കാലികപ്രാധാന്യമുള്ള ബ്ലോഗ് പോസ്റ്റുകള്‍ പലതുമുണ്ടു്. സമയക്കുറവു കൊണ്ടോ മറ്റു കാരണങ്ങള്‍ കൊണ്ടോ സമയത്തു പൂര്‍ത്തിയാക്കി പ്രസിദ്ധീകരിക്കാന്‍ പറ്റാത്ത പോസ്റ്റുകളെപ്പറ്റി പലപ്പോഴും ദുഃഖം തോന്നാറുണ്ടു്. “ഛേ, നേരത്തേ എഴുതേണ്ടതായിരുന്നു…” എന്നു്. പലപ്പോഴും ഇതു തോന്നുന്നതു് മറ്റാരെങ്കിലും അതിനെപ്പറ്റി എഴുതിക്കഴിയുമ്പോഴാണെന്നു മാത്രം.
എഴുതിയ ഒരു പോസ്റ്റിനെപ്പറ്റി “ഛേ, വേണ്ടായിരുന്നു” എന്നു തോന്നുന്നതും വിരളമല്ല. (എനിക്കു് ഇതു വരെ തോന്നിയിട്ടില്ല.) പലപ്പോഴും പലരും പോസ്റ്റുകള്‍ ഡിലീറ്റ് ചെയ്യുന്നതു് അതുകൊണ്ടാണു്.
എഴുതിയ ഒരു പോസ്റ്റിനെപ്പറ്റി “ഛേ, അന്നു് ഇതു് എഴുതേണ്ടായിരുന്നു. ഇപ്പോള്‍ അതെഴുതുന്നതായിരുന്നു നല്ലതു്” എന്നു നിങ്ങള്‍ക്കാര്‍ക്കെങ്കിലും തോന്നിയിട്ടുണ്ടോ? ഇപ്പോള്‍ എഴുതിയാല്‍ ഒന്നുകൂടി നന്നായി എഴുതാം എന്നു തോന്നിയതു കൊണ്ടല്ല. ഇപ്പോഴാണു് അതെഴുതാന്‍ ഒന്നുകൂടി നല്ല സമയം എന്നു തോന്നുന്നതുകൊണ്ടു്.
ഇതു വരെ എനിക്കു് അങ്ങനെ തോന്നിയിരുന്നില്ല. ഇന്നു തോന്നി. വിക്കിപീഡിയയില്‍ റബ്ബര്‍ പട്ടികകള്‍ കയറ്റാനുള്ള ചന്ദ്രശേഖരന്‍ നായരുടെ പ്രകടനങ്ങള്‍ കാണുമ്പോള്‍ പ്രശസ്തി കുറയുമ്പോള്‍… എന്ന പോസ്റ്റ് ഇപ്പോള്‍ എഴുതിയാല്‍ മതിയായിരുന്നു എന്നു തോന്നിപ്പോകുന്നു.
ഇപ്പോള്‍ എഴുതിയിരുന്നെങ്കില്‍ ചില വ്യത്യാസങ്ങള്‍ വരുത്തിയേനേ.
- ടൈറ്റില്‍ മാറ്റും. ഉള്ളതല്ലേ കുറയാന്‍ പറ്റൂ?
- വിശദീകരണത്തില്‍ അല്പം വ്യത്യാസം വരുത്തും. വിക്കിയെയും ഉള്‍പ്പെടുത്തും. പത്രങ്ങളിലും മറ്റും തന്നെപ്പറ്റി എഴുതിക്കും എന്നും ചേര്‍ക്കും.
- “സുഭാഷിതം” എന്ന വിഭാഗത്തില്‍ നിന്നു് “കുഭാഷിതം” എന്ന ഇടത്തിലേയ്ക്കു മാറ്റും.
ഷിജു അലക്സിന്റെ റബ്ബറിന്റെ സ്ഥിതിവിവരക്കണക്കും മലയാളം വിക്കിസംരംഭങ്ങളും എന്ന പോസ്റ്റിനു് എന്റെ പ്രതികരണം ഇത്ര മാത്രം.
jayarajan | 24-Dec-08 at 5:01 am | Permalink
ഈ പോസ്റ്റിന്റെ കമന്റിൽത്തന്നെ മൻ‌ജിത്ത്, ഉമേഷ്ജി, സിബു എന്നിവർ കാര്യം പറഞ്ഞിട്ടുണ്ടല്ലോ? അതും 2006-ൽ; ഇതിപ്പോ രണ്ടരക്കൊല്ലം കഴിഞ്ഞിട്ടും തർക്കം തീർന്നില്ലേ? 🙁
തറവാടി | 24-Dec-08 at 6:34 am | Permalink
അതിനല്ലേ റീ- പോസ്റ്റിങ്ങ് ഉമേഷേട്ടാ 🙂
കുറച്ചുകാലാമായി മറ്റൊരു പ്രശ്നമാണ് എനിക്ക് , പഴയ പോസ്റ്റുകള്‍ വായിക്കുമ്പോള്‍ വല്ലാത്ത ചളിപ്പ് ഇത് നമ്മള്‍ ഫയങ്കരനായി എന്ന തോന്നലുള്ളതിനാലാണോ ഡോക്ടര്‍? 😉
mov | 24-Dec-08 at 6:44 am | Permalink
മിസ്റ്റര്‍ ഉമേഷ്
താങ്കളെ എന്‍ എസ്സ് എസ്സില്‍ നിന്ന് മുന്‍‌കാല പ്രാബല്യത്തോടെ പുറത്താക്കിയിരിക്കുന്നു!
നാരായണപണിക്കര്‍
സീക്രട്ടറി
നാരായണപ്പണിക്കര്‍ സ്വന്തം സേവ (NSS)
പെരുന്ന
RR | 24-Dec-08 at 7:51 am | Permalink
MOV :))
കേരളഫാര്‍മര്‍ | 24-Dec-08 at 11:28 am | Permalink
ഇവിടെ ഞാനൊരു മറുപടി ഇട്ടില്ലെങ്കില്‍ അതൊരു തെറ്റാകും.
2006 ല്‍ പറഞ്ഞ മറ്റൊരു കാര്യം കൂടെ ഉണ്ടായിരുന്നു. ഇത്തരം വിഷയങ്ങള്‍ വിക്കി ബുക്സിലാണ് ഇടേണ്ടത് എന്ന്. ഉമേഷ് ഇതുവരെ വായിച്ച് മറുപടി പറയാത്ത ഒരു പേജ് കൂടി ഉണ്ട് റബ്ബറിന്റെ സ്ഥിതിവിവര കണക്കുകളുടെ വിശകലനം.. ഇത്തരം വിശകലനങ്ങള്‍ പത്താം ക്ലാസ് വിദ്യാഭ്യാസ യോഗ്യതയുള്ള ഒരു വ്യക്തി നടത്തുമ്പോള്‍ ഉമേഷിനെപ്പോലെ അറിവുള്ളവര്‍ അഭിപ്രായം പറയാതിരിക്കുന്നത് ശരിയല്ല. ഇത് വിക്കിക്ക് അനുയോജ്യമല്ല എന്ന് ഇപ്പോഴാണ് മനസ്സിലായത്. കാരണം യൂണിവേഴ്സിറ്റികളില്‍ വിക്കിയുടെ റഫറന്‍സ് അംഗീകരിക്കുന്നില്ല എന്നത്. ഇത്തരം വിഷയങ്ങള്‍ സ്വന്തം പോസ്റ്റിലൊതുക്കി നിറുത്തുന്നതാണ് നല്ലത് എന്ന് പൂര്‍ണ ബോധ്യം വന്നിരിക്കുന്നു. മേലില്‍ ഈ വിശകലനങ്ങളുമായി ഞാനൊരിക്കലും മലയാളം വിക്കിയിലേക്ക് വരില്ല. വിക്കി പോളിസിയൊന്നും വായിച്ച് മനസ്ിലാക്കാന്‍ കഴിയാതെ പോയതിന്റെ കുഴപ്പമാവാം എനിക്ക് പറ്റിയ അബദ്ധം. അതിനാല്‍ കഴി‍്‍തെല്ലാം ഉമേഷ് പൊറുത്ത് ഞാന്‍ നടത്തിയ റബ്ബറിന്റെ സ്ഥിതിവിവര കണക്കുകളെക്കുറിച്ചുള്ള ഒരഭിപ്രായം പറയുമല്ലോ.
താഴെ ഒരു അനോണി താങ്കളെ അധിക്ഷേപിച്ചു് ഇട്ട കമന്റും താങ്കള്‍ അതിനിട്ട മറുപടിയും ഞാന്‍ ഡിലീറ്റ് ചെയ്യുന്നു. ഇന്‍സ്ക്രിപ്റ്റില്‍ ksjNHejd]cjd] എന്നു് ഇവിടെയുള്ള കീബോര്‍ഡില്‍ അടിച്ചപ്പോല്‍ ര്‍ എന്ന അക്ഷരത്തിനു പകരം ര്ഞ്ഞ എന്നാണു വരുന്നതു് എന്നതു് ആ കീബോര്‍ഡ് ഉണ്ടാക്കിയവരോടു പറഞ്ഞു തിരുത്തിക്കാന്‍ ശ്രമിക്കാം. താങ്ങളുടെ പേരു് ഞാന്‍ തിരുത്തിയിട്ടുണ്ടു്.
റബ്ബര്‍ കണക്കു വായിച്ചു. എനിക്കു മനസ്സിലാവുന്ന സാധനം അല്ല. പക്ഷേ അതല്ല ഇവിടെ വിഷയം. എനിക്കു മനസ്സിലാകാത്ത ഒരുപാടു കാര്യങ്ങള്‍ വിക്കിപീഡിയയില്‍ ഉണ്ടു്. അതിലില്ലാത്ത പലതും എനിക്കു മനസ്സിലാവുകയും ചെയ്യും. എന്റെ മനസ്സിലാവലല്ല പ്രശ്നം. വിക്കിയില്‍ ഇതു് അനുയോജ്യമാണോ എന്നാണു്. അതു ചര്‍ച്ച ചെയ്യേണ്ടിടത്തു ചര്‍ച്ച ചെയ്തോളൂ. അതു പറ്റാഞ്ഞപ്പോള്‍ താങ്കള്‍ കാണിക്കുന്ന വിക്രിയകളെപ്പറ്റിയെയാണു ഞാന്‍ എഴുതിയതു്. അല്ലാതെ താങ്കളുടെ റബ്ബര്‍ കണക്കുകളെപ്പറ്റിയല്ല.
Koroth | 26-Dec-08 at 12:24 pm | Permalink
ശരിക്കും ഇപ്പൊ പ്രശ്നം എന്താ ?
“ഇത്തരം വിശകലനങ്ങള്‍ പത്താം ക്ലാസ് വിദ്യാഭ്യാസ യോഗ്യതയുള്ള ഒരു വ്യക്തി നടത്തുമ്പോള്‍ ഉമേഷിനെപ്പോലെ അറിവുള്ളവര്‍ അഭിപ്രായം പറയാതിരിക്കുന്നത് ശരിയല്ല”
ഇതാണോ ?
ഉമേഷ് റബ്ബറിനെപറ്റി തന്‍റെ അഭിപ്രായം രേഖപ്പെടുത്തണമെന്ന് വിനീതമായി അപേക്ഷിക്കുന്നു!
[‘വലിച്ചാല്‍ വലിയുന്നതും വലി വിട്ടാല്‍ ചുരുളുന്നതും'(കട: പുനത്തില്‍) എന്ന രീതിയിലുള്ള ഒരു വിശകലനം അല്ല ബൂലോഗര്‍ പ്രതീക്ഷിക്കുന്നത് എന്ന് കൂടെ പറഞ്ഞു കൊള്ളട്ടെ]
സിബു | 31-Dec-08 at 1:02 am | Permalink
കേരളഫാർമറേ, അങ്ങനെയല്ലല്ലോ റാൽമിനോവ് പറയുന്നത്‌. എവിടെയായിരിക്കാം പ്രശ്നം? http://ralminov.wordpress.com/2007/10/11/inscript_keyboard_extended/
Opik | 19-Sep-14 at 4:44 pm | Permalink
It’s posts like this that make surfing so much plruease