സ്ത്രീവായനക്കാരെ ചൊടിപ്പിച്ചിട്ടു കുറേ ദിവസമായി. ഇതാ ഒരു പഴയ സുഭാഷിതം:
മശകോ മക്കുണോ രാത്രൗ
മക്ഷികാ യാചകോ ദിനേ
പിപീലികാ ച ഭാര്യാ ച
ദിവരാത്രം തു ബാധതേ
അര്‍ത്ഥം:
| മശകഃ മക്കുണഃ രാത്രൗ (ബാധതേ) | : | കൊതുകും മൂട്ടയും രാത്രിയില്‍ (ശല്യപ്പെടുത്തുന്നു) |
| മക്ഷികാ യാചകഃ ദിനേ (ബാധതേ) | : | ഈച്ചയും ഭിക്ഷക്കാരനും പകല്‍ (ശല്യപ്പെടുത്തുന്നു) |
| പിപീലികാ ച ഭാര്യാ ച | : | ഉറുമ്പും ഭാര്യയുമാകട്ടേ |
| ദിവരാത്രം ബാധതേ തു | : | പകലും രാത്രിയും ശല്യപ്പെടുത്തുന്നു. |
കൂടുതല്‍ വിശദീകരണമൊന്നും ആവശ്യമില്ല. വിവാഹിതര്‍ക്കെല്ലാം ഇക്കാര്യം അറിയാം.
പരിഭാഷകള്‍, പാരഡികള്‍, എതിര്‍വാദങ്ങള്‍, അഭിപ്രായങ്ങള്‍ എന്നിവ ക്ഷണിച്ചുകൊള്ളുന്നു.
കുറിപ്പു്: സ്ത്രീകള്‍ ഇതു വായിക്കുമ്പോള്‍ “ഭാര്യാ ച” എന്നതു “ഭര്‍ത്താ ച” എന്നു തിരുത്തി വായിക്കാനപേക്ഷ.
Umesh::ഉമേഷ് | 07-Aug-06 at 9:05 pm | Permalink
പകലും രാത്രിയും ശല്യമായ ചില ജീവികളെപ്പറ്റി – സുഭാഷിതത്തില്‍.
(പണ്ടു റോമന്‍ പടയാളികള്‍ ധരിച്ചിരുന്ന തരത്തിലുള്ള പടച്ചട്ട വാടകയ്ക്കു കിട്ടാനുണ്ടോ? 🙂 )
Adithyan | 07-Aug-06 at 9:26 pm | Permalink
സ്ത്രീവായനക്കാരെ ചൊടിപ്പിച്ചിട്ടു കുറേ ദിവസമായി
ഇതു വായിച്ചിട്ട് ഭാര്യമാരല്ലാത്ത സ്തീവായനക്കാര്‍ എങ്ങനെ ചൊടിക്കും? അവര്‍ക്ക് കൂടി ചൊടിക്കാന്‍ ഒരു ചാന്‍സ് കൊടുക്കാത്തത് മോശമായിപ്പോയി.
പിന്നെ നിലവില്‍ ഭാര്യയില്ലാത്തതിനാല്‍ ശ്ലോകത്തെപ്പറ്റി അഭിപ്രായം പറയുന്നില്ല.
ബിന്ദു | 07-Aug-06 at 9:47 pm | Permalink
ഞാന്‍ കണ്‍ഫേം ചെയ്തു. ഇതിലെല്ലാവരും പെടില്ല. 😉
Umesh::ഉമേഷ് | 07-Aug-06 at 9:50 pm | Permalink
പാവം ബിന്ദുവിനെ ഭര്‍ത്താവു പറ്റിച്ചു 🙂
കൂമന്‍ | 07-Aug-06 at 9:51 pm | Permalink
😀
ഇതേത് പുസ്തകത്തില്‍ നിന്നാണ് ഉമേഷേ? എവിടെയെങ്കിലും ഒന്നു കാച്ചാമല്ലോ..(മക്കുണന്‍ എന്നാല്‍ മൂട്ടയാണെന്നറിയില്ലായിരുന്നു)
Umesh::ഉമേഷ് | 07-Aug-06 at 9:55 pm | Permalink
പുസ്തകമറിയില്ല കൂമാ. പഴയ സംസ്കൃതകവികള്‍ക്കു പേരെഴുതി വെയ്ക്കുന്ന സ്വഭാവമില്ലായിരുന്നു. നീതിസാരം, സുഭാഷിതങ്ങള്‍, ഒറ്റശ്ലോകങ്ങള്‍ തുടങ്ങി പേരുള്ള സമാഹാരങ്ങളില്‍ പിതൃത്വമില്ലാതെ (ഞാനും എസ്. എഫ്. ഐ. യുമായി ബന്ധമൊന്നുമില്ല) പരാമര്‍ശിച്ചിട്ടുള്ള ശ്ലോകങ്ങളിലൊന്നാണു് ഇതു്.
എവിടെ വേണമെങ്കിലും കാച്ചിക്കോ. കിട്ടുന്നതിന്റെ പങ്കു് എനിക്കൊന്നും അയച്ചുതന്നേക്കരുതു് 🙂
രാജ് നായര്‍ | 07-Aug-06 at 9:58 pm | Permalink
മക്കുണന്‍ എന്നുവച്ചാല്‍ ‘പൊട്ടന്‍’ എന്നോ മറ്റോ ആണെന്നാ ഞാനും കരുതിയിരുന്നതു്. തീര്‍ച്ചയുണ്ടായിരുന്നില്ല, ഏതെങ്കിലും തരത്തില്‍ derogatory ആകുമെന്നു് ഊഹമുണ്ടായിരുന്നു. ആ യാചകനെ മാറ്റി ‘ബോസ്’ എന്നാക്കണം 😉
Umesh::ഉമേഷ് | 07-Aug-06 at 9:58 pm | Permalink
മക്കുണത്തോടോതുന്നു
കൊതു, “നീയൊരു തസ്കരന്‍;
തൊഴിലാളിസ്സഖാവിന്റെ
ചോര കട്ടു കുടിക്കുവോന്‍”
എന്നു സഞ്ജയന്‍ എഴുതിയതു കേട്ടിട്ടില്ലേ കൂമാ?
wakaari | 08-Aug-06 at 1:02 am | Permalink
പടച്ചട്ട ഉര്‍വ്വശി തീയറ്റേഴ്‌സിലെ മാന്നാര്‍ മത്തിയായീയോടു ചോദിച്ചാല്‍ മതി ഉമേഷ്ജി. പുള്ളിയുടെ കൈയ്യില്‍ അത്തരം ടൈപ്പൊത്തിരിയുണ്ട്.
മക്കുണാ മക്കുണാ എന്ന് എത്ര വിളി കേട്ടിരിക്കുന്നു. നാച്വറലായി അപ്പോഴൊക്കെ തോന്നിയിരുന്നത് തലയ്ക്കകത്തൊന്നുമില്ലാത്തവനേ എന്നോ തലയ്ക്കകത്ത് കുണ്ടറ മാത്രമുള്ളവനേ എന്നോ ഒക്കെയായിരുന്നു. ലെവന്‍ മൂട്ടയായിരുന്നല്ലേ…
ഈ മക്കുണനും മണുക്കൂസും അടുത്ത ബന്ധത്തിലെയാണോ?
നളന്‍ | 08-Aug-06 at 2:23 am | Permalink
ഉറുമ്പും ഭാര്യയുമാകട്ടേ, പകലും രാത്രിയും ശല്യപ്പെടുത്തുന്നു.
ഉമേഷണ്ണാ, നിങ്ങടെ നാട്ടിലൊക്കെ ഉറുമ്പും കല്യാണം കഴിക്കുമോ!
ഏവൂരാന്‍ | 08-Aug-06 at 5:07 am | Permalink
മക്കുണന്‍ എന്ന വാക്കിനൊരു അര്‍ത്ഥമുണ്ടെന്നിപ്പോഴാ തിരിഞ്ഞത്..!
Umesh::ഉമേഷ് | 08-Aug-06 at 5:47 am | Permalink
മൂട്ട എന്നര്‍ത്ഥമുള്ള മക്കുണം (മത്‌കുണം, മക്വണം) എന്ന വാക്കും മക്കുണന്‍ എന്ന മലയാളവാക്കും തമ്മില്‍ ഒരു ബന്ധവുമുണ്ടെന്നു തോന്നുന്നില്ല. മരങ്ങോടന്‍ (ബ്ലോഗറല്ല), മണുക്കൂസന്‍ തുടങ്ങിയവയെപ്പോലെ ഒരു വാക്കു മാത്രമാണു മക്കുണനും.
നളോ, കല്യാണം കഴിക്കാതെങ്ങനാ ഉറുമ്പിനു കുഞ്ഞുങ്ങളുണ്ടാവുന്നതു്?
ദില്‍ബാസുരന്‍ | 08-Aug-06 at 5:59 am | Permalink
ഉമേഷേട്ടാ,
കുട്ടികളുണ്ടാവാന്‍ കല്ല്യാണം കഴിക്കണോ?
🙂
Vacationer | 08-Aug-06 at 5:59 am | Permalink
മല്‍ഗുണന്‍, മത്‌ഗുണന്‍, മക്കുണന്‍, മൈഗുണന്‍ എല്ലാം ഗുണങ്ങള്‍ ഇല്ലാത്തവന്‍ എന്ന അര്‍ത്ഥത്തിലല്ലേ?
അരവിന്ദന്‍ | 08-Aug-06 at 7:42 am | Permalink
മക്കുണന്‍ എന്നാണോ നാട്ടില്‍ വിളിക്കുന്നത്?
മഷ്കുണന്‍ എന്നാണ് ഞങ്ങളുടെ അവിടെ. ഒരെഫക്റ്റിന് ഷ്ക ചേര്‍ത്തതാകും..:-)
ശ്ലോകം കലക്കി ഉമേഷ്‌ജ്യേ..
Su | 08-Aug-06 at 8:46 am | Permalink
ശ്ലോകം കൊള്ളാം.
😐
മുസാഫിര്‍ | 08-Aug-06 at 9:25 am | Permalink
ഒരു നൂറു കൊല്ലമെന്കിലും ആയിട്ടുണ്ടവില്ലെ ഈ ശ്ലോകം എഴുതിയിട്ടു,പോട്ടെ അമ്പതെങ്കിലും,പറഞ്ഞു വന്നതു , എത്ര ദീര്‍ഘ ദര്‍ശിയായ കവി,ഉമേഷ്ജി,
ഇപ്പോഴും ഭാര്യമാര്‍ അത് പോലെ തന്നെ,
(ഭാര്യ തല്‍കാലം നാട്ടിലായതു കൊണ്ടു ധൈര്യമായി പറയാം)
താര | 08-Aug-06 at 9:31 am | Permalink
ഉമേഷ്ജീ, ഉമേഷ്ജീടെ പോസ്റ്റിലൊരു കമന്റിടണമെന്ന് കുറെ കാലമായി വിചാരിക്കുന്നു…
ഇതാരാ ഈ ശ്ലോകം എഴുതിയത്? അയാളിപ്പൊ ജീവനോടെ ഉണ്ടായിരുന്നെങ്കില്‍ രണ്ടിടീം ഒരു പിച്ചും ഒരു മാന്തും കൊടുത്തേനെ!! അമ്പട, ഭാര്യ ഏതു നേരവും ശല്യം ചെയ്യലാണ് പോലും! ഇനി ഇപ്പൊ ഭര്‍ത്താവായാലും ശരി, ഒരു പങ്കാളിയുള്ളത് ഒരിക്കലും ഒരു ശല്യമല്ല. ആരുമില്ലാത്ത ഒരു സ്ഥലത്ത് ഒരു ദിവസമെങ്കിലും താമസിക്കാന്‍ ആര്‍ക്കെങ്കിലും പറ്റുമോ? ഏതോ മുനി ഭാര്യയോട് വഴക്കിട്ട് രണ്ട് സ്മാളടിച്ച്
ഇരുന്നെഴുതിയതാ ഈ ശ്ലോകം. അല്ലാതെ ഇതില്‍ യാതൊരു വാസ്തവവുമില്ല. ഞാന്‍ ശക്തിയുക്തം എതിര്‍ക്കുന്നു..:-)
കുറുമാന്‍ | 08-Aug-06 at 9:33 am | Permalink
സിന്ദുചേച്ചി വായിച്ചോ ഇത്? വായിച്ചിട്ടുണ്ടായിരുന്നെങ്കില്‍ പറഞ്ഞേനെ, ആരേകോണ്ടാര്‍ക്കാ ശല്യം എന്ന്. ഭര്‍ത്താവിനെകൊണ്ട് കാര്യമായ ശല്യമില്ല, പക്ഷെ ഭര്‍ത്താവിന്റെ അസമയത്ത് (ഏഴര വെളുപ്പിനും, നട്ടപാത്രിരാത്രിക്കും) ഉള്ള ബ്ലോഗിങ്ങാണു പ്രശ്നം…..
ബ്ലോഗിങ്ങ് പ്രശ്നം ഒരു പ്രശ്നമായിട്ടുള്ള ശ്ലോകങ്ങള്‍ എന്തേ വരാത്തൂ?
wakaari | 08-Aug-06 at 9:34 am | Permalink
“ആരുമില്ലാത്ത ഒരു സ്ഥലത്ത് ഒരു ദിവസമെങ്കിലും താമസിക്കാന്‍ ആര്‍ക്കെങ്കിലും പറ്റുമോ?”
ജപ്പാ‍ാ‍ാ‍ാ‍ാ‍ാ‍ാന്‍ 🙂 മൂന്നൂറു ദിവസത്തില്‍ കൂടുതലായി.
ഗന്ധര്വന് | 08-Aug-06 at 9:42 am | Permalink
ടോട്ടല്‍ മൊത്തം എതിര്‌ ഉമേഷ്ജിയോട്‌.
ഗന്ധര്വന് ട്രെയിന്‍ ആണെങ്കില്‍ ഭാര്യ പാളമാകുന്നു. ഗന്ധര്വന് ഓടാനറിയാം ദിശാബോധമില്ല.
ഗന്ധര്വന് സുഖമായുറങ്ങുന്നു. വ്യാകുലതകള്‍ മാത്രം നെഞ്ചിലേറ്റി ഉറക്കമൊഴിക്കുന്നു അവള്‍.
എന്തുകോണ്ടെങ്കിലും ഈ ഭൂമിയില്‍ ജീവിക്കണമെന്ന്‌ തോന്നുന്നുവെങ്കില്‍ അതവളാണ്‌ അതവളാണ്‌ അതവളാണ്‌.
കൂടുതലൊന്നും ഞാന്‍ പറയുന്നില്ല
wakaari | 08-Aug-06 at 9:47 am | Permalink
ഉമേഷ്‌ജിക്ക് ശരിക്കും പടച്ചട്ട വേണ്ടിവരുമോ? ആദ്യമേ ചോദിച്ചിരുന്നു. 🙂
താര | 08-Aug-06 at 9:50 am | Permalink
അതെന്താ വക്കാരീ..ജപ്പാനില്‍ മനുഷ്യനോ മൃഗമോ ആയ ജീവികളൊന്നും തന്നെ ഇല്ലേ??
wakaari | 08-Aug-06 at 9:54 am | Permalink
ഹ..ഹ.. താരേ.. ചിലപ്പോഴൊക്കെ എന്താ ഏതാ എന്ന് തിരിച്ചറിയാന്‍ കൂടി പറ്റുന്നില്ല. എന്റെ ഒരു സുഹൃത്ത് പണ്ടിവിടെ വന്നിട്ട് രണ്ടാഴ്‌ചയോളം ആരോടും ഒന്നും മിണ്ടാതെ ഇരുന്നിട്ടുണ്ടെന്ന്. ബോസ്സും എങ്ങോ പോയി- പുള്ളിക്കാരേയും അറിയാനും വയ്യ. പുള്ളിക്കൊട്ട് ജാപ്പനീസ് പറയാനുമറിയില്ല, ഇവരൊട്ട് ഇംഗ്ലീഷ് പറയുകയുമില്ല.
വാട്ടര്‍ വാട്ടര്‍ വാട്ടര്‍ വട്ടന്‍, നോട്ട് ഏ ഡ്രോപ് റ്റു ഡ്രിങ്ക് എന്നോ മറ്റോ ഇല്ലേ, അതേ പരുവം.
എനിക്കും വേണ്ടിവരുമോ ചട്ട ഒരെണ്ണം 🙂
wakaari | 08-Aug-06 at 9:55 am | Permalink
പക്ഷേ ഇപ്പോള്‍ അങ്ങിനെയൊന്നുമില്ല കേട്ടോ. ഇഷ്ടം പോലെ മലയാളികള്‍.. നോ പിരോബിള്ളം.
mullappoo | 08-Aug-06 at 10:10 am | Permalink
പാവം സിന്ധു.. എന്തിനാ അവരെ വിഷമിപ്പിക്കാന്‍ ഇങ്ങനെ എഴുതണെ…
അതോ സിന്ധുനും ബ്ലോഗുണ്ടോ..
Bijoy Mohan | 08-Aug-06 at 10:10 am | Permalink
ഉമേഷ് ജി,
ഉറുബ്‌ ന്റെ ശരിയായ ബ എങ്ങിനെയാണ്‌ എഴുതുന്നത്‌..
mullappoo | 08-Aug-06 at 10:14 am | Permalink
ഓ.. ഇതിപ്പോളാ കണ്ടേ.. “
“സ്ത്രീവായനക്കാരെ ചൊടിപ്പിച്ചിട്ടു കുറേ ദിവസമായി. ഇതാ ഒരു പഴയ സുഭാഷിതം:”
ഇതു ഞങ്ങളെ മാത്രം ഉദ്ദേശിച്ചുള്ളതാണല്ലേ..
വിശാല മനസ്കന്‍ | 08-Aug-06 at 10:45 am | Permalink
‘ഈ ടീ.വീ. സീരിയലുകള്‍ ഒക്കെ ഉള്ളത് എത്ര ഭാഗ്യായി‘ എന്ന് എന്റെ ഒരു സുഹൃത്ത് പറഞ്ഞതോര്‍മ്മ വന്നൂ!
Jyothirmayi | 08-Aug-06 at 1:26 pm | Permalink
കേട്ടില്ലേ കൂട്ടരേ!
ശല്യമൊഴിഞ്ഞിട്ട്‌ എന്തെങ്കിലും ചെയ്യാം എന്നു വെച്ചാല്‍ നടക്കില്ല. ‘ഇവന്മാര്‍’ ഒരാളല്ലെങ്കില്‍ മറ്റൊരാള്‍ എന്ന നിലയ്ക്കു ഷിഫ്റ്റായും ഫുള്‍ടൈമായും ചെവിതിന്നുകൊണ്ടേയിരിയ്ക്കും. ശ്രദ്ധിയ്ക്കാനേ പോണ്ട, കോണ്‍സന്റ്രേഷന്‍ പോവാണ്ടിരിയ്ക്കാന്‍ അതാ നല്ലത്‌.
(ഇതല്ലേ സുഭാഷിതം, മറ്റേതു തമാശ:-)
Achinthya | 08-Aug-06 at 3:23 pm | Permalink
എനിക്ക് ഐസ്ക്രീമും ചോക്ലറ്റും ഇഷ്ടല്ല്യാ ഇഷ്ടല്ല്യാ ഇഷ്ടല്ല്യാ. രണ്ടൂം പല്ലു കേട് വരുത്തും.കുറുമാനേ , അവടന്ന് വരുമ്പോ എനിക്കെന്താ കൊണ്ടരണ്ടേന്ന് കലേഷിനോട് ഒന്ന് ചോദിച്ചിട്ട് വീമാനത്തില്‍ കേറൂട്ടോ.
Umesh::ഉമേഷ് | 08-Aug-06 at 3:32 pm | Permalink
ഒന്നും മനസ്സിലായില്ല അചിന്ത്യേ. എന്തു് ഐസ്ക്രീം, എന്തു ചോക്ലേറ്റ്? ഏതു കുറുമാന്‍? ആരു വരുമെന്നു പറഞ്ഞു?
ഓ, പെണ്ണുങ്ങള്‍ ബ്ലോഗിലും കയറി ശല്യപ്പെടുത്തും എന്നു ഡെമോണ്‍സ്റ്റ്രേറ്റു ചെയ്തതായിരിക്കും, അല്ലേ? അതുകൊണ്ടു് ഓണ്‍‌ടോപിക്. 🙂
Achinthya | 08-Aug-06 at 4:57 pm | Permalink
അതേ , അതന്ന്യാ ഞാനും പറഞ്ഞേ.ഒന്നും മനസ്സിലായില്ല്യാന്ന്.ഈ ശ്ലോകം തന്നെ എന്തിന്‍റെ ഡെമോ ആണെന്ന് നമ്മക്കറിഞ്ഞൂടെ , ല്ലെ സിന്ധു? പാവം പയ്യന്‍ വെറുതെ ഒന്ന്മീശ പിരിച്ചോട്ടേ.
ഈ റ്റോപിക് എപ്പ വേണെങ്കിലും ഓണാക്കാല്ല്ലോ പുന്നാരേ…(ഇനി ചൊടിപ്പ്ക്കാന്‍ നോക്കീട്ട് ആരും ചൊടിച്ചില്ല്യാന്നൊരു ഖേദം വേണ്ടാ.പുവര്‍ ബോയ്)
Rajesh R Varma | 08-Aug-06 at 4:59 pm | Permalink
ഒരു പ്രതിച്ഛായ കാണുക
കൂമന്‍ | 08-Aug-06 at 5:05 pm | Permalink
ഗന്ധര്വന് ഭാര്യയുടെ കൂടെയിരുന്നു കമന്റിട്ടെന്നാണ് തോന്നുന്നത്. അല്ല, ആ ആവേശം കണ്ടിട്ടേ.. 🙂
Umesh::ഉമേഷ് | 08-Aug-06 at 5:43 pm | Permalink
എല്ലാ മക്കുണന്മാര്‍ക്കും മക്കുണികള്‍ക്കും (എല്ലാവരെയും പേരെടുത്തൊന്നും പറയുന്നില്ല) നന്ദി.
തേവരേ, വെക്കേഷനാണെങ്കിലും സുഭാഷിതം വായിക്കുന്നുണ്ടല്ലേ?
ഗന്ധര്‍വ്വന്റെ കമന്റെനിക്കു് ഒരുപാടു് ഇഷ്ടമായി. ഇനി അതു കൂമന്‍ പറഞ്ഞതുപോലെയാണെങ്കില്‍പ്പോലും, വളരെ മനോഹരം! അതു ഞാന്‍ ഓര്‍ത്തുവെയ്ക്കും, ആനിവേഴ്സറികളും വാലന്റൈന്‍സ് ഡേകളുമൊക്കെ വരുന്നുണ്ടല്ലോ 🙂
ബിജോയ്, ഉറുമ്പു് = uRumpu~, ഉറൂബ് = uRoob. ഇതാണോ ചോദിച്ചതു്?
ഉരുളാതെ അചിന്ത്യേ. ഇതിലും വലിയ ഉരുളല്‍ ഞങ്ങളിവിടെ കണ്ടിട്ടുണ്ടു്. സത്യം പറ, വേറേ ഏതോ ബ്ലോഗിലിടണ്ട കമന്റ് മാറി ഇവിടെ ഇട്ടതല്ലേ?
സ്ത്രീജനം വലിയ പ്രശ്നമൊന്നും ഉണ്ടാക്കിയില്ലല്ലോ. താര മാത്രം അല്പം രോഷാകുലയായി. എന്നാലും ഇഞ്ചിയുടെ ഏഴയലത്തു വരില്ല. സൂവിനും മുല്ലപ്പൂവിനും ബിന്ദുവിനുമൊക്കെ എന്തൊരു സ്പോര്‍ട്ട്സ്‌വുമന്‍ സ്പിരിറ്റ്! ജ്യോതി പറഞ്ഞതെന്താണെന്നു പതിവുപോലെ എനിക്കു മനസ്സിലായുമില്ല 🙂
ഇഞ്ചി എഴുതേണ്ട ശ്ലോകം രാജേഷ് എഴുതി. ഇഞ്ചി എവിടെപ്പോയോ എന്തോ?
നളന്‍ | 09-Aug-06 at 2:22 am | Permalink
ഗന്ധര്‍വ്വാ, പാളത്തിലൂടെ നോക്കിയപ്പോള്‍ ഒരു സ്കോപ്പു കാണുന്നു. കെട്ടിയോള്‍ക്ക് പിറന്നാള്‍ സമ്മാനം കാശു മുടക്കാതെ എങ്ങനെയൊപ്പിക്കാം എന്നു ആശയദാരിദ്ര്യവും അല്ലാത്ത ദാരിദ്ര്യവും ഒക്കെ പുകച്ചു നോക്കിയിട്ടും ഒന്നും കിട്ടാതിരുന്നപ്പോഴാ ഇത്. ഇതു വച്ചു ഞാനൊരലക്കലക്കും!!! 🙂
ഇത്തിരിവെട്ടം | 09-Aug-06 at 4:09 am | Permalink
ഉമേഷ് ജി. ഞാന്‍ ഇവിടെ സ്ഥിരം വരാറുണ്ട്. വായിക്കാറുണ്ട്. പിന്നെ കമന്റാന്‍ ഒരു പേടി.വേറെ ഒന്നും കൊണ്ടല്ല. ഇത്തിരി കടുകട്ടിയായ വിഷയങ്ങളായത് കൊണ്ടു തന്നെ.
ശ്ലോകം അസ്സലായി
Achinthya | 09-Aug-06 at 9:19 am | Permalink
എനിക്കിതിഷ്ടായി.എല്ലാടത്തും പോയി സ്വന്തം കമെന്‍റ് പലപ്പഴും ഇദ്ദേഹം എക്സ്പ്ലെയിന്‍ ചെയ്യണ കണ്ട് പലപ്പഴും തലതല്ലി ചിരിച്ച്ണ്ട് ഞാന്‍. ഇതിപ്പോ ഇങ്ങനെ…
തെറ്റി കമെന്‍റിട്ടതല്ലാ.കിടന്നുരുണ്ട് പുണ്യം വാങ്ങാനിത് ഗുരുവായൂര്‍ ചുറ്റമ്പലോമല്ലാ.
പിന്നെന്താന്ന് ചോദിച്ചാ, “ഈ വിവരള്ളോര് പറഞ്ഞിണ്ടേയ് മിട്ടായീം ഐസ്ക്രീമ്വൊന്നും പല്ലിനും തൊണ്ടക്കും നന്നല്ലാന്ന്.സുഭാഷിതായിട്ട് എഴുതീട്ടില്ല്യാന്ന് വെച്ചാലും.പക്ഷേ ഇത് രണ്ടൂല്ല്യാണ്ടെ എന്നെക്കൊണ്ട് വയ്യ ജീവിക്കാന്‍.പക്ഷേ രണ്ടിനെക്കുറിച്ചും ള്ല ഒരു ചര്‍ച്ചയില്‍ ഇതു ആരോഗ്യത്തിനെത്ര ഹാനികരം ന്ന് തെളിയിക്കാന്‍ എന്നെക്കൊണ്ടാവും താനും.(കലേഷ് നാട്ടില്‍ വരുമ്പോ എനിക്കയചിരുന്നു ഒരു വല്യെ പെട്ടി ചോക്ലറ്റ്.Hence his presence in the comment)ഇപ്പൊ പുരിയിതാ കണ്ണാ?കൂടുതല്‍ വിസ്തരിക്കണ്ടല്ലോ?
ദില്‍ബാസുരന്‍ | 09-Aug-06 at 9:51 am | Permalink
ദില്‍ബുവേ, ഈ മലയാളസിനിമയൊക്കെ കണ്ടിട്ടു താങ്കളുടെ വിചാരം കുട്ടികളുണ്ടാവാന്‍ വളരെ എളുപ്പമാണു് എന്നാണല്ലേ? ഒന്നു കല്യാണം കഴിച്ചുനോക്കു്. അപ്പോഴറിയാം ബുദ്ധിമുട്ടു്
ഉമേഷേട്ടാ.. അറിയാത്ത കാര്യങ്ങളെ പറ്റി അഭിപ്രായം പറഞ്ഞ ഞാനാണ് മണ്ടന്‍. പോയിന്റ് നോട്ട് ചെയ്തിരിക്കുന്നു. ഞാന്‍ ആ പറഞ്ഞത് ഒന്ന് ഇന്‍വേഴ്സാക്കിയാല്‍ ഗുണമുണ്ടോ എന്ന് നോക്കട്ടെ. 🙂
കലേഷ് | 09-Aug-06 at 10:33 am | Permalink
:))
Umesh::ഉമേഷ് | 09-Aug-06 at 1:02 pm | Permalink
അചിന്ത്യ പറഞ്ഞു:
കിടന്നുരുണ്ട് പുണ്യം വാങ്ങാനിത് ഗുരുവായൂര്‍ ചുറ്റമ്പലോമല്ലാ.
അതെനിക്കിഷ്ടപ്പെട്ടു. ഹാ ഹാ!
വല്യാമ്മായി | 09-Aug-06 at 1:26 pm | Permalink
വേലിയില്‍ മേല്‍ കിടന്നിരുന്ന പാമ്പിനെയെടുത്ത് തോളത്ത് വെച്ചിട്ടിപ്പോ
payyans | 11-Aug-06 at 12:17 pm | Permalink
കൊതുകും മൂട്ടേം രാത്രീ മാത്രം
തെണ്ടികളീച്ചേം പകലേയുള്ളൂ
ഭാര്യ,യെറുംപുകളേകും ശല്യം
രാപകലില്ലാതെന്തൊരു കഷ്ടം
ചുമ്മാ ഒന്നു പരിഭാഷിച്ചു നോക്കീാതാണേ വ്ര്‍ത്തം മുഴുവന്‍ ശരിയായോന്ന് സംശയമൊണ്ട്
കൂമന്‍ | 11-Aug-06 at 2:11 pm | Permalink
“ഭാര്യ,യെറുംപുകളേകും ശല്യം
രാപകലില്ലാതെന്തൊരു കഷ്ടം”
ഇതെനിക്കിഷ്ടപ്പെട്ടു. നര്‍മ്മം നന്നായി ചാലിച്ചിട്ടുമുണ്ട്. ആദ്യത്തെ രണ്ടു വരികള്‍ കൂടുതല്‍ നന്നാക്കാമായിരുന്നു താനും
ഇഞ്ചിപ്പെണ്ണ് | 11-Aug-06 at 7:42 pm | Permalink
ഹഹഹ..താരക്കുട്ടീ ആകെ വയലന്റ് ആയല്ലൊ. ഇവരൊക്കെ ഇത് ബ്ലോഗിലല്ലെ പറയൂ താരക്കുട്ടിയെ.
കേട്ടിട്ടില്ലെ, “My wife asked me to stay in this line” തമാശ 🙂
ഹയ്..ഉമേഷേട്ടന്‍ ഞാന്‍ മിസ്സിങ്ങ് ആയപ്പോ എന്നെ അന്വേഷിച്ചൊ? എനിക്കതു വായിച്ചപ്പോ വായില്‍ ഇതിന് വന്ന ശ്ലോകം ഒക്കെ അലിഞ്ഞ് രേഷ്മക്കുട്ടീടെ ഐസ് സ്റ്റിക്ക് പോലെയായി…ഇങ്ങിനെ എല്ലാരും കൂടി സ്നേഹിക്കാ ആണെങ്കില്‍ എത്ര മദര്‍ ബോര്‍ഡുകള്‍ പൊട്ടിത്തെറിച്ചാല്‍ എന്ത്? ഇതു മതി ഇതു മതി….ഞാന്‍ കൃത്..!
കൂമന്‍ | 11-Aug-06 at 8:22 pm | Permalink
മറ്റൊന്നും കേട്ടിട്ടുണ്ട്, ഇഞ്ചീ: ‘I am the master of this house. My wife asked me to say so.’