കുറേക്കാലം മുമ്പു്‌ എന്റെ ഒരു സുഹൃത്തു്‌ ഒരു ചോദ്യം ചോദിച്ചു:
“എല്ലാ അക്ഷരത്തിനും വള്ളിയുള്ള ഒരു മലയാളവാക്യം പറയാമോ? എത്രയും വലുതു പറയുന്നുവോ, അത്രയും നല്ലതു്‌”.
ഞാന്‍ ആലോചിച്ചിട്ടു്‌ ഇത്രയും കിട്ടി:
“മിനീ, നീ തീറ്റി തിന്നിട്ടിനി വിരി വിരിച്ചിവിടിരി”
എന്തായാലും, ഈ ഉത്തരം ചോദ്യകര്‍ത്താവിന്റെ “വീ. വീ. ഗിരി വീക്കിലി പിച്ചിക്കീറി”യെക്കാള്‍ മെച്ചമായിരുന്നു!
പിന്നീടു്‌ ഞങ്ങള്‍ പേരുകള്‍ ഒഴിവാക്കിക്കൊണ്ടുള്ള വാക്യങ്ങള്‍ക്കു ശ്രമിച്ചു. (അല്ലെങ്കില്‍, ഇനിഷ്യലുകളും മറ്റും ചേര്‍ത്തു്‌ എത്ര നീളത്തില്‍ വേണമെങ്കിലും വാക്യമുണ്ടാക്കാം.) ഇതാണു്‌ എനിക്കുണ്ടാക്കാന്‍ പറ്റിയ ഏറ്റവും വലിയ വാക്യം:
“നീ തീറ്റി പിച്ചിക്കീറിത്തിന്നിട്ടിനി വിരി വിരിച്ചിവിടിടിച്ചിടിച്ചിട്ടിനി ബീഡി പിടി”
നിങ്ങള്‍ക്കോ?
സന്തോഷ് | 17-May-05 at 5:31 pm | Permalink
നീ കളി കളിച്ചിനി, തുണി കുതിര്ത്തിനി, മുടി നനന്ഞിനി പനി പിടിച്ചിനിയവിടിരി..
Umesh P Nair | 17-May-05 at 5:46 pm | Permalink
…പിടിച്ചിനിയിവിടിരി എന്നായിരിക്കാം ഉദ്ദേശിച്ചതു്‌, അല്ലേ?
ഗംഭീരം! കഴിഞ്ഞ പതിമൂന്നു കൊല്ലമായി ഞാനിതു പലരോടും പറഞ്ഞിട്ടുണ്ടു്‌. ഇതിനേക്കാള്‍ നല്ലതൊരെണ്ണം ആരും ഉണ്ടാക്കിയില്ലെന്നതു പോകട്ടേ, ഒരെണ്ണം ഉണ്ടാക്കാന്‍ ആരും ശ്രമിച്ചുനോക്കിയതുപോലുമില്ല.
നന്ദി. ഇതിനൊരു പ്രാസവും ചന്തവുമൊക്കെയുണ്ടു്‌. ആര്‍ക്കെങ്കിലും ഇതിനേക്കാള്‍ വലുതു്‌ ഉണ്ടാക്കാമോ?
– ഉമേഷ്
Umesh P Nair | 17-May-05 at 5:52 pm | Permalink
സന്തോഷ്,
ഞാന്‍ കഴിഞ്ഞ കമന്റു വളരെ പെട്ടെന്നയച്ചുപോയി. പിന്നീടു വായിച്ചപ്പോഴാണു സന്തോഷിന്റെ വാക്യത്തില്‍ തെറ്റുകളുണ്ടെന്നതറിഞ്ഞതു്‌.
“നീ കളി കളിച്ചിനി, തുണി കുതിര്ത്തിനി, മുടി നനഞ്ഞിനി, പനി പിടിച്ചിനിയവിടിരി” എന്ന വാക്യത്തില്‍ കട്ടിയുള്ള അക്ഷരങ്ങള്‍ക്കൊന്നും വള്ളിയില്ലല്ലോ? വീണ്ടും ശ്രമിക്കുക.
– ഉമേഷ്
സന്തോഷ് | 27-Jul-05 at 3:05 pm | Permalink
ഉമേഷ്,
ഞാനും താങ്കളുടെ പോസ്റ്റ്‌ ശരിക്ക്‌ വായിച്ചില്ല. “ഏല്ലാ അക്ഷരത്തിനും” വള്ളിയുള്ള എന്നുള്ളത്‌ ഇപ്പോളാ കണ്ടത്‌. വീണ്ടും ശ്രമിക്കാം.
യാത്രയിലായിരുന്നു, കുറേക്കാലമായി. ഇപ്പോളാണ്‌ പഴയ ബ്ലോഗുകള്‍ പിന്നെയും നോക്കുന്നത്‌.
സന്തോഷ്
സന്തോഷ് | 27-Jul-05 at 3:23 pm | Permalink
ഇതു എങ്ങിനെയുണ്ട്‌?
നീ,
വിരി വിരിച്ചിനി,
മിഴി മിഴിച്ചിനി,
വിളി വിളിച്ചിനി,
ചിരി ചിരിച്ചിനി,
കീ പിടിച്ചിനി,
സീറ്റിലിവിടിയിരി..
സു | Su | 27-Jul-05 at 11:50 pm | Permalink
ഉമേഷ് കുറേ നാള്‍ ആയല്ലോ. തിരക്കില്‍ ആയിരുന്നോ? 🙂
വള്ളിയുള്ള വാക്യങ്ങള്‍ ആലോചിച്ചു കണ്ടുപിടിക്കട്ടെ. എന്നിട്ട് പറയാം.
ആഷ | 04-Mar-09 at 10:24 am | Permalink
ഞാനിനി ആലോചിച്ചിനി നോക്കട്ടിനി.
സിദ്ധാര്‍ത്ഥന്‍ | 04-Mar-09 at 1:17 pm | Permalink
പിരിയില്ലിനി നിന്‍നീള്‍മിഴിയില്‍നിന്നിറ്റില്ലിനിമിഴിനീര്‍, ചിരിച്ചിരിയിവിടിനിനീ
എപ്പടി?
ചില്ലു മേടയിലിരുന്നെന്നെ കല്ലെറിയല്ലേ