ഒരു പെണ്‍കുട്ടിക്കു വരനെ തെരഞ്ഞെടുക്കുമ്പോള്‍ ഓരോരുത്തരും എന്താണു് ആഗ്രഹിക്കുന്നതെന്നു് ഒരു പ്രാചീനകവി പറഞ്ഞതു്:
ശ്രുതമിച്ഛന്തി പിതരഃ
ധനമിച്ഛന്തി മാതരഃ
ബാന്ധവാഃ കുലമിച്ഛന്തി
രൂപമിച്ഛന്തി കന്യകാഃ
അര്‍ത്ഥം:
| പിതരഃ ശ്രുതം ഇച്ഛന്തി | : | അച്ഛന്മാര്‍ പേരു കേട്ടവനെ ആഗ്രഹിക്കുന്നു |
| മാതരഃ ധനം ഇച്ഛന്തി | : | അമ്മമാര്‍ പണമുള്ളവനെ ആഗ്രഹിക്കുന്നു |
| ബാന്ധവാഃ കുലം ഇച്ഛന്തി | : | ബന്ധുക്കള്‍ കുടുംബക്കാരനെ ആഗ്രഹിക്കുന്നു |
| കന്യകാഃ രൂപം ഇച്ഛന്തി | : | പെണ്കുട്ടികള് സൌന്ദര്യമുള്ളവനെ ആഗ്രഹിക്കുന്നു. |
കീര്‍ത്തിയുള്ളവരെയാണു് അച്ഛന്മാര്‍ നോക്കുന്നതു്. ആര്‍ക്കു കല്യാണം കഴിച്ചു കൊടുത്തു എന്നു് അഭിമാനത്തോടെ പറയണം. ഇന്നും അതു തന്നെ.
പണമുള്ളവരെയാണു് അമ്മമാര്‍ക്കു പഥ്യം. മകള്‍ ഭര്‍ത്തൃഗൃഹത്തില്‍ പോയി കഷ്ടപ്പെടാന്‍ ഇടവരരുതു്. ഇന്നും അങ്ങനെ തന്നെ.
ബന്ധുക്കള്‍ക്കു ബന്ധുബലമാണു പ്രധാനം. നല്ല നിലയിലുള്ള ബന്ധുക്കളെ കിട്ടിയാല്‍ അതിന്റേതായ പ്രയോജനമുണ്ടല്ലോ. ഇന്നും വ്യത്യാസമില്ല.
ഇതൊക്കെ ശരിയായിട്ടും നാലാമത്തെ കാര്യത്തില്‍ സംസ്കൃതകവിക്കു വലിയ തെറ്റു പറ്റിപ്പോയി എന്നു കരുതണം ഇടിവാളിന്റെ ബ്ലോഗില്‍ എല്‍‌ജിയും ആദിത്യനും തമ്മില്‍ നടത്തുന്ന സംഘട്ടനം കണ്ടാല്‍. അങ്ങേര്‍ പറഞ്ഞതു പെണ്കുട്ടികള് സൌന്ദര്യം മാത്രമേ നോക്കുള്ളൂ എന്നാണു്. പെണ്‍‌കുട്ടികള്‍ക്കു് ആഗ്രഹം മറ്റു പലതുമാണത്രേ! “ഛീ, പോടീ പുല്ലേ” എന്നു പറയുന്ന ആണുങ്ങളെയാണത്രേ ഇപ്പോഴത്തെ പെണ്‍‌കുട്ടികള്‍ക്കു പഥ്യം!
ഏതായാലും, കാലം മാറിപ്പോയി എന്നു പലപ്പോഴും തോന്നാറുണ്ടു്. എന്റെ ഒരു സുഹൃത്തുണ്ടു്. മദ്യപിക്കില്ല. പുകവലിക്കില്ല. ഒരു ദുശ്ശീലവുമില്ല. ദേഷ്യപ്പെടില്ല. ജോലിയോടു് അതിയായ ആസക്തിയുമില്ല. ചുരുക്കം പറഞ്ഞാല്‍ സന്തോഷിന്റെ എല്ലാ ഭര്‍ത്തൃലക്ഷണങ്ങളും ഒത്തിണങ്ങിയ ഒരുവന്‍. പക്ഷേ, ഭാര്യ അസംതൃപ്ത. വിരുന്നുകാര്‍ വരുമ്പോള്‍ ഭര്‍ത്താവു കമ്പനിക്കു മദ്യപിക്കുന്നില്ല, തനിക്കിഷ്ടമായ സിഗരറ്റ്‌മണം ഭര്‍ത്താവിനില്ല, കല്യാണത്തിനു ശേഷം അമേരിക്കയ്ക്കു പോയാല്‍ ഭര്‍ത്താവിനോടൊപ്പം ബിയറടിക്കുകയും നൈറ്റ്‌ക്ലബ്ബുകളില്‍ പോകുകയും ചെയ്യാം എന്നു കരുതിയതു വെറുതെയായി, ഭര്‍ത്താവിനു പഴയ പ്രണയബന്ധങ്ങളെപ്പറ്റി പറയാന്‍ ഒന്നുമില്ല എന്നിങ്ങനെ തികച്ചും അസംതൃപ്തമായ ജീവിതം. മോഡേണ്‍ പെണ്‍‌കുട്ടികളുടെ ഉത്തമഭര്‍ത്തൃസങ്കല്പം ഒരുപാടു മാറിപ്പോയിരിക്കുന്നു എന്നു മനസ്സിലായി.
പുരുഷന്മാര്‍ക്കു വലിയ വ്യത്യാസമൊന്നുമില്ലെന്നു തോന്നുന്നു. നോട്ടം സൌന്ദര്യം മാത്രം. അല്ലേ?
രാജേഷ് വര്‍മ്മയുടെ പരിഭാഷ (വസന്തമാലിക):
മണവാളനു കേളിയച്ഛനെങ്കില്‍
പണമാണമ്മ കൊതിച്ചിടുന്നതേറ്റം
തറവാടിനു മേന്മ വേണമുറ്റോര്‍-
ക്കുരുവം നല്ലവനെക്കൊതിപ്പു പെണ്ണാള്‍
നന്ദി, രാജേഷ്!
Adithyan | 25-Jul-06 at 11:16 pm | Permalink
എന്നെയങ്ങോട്ടു ശരിയ്ക്കും മരി.
ഗുരോ പ്രണാമം… നിമിഷ കവി എന്നൊക്കെ പറയുന്നതു പോലെ നിമിഷ ശ്ലോക ശേഖകന്‍ 🙂
ഇനി ഇതിന്റെ പൊറത്ത് ഞാന്‍ കേറി അഭിപ്രായം പറഞ്ഞിട്ട് വേണം എനിക്ക് വാക്കി ഒള്ള ഗോള്‍ കൂടി കേറാന്‍…
അപ്പൊ ഇക്കാലത്ത് പെണ്കുട്ടികള് സൌന്ദര്യമുള്ളവനെ ആഗ്രഹിക്കുന്നുണ്ടോ ഇല്ലയോ എന്നു പറഞ്ഞില്ല… അതറിഞ്ഞിരുന്നേല്‍ നമ്മക്കു (ഐ മീന്‍ എനിക്ക്) പ്രതീക്ഷയ്ക്ക് വകയുണ്ടോന്നറിയാ‍രുന്നു.
L.G | 25-Jul-06 at 11:28 pm | Permalink
ഹിഹി…ഉമേഷേട്ടാ..പണ്ടും ഇന്നും ഒക്കെ ഒരേപോലെയാണെന്നെ..ഈ ശ്ലോകം എഴുതിയ ആള്‍ ഒരു ചെക്കനായിരിക്കില്ലെ?അതാണ് അങ്ങിനെ എഴുതുന്നെ….തമ്പുരാന്‍ വിചാരിച്ചിട്ട് ഞങ്ങടെ മനസ്സ് മനസ്സിലാവണില്ല..പിന്നെയാണ്..ഇനി ശ്ലോകക്കാരു..:).. കള്ളകൃഷണനെ അല്ലേ ഗോപികമാര്‍ക്ക് പ്രിയം?
ഇപ്പൊ കള്ളൊക്കെ കുടിക്കണ കെട്ടിയോനാണ് കിട്ടിയെങ്കില്‍ ഉടനെ പ്രോമിസ് മേടിക്കും എന്റെ മുന്നില്‍ ഇരുന്ന് കള്ള് കുടിക്കില്ലാന്ന് പറഞ്ഞ്.. ഹിഹിഹി..ഞാന്‍ അങ്ങിനെ പ്രോമിസ് മേടിച്ച കൂട്ടത്തില്‍ ആണ്. അവര് എന്തെല്ലാം ചെയ്യുവൊ..
അതിന്റെ ഓപ്പോസ്റ്റിറ്റ് അവരെ ക്കൊണ്ട് ചെയ്യിപ്പിക്കാന്‍ ആണ് ഞങ്ങള്‍ക്കിഷ്ടം..:)
Kumar | 26-Jul-06 at 2:30 am | Permalink
പിതരഃ ശ്രുതം ഇച്ഛന്തി : അച്ഛന്മാര്‍ പേരു കേട്ടവനെ ആഗ്രഹിക്കുന്നു
മാതരഃ ധനം ഇച്ഛന്തി : അമ്മമാര്‍ പണമുള്ളവനെ ആഗ്രഹിക്കുന്നു
ബാന്ധവാഃ കുലം ഇച്ഛന്തി : ബന്ധുക്കള്‍ കുടുംബക്കാരനെ ആഗ്രഹിക്കുന്നു
കന്യകാഃ രൂപം ഇച്ഛന്തി : പെണ്കുട്ടികള് സൌന്ദര്യമുള്ളവനെ ആഗ്രഹിക്കുന്നു.
ചെക്കനോഃ സ്ത്രീധനം ഇച്ഛന്തി : പയ്യനോ സ്ത്രീധനം ആഗ്രഹിക്കുന്നു.
രെഹന | 26-Jul-06 at 4:56 am | Permalink
അന്നും ഇന്നും എന്നും ആണുങ്ങള്‍ക്കിഷ്ടം ബുദ്ധിയില്ലാത്ത പെണ്ണുങ്ങളെയാ.എന്തുപറഞ്ഞാലും തിരിച്ചൊരക്ഷരം ഉരിയാടാതെ വിശ്വസിക്കുന്ന,അനുസരിക്കുന്നവരെ.
ഉമേഷ്ജീ,താങ്കളുടെ ബ്ലോഗുകള്‍ പഴയ മലയാളം ക്ലാസ്സുകളിലേക്കാ എന്നെ കൂട്ടി കൊണ്ടുപോകുന്നത്.ഹൈസ്ക്കൂളില് ലാസര്‍ മാഷും പ്രീഡിഗ്രിക്ക് സാവിത്രി ലക്ഷ്മന്ണനും.(സത്യം പറഞ്ഞാല്‍ സെന്‍റ് ജോസഫ്സിലെ രണ്ടു കൊല്ലത്തിനിടക്ക് ഉറങ്ങാതിരുന്നത് മലയാളം ക്ലാസ്സില്‍ മാത്രമായിരുന്നു.)
ബിരിയാണിക്കുട്ടി | 26-Jul-06 at 5:25 am | Permalink
ഹി ഹി ഹി.. ഇതിനെ പറ്റി പറയാനാണെങ്കില്‍ കുറെയധികം ഉണ്ട്… 🙂
ദേവാനന്ദ്‌ | 26-Jul-06 at 5:42 am | Permalink
ഗുരുക്കളേ,
ഇവിടെ കേറി ഓഫ്‌ ടോപ്പിക്ക്‌ അടിച്ചാല്‍ കോടി പുണ്യം കിട്ടുമെന്ന് പറഞ്ഞു തന്നത്‌ ആദിത്തമ്പി ദളവായാ. എന്റെ പേരില്‍ കുറ്റമില്ല ഞാന്‍ പറഞ്ഞു മാറി നിക്കാന്‍ ഡിംഗ്‌ ഡോങ്ങ്‌ ഡിംഗ്‌!
അടിസ്ഥാനപരമായി മനുഷ്യന്‍ കുരങ്ങുവര്‍ഗ്ഗത്തിന്റെ മിക്ക സ്വഭാവവും അപ്പടി കൊണ്ടു നടക്കുന്നവന്‍ ആണ്. സാമൂഹ്യ ജീവിയായതും അതുകൊണ്ട്‌ തന്നെ. കോളനിയായി വസിക്കുന്ന സസ്തനികളില്‍ പെണ്ണ് ഇണയായി ആല്‍ഫാ മെയിലിനെ കണ്ടു പിടിക്കാന്‍ നോക്കും. ആണോ ഏറ്റവും നല്ല കുഞ്ഞിനെ പ്രസവിക്കാന്‍ കെല്‍പ്പുള്ള ഇണയെ മാത്രം തിരഞ്ഞു പിടിക്കും.
അപ്പോള്‍ പിന്നെ എന്താ പ്രശ്നം? ഉണ്ടല്ലോ.
1. സത്യത്തില്‍ മനുഷ്യക്കുരങ്ങ്‌ ഏക ഇണാ വ്രതക്കാരനല്ല, പക്ഷേ അവനത്‌ സാമൂഹ്യമാ കാരണങ്ങളാല്‍ അത്യാവശ്യമായി. കുരങ്ങില്‍ നിന്നും വത്യസ്ഥമായി അവന് മൂല്യം സമ്പാദിക്കുകയും അതില്‍ അവകാശം സ്ഥാപിക്കുകയും ചെയ്യുന്നവനാണ്‌. അവന്റെ കുട്ടികള്‍ക്ക്‌ ഉള്ള മൂല്യം കൃത്യമായി എത്തിച്ചേരാനും അവന്റെ കുട്ടികള്‍ക്ക്‌ അവന്റെ പരമാവധി ശ്രദ്ധ കിട്ടാനും അവന് ഒരിണയേ പാടുള്ളു, അതിലെ സഹോദരങ്ങളായ കുറച്ചു മക്കളേ പാടുള്ളു. മരണ നിരക്ക്‌ കുറവാണ്‌ പരിഷ്കാരിക്കുരങ്ങന്‌, തോന്നിവാസ ബ്രീഡിംഗ്‌ നടത്തിയാല്‍ വംശനാശം സംഭവിച്ചു പോകും.
2. അങ്ങനെ ഫോര്‍മല്‍ ആയ എക ഇണാ പ്രതിജ്ഞ – കല്യാണമെന്നോ പൊടവൊടയെന്നോ തിരുമ്മണമെന്നോ ഒക്കെ
പറയാം. അത് നിലവില്‍ വരുത്തി. പ്രാവുകള്‍ക്ക്‌ കച്ചേരിയില്‍ രെജിസ്റ്റര്‍ വേണ്ടാ, ജന്മനാ അവര് ഏകപത്നീെ സ്നേഹികളാണ്‌)
3. പോലീസ്‌, കോടതി, ന്യായം, (അതിന്റെ കുറച്ചു കൂടെ കടന്ന പടിയായ സമത്വം എന്നിവയെല്ലാം മനുഷ്യന്റെ സമൂഹത്തില്‍ വന്നതും ഒരുത്തന്‌ ഒരുത്തി ഇണ അല്ലെങ്കില്‍ എല്ലാവരും ആല്‍ഫകള്‍ ആല്‍ഫത്തികള്‍ എന്ന ഒണ്‍ റ്റൊ ഒണ്‍ ബന്ധ രീതി ഉണ്ടാക്കി.
4.ഈ ആല്‍ഫന്‍ ആല്‍ഫന്‍ എന്നു പറയുന്നതും ഹെല്‍ത്തി ഹെല്‍ത്തി എന്നു പറയുന്നതും കാലാകാലവും ദേശാദേശവും മാറുന്ന ഒരു കണ്‍സപ്റ്റ്‌ ആയിപ്പോയി. പണ്ടൊക്കെ പണിയേടുത്ത്‌ ജീവിക്കാന്‍ തടിയുള്ളവനെയാണ്‌ തന്തയും തള്ളയും പെണ്ണും കണ്ടു പിടിച്ചിരുന്നത്‌. ചെക്കന്‍ കൊടുമലയും പയ്യമ്പള്ളിയിലും പഠിച്ചവനാണേ എന്നോ ഒക്കെ കേള്‍ക്കുമ്പോള്‍ അവനെ വരിക്കന്‍ പെണ്ണും അവനെ വീട്ടിലെ പയ്യനാക്കാന്‍ അവളുടെ അച്ഛനും ഒരുപോലെ മോഹിക്കുന്നു. ഇത്രേം വലിയ ഹുങ്കൊന്നുമില്ലാത്ത നാടന്‍ പ്രേമത്തില്‍ ചങ്കുച്ചാര്‍ ചിരുതയച്ചിക്ക്‌ 20 മീറ്റര്‍ ഉയരമുള്ള ആഞ്ഞിലിയില്‍ നിന്ന് പഴം പിച്ചിക്കോടുത്ത്‌ പ്രേമിച്ചു. ചിരുതേന്റപ്പന്‍ കറുപ്പന്‍ അതു കണ്ട് കൊള്ളാല്ലോ ഇയ്യ്‌ എന്ന് ചെറുക്കനെ അംഗീകരിച്ചു.
5. അതു കഴിഞ്ഞപ്പോ ജനറേഷന്‍ ഗ്യാപ്പിന്റെ കാലമായി. കളരിയാശാന്‍ എന്നത്‌ എം ബീ ബീ എസ്സ്‌ ആയി തന്തപ്പടിയുടെ മനസ്സില്‍ . പെണ്ണിലെ കുരങ്ങത്തി ഇന്‍സ്റ്റിങ്ക്റ്റ്‌ അപ്പോഴും ഉന്തിയ നെഞ്ചും വിരിഞ്ഞ
ചുമലുകളും തേടി പോയി. ” പഠിത്തം, ഉദ്യോഗം, പദവി പത്രാസ്‌ എന്താടീ ഈ ചെക്കനു കുറവ്‌?” എന്നു കയര്‍ക്കുന്ന തള്ളയോട്‌ “ഒരു കുറവേയുള്ളൂ, ഒരു വാലിന്റെ” എന്നു പറയുന്ന പെണ്ണ് അവളിലെ വാലുള്ള ജന്തു പുറത്തു വരുന്നത്‌ അറിയുന്നില്ല
6. ആ കാലവും മാറുമ്പോള്‍ സമൂഹത്തിലെ വലിയവന്‍ (അതു വാണിഭമോ മണല്‍ വാരലോ സ്വാശ്രയ കോളേജോ എന്ത്‌ കുന്തം ചെയ്തിട്ടാണെങ്കിലും) ആല്‍ഫായാകുമ്പോള്‍ പെണ്ണിനു കുറെക്കൂടി എളുപ്പമായി കാര്യങ്ങള്‍ . പണമുള്ളവന്‍ സമൂഹത്തിലെ ആല്‍ഫാ, അതു തന്നെ പെണ്ണിനും ആല്‍ഫാ, അതു തന്നെ തന്തക്കും ആല്‍ഫാ.
7. സ്ത്രീ സൌന്ദര്യം എന്നത്‌ ആവറേജ്‌ ആരോഗ്യത്തിന്റെ ലക്ഷണം ആയിരുന്നു എല്ലാ കാലത്തും. മനുഷ്യന്‍ ഗുഹയില്‍ താമസിച്ചിരുന്ന കാലത്തേ ഹെല്‍ത്ത്‌ സര്‍ട്ടിഫികറ്റുകള്‍ നിലവില്‍ ഉണ്ടായിരുന്നെങ്കില്‍ ഒരു പക്ഷേ സുന്ദരി എന്ന കണ്‍സപ്ടേ ഉണ്ടാവുമായിരുന്നില്ല :). നല്ല അംഗവടിവും തന്നോട്‌ വിധേയത്വത്തോടെ തന്റെ കുട്ടികളെ നോക്കി ഗുഹ അടക്കിവാഴാന്‍ കഴിവുമുള്ള കുരങ്ങി തന്നെ സുന്ദരി.
8. അവിടേം കാശ്‌ ഡിസ്റ്റോര്‍ട്ട്‌ ആക്കി. അവളുടേയും തന്റെയും ആരോഗ്യവും മറ്റും നോക്കാന്‍ മാത്രം പോന്ന മൂല്യം കയ്യിലുള്ളവള്‍ കേമിയാണല്ലോ. അങ്ങനെ സ്ത്രീധനം അല്ലേല്‍ സാമ്പത്തിക ശേഷി പയ്യന്റെ വീട്ടുകാരും കുറേയേറെ പയ്യനും നോക്കി. “50 ലക്ഷം ” എന്നു പരയുന്ന പെണ്ണിന്റെ തന്തക്കു മുന്നില്‍ വ്രീളാവിവശനായി
തലയാട്ടുമ്പോഴും ചെക്കന്റെ മനസ്സില്‍ വാലാട്ടിക്കൊണ്ട്‌ ഒരു മരം ചാടി ഗര്‍ജ്ജിക്കുന്നു. നേതി, നേതി!
എന്തോരം സമാധാനം. പൊറുക്കു ഗുരുക്കളെ വെക്കേഷനു മുന്നെ 11 ഓഫ്‌ അടിച്ചേച്ചു പോയില്ലേല്‍ ബ്ലോഗനാര്‍ക്കാവിലമ്മ ക്വാപിക്കും.
വിശാല മനസ്കന്‍ | 26-Jul-06 at 5:49 am | Permalink
“ഛീ, പോടീ പുല്ലേ” എന്നു പറയുന്ന ആണുങ്ങള്‍ക്ക് എല്ലാകാലത്തും മാര്‍ക്കറ്റുണ്ടായിരുന്നു. എന്നും ഉണ്ടാകും.
അങ്ങിനെ ഭാര്യയോട് പറയുന്ന മകനെ/സഹോദരനെ, അദ്ദേഹത്തിന്റെ അമ്മയും പെങ്ങന്മാരും വളരെയേറേ ഇഷ്ടപ്പെട്ടിരുന്നപ്പോള്‍, അങ്ങിനെ പെങ്ങന്മാരോട് പറയുന്ന ഭര്‍ത്താവിനെ ഭാര്യയും ഇഷ്ടപ്പെട്ടു പോന്നിരുന്നു.
അള്‍ട്ടിമേയ്റ്റ്‌ലി, അങ്ങിനെയൊന്നു ഭാര്യയോട് പറയാന്‍ പാടില്ല എന്നാണ് എന്റെ അഭിപ്രായം. പകരം, കുറച്ച് മയത്തില്‍,
‘എന്തടീ.. നിന്റെ ഒരു കാര്യം. പോട്ടെ, വിട്ടുകള ..‘
എന്നൊക്കെ പറയാം.
എന്നിട്ടും ഭാര്യ ഡയലോഗിങ്ങ് തുടരുകയാണെങ്കില്‍…
‘ട്യ്യേ..ഇനിയൊരു അക്ഷരം നീ മിണ്ടിയാല്‍ ഡേഷേ ചെകിളേമ്മെ കിണ്ണ് കൊള്ളൂം ’ എന്നു പറയാം.
ഇടിവാള്‍ | 26-Jul-06 at 6:00 am | Permalink
അതു കലക്കി, വിശാലോ.. ഇപ്പ വീട്ടിലെ റോളു ഏകദേശം പിടികിട്ടീ !
കലേഷ് | 26-Jul-06 at 11:59 am | Permalink
ഉമേഷേട്ടാ, ശ്ലോകം ഉണ്ടാക്കിയ കവി പറഞ്ഞത് സത്യമാ. പിന്നെ, എല്ലാം പല പല സാഹചര്യങ്ങള്‍ അല്ലേ? ചെറുക്കന്‍ സ്ത്രീധനം ഇച്ഛന്തി എന്ന് കുമാര്‍ഭായ് പറഞ്ഞതിനോട് ഞാന്‍ യോജിക്കുന്നില്ല. എല്ലാവരും അങ്ങനെയൊക്കെയാ‍ണോ?
ലക്ഷണമെന്തൊക്കെയായാലും എനിക്ക് പെണ്ണ് കിട്ടി! എനിക്കതുമതി!
ദില്‍ബാസുരന്‍ | 26-Jul-06 at 12:27 pm | Permalink
വിശാലേട്ടോ,
നമ്മടെ പണി തെറിപ്പിക്കും അല്ലേ. കമന്റ് വായിച്ച് ആര്‍ത്ത് അട്ടഹസിച്ചതിന് ബോസ് കണ്ണുരുട്ടി.
ബിന്ദു | 26-Jul-06 at 1:35 pm | Permalink
നോ…. കമ്മന്റ്സ്‌!! എന്നിട്ടു വേണം. ഹി .. ഹി… 🙂
രാജേഷ് | 26-Jul-06 at 5:32 pm | Permalink
പരിഭാഷ
Umesh::ഉമേഷ് | 26-Jul-06 at 6:11 pm | Permalink
കലക്കന്‍ പരിഭാഷ, രാജേഷ്! ഞാന്‍ അതു പോസ്റ്റിന്റെ അവസാനത്തില്‍ ഇട്ടിട്ടുണ്ടു്.
വഴിപോക്കന്‍ | 26-Jul-06 at 6:58 pm | Permalink
സുരേഷ്ഗോപി “ഭ ഭുല്ലേ” എന്ന് പറഞപ്പോള്‍ സൂപ്പര്‍സ്റ്റാര്‍ ആയത് എങനെയാണെന്ന് ഇപ്പഴാണ് പിടികിട്ടിയത്..അത് കേട്ട് കോരിത്തരിച്ച കേരളത്തിലെ നാരീ രത്നങ്ങള്‍ പൊക്കി വിട്ടതായിരിയ്ക്കും.. 🙂
L.G | 26-Jul-06 at 9:55 pm | Permalink
ശ്ശൊ! അങ്ങിനെ അല്ല. കവല ചട്ടമ്പികളെ അല്ല..
‘പോടീ പുല്ലേ’ന്ന് പറയുന്നോരെ അല്ല.ആ ആറ്റിറ്റ്യൂഡ്.
പോടീ പുല്ലേന്ന് ആറ്റിറ്റ്യൂഡുള്ള എന്നാ പെണ്ണുങ്ങളെ ബഹുമാനിക്കുന്ന എന്നാ പുസ്തകം ഒക്കെ വായിക്കുന്ന എന്നാ ബുജി അല്ലാത്ത എന്നാ ജീനിയ്സ് ആയ എന്നാ ജഗതി തമാശ ഇഷ്ടമുള്ള എന്നാ കുറച്ച് കലാവാസനയുള്ള എന്നാ കലാകാരന്‍ അല്ലാത്ത എന്നാ അടിച്ചുപൊളിക്കുന്ന എന്നാ കുടുമ്പം നോക്കുന്ന എന്നാ ഭാര്യക്ക് എന്തു വേണമെങ്കിലും മേടിച്ചു തരുന്ന എന്നാ കുറച്ചൊക്കെ പിശുക്കി വീട്ടിലെ ഫിനാന്‍ഷ്യല്‍ നന്നായിട്ട് നോക്കുന്ന എന്നാ നല്ലോരു മീന്‍ കറി വെക്കുന്ന എന്നാ അധികം കൂക്കിങ്ങ് ഒന്നും അറിയാത്ത എന്നാ ഉപയോഗിച്ച ബാത്രൂം കണ്ടാല്‍ കൊടുങ്കാറ്റടിച്ചെന്ന് തോന്നാത്ത എന്നാ കുറച്ചൊക്കെ വൃത്തി ഇല്ലാത്ത എന്നാ റിസേര്‍വ്ഡ് ആയ എന്നാ വിറ്റടിക്കുന്ന…
ഇനി ഇതു എല്ലാം ഉണ്ടെങ്കിലൊ അപ്പൊ ഇതു ഗമ്പ്ലീറ്റ് മാറ്റി വേറെ കോമ്പിനേഷന്‍ കണ്ട് പിടിക്കും…
Umesh::ഉമേഷ് | 26-Jul-06 at 10:01 pm | Permalink
എല്‍‌ജി പറഞ്ഞതുപോലെയുള്ള ഒരു ഭര്‍ത്താവും മാന്‍ഡ്രേക്കും ഫാന്റവും ലാലു പ്രസാദ് യാദവും കൂടി അമേരിക്കന്‍ സിറ്റിസന്‍‌ഷിപ്പിനു് അപേക്ഷിച്ചു. ഒരാള്‍ക്കു മാത്രം കിട്ടി. ആര്‍ക്കാണെന്നു പറയാമോ?
Adithyan | 26-Jul-06 at 10:03 pm | Permalink
ഇതൊരു മാതിരി ആരാണ്ടേ മുന്നില്‍ കണ്ടോണ്ട് പറയുന്ന പോലെ… ;))
ഹഹഹഹാഹ്
ഇടത്തെ പുരികത്തിനു മോളില്‍ മറുക്, വലതു കാലില്‍ പണ്ട് സൈക്കിളെന്നു വീണ മുറിവ് … ഇതൂടൊക്കെ പറയാരുന്നു 😉
ഹഹഹഹഹഹഹ്ഹഹ്
ശനിയന്‍ | 26-Jul-06 at 10:03 pm | Permalink
സംശയമില്ല ലല്ലുവിനു തന്നെ… 😉
Adithyan | 26-Jul-06 at 10:04 pm | Permalink
ലാലു പ്രസാദ് യാദവ്
(ഒരു ഫെയറിയേം കൂടെ കൂട്ടാരുന്നു 🙂 )
Umesh::ഉമേഷ് | 26-Jul-06 at 10:06 pm | Permalink
ശനിയനും ആദിത്യനും ഫുള്‍ മാര്‍ക്കു്.
ഫാന്റസിയില്‍ മാത്രമുള്ളവര്‍ക്കു അമേരിക്ക പൌരത്വം കൊടുക്കാറില്ല… 🙂
L.G | 26-Jul-06 at 10:07 pm | Permalink
എന്റെ ആദീ ഈ ഗോമ്പിനേഷനിലുള്ളവര്‍ ഇന്നേ വരെ ജനിച്ചിട്ടില്ല…ജനിപ്പിക്കണതും വളര്‍ത്തണതും ഒക്കെ ഞങ്ങളല്ലെ?അപ്പൊ ഇങ്ങിനെ ഒരു ഗോമ്പിനേഷന്‍ ആയി തീരാണ്ടിരിക്കാന്‍ ഞങ്ങള്‍ മാക്സിമം ശ്രമിക്കും.അങ്ങിനെ വേറൊര്‍ പെണ്ണിന് ഈ ഞങ്ങള്‍ സ്വപ്നം കാണുന്ന ഗോമ്പിനേഷന്‍ കിട്ടണ്ടാന്ന് കരുതി 🙂
ശനിയന്‍ | 26-Jul-06 at 10:07 pm | Permalink
അതോണ്ട് മാത്രമല്ല ഉമേഷ്ജീ, ഇദ്ദേഹം അമേരിക്കന്‍ പ്രസിഡന്റിനെ വരെ സ്വന്തം ഭാഷ പഠിപ്പിച്ച ടീമാ (കേട്ടിട്ടില്ലേ?)..
L.G | 26-Jul-06 at 10:09 pm | Permalink
ആതു തന്നെയാ ഞാന്‍ പറഞ്ഞെ, അതു തന്നെയാ എല്ലാ പെമ്പിള്ളേരും എപ്പോഴും പറയുന്നെ…
You can never meet a good Man
Cos he is always a Fantasy!
ഹിഹിഹി..ദേ ഇപ്പൊ നിങ്ങ തന്നെ അതു പറഞ്ഞു കഴിഞ്ഞിരിക്കുന്നു…
ബിന്ദു | 26-Jul-06 at 10:11 pm | Permalink
ഈശ്വരാ.. ശ്വാസം മുട്ടിപ്പോയല്ലോ എല്ജീസെ..
=))
Adithyan | 26-Jul-06 at 10:15 pm | Permalink
ഇതൊക്കെയാ good Man എന്ന് ഇവിടെ ആരാ പറഞ്ഞെ?
അപ്പോ മലയാളം അറിയാത്ത ആണുങ്ങള്‍ടെ കാര്യം കഷ്ടമാണല്ലോ … അവര് എങ്ങനെ ജഗതീടെ തമാശ ആസ്വദിയ്ക്കും 😕
Umesh::ഉമേഷ് | 26-Jul-06 at 10:16 pm | Permalink
എന്നാ മെലിഞ്ഞുതടിച്ച എന്നാ ഇരുണ്ടുവെളുത്തുചുവന്ന എന്നാ ചിരിച്ചുകരഞ്ഞു നടക്കുന്ന എന്നാ ….
ഈ കൂക്കിംഗ് എന്നു പറഞ്ഞാലെന്താ? കൂക്കിവിളിക്കലാ?
L.G | 26-Jul-06 at 10:19 pm | Permalink
ആരാ പിന്നെ പറയണ്ടെ ഗൂഡ് മാനെ പറ്റി? നിങ്ങളാ? അതു ശരി!
ഉമേഷേട്ടന് പറയണതില്‍ യാതൊരു ലോജിക്കും ഇല്ല..
ഫാന്റസിയില്‍ പോലും ആ ലോജിക്ക് ആപ്ലിക്കബള്‍ അല്ല.. 🙂
നളന്‍ | 27-Jul-06 at 1:53 am | Permalink
ശ്ലോകം മാറ്റിയെഴുതേണ്ട സമയമായി ഉമേഷ്ജീ,
അച്ഛന്‍, അമ്മ, കുടുംബം : ചെക്കന്‍ ഗ്രീന്‍ കാര്‍ഡുണ്ടോ ?
പെണ്ണിനോ : എന്നെ എത്രയും വേഗം അങ്ങോട്ട് കെട്ടിയെടുക്കാന്‍ കപ്പാക്കുറ്റി ഉണ്ടോ?
പിന്നെ ചെക്കന്‍ വലിയ് ചെവി വേണം
വായില്ലാത്ത പെണ്ണിനെ കെട്ടിയാ മതിയായിരുന്നൂന്ന് തോന്നുമ്പോഴേക്കും ലേറ്റായിപ്പോയിരിക്കും
🙂
രാജ് നായര്‍ | 27-Jul-06 at 6:48 am | Permalink
എല്‍ജിയൊരു പാരമ്പര്യവാദിയാണല്ലേ, അഡ്രസ്സ് തരൂ ഇന്ദു മേനോന്റെ ‘ഒരു ലെസ്ബിയന്‍ പശു’ ഞാന്‍ കൊറിയര്‍ അയച്ചു തരാം. മുട്ടുശാന്തിയ്ക്കു് ഈ കഥ വായിച്ചോള്ളൂ ഒരു മംഗല്യപ്പുഴയോരത്തു്
നമ്മുടെ കാര്യാ കഷ്ടം, ഏതു വഴിക്കു നോക്കിയാലും പെണ്ണുകിട്ടില്ലെന്നായിരിക്കുന്നു 😉 (നമ്മള്‍ എന്നുദ്ദേശിക്കുന്നതു്, തണുപ്പന്‍, ശ്രീജിത്ത്, ഇബ്രു, ദില്‍ബന്‍ എന്നിവരാണു്, ഞാനതില്‍ പെടില്ല)
Su | 27-Jul-06 at 8:37 am | Permalink
ഇനിയിപ്പോ പറഞ്ഞിട്ടെന്താ കാര്യം? ഒക്കെ തീര്‍ന്നില്ലേ 🙁
L.G | 31-Jul-06 at 12:44 pm | Permalink
ഉമേഷേട്ടാ
ദേ ഇതു നോക്കിക്കെ
അതുപോലെ ഒരെണ്ണം മലയാളത്തിന് തുടങ്ങിക്കൂടെ?
എനിക്ക് ഈസി ആയിട്ട് തുടങ്ങാം…അതിലെ തെറ്റൊക്കെ 🙂 പക്ഷെ ശരി ഉമേഷേട്ടന് തന്നെ തുടങ്ങണം..വെറുതെ ഈച്ചയാട്ടി ഇരിക്കണ നേരത്ത് ഇങ്ങിനെ കാ‍ര്യമായിട്ടുള്ളത് വല്ലോം ചെയ്തൂടെ? ഹിഹിഹി
അതുപോലെ ഉമേഷേട്ടന് എന്തോരം ബ്ലോഗാ? ഞാന്‍ എന്റെ ബ്ലോഗില്‍ നിന്ന് ഉമേഷേട്ടന് എന്ന് പറഞ്ഞ് ഒരു ലിങ്ക് കൊടുത്തതില്‍ ഉമേഷേട്ടന്റെ പൊടി പോലുമില്ല..എന്നാ പടം ഒക്കെ ഉണ്ട് താനും..
ഏതാണ് ശരിക്കുള്ള ബ്ലോഗ്?
InjiPennu | 31-Jul-06 at 12:45 pm | Permalink
ഹൌ..ഈ എല്‍.ജി ആരാണവൊ? ഉമേഷേട്ടന്റെ കമന്റ് ബോക്സിന്‍ എന്റെ പേരു മാറിയത് അറിയില്ലേ?
Umesh::ഉമേഷ് | 31-Jul-06 at 2:09 pm | Permalink
പിന്നേ, എന്റെ കമന്റ് ബോക്സാരാ, മാമോദിസാ മുക്കുന്ന അച്ചനോ സര്‍ക്കാര്‍ ഗസറ്റോ മറ്റോ ആണോ ആളുകള്‍ പേരു മാറ്റുമ്പോള്‍ അറിയാന്‍?:-)
ഞാന്‍ ഒരിക്കല്‍ ഇതുപോലെ ചെയ്തതാണു്. ഇവിടെ നോക്കൂ. ഇതു ചെയ്തോണ്ടിരുന്നാല്‍ പിന്നെ എനിക്കു വേറേ ഒരു പണിയും ഉണ്ടാവില്ല 🙂
InjiPennu | 31-Jul-06 at 5:30 pm | Permalink
ഹഹഹ്ഹ…പെരിങ്ങ്സ് തന്നെ ലിങ്ക് ഞാനിപ്പോഴാണ് കണ്ടത്.. ഹഹഹ..
ഏയ്..ഇതൊക്കെ ഭാവനയാണ്..പേടിക്കണ്ട പെരിങ്ങ്സ്, ഇങ്ങിനത്തെ പെമ്പിള്ളേരൊന്നുമില്ല.
പിന്നെ തുളസിക്കതിരും കാലു തൊട്ട് വന്ദനവും ഒന്നും എക്സ്പെക്ട് ചെയ്യാണ്ടിരുന്നാല്‍ മതി.. പെണ്ണ് കാണാന്‍ പോവുമ്പൊള്‍ പെണ്ണിന്റെ അമ്മയെയാണ് കൂടുതല്‍ നോക്കേണ്ടതു..കാരണം എന്തൊക്കെ അന്നേരം അഭിനയിച്ചു പെണ്‍കുട്ടി കാണിച്ചാലും 80% ആ അമ്മയായിരിക്കും പെണ്‍കുട്ടി ഇന്‍ 6 ഓര്‍ 10 വര്‍ഷങ്ങളില്‍…സോ, അമ്മയെ ഇഷ്ടപെട്ടില്ലെങ്കില്‍ പെണ്ണിനെ കെട്ടരുത്..എത്ര ബൂലോക സുന്ദരി ആണെങ്കിലും..:)
പിന്നെ ഞാന്‍ പത്തു മണി വരെ പോത്ത് പോലെ ഒരവധിക്കു ചെന്നപ്പൊ ഉറങ്ങുവായിരുന്നു…എന്നെ തലേ ദിവസം പെണ്ണ് കണ്ട ചെക്കന്‍ എന്നെ 8 മണിക്ക് ഡിസ്ക്ക്സ് ചെയ്യാന്‍ വിളിച്ചു വീട്ടില്‍..അപ്പന്‍ ഉടനേ ഒരു കാച്ച്.. മോള് അമ്മേനെ അടുക്കളേല്‍ സഹായിക്കുവായിരുന്നു എന്ന്..ഹിഹിഹി.. പിന്നെ എന്നെ പത്തു മണിക്ക് വിളിച്ചപ്പൊ ആ ചെക്കന്‍ ഇങ്ങോട്ട് ചോദിച്ചു..ഉറങ്ങുവായിരുന്നു അല്ലെന്ന്? ഞാന്‍ പറഞ്ഞു..അതെ..ശരിക്കും പറഞ്ഞാല്‍ അവധിക്ക് വന്നാല്‍ ഉച്ചക്കേ എഴുന്നേല്‍ക്കാറുള്ളൂ.. ഇന്നിപ്പൊ രണ്ട് മണിക്കൂര്‍ നേരത്തെ ആയി എന്ന് 🙂
ദേവ്‌ | 05-Sep-06 at 6:22 am | Permalink
ഗുരുക്കളേ
കുലം മുടിക്കാന്‍ സ്പാം ബോട്ടുകളില്‍ കടല്‍ക്കൊള്ളക്കാരെത്തി. വടിവാളെടുക്കൂ. അതില്ലേല്‍ അടുക്കളയില്‍ നിന്നും കൊടുവാളെങ്കിലും എടുക്കൂ..
wakaari | 05-Sep-06 at 6:45 am | Permalink
സ്പാം ഗുരു മൈക്ക് ഷിനോഡ ഒരു ജപ്പാന്‍‌കാരനാണെന്ന് തോന്നുന്നല്ലോ. ശുദ്ധമായ വെള്ളം കുടിക്കാന്‍ വാട്ടര്‍ ഫില്‍‌ട്രേഷന്റെ ആള്‍ക്കാരുണ്ട്. പിന്നെ സ്പാം വേളകള്‍ ആസ്വദിക്കാന്‍ സ്പാം ദ്വീപിലേക്ക് പോകാന്‍ യുണൈറ്റഡ് വിമാനവണ്ടിട്ടിക്കറ്റുണ്ട്. കാറ് വിറ്റ് കാശാക്കാന്‍ ഓട്ടോ ട്രേഡറുമുണ്ട്.
ഉമേഷ്‌ജിയുടെ ഓണം തകര്‍ത്തു 🙂
ദേവ്‌ | 05-Sep-06 at 7:00 am | Permalink
അയ്യോ വക്കാരീ, അതേലെല്ലാം കേറി ക്ലിക്കിയോ? ജെ സി ബി പോലെ നമ്മുടെ കമ്പ്യൂട്ടന്റെ അടിത്തറ തോണ്ടുകയും ട്രോളര്‍ പോലെ ഇന്‍ഫര്‍മേഷന്‍ അടിച്ചു മാറ്റുകയും ചെയ്യുന്ന സ്പൈ വെയര്‍ കാണുമേ ആ സൈറ്റില്‍.