസ്സിലാക്കാൻ ഷിജു അലക്സിന്റെ വിഷുവങ്ങളുടെ പുരസ്സരണം എന്ന പോസ്റ്റോ അതേ പേരിലുള്ള വിക്കി ലേഖനമോ വായിക്കുക. വായിച്ചിട്ടു തല കറങ്ങുന്നുണ്ടെങ്കിൽ ആദ്യം പോയി വെള്ളെഴുത്തിന്റെ ഒരു പോസ്റ്റു പോയി വായിച്ചിട്ടു് തിരികെ വന്നു് ഇതു വായിക്കുക. എല്ലാം ശരിയാകും 🙂 )
രണ്ടു്, നക്ഷത്രങ്ങളുടെ സ്ഥാനം മറ്റു നക്ഷത്രങ്ങളെ അപേക്ഷിച്ചു മാറി. മുകളിൽ പറഞ്ഞ കണക്കു് ചിത്തിര നക്ഷത്രം 180 ഡിഗ്രിയിൽ എന്ന നിർ‌വ്വചനത്തെ അടിസ്ഥാനമാക്കിയുള്ളതാണു്. ഈ നിർ‌വ്വചനമാണു് നമ്മുടെ കലണ്ടറുകളും മറ്റും നിർമ്മിക്കാൻ ഉപയോഗിക്കുന്നതു്. ഇന്ത്യൻ സർക്കാർ കലണ്ടറിനു വേണ്ടി ലാഹിരി നിർദ്ദേശിച്ച രീതിയാണതു്. എന്തു കണക്കെടുത്താലും ജ്യോതിഷപ്രവചനങ്ങൾ ശരിയാകാത്തതിനാലാവണം, പല ജ്യോത്സ്യന്മാരും മറ്റു പല നിർ‌വ്വചനങ്ങളുമായി വന്നിട്ടുണ്ടു്. അവർ മറ്റു പല നക്ഷത്രങ്ങളെയും അടിസ്ഥാനമാക്കി കണക്കുകൂട്ടുന്നു. ഉദാഹരണമായി, 2000 ജനുവരി 1-ന്റെ അയനാംശങ്ങൾ താഴെച്ചേർക്കുന്നു.
| ലാഹിരി: | 23:51:41 |
| ബി. വി. രാമൻ: | 22:24:11 |
| കൃഷ്ണമൂർത്തി: | 23:45:06 |
| ഫഗൻ/ബ്രാഡ്ലി: | 24:44:11 |
| ഉഷ/ശശി: | 20:03:26 |
| ദേവദത്ത: | 23:28:34 |
തങ്ങൾ പറയുന്നതാണു ശരി, അങ്ങനെ കണക്കുകൂട്ടിയാലേ ജ്യോതിഷപ്രവചനങ്ങൾ ശരിയാവൂ എന്നു പറഞ്ഞു് ജ്യോത്സ്യന്മാർ കുറെക്കാലമായി കടിപിടി കൂട്ടുന്നു. ഫലമോ, സ്റ്റാൻഡേർഡ് ആയ ഒരു ഭാരതീയഗണനരീതി ഇപ്പോഴുമില്ല.
എല്ലാവരും തെറ്റാണു പറഞ്ഞതെന്നു വിവക്ഷയില്ല. ശരിയായി പറഞ്ഞവരുമുണ്ടു്.
- മലയാളം വിക്കിപ്പീഡിയയിൽ വിഷുവിനെപ്പറ്റിയുള്ള പേജിൽ ഇങ്ങനെ പറയുന്നു.
വിഷു എന്നാൽ തുല്യമായത് എന്നർത്ഥം. അതായത് രാത്രിയും പകലും തുല്യമായ ദിവസം. മേട വിഷുവും തുലാ വിഷുവും ഉണ്ട്. സംക്രാന്തികളിലെ പ്രധാനമായത് മഹാവിഷു എന്നും പറയുന്നു. ഈ വിശേഷ ദിവസങ്ങൾ പണ്ടു മുതലേ ആഘോഷിച്ചു വരുന്നുണ്ടാവണം. സംഘകാലത്ത് ഇതിനെക്കുറിച്ച് പരാമർശങ്ങൾ പതിറ്റുപത്ത് എന്ന് കൃതിയിൽ ഉണ്ട്. എന്നാൽ വർഷാരംഭമായി കേരളത്തിൽ ആചരിക്കുന്നത് ഒരു പക്ഷേ കൊല്ലവർഷാരംഭത്തോടെ ആയിരിക്കണം. ക്രി.വ. 825 ഇൽ പകലിന്റേയും രാത്രിയുടേയും ദൈർഘ്യം ഒന്നായ ദിവസം ഏപ്രിൽ 15 നായിരുന്നു. അന്നാണ്‌ പുതുവർഷമായി പുതിയ കൊല്ലവർഷത്തിൽ (പഞ്ചാംഗം) രേഖപ്പെടുത്തിയത്. അതായത് സൂര്യൻ മേഷാദിയിൽ വരുന്ന ദിവസം. എന്നാൽ ഇന്ന് വിഷുവങ്ങളിൽ പ്രധാനയായ മഹാവിഷു 16 ദിവസത്തോളം പിന്നിലാണ്‌. ഭൂമിയുടെ ചരിവാണ്‌ ഇതിന്‌ കാരണം. പണ്ട്‌ മേഷാദി മേടത്തിൽ ആയിരുന്നു. എന്നാൽ വിഷുവങ്ങളുടെ പുരസ്സരണം കാരണം മേഷാദി ഇപ്പോൾ മീനം രാശിയിൽ ആണ്. എന്നിട്ടും നമ്മൾ വിഷു ആഘോഷിക്കുന്നത്‌ മേടത്തിൽ ആണ്. ഇതേ പോലെ തുലാദി ഇപ്പോൾ കന്നി രാശിയിൽ ആണ്.
ഈ വിവരങ്ങൾ മിക്കവാറും ശരിയാണെങ്കിലും ഹൈലൈറ്റു ചെയ്തിരിക്കുന്ന ഭാഗങ്ങൾ തെറ്റാണു്. ക്രിസ്തുവർഷം 825-ൽ വിഷുവം ഏപ്രിൽ 15-നായിരുന്നില്ല. (ജൂലിയൻ കലണ്ടറാണോ അതോ ഗ്രിഗോറിയൻ കലണ്ടർ പുറകോട്ടു കണക്കുകൂട്ടിയതാണോ ഉദ്ദേശിച്ചതു് എന്നറിയില്ല. രണ്ടായാലും തെറ്റു തന്നെ.) അന്നു കേരളത്തിലുള്ളവർക്കു് ഈ കലണ്ടറിനെപ്പറ്റി അറിയാനും വഴിയില്ല. മഹാവിഷുവം ഇന്നു പതിനാറു ദിവസം പിന്നിലല്ല, ഏകദേശം 24 ദിവസം പിന്നിലാണു്.
- മാത്ത്സ് ബ്ലോഗുകാരുടെ വിഷുദിനാശംസകളിൽ ഇങ്ങനെ പറയുന്നു:
ഇനി ജ്യോതിശാസ്ത്രവുമായി ബന്ധപ്പെടുത്തിപ്പറയുമ്പോള്‍ ഏറ്റവും പ്രധാനപ്പെട്ട ഒരു ദിവസമാണ് വിഷു. വിഷുവം (Equinoxes) ആണ് വിഷുവായി മാറിയത്. രാത്രിയും പകലും തുല്യമായി വരുന്നതിനെയാണ് വിഷുവം എന്ന് പറയുന്നത്. വര്‍ഷത്തില്‍ രണ്ട് വിഷുവങ്ങളാണ് ഉള്ളത്. ഈ ദിവസം ഭൂമദ്ധ്യരേഖയില്‍ സൂര്യകിരണങ്ങള്‍ ലംബമായി പതിക്കുന്നു. ഒരു വര്‍ഷത്തില്‍ രണ്ടുപ്രാവശ്യമാണ് ഇതുണ്ടാകുന്നത്. വസന്തവിഷുവമായ (vernal equinox) മാര്ച്ച് 21 നും ശരത് വിഷുവമായ (Autumnal equinox) സെപ്റ്റംബര്‍ 23 നും. പക്ഷെ സൂര്യന്‍ മേടം രാശിയിലേക്ക് സംക്രമിക്കുന്ന ദിനത്തോടനുബന്ധിച്ചാണ് വിഷുദിനത്തിന്‍റെ ആഘോഷങ്ങള്‍.
ഇതു ശരിയാണെങ്കിലും, വസന്തവിഷുവത്തിനും വിഷുവിനും തമ്മിൽ 24 ദിവസത്തിൽക്കൂടുതൽ വ്യത്യാസമുണ്ടെന്നും, എന്തുകൊണ്ടു് ഈ വ്യത്യാസം ഉണ്ടായി എന്നതിനെപ്പറ്റിയും മാത്ത്സ് ബ്ലോഗുകാർ എഴുതേണ്ടിയിരുന്നു എന്നാണു് എന്റെ അഭിപ്രായം. അതിനു പകരം, അതിനു പുറകിലുള്ള ഐതിഹ്യങ്ങളെ വിസ്തരിക്കാനാണു് (അതു മോശമാണെന്നല്ല) ആ പോസ്റ്റിന്റെ ഭൂരിഭാഗവും ഉപയോഗിച്ചിരിക്കുന്നതു്.
- രണ്ടു പ്രാവശ്യം തെറ്റെഴുതിയെങ്കിലും, മനോരമയിൽ തലയ്ക്കു വെളിവുള്ളവർ ഉണ്ടെന്നു തെളിയിച്ചു വിഷു മാർച്ച് 21-നോ? എന്ന ലേഖനം.
വിഷു മാര്ച്ച് 21-നാണെന്നു പറഞ്ഞാല്‍ മലയാളികള്‍ ആരും അംഗീകരിക്കില്ല. എന്നാല്‍, ഒരു തരത്തില്‍ അതു ശരിയാണ്. വിഷു എന്ന വാക്കു വന്നത് `വിഷുവം’ എന്ന വാക്കില്‍ നിന്നാണ്. വിഷുവമാണെങ്കില്‍ രാത്രിയും പകലും തുല്യമായി വരുന്ന ദിവസമാണ്. അതാണെങ്കില്‍ മാര്ച്ച് 21-നും. (സെപ്റ്റംബര്‍ 23-നും ഇതുപോലെ രാത്രിയും പകലും തുല്യമായി വരും.)
സൂര്യന്‍ ഭൂമിയുടെ നേരേ മുകളില്‍, അതായതു മധ്യരേഖയ്ക്കു മുകളില്‍ വരുന്ന ദിവസമാണു യഥാര്‍ഥത്തില്‍ വിഷു. ആ വാക്കിന്റെ അര്‍ഥം തന്നെ അതാണു സൂചിപ്പിക്കുന്നത്.
“സമരാത്രിന്ദിവേ കാലേ വിഷുവദ്വിഷുവഞ്ച തല്‍…” എന്നു കാരണവന്‍മാര്‍ പറയും- അതായത്, രാത്രിയും
പകലും തുല്യമായി വരുന്ന ദിവസത്തെ വിഷുവത്ത് എന്നും വിഷുവം എന്നും പറയുന്നു എന്നര്‍ഥം. വിഷുവം എന്നും വിഷുവത്ത് എന്നുമൊക്കെയുണ്ടായിരുന്നത് പറഞ്ഞുപറഞ്ഞ് വിഷു ആയി. ഭൂമിദേവിയുടെ അപ്പുറത്തും ഇപ്പുറത്തും ചാഞ്ഞും ചരിഞ്ഞും കടന്നു പോകുന്ന സൂര്യദേവന്‍ എന്നത്തെക്കാളും പ്രസന്നനായി നേരെ മുകളിലൂടെ കടന്നുപോകുന്ന ദിവസം. അതു വര്‍ഷത്തില്‍ രണ്ടു ദിവസം വരും- മേടവിഷുവിനും തുലാവിഷുവിനും. എങ്കിലും മേടവിഷു തന്നെ മലയാളിക്കു വിഷു.പണ്ടു മേടസംക്രമദിവസമായ വിഷുവിനു തന്നെയായിരുന്നു രാത്രിയും പകലും തുല്യമായ വിഷുവം. പക്ഷേ, കാലത്തിന്റെ നീക്കുപോക്കുകള്‍ക്കിടയില്‍ പെട്ട് വിഷുവിനും കാലം തെറ്റി. ഇപ്പോള്‍, മേടം ഒന്നിനു മുമ്പു തന്നെ വിഷുവം
കടന്നുപോകുന്നു. മാര്ച്ച് 21, സെപ്റ്റംബര്‍ 23 എന്നീ ദിവസങ്ങളിലാണു സൂര്യന്‍ ഭൂമധ്യരേഖയ്ക്കു മുകളില്‍ എത്തുന്നത്. ഈ വിഷുവം കഴിഞ്ഞുവരുന്ന സംക്രമം വിഷുസംക്രമം ആയി ഇപ്പോള്‍ ആചരിക്കുന്നു. പിറ്റേന്നു വിഷുവും. അങ്ങനെയാണു വിഷുവം മാര്ച്ച് 21-ന് ആണെങ്കിലും വിഷു ഏപ്രില്‍ 14-നും 15-നുമൊക്കെ ആയത്. ഏതായാലും, മാര്ച്ച് 21 ജ്യോതിഷത്തിന്റെ കണക്കുകളില്‍ ഏറെ പ്രാധാന്യമുള്ള ദിവസമാണ്.ഇതു് ഏറെക്കുറെ ശരിയാണെങ്കിലും ഇതിലും തെറ്റുകളുണ്ടു്. വിഷുവം കഴിഞ്ഞു വരുന്ന സംക്രമത്തെയല്ല വിഷുവായി ആഘോഷിക്കുന്നതു്. തെറ്റായ കണക്കിലൂടെയുള്ള വിഷുവത്തെത്തന്നെയാണു്. കുറേക്കാലം കൂടി കഴിയുമ്പോൾ വിഷുവം കുംഭത്തിലാകും. ഭാരതീയജ്യോതിഷത്തിൽ മാർച്ച് 21-നു യാതൊരു സ്ഥാനവുമില്ല. ഏപ്രിൽ 14/15-നു സംഭവിക്കുന്ന മേടസംക്രാന്തിയ്ക്കേ പ്രാധാന്യമുള്ളൂ.
എന്തൊക്കെയോ ശരിയാക്കി, പക്ഷേ എല്ലാം ശരിയാക്കാൻ മനോരമയ്ക്കും ഒരല്പം മടിയുണ്ടെന്നു സാരം.
ഇതു ഞാൻ പല തവണ പലരോടു പറഞ്ഞു മടുത്തു. എന്റെ ബ്ലോഗിലും ഞാൻ ഇതു പലപ്പോഴും പറഞ്ഞിട്ടുണ്ടു്. ഞാൻ മാത്രമല്ല, പലരും പലയിടത്തും പല തവണ പറഞ്ഞ കാര്യമാണു്. എന്നിട്ടും വിഷു വരുമ്പോൾ എന്നും ഈ അബദ്ധം സകല പ്രസിദ്ധീകരണങ്ങളും (ടെലിവിഷൻ ചാനലുകളും ഉണ്ടാവും. ഞാൻ അവ കാണാറില്ല.) വീണ്ടും വീണ്ടും വിളിച്ചു പറയുന്നതു കാണുമ്പോൾ ഒരിക്കൽക്കൂടി എഴുതാതിരിക്കാനാവുന്നില്ല. ഇനി ഇതു് എവിടെയെങ്കിലും കേട്ടാൽ ചൂണ്ടിക്കാണിക്കാൻ ഒരു പോസ്റ്റായല്ലോ!
ഗുപ്തന്‍ | 30-Apr-10 at 7:49 pm | Permalink
മൊത്തം വായിച്ചില്ല. ചില വിശദാംശങ്ങളില്‍ പ്രത്യേകിച്ച് താല്പര്യവുമില്ല. പതുക്കെ വായിക്കാം. എന്കിലും തുടക്കത്തില്‍ ഗ്രീക്ക് റാഷണാലിറ്റി എന്ന ഒന്നാന്തരം മിത്തിനിട്ടു ചവിട്ടിയതിന് ഒരു സലാം. 🙂 അതിനെ ആഘോഷിക്കലാണ് പോപ്പുലര്‍ ചരിത്രകാരന്മാരുടെ പതിവ് തൊഴില്‍.
സ്വതന്ത്ര ചിന്തകന്‍ | 30-Apr-10 at 11:22 pm | Permalink
“വസന്തവിഷുവത്തിനും വിഷുവിനും തമ്മിൽ 24 ദിവസത്തിൽക്കൂടുതൽ വ്യത്യാസമുണ്ടെന്നും, എന്തുകൊണ്ടു് ഈ വ്യത്യാസം ഉണ്ടായി എന്നതിനെപ്പറ്റിയും മാത്ത്സ് ബ്ലോഗുകാർ എഴുതേണ്ടിയിരുന്നു എന്നാണു് എന്റെ അഭിപ്രായം. അതിനു പകരം, അതിനു പുറകിലുള്ള ഐതിഹ്യങ്ങളെ വിസ്തരിക്കാനാണു് (അതു മോശമാണെന്നല്ല) ആ പോസ്റ്റിന്റെ ഭൂരിഭാഗവും ഉപയോഗിച്ചിരിക്കുന്നതു്.”
അധ്യാപകരുടെ പോസ്റ്റിനെക്കുറിച്ചുള്ള ഈ ഭാഗം തന്നെ സ്പഷ്ടമാക്കുന്നുണ്ട് മലയാളികളുടെ ശാസ്ത്രബോധം എത്ര പരിതാപകരമാണെന്ന്. പിള്ളാരെ പഠിപ്പിക്കുന്നവര്‍ക്ക് വിഷുവിനെപ്പറ്റിയും മറ്റുമുള്ള ധാരണ മിക്കവയും ജ്യോതിഷഭൂഷണംകാരുടേതാണ്.ഇവരില്‍നിന്നു പഠിച്ചിറങ്ങുന്ന കുട്ടികളല്ലേ നാളത്തെ പൌരന്മാര്‍.അവര്‍ക്കു പഥ്യം ശാസ്ത്രസത്യങ്ങളേക്കാള്‍ അന്ധവിശ്വാസങ്ങളായിരിക്കും.
ഉമേഷിന്റെ പോസ്റ്റ് പതിവുപോലെ ഒന്നാന്തരം.അഭിനന്ദനം.
സ്വതന്ത്ര ചിന്തകന്‍ | 30-Apr-10 at 11:27 pm | Permalink
ജ്യോതിഷസംബന്ധിയായി കണ്ട മറ്റൊരു പോസ്റ്റ് ഇവിടെ:
ജ്യോതിഷ പ്രവചനങ്ങള്‍ താരതമ്യം ചെയ്താല്‍..
Jayarajan | 01-May-10 at 1:24 am | Permalink
ഉമേഷ് സാറിന്റെ പോസ്റ്റ് വളരെ വളരെ ഗംഭീരം. അഭിനന്ദനങ്ങള്‍.
Umesh:ഉമേഷ് | 01-May-10 at 1:41 am | Permalink
സ്വതന്ത്രചിന്തകൻ,
മാത്ത്സ് ബ്ലോഗുകാരുടെ ആ പോസ്റ്റിനു് എന്തെങ്കിലും പ്രശ്നമുണ്ടെന്നു ഞാൻ കരുതുന്നില്ല. അതൊരു ഗണിതശാസ്ത്രബ്ലോഗായതിനാൽ ഐതിഹ്യങ്ങളെക്കാൾ പ്രാധാന്യം ഗണിതത്തിനു കൊടുക്കണം എന്നേ ഞാൻ അഭിപ്രായപ്പെട്ടുള്ളൂ.
താങ്കൾ ചെയ്തതു പോലെ ധാരാളം ഗവേഷണം ഞാൻ ചെയ്തിട്ടുണ്ടു്. വാരഫലം ശുദ്ധതട്ടിപ്പാണെന്നു് അന്നേ മനസ്സിലായി.
ഒരു വർഷഫലത്തിന്റെ തട്ടിപ്പിനെ ഞാൻ ഒരിക്കൽ ഇതു പോലെ പൊളിച്ചടുക്കിയതു് ഇവിടെ വായിക്കാം.
Manoj മനോജ് | 01-May-10 at 2:49 am | Permalink
നിരീക്ഷണം, പരീക്ഷണം, Winter Solstice ഇതൊക്കെ ചേര്‍ന്നപ്പോള്‍ പെട്ടെന്ന് ഓര്‍മ്മ വന്നത് ന്യൂഗ്രേഞ്ചിലെ ആ മലയാണ് 🙂
http://www.youtube.com/watch?v=V0MCWL3wcis&feature=related
“കുറേക്കാലം കഴിഞ്ഞിട്ടേ അറബികൾ അവിടുന്നും ഇവിടുന്നുമൊക്കെ അടിച്ചു മാറ്റിയ അറിവുകളൊക്കെ തടുത്തു കൂട്ടി ഇവർ പുതിയ തിയറികളൊക്കെ ഉണ്ടാക്കി പിന്നീടുള്ള ചരിത്രകാരന്മാരെക്കൊണ്ടു് റോമിലെയും ഗ്രീസിലെയും ശാസ്ത്രം അസ്തമിച്ചതിൽ‌പ്പിന്നെ ലോകം അന്ധകാരത്തിലായിരുന്നെന്നും പിന്നെ പത്തുപതിന്നാലു നൂറ്റാണ്ടു കഴിഞ്ഞിട്ടു യൂറോപ്പിലാണു് അതു് ഉയിർത്തെഴുനേറ്റതെന്നും എഴുതിക്കാൻ പരിപാടിയിടുന്നുള്ളൂ.”
ഒരു കാലത്ത് വിദേശീയര്‍ പോലും പഠിക്കുവാന്‍ വന്നിരുന്ന ഇന്ത്യയ്ക്ക് പിന്നീട് എന്ത് സംഭവിച്ചു എന്ന് പലപ്പോഴും ആലോചിക്കാറുണ്ട്.
ഇന്ത്യയുടെയും, ചൈനയുടെയും “ഹെര്‍ബല്‍ ട്രീറ്റ്മെന്റിനെ” കുറിച്ച് പഠിക്കുവാന്‍ ഇന്ന് “ആധുനിക ശാസ്ത്രജ്ഞര്‍” നെട്ടോട്ടം ഓടുന്നു! പല അമേരിക്കന്‍ ശാസ്ത്രജ്ഞരും “കൊളാബ്രേഷനിലൂടെ” പലതും പുറത്ത് കൊണ്ട് വരുന്നു. അപ്പോഴും നമ്മള്‍ പഴയ “തഴമ്പും” തടകി ഇരിക്കുന്നു 🙂
ദില്ലിയിലെ ജന്തര്‍ മന്ദര്‍ കണ്ടിട്ടുള്ളവര്‍ക്ക് മനസ്സില്‍ ഓടിയെത്തുക എന്ത് കൊണ്ട് / എങ്ങിനെ ഈ അറിവുകള്‍ ഇന്ന് നമുക്ക് നഷ്ടമായതെന്നല്ലേ…..
വഷളന്‍ | 01-May-10 at 4:04 am | Permalink
ഉമേഷേ, പതിവ് പോലെ ഒരുപാട് വിവരങ്ങള്‍ കിട്ടി. നന്ദി. മനോജിന്റെ യുട്യൂബ് വീഡിയോ പുതിയ അറിവായിരുന്നു.
നിര്‍വചനപ്രകാരം വിഷവദിനത്തില്‍ രാത്രിയും പകലും തുല്യ ദൈര്‍ഖ്യം ആയിരിക്കണമല്ലോ. എന്നാല്‍ ഉത്തരാര്‍ദ്ധഗോളത്തില്‍ മേടവിഷുവദിനത്തിന് മുമ്പ് പകലും രാത്രിയും തുല്യമായി അനുഭവപ്പെടും; അതുപോലെ തുലാ വിഷുവദിനത്തിന് ശേഷമായിരിക്കും പകലും രാത്രിയും തുല്യമായി അനുഭവപ്പെടുന്നത്. ദക്ഷിണാര്‍ദ്ധഗോളത്തില്‍ തിരിച്ചും, അതായത് മേടവിഷുവദിനതിനു ശേഷമുള്ള ഒരു ദിവസം ആയിരക്കും പകലും രാത്രിയും തുല്യമായി അനുഭവപ്പെടുക. അതുപോലെ തുലാവിഷുവദിനത്തിന് മുമ്പും.
ഭൗമാന്തരീക്ഷത്തില്‍ സൂര്യ രശ്മിയുടെ അപഭംഗം (refraction) കൊണ്ട് സൂര്യന്‍ ചക്രവാളത്തില്‍ ഉദിക്കുന്നതിന് മുമ്പ് കാണാനാകും., അതായത് പകല് കണക്കുകൂട്ടിയ സമയത്തിനു മുമ്പേ തുടങ്ങി എന്ന പ്രതീതി ഉണ്ടാക്കും..
സൂര്യന്‍ ഒരു പ്രകാശ ബിന്ദുവും ഭൂമി അന്തരീക്ഷരഹിതവും ആയിരുന്നെങ്കില്‍ വിഷുവ ദിനത്തില്‍ തുല്യ പകലും രാത്രിയും ആയിരുന്നേനെ.
shan | 01-May-10 at 6:56 am | Permalink
>>ഭൂമദ്ധ്യരേഖയിലുള്ളവർക്കു് എന്നും പകലും രാത്രിയും ഒരേ ദൈർഘ്യമായിരിക്കും. (12 മണിക്കൂർ വീതം.) ആർട്ടിക് വൃത്തത്തിനു വടക്കുള്ളവർക്കും അന്റാർട്ടിക് വൃത്തത്തിനു തെക്കുള്ളവർക്കും അങ്ങനെ തന്നെ. (ആറു മാസം വീതം നീളമുള്ള പകലും രാത്രിയും.) ഇവയ്ക്കിടയിലുള്ളവർക്കു് അക്ഷാംശം കൂടുന്തോറും പകലിന്റെയും രാത്രിയുടെയും ദൈർഘ്യം കൂടിയും കുറഞ്ഞും ഇരിക്കും
shan | 01-May-10 at 6:58 am | Permalink
ഉമേഷ് ഇതത്ര ദഹിക്കുന്നില്ല..ഒരല്പം കൂടി വിശദമാക്കാമോ ?
നന്ദന | 01-May-10 at 12:27 pm | Permalink
വായിക്കുന്നു
ശ്രീ (sreyas.in) | 01-May-10 at 12:50 pm | Permalink
നല്ല ലേഖനം. അടുത്തവര്‍ഷം വിഷുസമയത്ത് നാട്ടിലെ പത്രങ്ങളില്‍ ഇതൊരു കത്തായെങ്കിലും പ്രസിദ്ധീകരിച്ചിരുന്നെങ്കില്‍ നന്നായിരുന്നു. അതുപോലെ രാഹുകാലവും ഗുളികാലവും സംബന്ധിച്ചുള്ള കാര്യങ്ങളും കൂടി എഴുതിയിരുന്നെങ്കില്‍…
ദേവൻ | 01-May-10 at 2:14 pm | Permalink
ശാസ്ത്രവും സയൻസും തമ്മിലുള്ള വ്യത്യാസം ‘ക്ഷ’ ബോധിച്ചു. അതായത് പച്ചവെള്ളവും രസവും തമ്മിലുള്ള അതേ വ്യത്യാസം. കുരുമുളകും തക്കാളിയും ചേർത്ത് സ്പിരിട്ട് ലാമ്പ് ഉപയോഗിച്ച് തിളപ്പിച്ചാൽ മാത്രമേ മാത്രമേ പച്ചവെള്ളം രസമാകുന്നുള്ളൂ. പാചകം പലർക്കും ഒരു രസകരമായ പരീക്ഷണം ആണല്ലോ? വല്യ വിവരമില്ലാത്തത് കൊണ്ട് ഞാൻ ഗൂഗിളടിച്ച് നോക്കി. ഇത് കിട്ടി. ഇല്ലെങ്കിൽ ഉറപ്പായിട്ടും ഞാനിതൊക്കെ വിശ്വസിച്ചു പോയേനെ. കൂലിപ്പണിയെടുത്ത കാശുകൊണ്ടാ സൈബർസെന്ററിൽ കയറിയിരുന്ന് ഇത് വായിക്കുന്നത്. പാവപ്പെട്ടവനെ വഴി തെറ്റിക്കാൻ ഒരു കുരുകുലം. തനിക്കൊക്കെ അദ്ധ്വാനിച്ച് ജീവിച്ച് കൂടേടോ? ദേണ്ടെ സയൻസിന്റെ ഡെഫനിഷം.
Science Definition
The word science comes from the Latin “scientia,” meaning knowledge.
How do we define science? According to Webster’s New Collegiate Dictionary, the definition of science is “knowledge attained through study or practice,” or “knowledge covering general truths of the operation of general laws, esp. as obtained and tested through scientific method [and] concerned with the physical world.”
What does that really mean? Science refers to a system of acquiring knowledge. This system uses observation and experimentation to describe and explain natural phenomena. The term science also refers to the organized body of knowledge people have gained using that system. Less formally, the word science often describes any systematic field of study or the knowledge gained from it.
What is the purpose of science? Perhaps the most general description is that the purpose of science is to produce useful models of reality.
Most scientific investigations use some form of the scientific method. You can find out more about the scientific method here.
Science as defined above is sometimes called pure science to differentiate it from applied science, which is the application of research to human needs. Fields of science are commonly classified along two major lines:
– Natural sciences, the study of the natural world, and
– Social sciences, the systematic study of human behavior and society.
രാജേഷ് ആർ. വർമ്മ | 01-May-10 at 4:22 pm | Permalink
രാത്രിയും പകലും ഒരേ നീളമായി വരുന്ന ദിവസം പത്താമുദയം (മേടം പത്ത്) എന്നാണല്ലോ ഞങ്ങളെയൊക്കെ ഉരുവിട്ടു പഠിപ്പിച്ചിരുന്നത്. ആ പഠിത്തത്തിന് എന്തു സംഭവിച്ചു?
bright | 03-May-10 at 7:08 am | Permalink
പോസ്റ്റ് വളരെ നന്നായിട്ടുണ്ട്.നന്ദി..എങ്കിലും ആ ‘aristotle bashing’നു വേണ്ടത്ര ന്യായീകരണമുണ്ടോ?പല്ലുകളുടെ എണ്ണത്തേക്കുറിച്ച്— ചുമ്മാ എണ്ണി നോക്കിയാല്‍ പല്ലുകളുടെ എണ്ണം കൃത്യമായി അറിയാന്‍ കഴിയും എന്നു തോന്നുന്നുണ്ടോ?എത്രപേര്‍ക്ക് വായില്‍ എല്ലാ പല്ലുകളുമുണ്ടാകും?ഈ ആധുനിക കാലത്തുപോലും ഭൂരിഭാഗം പേര്‍ക്കും,ആണായാലും പെണ്ണായാലും വായില്‍ 25 നു അടുത്ത് പല്ലുകളെ ഉണ്ടാകൂ.കേടുവന്നോ മറ്റോ പോയിരിക്കും.Believe me,I know.I am a dental surgeon.പുസ്തകത്തില്‍ പഠിച്ചതല്ലതെ എനിക്കുപോലും എണ്ണി നോക്കി (I have seen maybe some 50,000 mouths so far)പുരുഷന്റെയും സ്ത്രീയുടെയും പല്ലുകളുടെ എണ്ണം കണക്കാക്കാന്‍ കഴിയുമെന്ന് തോന്നുന്നില്ല,പിന്നല്ലേ ആ പാവം അരിസ്റ്റോട്ടിലിന് ചുമ്മാ വഴിയെ പോകുന്ന ആരുടെയെങ്കിലും പല്ലുകള്‍ എണ്ണി നോക്കി ഇത് കണ്ടു പിടിക്കാന്‍ പറ്റുന്നത് 🙂 അരിസ്റ്റോട്ടില്‍ അങ്ങിനെ ഒരു നിഗമനത്തിലെത്താന്‍ കാരണം എനിക്കറിയില്ലെങ്കിലും,എന്റെ ഒരു ഊഹം ഇതാണ്.ചില പല്ലുകള്‍ ശരിയായി
മുളയ്ക്കതിരിക്കാം ചില ആളുകളില്‍ , (Impaction).മിക്കവാറും ‘വിസ്ഡം ടൂത്ത്’ എന്ന അണപ്പല്ല് അല്ലെങ്കില്‍ ചിലപ്പോള്‍ ഉളിപ്പല്ല്.താടിയെല്ലുകള്‍ക്ക് വലുപ്പം കുറഞ്ഞവരില്‍ Impaction കൂടുതലായി കാണാം.(പല്ലുകള്‍ എല്ലാറ്റിനും നിരന്നിരിക്കാന്‍ സ്ഥലമുണ്ടാകില്ല.)സ്ത്രീകള്‍ക്ക് പുരുഷന്മാരെ അപേക്ഷിച്ചു താടിയെല്ലുകള്‍ക്ക് വലുപ്പം കുറവായതിനാല്‍ സ്ത്രീകള്‍ക്ക് Impaction കൂടുതലായിരിക്കാം,പല്ലുകളുടെ എണ്ണം കുറവായി തോന്നാം.So it is just possible that Aristotile may have really gone out and done the experiment of counting the teeth before reaching his conclusion.Or even cleverly he only noticed women have small jaw bones and deduced from that.Either way he was wrong,but for the right reasons.Being wrong in science is no disgrace.I rest my case,your honour.!! 😉
ഇനി ഗലീലിയോയെ പറ്റി.ഗലീലിയോ പരീക്ഷണം നടത്തി എന്നതിനേക്കാള്‍ വളരെ പ്രധാനപ്പെട്ട മറ്റൊരു പൊയിന്റുണ്ട്.ആദ്യം ഒരു ട്രിവിയ.ഗലീലിയോ ശരിക്കും പിസ ഗോപുരത്തില്‍ നിന്നു ഭാരം താഴേക്കിട്ട് പരീക്ഷണമൊന്നും നടത്തീട്ടില്ല.മറിച്ചുള്ളത് വെറും കഥകള്‍ മാത്രമാണ്.Even if he did try it,he could have achieved nothing because to determine the law of acceleration of falling bodies, required accurate measurements of time, which appeared to be impossible with the technology at his time.എന്തായാലും അരിസ്റ്റോട്ടിലിന്റെ തത്വം തെറ്റാണെന്ന് ധാരാളം പേര്‍
ഗലീലിയോവിനു മുന്‍പുതന്നെ പറഞ്ഞിരുന്നു.Simon Stevin എന്ന ആള്‍ ഗലീലിയോവിനു മൂന്ന് വര്‍ഷം മുന്‍പുതന്നെ ഒരു പരീക്ഷണം നടത്തിയതായി കാണുന്നു.ഭാരം കൂടിയ വസ്തുവും ഭാരം കുറഞ്ഞ വസ്തുവും ഒരേ സമയം തറയില്‍ വീഴുന്നു എന്ന് ശബ്ദത്തിന്റെ അടിസ്ഥാനത്തിലാണ് അദേഹം പറഞ്ഞത്.നേരത്തെ പറഞ്ഞപോലെ കൃത്യമായി സമയം അളക്കാനുള്ള വിദ്യയൊന്നും അന്നുണ്ടായിരുന്നില്ല.ഗലീലിയോ പരീക്ഷണം നടത്തിയത് ഒരു ചെരിഞ്ഞ പ്രതലത്തില്‍ കൂടി ലോഹ ഗോളങ്ങള്‍ ഉരുട്ടിവിട്ട് (വേഗം കുറക്കാന്‍) അതെന്റെ വേഗം ഒരു ജല ഘടികാരം കൊണ്ട് അളന്നായിരുന്നു.
അപ്പോള്‍ പിന്നെ എന്താണ് ഗലീലിയോവിന്റെ മഹത്വം? താങ്കള്‍ സൂചിപ്പിച്ചപോലെ പരീക്ഷണം നടത്തി എന്നതല്ല.അതിനേക്കാള്‍ പ്രധാനപ്പെട്ട മറ്റൊരു കാര്യമാണ്.ഗലീലിയോ ഈ വിഷയം എങ്ങിനെയാണ് അദ്ദേഹത്തിന്റെ പുസ്തകത്തില്‍ അവതരിപ്പിച്ചത് എന്ന് നോക്കാം.(Two New Sciences (1634)).അദ്ദേഹത്തിന്റെ കഥാപാത്രമായ Salviati (ഇദ്ദേഹമാണ് ഗലീലിയോവിനു വേണ്ടി പുസ്തകത്തില്‍ സംസരിക്കുന്നത്.)പരീക്ഷണം ഒന്നും കൂടാതെതന്നെ അരിസ്റ്റോട്ടില്‍ പറഞ്ഞത് തെറ്റാണെന്ന് സ്ഥാപിക്കുന്നുണ്ട്.ഒരു ഭാരം കൂടിയ വസ്തുവും ഭാരം കുറഞ്ഞ വസ്തുവും സങ്കല്‍പ്പിക്കുക.അരിസ്റ്റോട്ടിലിന്റെ തത്വം പ്രകാരം ഭാരം കൂടിയ വസ്തു വേഗം താഴെയെത്തും. ഭാരം കൂടിയ വസ്തുവിന്റെ വേഗം എട്ടും ഭാരം കുറഞ്ഞ വസ്തുവിന്റെ വേഗം നാലും എന്ന് കരുതുക.ഇനി ഈ രണ്ടു വസ്തുക്കള്‍ കൂട്ടികെട്ടി താഴേക്കിട്ടാല്‍ എന്ത് സംഭവിക്കും?ഭാരം കൂടിയ വസ്തുവിന്റെ സ്വാധീനത്തില്‍ ഭാരം കുറഞ്ഞ വസ്തു വീഴുന്ന വേഗം കൂടണം.അതേപോലെ ഭാരം കുറഞ്ഞ വസ്തുവിന്റെ സ്വാധീനത്തില്‍ ഭാരം കൂടിയ വസ്തുവിന്റെ വേഗം കുറയണം.എന്തായാലും ഈ പുതിയ വസ്തുവിന്റെ വേഗം എട്ടില്‍ താഴെയായിരിക്കണം.പക്ഷേ കൂട്ടികെട്ടിയ വസ്തുവിന് ഭാരം കൂടുതലായത് കൊണ്ട് (8+4) അതിന്റെ വേഗം എട്ടില്‍ കൂടണം.അപ്പോള്‍ കൂട്ടികെട്ടിയ വസ്തുവിന്റെ വേഗം എട്ടില്‍ കൂടുതലോ കുറവോ?രണ്ട് ഉത്തരവും ഒരേപോലെ ശരിയാവില്ലല്ലോ.Aristotle’s idea is wrong because a logical contradiction can be demonstrated.
So the real contribution of Galileo is not that he did experiments,(of course he did it) but the concept of LOGICAL CONSISTENCY.There is no point in doing experiments if your idea lacks internal consistency.ഹോമിയോപ്പതി തെറ്റാണെന്ന് കാണാന്‍ പരീക്ഷണമൊന്നും വേണ്ട, just check whether the idea has internal consistency.ഉമേഷ് തന്നെ ഗോപാലകൃഷ്ണന്റെ വിഡ്ഢിത്തങ്ങള്‍ തുറന്നു കാട്ടിയത് എന്തെങ്കിലും പരീക്ഷിച്ചു കാണിച്ചിട്ടല്ലല്ലോ?അദ്ദേഹത്തിന്റെ ആശയങ്ങള്‍ യുക്തിഭദ്രങ്ങളല്ല എന്ന് കാണിച്ചല്ലെ?നവരത്ന മോതിരം അണിഞ്ഞാല്‍ രോഗം മാറുമോ എന്ന് മോതിരം വാങ്ങി ധരിച്ച് പരീക്ഷിക്കേണ്ട കാര്യമില്ല.Just check whether you can detect any logical contradiction.ഏറ്റവും രസം ഇപ്പോള്‍ പരീക്ഷണങ്ങളെ ഏറ്റവും അധികം സപ്പോര്‍ട്ട് ചെയ്യുന്നത് സ്യൂഡോ സയന്‍സിന്റെ ആളുകളണ് എന്നതാണ്.പരീക്ഷണം എന്നത് തങ്ങളുടെ ആശയങ്ങള്‍ക്ക് ബഹുമാനം കിട്ടാന്‍ വേണ്ടതാണ് എന്ന ബോധ്യം ഇപ്പോള്‍ അവര്‍ക്കുമുണ്ട്.അവര്‍ക്ക്
മനസ്സിലാകാന്‍ വിഷമമുള്ള കാര്യം, യുക്തിഭദ്രമല്ലാത്ത ഒരു ആശയത്തെ എത്രതന്നെ പരീക്ഷണത്തിനു വിധേയമാക്കിട്ടും കാര്യമില്ല എന്നതാണ്.I repeat,there is no point in doing experiments if your idea lacks internal consistency.ഇതാണ് ഗലീലിയോവിന്റെ ശരിയായ കണ്ടുപിടുത്തം.
സയന്‍സ് എന്താണെന്നു ഡിക്ഷ്ണറി നോക്കി മനസ്സിലാക്കുന്ന വിദ്വന്‍മാരോട് സംവദിക്കാനുള്ള ശക്തി താങ്കള്‍ക്കുണ്ടാകട്ടെ..:-)
മുഹമ്മദ്‌ ഷാന്‍ | 03-May-10 at 7:26 am | Permalink
ബ്രൈറ്റ് കമന്റ് വളരെ നന്നായിരിക്കുന്നു..
പ്രത്യേകിച്ച് ഈ വരികള്‍..,
“സയന്‍സ് എന്താണെന്നു ഡിക്ഷ്ണറി നോക്കി മനസ്സിലാക്കുന്ന വിദ്വന്‍മാരോട് സംവദിക്കാനുള്ള ശക്തി താങ്കള്‍ക്കുണ്ടാകട്ടെ..:-) ”
🙂
ഒഴുകുന്ന നദി... | 03-May-10 at 4:12 pm | Permalink
ഉമേഷ്…
ഒരു സംശയം…
ഒരു ഭാരം കൂടിയ വസ്തുവും ഭാരം കുറഞ്ഞ വസ്തുവും മുകളിൽ നിന്ന് താഴേക്കിട്ടാൽ ഇതല്ലേ സംഭവിക്കുക…?
F = (G* M1* Me)/R^2 (Me – mass of earth, M1 – mass of the object)
F directly propotional to M1
അപ്പൊപ്പിന്നെ (വേറെ external force, ഉദാഹരണം air drag, friction etc. ഒന്നുമില്ലെങ്കിൽ ) ഭാരം കൂടിയ വസ്തുവല്ലേ ആദ്യം താഴെയെത്തേണ്ടത്..? രണ്ടും ഒരുപോലെ എങ്ങിനെ എത്തും..?
അരിസ്റ്റോട്ടിൽ പറഞ്ഞതിലെ തെറ്റ് എന്താണ്…?
Umesh:ഉമേഷ് | 03-May-10 at 6:20 pm | Permalink
ബ്രൈറ്റ്,
കമന്റിനു നന്ദി. പറയുന്ന കാര്യങ്ങളോടു മിക്കവാറും യോജിക്കുന്നു. എങ്കിലും…
1) ഗലീലിയോ പിസാ ഗോപുരത്തിനു മുകളിൽ കയറി ഒരേ പദാർത്ഥം കൊണ്ടു നിർമ്മിച്ചതും ഒരേ വ്യാപ്തവും വിഭിന്ന ഘനമാനവും ഉള്ള രണ്ടു ഗോളങ്ങൾ (ഒന്നിന്റെ അകം കുറേ പൊള്ളയായിരിക്കണം) താഴേയ്ക്കിട്ടെന്നും അവ ഒരേ സമയത്തു താഴെയെത്തിയതായി കാണിച്ചു കൊടുത്തെന്നും അദ്ദേഹത്തിന്റെ ശിഷ്യനായ വിവിയാനി എഴുതിയ ജീവചരിത്രത്തിൽ ഉണ്ടു്. ത്വരണം അളക്കാൻ ഉപകരണങ്ങൾ അന്നില്ലായിരുന്നെങ്കിലും ഒരേ സമയത്താണോ രണ്ടു വസ്തുക്കൾ വീഴുന്നതെന്നു താരതമ്യം ചെയ്തു മനസ്സിലാക്കാൻ കഴിയുമല്ലോ. (വീണ ശബ്ദം etc.) ന്യൂട്ടന്റെ തലയിൽ ആപ്പിൾ വീണതു പോലെയുള്ള ഒരു കള്ളക്കഥയാണു് അതെന്നു തോന്നിയില്ല.
2) സ്റ്റെവിൻ, നിഗ്രോട്ട് എന്നു രണ്ടു പേർ തനിക്കു മുമ്പു് ഇതു കണ്ടുപിടിച്ചിട്ടുണ്ടെന്നു ഗലീലിയോ തന്നെ പറഞ്ഞിട്ടുണ്ടു്. ഇവരെപ്പറ്റി കൂടുതൽ വിവരങ്ങൾ എനിക്കു കിട്ടിയില്ല. അതു കൊണ്ടാണു് “ഒന്നു രണ്ടു ശാസ്ത്രകുതുകികൾ ഒഴികെ.” എന്നു മാത്രം ഞാൻ പറഞ്ഞുവെച്ചതു്.
3) എല്ലാവർക്കും 32 പല്ലുകളുണ്ടാവില്ല എന്നു പറഞ്ഞതു ശരിയാണു്. പക്ഷേ, അരിസ്റ്റോട്ടിൽ പറഞ്ഞതു് അതല്ല. ആണുങ്ങൾക്കു പെണ്ണുങ്ങളേക്കാൾ പല്ലുകളുണ്ടായിരുന്നു എന്നാണു്. ഇതു് ശാസ്ത്രബോധമുള്ള ഒരു അദ്ധ്യാപകൻ പഠിപ്പിച്ചിരുന്നെങ്കിൽ അദ്ദേഹം കുട്ടികളോടു് വീട്ടിൽച്ചെന്നു് അച്ഛനമ്മമാരുടെ പല്ലുകൾ എണ്ണി നോക്കി ഇതു പരിശോധിക്കാൻ ആവശ്യപ്പെട്ടേനേ. ഈ പരീക്ഷണത്തിൽ നിന്നു രണ്ടു കാര്യം വ്യക്തമാകും. ഒന്നു്, എപ്പോഴും ആണുങ്ങൾക്കല്ല കൂടുതൽ പല്ലുകൾ, ചിലപ്പോൾ പെണ്ണുങ്ങൾക്കും ആവാം (പല്ലു കൊഴിയലും താടിയെല്ലിന്റെ ആകൃതിയും രണ്ടു വശത്തും ആവാം) എന്നു മനസ്സിലാകും. രണ്ടു്, പല തരത്തിലുള്ള പല്ലുകൾ കുട്ടികൾ നിരീക്ഷിച്ചിട്ടു് ഓരോ തരത്തിലും എത്ര വീതമുണ്ടെന്നു കണ്ടുപിടിച്ചേനേ.
4) നമ്മളെല്ലാവരും പഠിച്ചതു പാടുന്നുണ്ടു്. ഉദാഹരണമായി ശരീരത്തിൽ 206 എല്ലുകളുണ്ടെന്നു പറഞ്ഞതു് നാം വിശ്വസിക്കുന്നു. വാരിയെല്ലുകൾ തുടങ്ങിയവ എണ്ണി നോക്കിയിട്ടുണ്ടാവാം. പക്ഷേ ഒരു അസ്ഥികൂടത്തിലെ എല്ലുകളുടെ എണ്ണം ആരെങ്കിലും എണ്ണി നോക്കിയിട്ടുണ്ടോ? അതു കൊണ്ടാണു ഞാൻ “നാം നിത്യേന കേൾക്കുന്ന പല സിദ്ധാന്തങ്ങളും നിരീക്ഷണവും പരീക്ഷണവും വഴി വിശകലനം ചെയ്യാൻ വളരെയധികം ശാസ്ത്രജ്ഞാനമൊന്നും ആവശ്യമില്ല. സാമാന്യബുദ്ധി മാത്രം മതി.” എന്നു് എഴുതിയതു്. പല്ലുകളുടെയും വീഴുന്ന വസ്തുക്കളുടെയും കാര്യം പോലെ തന്നെ വിഷുവിന്റെ ദിവസത്തിലെ പകലും രാത്രിയുടെയും ദൈർഘ്യവും നമുക്കു കണ്ടുപിടിക്കാൻ പറ്റും എന്നായിരുന്നു ഞാൻ പറഞ്ഞതു്.
5) ഗലീലിയോയുടെ മഹത്ത്വം എന്താണെന്നു താങ്കൾ പറയുന്നതും ഞാൻ പറയുന്നതും രണ്ടും രണ്ടു വീക്ഷണകോണിൽ ശരിയാണെന്നേ എനിക്കു പറയാൻ കഴിയൂ. കത്തോലിക്കാസഭ പീഡിപ്പിച്ചപ്പോൾ ബ്രൂണോയെപ്പോലെ ആദർശത്തിനു വേണ്ടി ജീവൻ ഹോമിക്കാതെ അവിടെ വെച്ചു മനസ്സാക്ഷിക്കു നിരക്കാത്തതു പറഞ്ഞിട്ടു് അങ്ങനെ കിട്ടിയ ജീവിതത്തിൽ ശാസ്ത്രത്തിനു വളരെ സംഭാവനകൾ നൽകിയതാണു് അദ്ദേഹത്തിന്റെ മാഹാത്മ്യം എന്നു വേറൊരാൾ പറഞ്ഞേക്കാം. പരീക്ഷിച്ചു നോക്കാൻ പറ്റാത്ത ഇത്തരം സിദ്ധാന്തങ്ങൾക്കു പല ഉത്തരങ്ങളുണ്ടാവുക സ്വാഭാവികം.
6) “ഉമേഷ് തന്നെ ഗോപാലകൃഷ്ണന്റെ വിഡ്ഢിത്തങ്ങള്‍ തുറന്നു കാട്ടിയത് എന്തെങ്കിലും പരീക്ഷിച്ചു കാണിച്ചിട്ടല്ലല്ലോ?അദ്ദേഹത്തിന്റെ ആശയങ്ങള്‍ യുക്തിഭദ്രങ്ങളല്ല എന്ന് കാണിച്ചല്ലെ?” ഇവിടെ താങ്കൾക്കു തെറ്റി എന്നു തോന്നുന്നു. ജ്യോതിഷം തെറ്റാണെന്നുള്ള വാദങ്ങളൊന്നും ഞാൻ ആ പോസ്റ്റിൽ കാര്യമായി മുന്നോട്ടു വെയ്ക്കുന്നില്ല. ഡോ. ഗോപാലകൃഷ്ണൻ പറഞ്ഞവ തെറ്റാണെന്നു ഞാൻ തെളിയിച്ചതു പരീക്ഷണത്തിലൂടെത്തന്നെയാണു്. അദ്ദേഹം പറഞ്ഞ ഉദ്ധരണികൾ എവിടെയാണെന്നു കണ്ടുപിടിച്ചു് അവ അങ്ങനെയല്ല എന്നു തെളിയിക്കുകയാണു ഞാൻ ചെയ്തതു്. നിരീക്ഷണപരീക്ഷണങ്ങൾ കൊണ്ടു തന്നെയാണു് അവ കിട്ടിയതു്. ആ പരീക്ഷണം തുടങ്ങുന്നതിനു മുമ്പു് ചിലതിന്റെയൊക്കെ ഉത്തരം എങ്ങനെയാണെന്നു് എനിക്കു് അറിയില്ലായിരുന്നു. എന്റെ മറ്റു പല പോസ്റ്റുകളും ശുദ്ധചിന്തയുടെ അടിസ്ഥാനത്തിലുള്ളവയാണു്. ശുദ്ധചിന്ത മോശമാണെന്നും ഞാൻ പറഞ്ഞില്ല. സയൻസ് രംഗത്തു വരുമ്പോൾ അതിനെക്കാൾ കൂടുതൽ പ്രാധാന്യം നിരീക്ഷണത്തിനും പരീക്ഷണത്തിനും കൊടുക്കണം എന്നേ ഉള്ളൂ.
7) പ്ലേറ്റോയെപ്പോലെ അരിസ്റ്റോട്ടിൽ പൂർണ്ണമായും ചിന്തയുടെ ആളായിരുന്നില്ല. അദ്ദേഹം നിരീക്ഷണത്തിനും വില കൽ‌പ്പിച്ചിരുന്നു. ഭൂമി പരന്നതല്ല എന്നു് അദ്ദേഹം കണ്ടെത്തിയതു് നക്ഷത്രങ്ങളുടെ സ്ഥാനം നിരീക്ഷിച്ചിട്ടാണു്. തൂവലിനെക്കാൾ വേഗത്തിൽ കല്ലു വീഴുന്നതു കണ്ടിട്ടായിരിക്കാം അദ്ദേഹം ഭാരം കൂടിയവയെ ഭൂമി കൂടുതൽ വേഗത്തിൽ വലിക്കുന്നു എന്നു പ്രസ്താവിച്ചതു്.
8) ലോജിക്കൽ കോൺ‌ട്രഡിക്‌ഷൻ പരാജയപ്പെടുന്ന സംഭവങ്ങളും ഉണ്ടാവാം. ശുദ്ധഗണിതം പരാജയപ്പെടുന്ന പലയിടത്തും സ്റ്റാറ്റിസ്റ്റിക്സ് ജയിക്കുന്നതും അതു കൊണ്ടാണു്. ഉദാഹരണമായി, കാലാവസ്ഥാപ്രവചനത്തിൽ പല കാര്യങ്ങൾ അളന്നു് അവയുടെ കോറിലേഷൻ കണ്ടുപിടിച്ചാണു് പ്രവചനം കൂടുതൽ കൃത്യമാക്കുന്നതു്. ഡെൻ‌വറിൽ പൊടി കൂടിയാൽ ഷിക്കാഗോയിൽ മഴ പെയ്യുമെന്നു് (ഉദാഹരണം ഞാൻ ചുമ്മാ പറഞ്ഞതു്) വളരെ കോൺസിസ്റ്റന്റ് ആയി കണ്ടാൽ അതു പ്രവചനത്തിനു് ഉപയോഗിക്കാം. ഒരു പക്ഷേ, ഫീനിക്സിലെ ന്യൂനമർദ്ദമാവാം ഇതിനെ രണ്ടിനെയും ഉണ്ടാക്കുന്നതു്. (ഉദാഹരണം സയന്റിഫിക് അല്ല.) റോഡപകടങ്ങൾ ഉണ്ടാകുന്നതെങ്ങനെ എന്ന ഒരു പഠനത്തിന്റെ അവസാനത്തിലെ ഒരു ഫോർമുല കണ്ടു് ഒരിക്കൽ ഞെട്ടിയിട്ടുണ്ടു്. ഒരു സ്ഥലത്തു് ഒരു ആഴ്ചയിൽ ഉണ്ടാകാവുന്ന അപകടങ്ങളുടെ എൺനമാണു ഫോർമുല തരുന്നതു്. റോഡിന്റെ വീതി, വളവിന്റെ ആംഗിൾ, അടുത്തുള്ള പോലീസ് സ്റ്റേഷനിലേയ്ക്കുള്ള ദൂരം തുടങ്ങി ബന്ധമുണ്ടെന്നും ഇല്ലെന്നും തോന്നിക്കുന്ന ധാരാളം പരാമീറ്ററുകൾ. ഇവ തമ്മിൽ ഇങ്ങനെ ബന്ധമുണ്ടെന്നു തിയറിറ്റിക്കൽ ആയി കണ്ടുപിടിക്കാൻ ബുദ്ധിമുട്ടാണു്. എങ്കിലും ആ ഫോർമുല അവർ പരീക്ഷിച്ച നൂറുകണക്കിനു സ്ഥലങ്ങളിൽ വളരെ കൃത്യമാണെന്നു് പരീക്ഷിച്ചറിഞ്ഞിട്ടുണ്ടു്.
9) ഞാൻ മുകളിൽ പറഞ്ഞ കാര്യം അന്ധവിശ്വാസികൾ ജ്യോതിഷവും മറ്റും ന്യായീകരിക്കാൻ ഉപയോഗിക്കാറുണ്ടു് എന്നു താങ്കൾ പറഞ്ഞതു ശരി തന്നെ. പക്ഷേ അവയെയും കൂടുതൽ പരീക്ഷണങ്ങളുടെയും നിരീക്ഷണങ്ങളുടെയും അടിസ്ഥാനത്തിൽ ഖണ്ഡിക്കാൻ കഴിയും. “ഗ്രഹങ്ങൾക്കു മനുഷ്യരിൽ യാതൊരു ഇമ്പാക്റ്റും സയന്റിഫിക്കലി ഇല്ല” എന്നു വാദിക്കുന്നതിനേക്കാൾ ഒരു പ്രശസ്തജ്യോത്സ്യന്റെ പ്രവചനത്തിലെ തെറ്റുകളെ ചൂണ്ടിക്കാണിക്കുന്നതാണെന്നു ഞാൻ കരുതുന്നു. അതോടൊപ്പം തന്നെ, അതിനു പിന്നിലുള്ള കാരണങ്ങളും കണ്ടുപിടിക്കാൻ ശ്രമിക്കണം. ഉദാഹരണമായി, കനേഡിയൻ ഹോക്കികളിക്കാരിൽ നടന്ന ഒരു പഠനത്തിൽ, മികച്ച കളിക്കാർ എല്ലാം ജനുവരി, ഫെബ്രുവരി, മാർച്ച് മാസങ്ങളിൽ ജനിച്ചവരാണെന്നു കണ്ടു. നവംബറിലും ഡിസംബറിലും ജനിച്ചവർ ആരും തന്നെയില്ലെന്നു കണ്ടു. ഇതു് ജ്യോതിഷത്തെ പിന്തുണയ്ക്കുന്നതായി വ്യാഖ്യാനിക്കപ്പെടാം. എന്നാൽ ഒരു ലെവലിലുള്ള കളിക്കാരെ തിരഞ്ഞെടുക്കുന്നതു് വയസ്സിന്റെ അടിസ്ഥാനത്തിലാണെന്നും, അതിന്റെ കട്ടോഫ് ഡേറ്റ് ജനുവരി 1 ആണെന്നും അറിയുമ്പോഴാണു് ആ ലെവലിൽ കൂടുതൽ പ്രായമുള്ളവരാണു കൂടുതൽ മിടുക്കരാവുന്നതെന്നും കോറിലേഷൻ മിടുക്കും പ്രായവും തമ്മിലാണെന്നും മനസ്സിലാവുന്നതു്. സെപ്റ്റംബർ 1 കട്ടോഫ് ഡേറ്റ് ആയിട്ടുള്ള മറ്റൊരു സ്ഥലത്തു പഠനം നടത്തിയാൽ ഇതു വ്യക്തമാവും.
10) “Being wrong in science is no disgrace.”
യോജിക്കുന്നു. ഞാൻ വിമർശിച്ചതു് അരിസ്റ്റോട്ടലിനെയല്ല. എളുപ്പം പരിശോധിക്കാവുന്ന അങ്ങനെയൊരു തെറ്റു് പത്തുപതിനാറു നൂറ്റാണ്ടു കൊണ്ടുനടന്ന സമൂഹത്തെയാണു്. അതു പോലെ വിഷുവിനെപ്പറ്റി ഈ മണ്ടത്തരം ഇപ്പോഴും എഴുതുന്ന പത്രങ്ങളെയാണു്. ഇതേ പത്രങ്ങൾ തന്നെ എല്ലാ ദിവസത്തെയും ഉദയാസ്തമയങ്ങൾ പ്രസിദ്ധീകരിക്കുന്നു എന്നും ശ്രദ്ധിക്കണം.
ഒരിക്കൽക്കൂടി നന്ദി.
(എന്റെ ഈ കമന്റ് ദാ ഇതു പോലെ ആയിപ്പോയോ? 🙂 )
Umesh:ഉമേഷ് | 03-May-10 at 6:26 pm | Permalink
എന്റെ പൊന്നു ശേഷൂ,
ലോഹങ്ങളുടെ എക്സ്പാൻഷന്റെ തിയറിയ്ക്കു ശേഷം പുതിയ സാധനവുമായി വരികയാണോ?
ദ്രവ്യമാനം കൂടുതലുള്ള വസ്തുക്കളെ ഭൂമി കൂടുതൽ ബലത്തിൽ (force) ആകർഷിക്കുന്നു എന്നതു ശരിയാണു്. പക്ഷേ, ബലത്തിൽ (force) നിന്നു് ത്വരണം (acceleration) കിട്ടുവാൻ ദ്രവ്യമാനം (mass) കൊണ്ടു ഹരിക്കണം. അപ്പോൾ ത്വരണം ദ്രവ്യമാനത്തെ ആശ്രയിക്കുന്നില്ല എന്നു കാണാം. പൂജ്യം വേഗതയിൽ നിന്നു തുടങ്ങുന്നതുകൊണ്ടു് വസ്തുക്കളുടെ വേഗത ദ്രവ്യമാനത്തെയല്ല, ത്വരണത്തെ മാത്രമേ ആശ്രയിക്കുന്നുള്ളൂ. (v = u + at എന്നോ s = ut + 1/2 at^2 എന്നോ വല്ലതും കേട്ട ഓർമ്മയുണ്ടോ?)
സമയം ഇഷ്ടം പോലെയുണ്ടെന്നു പറഞ്ഞു ബാക്കിയുള്ളവരുടെ സമയം മെനക്കെടുത്തല്ലേ…
Babukalyanam | 03-May-10 at 6:31 pm | Permalink
പുഴ അണ്ണാ, gravitationil ഒക്കെ തുടങ്ങിയാല്‍ വലിയ പാടാവും 🙂
ഇതിനു equations of motion മതി.
എന്നാലും തുടങ്ങി വച്ച സ്ഥിതിക്ക്:
a = F/M1
= GMe/(R^2) = constant = g
Assume
S = height
u = starting velocity
v = final velocity
t = time taken
Now: using equations of motion
v = u + gt
v = gt
t = v/g (1)
now,
v^2 – u^2 = 2aS
v^2 = 2gS
v = sqrt(2gS) (2)
From (1)
t = sqrt(2gS)/g
g,S being same for both the objects, t should also be constant.
Babukalyanam | 03-May-10 at 6:34 pm | Permalink
ഛെ! ഉമേഷ് അതിനും മുന്‍പ് കയറി ഗോള്‍ അടിച്ചു. ഈ പ്രീഡിഗ്രി തെറ്റുകള്‍ എങ്കിലും തിരുത്താന്‍ ഒരു അവസരം തരു!
Umesh:ഉമേഷ് | 03-May-10 at 6:35 pm | Permalink
I found this in Wikipedia:
“A biography by Galileo’s pupil Vincenzo Viviani stated that Galileo had dropped balls of the same material, but different masses, from the Leaning Tower of Pisa to demonstrate that their time of descent was independent of their mass.[85] This was contrary to what Aristotle had taught: that heavy objects fall faster than lighter ones, in direct proportion to weight.[86] While this story has been retold in popular accounts, there is no account by Galileo himself of such an experiment, and it is generally accepted by historians that it was at most a thought experiment which did not actually take place.[87]”
I stand corrected. Thanks, Bright!
Umesh:ഉമേഷ് | 03-May-10 at 9:20 pm | Permalink
ഗലീലിയോ പിസാ ഗോപുരത്തിനു മുകളിൽ കയറിയ കഥ കെട്ടുകഥയാണെന്നുള്ള വിവരം പോസ്റ്റിൽ ചേർത്തിട്ടുണ്ടു്.
bright | 04-May-10 at 4:31 am | Permalink
I think I know from where the myth of Galileo climbing the pisa tower came from.
This is what Salviati (Galileo’s alter ego) says,”I greatly doubt that Aristotle ever tested by experiment whether it is true that two stones,one weighing ten times than the other,if allowed to fall at the same instant,from aheight of say,100 cubits(the height of pisa’s tower) would so differ in speed that when the heavier reached the ground,the other would not have fallen more than 10 cubits.”
I think it is this mention of pisa’s tower,that actually started the story of Galileo climbing the tower to do his experiment.
ജംബുലിംഗം | 04-May-10 at 6:17 am | Permalink
ശേഷുമണ്ടാ !
നീയാണോടാ സിഗ്നല്‍ പ്രോസസിംഗില്‍ ഏതാണ്ട് റിസര്‍ച്ച് ചെയ്യുന്ന മണ്ടന്‍ ? നിനക്ക് ഫിസിക്സില്‍ എന്തെങ്കിലും അടിസ്ഥാന വിവരം ഉണ്ടായിട്ടാണൊ ഈ പണിക്കിറങ്ങിയത് ?
എടാ പൊട്ടഞ്ചങ്കരാ ആക്സലറേഷനെപ്പറ്റി സ്കൂളില്‍ പഠിച്ച വിവരം പോലുമില്ലല്ലോടാ നിനക്ക് !
ഓ സമയത്ത് സ്പൂണ്‍ ഫീഡ് ചെയ്യാത്തതിന്റെ കുഴപ്പമായിരിക്കും.
ഉമേഷേ, ബാബു കല്യാണം, ഈ മരമണ്ടനു ഉത്തരം കൊടുക്കാന്‍ നടക്കുന്ന നിങ്ങള്‍ക്ക് വേറെ പണിയില്ലേ ?
ഒഴുകുന്ന നദി... | 04-May-10 at 7:15 am | Permalink
ഉമേഷ്…Babukalyanam
മറുപടി പറഞ്ഞതിന് വളരെ നന്ദി…
ചോദ്യങ്ങൾ ചോദിക്കാനാണെങ്കിൽ പലതുണ്ട്…
എന്തുകൊണ്ട് free falling ഒരു uniform accelerated motion ആയി.
അല്ലെങ്കിൽ g എന്നത് constant ആണെന്ന് എങ്ങനെ കണ്ടുപിടിച്ചു…
g = F/m = G*Me/R^2.
Me എങ്ങനെ കണ്ടുപിടിച്ചു,G എങ്ങനെ കണ്ടുപിടിച്ചു..
എന്തുകോണ്ട് F propotional to R^2 ആകുംബോൾ g propotional to R^2 ആകുന്നില്ല…
എന്തുകൊണ്ട് F propotional to R^2 ആയി, F propotional to R അല്ലെങ്കിൽ R^3 എന്തുകൊണ്ട് ആകുന്നില്ല…
ഈ equation എങ്ങനെ കണ്ടുപിടിച്ചു…
ഇതിന്റെ ഉത്തരമൊന്നും അത്ര നേരിട്ട് മനസ്സിലാക്കാം എന്നു തോന്നുന്നില്ല…
ശ്രീ ജംബൂലിംഗം..
താങ്കളെപ്പോലെയുള്ള ഐൻസ്റ്റീന്മാർ ജനിക്കട്ടെ…
ഒഴുകുന്ന നദി... | 04-May-10 at 7:34 am | Permalink
ഒരു ചോദ്യം കൂടിയുണ്ട്..F propotional to R^2 എന്ന് എങ്ങിനെ കണ്ടുപിടിച്ചു…?
Babukalyanam | 04-May-10 at 11:49 am | Permalink
ഒഴുകുന്ന നദീ, താങ്കള്‍ക്ക് ശരിക്കും വിവരം ഇല്ലേ , അതോ വിവരം ഇല്ലാത്തതായി അഭിനയിക്കുന്നതാണോ?
ഒഴുകുന്ന നദി... | 04-May-10 at 1:29 pm | Permalink
ശ്രീ Babukalyanam
g constant ആണ് എന്ന് വിശ്വസിക്കാൻ ബുദ്ധിമുട്ടില്ല.. താങ്കൾ വിശ്വസിക്കുന്നു.. ഞാനും വിശ്വസിക്കുന്നു. പക്ഷെ അത് എങ്ങിനെ വന്നു എന്ന ചോദ്യത്തിന് എന്താണ് ഉത്തരം ഇല്ലാത്തത്..?
അറിയുമെങ്കിൽ പറയൂ…. F = m*g = G*m*Me/R^2 എന്ന equation ഉപയോഗിക്കാം…G – constant, Me – constant, m – constant, R – variable
F inversely propotional to R^2
m*g = G*Me*m/R^2
g = G*Me/R^2
ഇതിൽനിന്ന് g inversely propotional to R^2 എന്ന് എന്തുകൊണ്ട് താങ്കൾ വിശ്വസിക്കുന്നില്ല…straight forward equation അല്ലേ?
വരളുന്ന നദി | 04-May-10 at 1:46 pm | Permalink
ക്ലാസ്മേറ്റ്സിലെ ഒരു രംഗം ഓര്‍മ വരുന്നു.
പള്ളീലച്ചനായ ജഗതി ഉണ്ടമ്പൊരിയോട് നിന്റച്ഛനാരാണെന്ന് നിന്റമ്മ പറഞ്ഞുള്ള അറിവല്ലേ നിനക്കുള്ളൂ. എന്നിട്ടും നീ വിശ്വസിക്കുന്നില്യോ?
അതേ ഡയലോഗ് മുകളിലെ ഏതെങ്കിലും കഥാപാത്രത്തോട് പറയാന്‍ ആര്‍ക്കെങ്കിലും തോന്നുന്നുണ്ടോ? 😉
Anoop M | 04-May-10 at 2:32 pm | Permalink
@ ഒഴുകുന്ന നദി…
Of course, g is proportional to R^-2, where
R = Re + h,
Re = mean radius of the Earth and h = height of the center of gravity of the body above the earth’s surface.
For relatively small h, g can be treated as a constant.
R = Re + h, approx. = Re
Nweton’s law of gravity എങ്ങനെ കണ്ടു പിടിച്ചു എന്നൊക്കെ ഇവിടെ അന്വേഷിക്കണോ? ഇഷ്ടം പോലെ റെഫറന്‍സ് മറ്റീരിയല്‍ കിട്ടുമല്ലോ…
vavvakkavu | 04-May-10 at 3:19 pm | Permalink
ഇവിടുത്തെ പ്രധാന പത്രങ്ങളാണ് അന്ധവിശ്വാസങ്ങളുടെ മുഖ്യ പ്രചാരകർ. അവർക്ക് അത് കൊണ്ട് ഗുണമുള്ളത് കൊണ്ട് അവർ ഇതിനൊക്കെ കൂട്ട് നിൽക്കുന്നു.
ചാര്‍വാകന്‍ | 04-May-10 at 3:42 pm | Permalink
ശ്രീ ഒഴുകുന്ന നദീ,
കുഞ്ഞു ‘g ‘ യും ഇമ്മിണി വല്യ ‘G ‘ യും തമ്മില്‍ ഒരു വ്യത്യാസം ഉണ്ട് … G ഒരു universal constant ഉം g ഒരു local constant ഉം ആണ്. g = G*Me/R^2 എന്ന സമവാക്യത്തില്‍ കാണുന്ന എല്ലാം തന്നെ ഒരു സ്ഥലത്ത് സ്ഥിരമാണ്.അതുകൊണ്ട് g ഒരു constant ആയി കണക്കാക്കപെടുന്നു.ഭൂമിയില്‍ പലസ്ഥലത്തും ഇതിന്റെ value വില്‍ വ്യത്യാസമുണ്ട്.ഭൂമി ഒരു ചളുങ്ങിയ സാധനം ആയതോണ്ട്(അതു കൊണ്ട് മാത്രം അല്ല ) , ഭൂമധ്യ രേഖയില്‍ g (9.789 m·s−2)കുറവും ധ്രുവങ്ങളില്‍(9.832 m·s−2) കൂടുതലും ആണ്.പിന്നെ ഉയരം കൂടുമ്പോളും, g കുറയുന്നുണ്ട്.പക്ഷെ സാധാരണ ഗതിയില്‍ ചെറിയ ഉയരങ്ങള്‍, Radius (R ) ഇല് ഉണ്ടാക്കുന്ന വ്യതാസം negligible ആയതോണ്ട് g യിലും വല്യ വ്യത്യാസം ഉണ്ടാക്കില്ല.’g ‘ യെ സ്വാധീനിക്കുന്ന ഘടകങ്ങള്‍ പിന്നെയും ഉണ്ട്. ഭൂമിയുടെ കറക്കവും ‘topography ‘ യും മറ്റും. കൂടുതല്‍ വിവരങ്ങള്‍ക്ക് http://en.wikipedia.org/wiki/Earth%27s_gravity
ഒഴുകുന്ന നദി... | 04-May-10 at 4:28 pm | Permalink
ശ്രീ ചർവാകൻ.. അനൂപ്..
നന്ദി…
ഒഴുകുന്ന നദി... | 05-May-10 at 1:25 pm | Permalink
ശ്രീ ബാബു കല്യാണം…
ഭൂമിയുടെ പ്രതലത്തിൽ നിന്നും ഒരേ ഉയരത്തിൽ രണ്ട് വസ്തുക്കൾ ഇട്ടാൽ അതു രണ്ടും ഒരേ സമയത്ത് താഴെ എത്തണം എന്ന് നിർബന്ദ്ം ഇല്ല എന്നകാര്യം താങ്കൾ മനസ്സിലാക്കി എന്നു വിശ്വസിക്കുന്നു.
ഉദാഹരണം ഒരു വസ്തു ഭൂമദ്യത്തിൽനിന്നും മറ്റൊരു വസ്തു ധ്രുവങ്ങളിൽ നിന്നും ഒരെ ഉയരത്തിൽ നിന്ന് താഴേക്ക് ഇട്ടുനോക്കൂ.ധ്രുവങ്ങളിൽ g കൂടുതൽ ആയതുകൊണ്ട് ധ്രുവങ്ങളിൽ ഇട്ട വസ്തു ആദ്യം ഭൂമിയിൽ പതിക്കുന്നത് കാണാം…
Bodham | 05-May-10 at 4:47 pm | Permalink
പ്രിയ ഉമേഷ്,
വളരെ ഭംഗിയായി വിശദീകരിച്ചിരിക്കുന്നു…. മാധ്യമങ്ങള്‍ എല്ലാം ഒന്നുമറിയാതെ വെറുതെ പണ്ടുള്ളവര്‍ പറഞ്ഞത് പാടുന്നു. ഓരോ വിഷുവിനും ഈ വിഡ്ഢിത്തം ആവര്‍ത്തിക്കുന്നു. മേടം ഒന്നിന് ( ഏപ്രില്‍ 14 or 15) നു ഒരിക്കലും പകലും രാത്രിയും തുല്യമല്ല എന്നറിയാവുന്ന അവര്‍ അവരുടെ കലണ്ടറുകളില്‍ എങ്കിലും നോക്കി വാര്‍ത്ത കൊടുക്കാമായിരുന്നു. ഇങ്ങനെ കാര്യങ്ങള്‍ തുറന്നു കാണിച്ചതിന് വളരെ അഭിനന്ദനങ്ങള്‍. വിടുവായിതങ്ങള്‍ ആവര്‍ത്തിക്കുന്ന മാധ്യമങ്ങള്‍ ഇനിയെങ്കിലും കാര്യങ്ങള്‍ മനസ്സിലാക്കി എഴുതട്ടെ..
അതോടൊപ്പം ഒരു എതിര്‍വാദവും ഉണ്ട്… ചിന്തകളില്‍ നിന്നും തന്നെയല്ലേ അറിവുകള്‍ ഉദിക്കുന്നത്? നിരീക്ഷണവും പരീക്ഷണവും ആദ്യം നടക്കുന്നത് മനസ്സില്‍ തന്നെയല്ലേ? പിന്നെയല്ലേ അത് പരീക്ഷണ ശാലകളില്‍ എത്തുന്നുള്ളൂ? അപ്പൊ ഭാരതീയ ഋഷികള്‍ ചെയ്തിരുന്ന ധ്യാനം, യോഗം, തപസ്സ് എന്നിവയിലൂടെ അറിവുകള്‍ അല്ലെ പുറത്തു വന്നിരുന്നത്? പതഞ്‌ജലിയുടെ യോഗ സൂത്രം തന്നെ ഒന്നാംതരം ഉദാഹരണം.
Adithyan | 06-May-10 at 8:23 am | Permalink
ഒഴുകുന്ന നദീ,
16-ആമത്തെ കമന്റില്‍ ചോദിച്ചത് ഇത്
അപ്പൊപ്പിന്നെ (വേറെ external force, ഉദാഹരണം air drag, friction etc. ഒന്നുമില്ലെങ്കിൽ ) ഭാരം കൂടിയ വസ്തുവല്ലേ ആദ്യം താഴെയെത്തേണ്ടത്..?
അതിനു 19-ആം കമന്റായി ബാബു കല്യാണം ഒരു മറുപടി തന്നു.
അതിനു മറുപടിയായി താങ്കള്‍ 25 ആം കമന്റായി കൊറെ പൊട്ടന്‍ ചോദ്യങ്ങള്‍ ചോദിച്ചു.
അതിനു ചാര്‍വാകന്‍ 32-ആം കമന്റായി തന്ന മറുപടി വായിച്ചിട്ട് തിരിഞ്ഞു നിന്ന് ബാബൂനെ പഠിപ്പിക്കുന്നത് വളരെ സിമ്പിളായി പറഞ്ഞാല്‍ ഉളുപ്പില്ലായ്മയാണ്.
താങ്കള്‍ 34-ആം കമന്റില്‍ ചോദിച്ച ചോദ്യത്തിലെ കാര്യം താങ്കള്‍ക്ക് 16-ആമത്തെ കമന്റ് ചോദിക്കുമ്പോള്‍ അറിയുമായിരുന്നില്ല എന്ന് ഈ സീക്വന്സ് വായിക്കുന്ന ഒരുമാതിരി എല്ലാവര്‍ക്കും മനസിലാവും.
തല മണലില്‍ പൂഴ്ത്തിയാല്‍ പിന്നെ വേറേ ആരും ഒട്ടകപക്ഷിയെ കാണാറില്ല.
Kadam | 06-May-10 at 10:19 am | Permalink
‘ഉദാഹരണമായി, കനേഡിയൻ ഹോക്കികളിക്കാരിൽ നടന്ന ഒരു പഠനത്തിൽ, മികച്ച കളിക്കാർ എല്ലാം ജനുവരി, ഫെബ്രുവരി, മാർച്ച് മാസങ്ങളിൽ ജനിച്ചവരാണെന്നു കണ്ടു. നവംബറിലും ഡിസംബറിലും ജനിച്ചവർ ആരും തന്നെയില്ലെന്നു കണ്ടു. ഇതു് ജ്യോതിഷത്തെ പിന്തുണയ്ക്കുന്നതായി വ്യാഖ്യാനിക്കപ്പെടാം. എന്നാൽ ഒരു ലെവലിലുള്ള കളിക്കാരെ തിരഞ്ഞെടുക്കുന്നതു് വയസ്സിന്റെ അടിസ്ഥാനത്തിലാണെന്നും, അതിന്റെ കട്ടോഫ് ഡേറ്റ് ജനുവരി 1 ആണെന്നും അറിയുമ്പോഴാണു് ആ ലെവലിൽ കൂടുതൽ പ്രായമുള്ളവരാണു കൂടുതൽ മിടുക്കരാവുന്നതെന്നും കോറിലേഷൻ മിടുക്കും പ്രായവും തമ്മിലാണെന്നും മനസ്സിലാവുന്നതു്.‘
ഒരു റ്റീമിൽ 5-6 വർഷത്തെ പ്രായവ്യത്യാസ മുള്ളവർ കാണില്ലേ? അപ്പോൾ സെപ്റ്റം‌മ്പർകാർ അടുത്ത ജനുവരിക്കാരെക്കാൾ മിടൂക്കാരാവണ്ടെ?
Kadam | 06-May-10 at 10:36 am | Permalink
“അദ്ധ്യാപകൻ: ഭാരം കൂടിയ ഒരു വസ്തുവും ഭാരം കുറഞ്ഞ ഒരു വസ്തുവും കൂടി ഒരേ ഉയരത്തിൽ നിന്നു താഴേയ്ക്കിട്ടാൽ ഏതു് ആദ്യം തറയിലെത്തും?”
ഒരു കല്ലും കരിയിലയും കൂടി ഒരുമിച്ചു താഴേക്കിട്ടാൽ എത് ആദ്യം എത്തും?
Muneer | 06-May-10 at 12:07 pm | Permalink
ഉമേഷ്‌ജീ,
നല്ല പോസ്റ്റ്. ഒരു സംശയം ചോദിക്കട്ടെ? സംശയം അല്ല, ഞാന്‍ മനസ്സിലാക്കിയത്‌ ശരി ആണോ എന്ന് നോക്കുവാനാണ്.
വിഷുവം കണക്കു കൂട്ടുന്നത്‌ സൂര്യനെയും ഭൂമി ചെരിഞ്ഞു നിന്ന് അതിനു ചുറ്റും കറങ്ങുന്നതിനെയും അടിസ്ഥാനപ്പെടുത്തിയാണല്ലോ. അതിനാല്‍ തന്നെ അത് എന്നും മാര്ച്ച് 21 നു ആയിരിക്കും. 365 ന്റെ കൂടെയുള്ള ദശാംശങ്ങള്‍ ചെറിയ പ്രശ്നങ്ങള്‍ ഉണ്ടാക്കാം എന്നു മാത്രം.അതും ഇടയ്ക്കിടെ കറക്റ്റ് ചെയ്യാറുള്ളത് കൊണ്ട് ദീര്‍ഘ കാലാടിസ്ഥാനത്തില്‍ ഈ തിയ്യതി സ്ഥിരം ആകില്ലേ?
ഇനി വിഷു കണക്കാക്കുന്നത് സൂര്യനെ ഭൂമിയില്‍ നിന്നും നോക്കുമ്പോള്‍ മേട രാശിയില്‍ വരുന്ന ദിവസം ആണല്ലോ. സൂര്യന്‍ സൌരയൂഥത്തെയും വഹിച്ചു കൊണ്ട് ആകാശ ഗംഗയെ ചുറ്റുന്നതിനാല്‍ ഈ ദിവസം പുറകോട്ടു പോവും. അതായതു കുറച്ചു കാലം കഴിയുമ്പോള്‍ വിഷു വീണ്ടും പുറകോട്ടു പോവും എന്നല്ലേ അര്‍ഥം?
ചുരുക്കി പറഞ്ഞാല്‍ വിഷുവം സ്ഥിരം ആണ്, വിഷു(അല്ലെങ്കില്‍ മേടം 1 ) പുറകോട്ടു പോയിക്കൊണ്ടേ ഇരിക്കും, അല്ലെ? അല്ലെങ്കില്‍ ശരിയാക്കി പറഞ്ഞു തരാന്‍ അപേക്ഷ.
തിരിച്ചാണെന്നു എവിടെയോ വായിച്ചതായി ഓര്‍ക്കുന്നു. അതായത്, വിഷു സ്ഥിരം ആണെന്നും വിഷുവം ആണ് മുന്നോട്ടു പോവുന്നതെന്നും എവിടെയോ വായിച്ചു. പക്ഷെ ഈ പോസ്റ്റ് വായിച്ചപ്പോ അത് തെറ്റാണെന്ന് തോന്നി. അത് കൊണ്ട് ചോദിച്ചതാണ്.
ഒരു കൊല്ലത്തില്‍ എത്ര ഡിഗ്രി പുറകോട്ടു പോവും എന്നു വല്ല കണക്കും ഉണ്ടോ? അല്ലെങ്കില്‍ വിഷു 24 മണിക്കൂര്‍ പുറകോട്ടു പോവാന്‍ എത്ര വര്‍ഷം എടുക്കും എന്നു കണക്കു കൂട്ടി പറയാമോ?
Muneer | 06-May-10 at 12:28 pm | Permalink
@ഒഴുകുന്ന നദി…
>>F = (G* M1* Me)/R^2
നമുക്ക് ഇവിടെ കാണേണ്ടത് വീഴുന്ന വസ്തുവിന്മേല്‍ ഉള്ള ശക്തി (force) അല്ലല്ലോ. ഏതാണ് ആദ്യം ഭൂമിയില്‍ എത്തുക എന്നതല്ലേ? അതായത് അതിന്റെ ത്വരണം (acceleration) ആണ് കാണേണ്ടത്.
i.e. F=M1*a
ആദ്യത്തേതും രണ്ടാമത്തേതും ഉപമിച്ചാല്‍,
M1*a = G*M1*Me/R2.
=> a= G*Me/R2.
അതായത്, വീഴുന്ന വസ്തുവിന്റെ വേഗത നിര്‍ണയിക്കുന്നത്, രണ്ടാമത്തെ വസ്തുവിന്റെ പിണ്ഡവും (ഇവിടെ ഭൂമി) ആ രണ്ടു വസ്തുക്കള്‍ തമ്മിലുള്ള ദൂരവും മാത്രമാണ്. വീഴുന്ന വസ്തുവിന്റെ പിണ്ഡം ഒരു വ്യത്യാസവും സൃഷ്ടിക്കില്ല എന്നര്‍ത്ഥം. അതായത് പരീക്ഷണം നടത്തുമ്പോള്‍ Me യും R^2 ഉം മാറരുത്. രണ്ടു വസ്തുക്കള്‍ ഒരേ ഉയരത്തില്‍ നിന്നും താഴെ ഇടുമ്പോള്‍ ഒന്നിച്ചു താഴെ ഇതും എന്ന് പറയുമ്പോള്‍, രണ്ടും ഒരേ സ്ഥലത്ത് നിന്ന് എന്നത് understood ആണ്.
ഒഴുകുന്ന നദി... | 06-May-10 at 3:42 pm | Permalink
ശ്രീ ആദിത്യൻ..
സുഹൃത്തേ… 34-ആം കമന്റില്‍ ചോദിച്ച ചോദ്യത്തിലെ കാര്യം എനിക്ക് 16-ആമത്തെ കമന്റ് ചോദിക്കുമ്പോള്‍ അറിയുമായിന്നു എന്നു ഞാൻ പറഞ്ഞില്ലല്ലോ..
അത് അറിയുമായിരുന്നെങ്കിൽ ഈ ചോദ്യങ്ങളുന്നും ചോദിക്കേണ്ടിയിരുന്നില്ല.. ആദ്യം തന്നെ പറയുമായിരുന്നില്ലേ… ചർവാകൻ പറഞ്ഞതിൽനിന്നു തന്നെയാണ് ഞാൻ ആ conclusionഇൽ എത്തിയത്..
ഒഴുകുന്ന നദി... | 06-May-10 at 5:23 pm | Permalink
ആദിത്യൻ…
“അതിനു മറുപടിയായി താങ്കള്‍ 25 ആം കമന്റായി കൊറെ ചോദ്യങ്ങള്‍ ചോദിച്ചു.
അതിനു ചാര്‍വാകന്‍ 32-ആം കമന്റായി തന്ന മറുപടി വായിച്ചിട്ട്“
ചർവാകൻ മറുപടി പറഞ്ഞത് 25ആമത്തെ കമന്റിനല്ല.28ആമത്തെ കമന്റിനാണ്.
ബഷീർ വെള്ളറക്കാട് | 18-May-10 at 9:00 am | Permalink
നന്നായി വർക്ക് ചെയ്ത് എഴുതിയ ലേഖനമാണല്ലോ. കൂടുതൽ വായനയ്ക്ക് വീണ്ടും വരാം.
indulekha | 27-May-10 at 1:07 pm | Permalink
Dear Mr. Umesh,
Please do not replace one set of errors with another. I speak as one trained in both modern astronomy and Indian astronomy and as the holder of a Ph.D. in astronomy & Astrophysics from a reputed Institute in India and as a university teacher.
ഉമേഷ് | Umesh | 27-May-10 at 1:12 pm | Permalink
Thanks, Indulekha. Could you please point out my errors? I will correct them. What is the use of such blanket statements?
indulekha | 28-May-10 at 12:41 pm | Permalink
I thought you would be able to double check and figure it out. The equality of day & night almost everywhere on earth on the equinox comes about because the rotation axis on that day will lie on the plane that separates the lit half of the earth from the unlit half. I call it the day & night circle. If the earth had been a perfect sphere except at the poles where the sun’s rays will be tangential (and hence the sun is on the horizon for the full day) the d&n circle will cut every latitude circle in half -so equal d&n everywhere on earth. Please work out for yourself what change is introduced by the oblateness of the earth.
Please check your statements regarding what happens north and south of the 661/2 latitude circles.
Anoni MalayaLi | 28-May-10 at 4:08 pm | Permalink
ഉമേഷിനു ടീച്ചറുടെ വക ഹോംവർക്ക്.
സിബു | 28-May-10 at 6:47 pm | Permalink
ഇന്ദുലേഖ പറഞ്ഞുവരുന്നത് ശരിയാണ്. ആർട്ടിക്ക് സർക്കിളിനു മുകളിലിള്ളവർക്ക് മാത്രമേ 24 മണിക്കൂറും സൂര്യനെ കാണാൻ പറ്റുന്ന ദിവസം ഉണ്ടാവൂ എന്നേ
ഉള്ളൂ. മാർച്ചിൽ രാത്രിയും പകലും ഒരേ നീളമാവുന്ന ദിവസം മുതൽ പതുക്കെ പതുക്കെ ഉത്തരധ്രുവത്തിനു തെക്കുള്ള ഓരോ സ്ഥലവും അങ്ങനെ ആയി വരും.
ഉമേഷ് | Umesh | 28-May-10 at 8:03 pm | Permalink
Indulekha,
That explanation about day-and-night circle is fantastic and clearer than sun-over-the-equator description. Thanks! I’ll include it also in the post.
However, they are essentially the same, right? When the sun’s rays are perpendicular on the equator, the day-night circle, which is perpendicular to the plane of sun’s rays must be coinciding with the axis, which is perpendicular to the plane of equator.
I am too lazy to prepare figures for my posts. I figure would have explained it quite better than all my words here.
When I mentioned about 66-1/2 etc., I always used the words ഏകദേശം. Didn’t explain why it is approximate and why it changes over years. The wiki links in the post give these things in detail. The length of the year, the time at which the equinoxes happen etc, the inclination of the axis etc. also change over time.
I purposely omitted the fact that the earth is not an exact sphere. There is a complaint that my posts are sometimes too technical to be readable, so missed out some details for readability and reducing size.
Still I didn’t find what is drastically wrong in what I wrote, except some details are missing. Please point out the errors.
Thanks, again!
cibu | 05-Jun-10 at 2:30 pm | Permalink
“ഈ സമയത്തു് ആർട്ടിക് വൃത്തത്തിനും (ഏകദേശം അറുപത്താറര ഡിഗ്രി വടക്കു്) അന്റാർട്ടിക് വൃത്തത്തിനും (ഏകദേശം അറുപത്താറര ഡിഗ്രി തെക്കു്) ഇടയിലുള്ളവർക്കു് പകലിനും രാത്രിയ്ക്കും ഒരേ വലിപ്പമായിരിക്കും. ആർട്ടിക് വൃത്തത്തിനു വടക്കുള്ളവർക്കു് ഈ സമയത്തു് ഈ സമയത്തു് പകൽ കഴിഞ്ഞു രാത്രി തുടങ്ങും. അവർക്കു് ഇനി ആറു മാസത്തേക്കു രാത്രിയായിരിക്കും. അതു പോലെ അന്റാർട്ടിക് വൃത്തത്തിനു തെക്കുള്ളവർക്കു് രാത്രി കഴിഞ്ഞു് പകൽ തുടങ്ങും. അടുത്ത ആറു മാസത്തേയ്ക്കു് അവർക്കിനി പകലായിരിക്കും.”
ഉമേഷേ ഈ പറയുന്നത് തെറ്റാണ്‌.
Umesh:ഉമേഷ് | 05-Jun-10 at 4:27 pm | Permalink
സിബൂ,
തെറ്റു ചൂണ്ടിക്കാണിച്ചതിനു നന്ദി. ഇന്ദുലേഖ പറഞ്ഞപ്പോൾ എന്താണു തെറ്റെന്നു മനസ്സിലായില്ലായിരുന്നു. അതു് ഇപ്പോൾ തിരുത്തിയിട്ടുണ്ടു്. ഇന്ദുലേഖയ്ക്കും നന്ദി.
സിബു | 05-Jun-10 at 6:13 pm | Permalink
“ഈ സമയത്തു് ഉത്തരധ്രുവത്തിൽ പകൽ കഴിഞ്ഞു രാത്രി തുടങ്ങും. അതു പോലെ ദക്ഷിണധ്രുവത്തിൽ രാത്രി കഴിഞ്ഞു പകൽ തുടങ്ങും.” എന്താ ഇതിനർഥം?
Abraham Alexander | 02-Jul-10 at 4:18 pm | Permalink
സൂര്യൻ ഭൂമധ്യരേഖക്കു മുകളിൽ വരൂന്നതു March 21st നു. പക്ഷെ കേരളത്തിനു മുകളിൽ വരുന്നതു മാർചു 21 നു അല്ലല്ലൊ?. അതു ഏപ്രിൽ 15 നു ആണൊ?
Deign | 16-Apr-13 at 3:26 am | Permalink
കാലം തെറ്റി നേരത്തേ പൂക്കുന്ന കണിക്കൊന്നയെ പഴി പറഞ്ഞവരേയും ഓര്‍ത്തുപോകുന്നു…
(നല്ല ലേഖനം)
Krishnaprakash B | 16-Apr-13 at 5:21 am | Permalink
>>>മാര്ച്ച് 21, സെപ്റ്റംബര്‍ 23 എന്നീ ദിവസങ്ങളിലാണു സൂര്യന്‍ ഭൂമധ്യരേഖയ്ക്കു മുകളില്‍ എത്തുന്നത്. ഈ വിഷുവം കഴിഞ്ഞുവരുന്ന സംക്രമം വിഷുസംക്രമം ആയി ഇപ്പോള്‍ ആചരിക്കുന്നു. പിറ്റേന്നു വിഷുവും. അങ്ങനെയാണു വിഷുവം മാര്ച്ച് 21-ന് ആണെങ്കിലും വിഷു ഏപ്രില്‍ 14-നും 15-നുമൊക്കെ ആയത്. ഏതായാലും, മാര്ച്ച് 21 ജ്യോതിഷത്തിന്റെ കണക്കുകളില്‍ ഏറെ പ്രാധാന്യമുള്ള ദിവസമാണ്.
എന്നു വെച്ചാല്‍ ജനുവരി 14-നുള്ള മകര സംക്രമണം, അറിഞ്ഞുകൊണ്‍ട് നടത്തുന്ന ഒരു മതാചരണം മാത്രമാണ്.
Shaji Mathew | 21-Mar-15 at 7:41 am | Permalink
two weeks or so was added to Gregorian calender in the beginning of 20th centuary to correct the days elapsed before that. Is it possible for a correction in the present situation.
പെഡ് ആന്റിക് | 04-Jan-16 at 9:47 pm | Permalink
“ഭൂമദ്ധ്യരേഖയിലുള്ളവർക്കു് എന്നും പകലും രാത്രിയും ഒരേ ദൈർഘ്യമായിരിക്കും. (12 മണിക്കൂർ വീതം.) ആർട്ടിക് വൃത്തത്തിനു വടക്കുള്ളവർക്കും അന്റാർട്ടിക് വൃത്തത്തിനു തെക്കുള്ളവർക്കും അങ്ങനെ തന്നെ. (ആറു മാസം വീതം നീളമുള്ള പകലും രാത്രിയും.) ”
ഇത് ശരിയാണോ ?