പെരിങ്ങോടരുടെ അപേക്ഷപ്രകാരം കുറച്ചു കവിതകള്‍ ചൊല്ലി ബ്ലോഗിലിട്ടേക്കാമെന്നു കരുതി ഒരു മൈക്കും വാങ്ങി audocity എന്ന സോഫ്റ്റ്‌വെയറും താഴെയിറക്കി അതില്‍ നിന്നു് MP3 ഉണ്ടാകാന്‍ LAME എന്ന വേറേ ഒരു കുന്ത്രാണ്ടവും സംഘടിപ്പിച്ചു് അരയും തലയും തൊണ്ടയും മുറുക്കി മുഹൂര്‍ത്തവും നോക്കി തുടങ്ങിയപ്പോഴാണു് പ്രശ്നം.
എന്റെ അഞ്ചുവയസ്സുകാരന്‍ മകന്‍, വിശാഖ്, പെട്ടെന്നു് ഒരു പാട്ടുകാരനായി മാറി. അവനറിയാവുന്നതും അല്ലാത്തതുമായ പാട്ടുകള്‍ റെക്കോര്‍ഡു ചെയ്യുകയാണു് അവന്റെ ഇപ്പോഴത്തെ കളി. ഇതിനിടെ നൂറോളം ആല്‍ബങ്ങള്‍ അദ്ദേഹം പുറത്തിറക്കിക്കഴിഞ്ഞു. അവന്റെ audocity പ്രോജക്റ്റുകളും MP3 ഫയലുകളും കൊണ്ടു് എന്റെ ഹാര്‍ഡ്‌ഡിസ്കു തീര്‍ന്നുപോകുമെന്നാണു പേടി.
ഇടയ്ക്കിടെ എന്നെയും പാടാന്‍ സമ്മതിക്കും. അവന്റെ കൂടെ പിന്നണി പാടാന്‍ മാത്രം. ഒരുദാഹരണം ഇതാ:
ഇക്കഴിഞ്ഞ നവംബറില്‍ ഇവിടെ പോര്‍ട്ട്‌ലാന്‍ഡില്‍ നടന്ന “കേരളോത്സവ”ത്തില്‍ ഞങ്ങള്‍ രണ്ടുപേരും കൂടി ഒരു ലഘുനാടകം അവതരിപ്പിച്ചിരുന്നു. പല സിനിമകളില്‍ നിന്നും സ്റ്റേജ് ഷോകളില്‍ നിന്നും മിമിക്സ് പരേഡുകളില്‍ നിന്നും അടിച്ചുമാറ്റിയ ഫലിതങ്ങള്‍ ചേര്‍ത്തു് ഒരു അച്ഛന്റെയും മകന്റെയും തര്‍ക്കത്തിന്റെ രൂപത്തില്‍ ഞാന്‍ തയ്യാറാക്കിയ ഒരു സ്കിറ്റ്. അതിന്റെ സ്ക്രിപ്റ്റ് ഇവിടെ വായിക്കാം.
ഈ സ്കിറ്റ് ഒന്നു റെക്കോര്‍ഡു ചെയ്യണം എന്നായിരുന്നു കഴിഞ്ഞ രണ്ടു ദിവസമായി അവന്റെ ഡിമാന്‍ഡ്. അഞ്ചാറു മാസം കഴിഞ്ഞതുകൊണ്ടു ഡയലോഗൊക്കെ മറന്നുപോയിരുന്നെങ്കിലും അവസാനം ഞങ്ങള്‍ അതും ചെയ്തു. ദാ ഇവിടെ കേള്‍ക്കാം:
അതു കഴിഞ്ഞപ്പോള്‍, ഇനി അവന്‍ അച്ഛനും ഞാന്‍ മകനുമായി ഇതു് ഒന്നുകൂടി റെക്കോര്‍ഡു ചെയ്യണം എന്നായി നിര്‍ബന്ധം. അങ്ങനെ അതും ചെയ്തു. ദാ, ഇവിടെ:
പെരിങ്ങോടരേ, “സഫലമീ യാത്ര” തീരുമ്പോഴേക്കു ദശാബ്ദങ്ങള്‍ കഴിയും….
Umesh | 03-Apr-06 at 3:32 pm | Permalink
ശബ്ദം വേര്‍ഡ്പ്രെസ്സില്‍ക്കൂടി കേള്‍പ്പിക്കുന്ന വിദ്യ ഫലിക്കുമോ എന്നു പരീക്ഷിക്കാനായിരുന്നു ഈ പോസ്റ്റ് ഇട്ടതു്. ഒരല്പം പണിപ്പെടേണ്ടി വന്നു. എനിക്കു കേള്‍ക്കാന്‍ പറ്റുന്നുണ്ടു്‌, നിങ്ങള്‍ക്കോ?
Shaniyan | 03-Apr-06 at 3:44 pm | Permalink
കേള്‍ക്കാം.. 🙂
wakaari | 03-Apr-06 at 3:56 pm | Permalink
ഹ… ഹ… ഉമേഷ്ജീ……. തകര്‍ത്തു…
അച്ഛനാണോ മോനാണോ കേമനെന്ന് വര്‍ണ്ണ്യത്തിലാശങ്ക…..
ദോ കേട്ടുംകൊണ്ട് ചിരിച്ചുംകൊണ്ടാ ഞാനീ കമന്റ് താങ്ങുന്നത്…..
വോയ്സ് കേമം വിശാഖിന്റെ തന്നെ….
kuttyedathi | 03-Apr-06 at 4:03 pm | Permalink
ഹലോ…. അവിടെ പാടുന്നതിവിടെ കേള്‍ക്കണുണ്ടുട്ടോ.
ന്റുമേഷ്ജിയേ , ഒരൊന്നൊന്നര അപ്പനും മകനും തന്നെ കേട്ടോ…
ഓഫീസിന്റെ ഡോറടച്ചാരും കേള്‍ക്കാതെ സ്പീക്കര്‍ വോളിയം കുറച്ചിട്ടെല്ലാം കേട്ടു..
അവന്റെ പാട്ടുകളെല്ലാം കൂടി ഒരു പുതിയ ബ്ലോഗാക്കിയിടാമോ, സമയം പോലെ ? ഹന്ന മോള്‍ക്കു കേട്ടു പഠിക്കാമല്ലോ. കൊച്ചുകുട്ടികളുടെ ശബ്ദത്തില്‍ കേള്‍ക്കുമ്പോള്‍ എന്താ മനസ്സിനൊരു കുളിര്‍മ ?
രാജ് നായര്‍ | 03-Apr-06 at 4:05 pm | Permalink
ഉമേഷ് ഭായ്,
ആ കവിത അസ്സലായിണ്ടു്.. കവിതകളും വൃത്തങ്ങളെ കുറിച്ചുള്ള പാഠങ്ങളുമെല്ലാം സമയമെടുത്തായാലും ചെയ്തുതീര്‍ക്കുമെന്നു വിശ്വസിക്കുന്നു. ആദ്യം വിനോദം പിന്നെ വിജ്ഞാനം എന്നാണല്ലോ, അഞ്ചു വയസ്സിലേ വിശാഖിനു ഛന്ദശാസ്ത്രം പഠിക്കുവാന്‍ ഭാഗ്യമുണ്ടായെന്നു കരുതിയാല്‍ മതി.
wakaari | 03-Apr-06 at 4:34 pm | Permalink
അങ്ങിനെയാണെങ്കില്‍, കുട്ട്യേടത്ത്യേ, ഒരു കുടുമ്മത്തി രണ്ടുപുലിപ്പട്ടത്തിലൊന്ന് വിശാഖിനും കൂടി കൊടുക്കാന്‍ വിശാലനോടൊന്ന് റെക്കമന്റ് ചെയ്യാമല്ലേ.
kuttyedathi | 03-Apr-06 at 5:13 pm | Permalink
അതെങ്ങനെ ശരിയാവും വക്കാരിയേ ? നമ്മുടെ ഉമേഷ്ജി ഒറ്റക്കൊരു രണ്ടുമൂന്നര പുലി എഫ്ഫെക്റ്റില്ലേ ? ഇപ്പോ നമ്മുടെ വിശാഖ് കുട്ടന്‍സാണെങ്കില്‍ പിന്നെമൊരൊന്നൊന്നര പുലി. രണ്ടു പേരും കൂടിച്ചേര്‍ന്നു കഴിയുമ്പോ രണ്ടിന്റേം ശൌര്യം കൂടും..അങ്ങനെ മൊത്തത്തില്‍ ഒരഞ്ചഞ്ചര പുലി പട്ടം വല്ലോം കൊടുക്കേണ്ടി വരും.. അത്രേം വലുതും മറ്റും വിശാലന്റെ കയ്യിലുണ്ടോ ആവോ ?
പാവം സിന്ധുച്ചേച്ചി എങ്ങനാണോ എന്തോ സ്വന്തം കുടുമ്മത്തീ പുലി ശല്യമൊക്കെ സഹിച്ച്‌…?
Shaniyan | 03-Apr-06 at 6:08 pm | Permalink
കുട്ട്യേടത്തി, ആര്‍ക്കറിയാം, കഥ “പിടിച്ചേലും വലുത് അളേലാണെന്ന പോലെ“ ആണോ എന്ന്?
(സിന്ധുച്ചേച്ചീ, ഞാനൊരു പാവമാണേ, ആ വഴി വരാനുള്ള പ്ലാനുള്ളതാണേ!)
🙂
John | 03-Apr-06 at 6:27 pm | Permalink
Hello Umesh,
Very impressive. Wonder how to write in Malayalam here.
Shaniyan | 03-Apr-06 at 7:54 pm | Permalink
ജോണ്‍,
ഇതു നോക്കൂ..
http://varamozhi.sourceforge.net
http://vfaq.blogspot.com/
https://sourceforge.net/project/showfiles.php?group_id=5819&package_id=157528
ഏവൂരാന്‍ | 03-Apr-06 at 11:35 pm | Permalink
കൊള്ളാം. അച്ഛനും മകനും ഒന്നിനൊന്ന് മെച്ചം.
wakaari | 04-Apr-06 at 2:14 am | Permalink
കുട്ട്യേടത്ത്യേ… വിശാലന്റെ കൈയ്യില്‍ സ്റ്റോക്കൊക്കെയുണ്ട്. പക്ഷേ ഒരു മൂന്നരപ്പട്ടത്തില്‍ കൂടുതല്‍ ബുദ്ധിമുട്ടാണെന്നാ മൂപ്പര് പറയുന്നത്. ഞാനൊന്നുകൂടിയൊന്ന് നോക്കട്ടെ. ഉമേഷ്ജീടേം വിശാഖിന്റേയും കൂടെയുള്ള ഒരു സൂപ്പര്‍ ഹിറ്റ് ഫോട്ടോ സിബു റിലീസാക്കിയിരുന്നു. അതൊന്ന് കാണിച്ച് ഒന്നുകൂടി പേശിനോക്കാം. എങ്ങാനും വിശാലന്‍ വീണാലോ (സില്‍ക്കിന്റെ പുറത്തൂന്ന് വീണപോലെ).
യാത്രാമൊഴി | 04-Apr-06 at 3:35 am | Permalink
ഞാനും കേട്ടു. കൊള്ളാം ഗുരുവിനൊത്ത ശിഷ്യന്‍ തന്നെ. ശിക്ഷണം തുടര്‍ന്നാലും. ലോകം മറ്റൊരു കലാകാരനെക്കൂടി കാത്തിരിക്കുന്നു.
v.m | 04-Apr-06 at 3:46 am | Permalink
ഒരു സംഭവം ആയിട്ടുണ്ട്‌ മാഷെ. സൂപ്പറ്.
ഒരു തനി മലയാളം വാദ്യാരുടെ ശബ്ദമാണല്ലോ ഉമേഷ്ജി ക്ക്‌.
ബ്ലോഗിന്റെ മാഷും വിശാഖും കൂടിയങ്ങിനെ എന്റെ ദിവസത്തിന്റെ തുടക്കം അടിപൊളിയാക്കി, സന്തോഷം. ആശംസകള്‍.
Sreejith K | 04-Apr-06 at 4:20 am | Permalink
അസ്സലായിട്ടുണ്ട്. മകനാണോ അച്ചനാണോ കേമന്‍ എന്ന് എനിക്കും ഇപ്പൊ സംശയം
കണ്ണൂസ്‌ | 04-Apr-06 at 4:39 am | Permalink
ഉമേഷ് മാഷേ,
അച്ഛനും മകനും എല്ലാ ഭാവുകങ്ങളും നേരുന്നു. കുട്ട്യേടത്തി (എല്ലാരും ഏടത്തീന്ന് വിളിക്കുമ്പോ ഒരു അസ്കിത എന്നു പറഞ്ഞ കാരണം, കുട്ട്യേടത്തി വിളി നിര്‍ത്തി “കുട്ടി” എന്നാക്കിയാലോ എന്നൊരാലോചന) പറഞ്ഞ പോലെ, വിശാഖിന്റെ പറ്റുന്നത്ര പാട്ടുകള്‍ സമയം കിട്ടുന്നതിനനുസരിച്ച്‌ ലോഡ്‌ ചെയ്യൂ. ഹന്ന കുഞ്ഞുവാവയെപ്പോലെ എനിക്കൊരു അഞ്ജു കുഞ്ഞുവാവയുണ്ടേ.
wakaari | 04-Apr-06 at 4:43 am | Permalink
എങ്കിലാ അഞ്ജുക്കുഞ്ഞൂനെ ഞങ്ങളെയൊക്കെയൊന്ന് കാണിക്കൂ കണ്ണൂസേ…..
Umesh | 04-Apr-06 at 2:12 pm | Permalink
വിശാഖിന്റെ (എന്റെയും) വിക്രിയകള്‍ കേട്ടു് അഭിപ്രായം പറഞ്ഞ എല്ലാവര്‍ക്കും നന്ദി. എല്ലാവര്‍ക്കും കേള്‍ക്കാന്‍ കഴിഞ്ഞു എന്നറിഞ്ഞതില്‍ സന്തോഷം.
ശനിയോ, ഏടത്ത്യേ,
സിന്ധുച്ചേച്ചിയും ഒരു പുലി തന്നെ. പുലിമടയിലേക്കു് എന്നാ നിങ്ങളൊക്കെ ഒന്നു വരുന്നതു്?
വക്കാരിയേ,
സന്തോഷം സഹിക്കാന്‍ പറ്റുന്നില്ല, അല്ലേ? കമന്റുന്നു, പിന്നേം കമന്റുന്നു, അതു കഴിഞ്ഞു പിന്നേം കമന്റുന്നു…
ഏതായലും സിബു പടം കാട്ടി ചളമാക്കി. വക്കാരി ഇനി എന്തിനുള്ള ഭാവമാ?
വിശാലാ, ഏവൂരാനേ, ശ്രീജിത്തേ,
നന്ദി.
ഏടത്ത്യേ, കണ്ണൂസേ,
വിശാഖിനു വേണ്ടി ഒരു ബ്ലോഗു തുടങ്ങാം, അല്ലേ. ഇന്നലെ അവന്റെ ഫയലൊക്കെ ഞാന്‍ എടുത്തു കളഞ്ഞു. നല്ല പാട്ടു പാടിയാല്‍ മാത്രം റെക്കോര്‍ഡു ചെയ്താല്‍ മതി എന്നു പറഞ്ഞിരിക്കുകയാണു്.
നല്ല കുട്ടിക്കവിതകള്‍ അവനെക്കൊണ്ടു ചൊല്ലിക്കാമോ എന്നു നോക്കട്ടെ. അതിനു കുറെ ശ്രമിച്ചുകഴിഞ്ഞാല്‍ ഞാന്‍ സെക്രട്ടേറിയേറ്റില്‍ ഉണ്ടാവും – അവിടത്തെ ആളുകളെക്കൊണ്ടു ജോലി ചെയ്യിക്കുകയാണു് എളുപ്പമെന്നു മനസ്സിലാക്കിയിട്ടു്. കാര്യമൊക്കെ പറഞ്ഞാലും, നല്ല അനുസരണയാണേ!
യാത്രാമൊഴിയേ,
ഒരു കലാകാരനെങ്കിലും ഞങ്ങളുടെ കുടുംബത്തില്‍ നിന്നുണ്ടാകട്ടെ. ഞാനും ഒരു ചെറിയ കലാകാരനാണു് ഇപ്പോള്‍ – കലത്തിന്റെ ആകാരമുള്ളവന്‍ എന്നര്‍ത്ഥം. ഹാംബര്‍ഗര്‍ വെള്ളം തൊടാതെ തിന്നുമ്പോള്‍ ആലോചിക്കണമായിരുന്നു.
ഈ കലേഷിനു് ആ പേരു കിട്ടിയതു് കലയുടെ ഈശന്‍ എന്ന അര്‍ത്ഥത്തിലാണോ, അതോ കലത്തിന്റെ ഈശന്‍ എന്ന അര്‍ത്ഥത്തിലാണോ എന്നു വര്‍ണ്ണ്യത്തിലാശങ്ക. ഹോട്ടലിലൊക്കെയല്ലേ ജ്വാലി, അപ്പോള്‍ ചോറു വെയ്ക്കുന്ന കലത്തിന്റെ ഈശന്‍ എന്നാവും. ഇനി പേരു റീമേശന്‍ എന്നാക്കാം.
പെരിങ്ങോടരേ,
സംഗതി തത്കാലം ചീറ്റിപ്പോയതില്‍ ഖേദമുണ്ടു്. പാട്ടു് എന്റേതല്ല. പത്തുപന്ത്രണ്ടു വയസ്സുള്ളപ്പോള്‍ ഒരു സ്കൌട്ട് ക്യാമ്പില്‍ ക്യാമ്പ് ഫയറിനു ചുറ്റുമിരിക്കുമ്പോള്‍ ഒരു സാറു പാടിത്തന്നതാണു്. ആരെഴുതിയതു് തുടങ്ങിയ വിവരങ്ങള്‍ അറിയില്ല. ഇങ്ങനെ തന്നെയാണോ എന്നും അറിയില്ല. ഈയിടെ ഇവിടെയുള്ള ഒരു മലയാളം ക്ലാസ്സില്‍ പിള്ളേരെ പഠിപ്പിക്കാന്‍ പാട്ടിനു ഷോര്‍ട്ടേജു വന്നപ്പോള്‍ ഓര്‍മ്മയില്‍ നിന്നു തപ്പിയെടുത്തതാണു്. പക്ഷേ പിള്ളേര്‍ക്കിടയില്‍ അതൊരു ഇന്‍സ്റ്റന്റ് ഹിറ്റായി.
പാട്ടേ ഇഷ്ടപ്പെട്ടുള്ളോ? സ്കിറ്റോ?
മറ്റു സംഭവങ്ങള്‍ താമസിയാതെ പ്രതീക്ഷിക്കാം.
John,
Hope you can read the Malayalam on this page. Please follow the links Shaniyan provided. It is very easy!
Thanks!
അരവിന്ദന്‍ | 04-Apr-06 at 2:48 pm | Permalink
പാട്ട് കേട്ടില്ല ഉമേഷ് ജീ..സ്പീക്കറില്ല.
സ്ക്രിപ്റ്റ് വായിച്ചു. ഫോട്ടം കണ്ടു. വളരെ നന്നായി.
കമന്റിയത് അതിന് മാത്രമല്ല.
കലാകാരന്‍ = കലത്തിന്റെ ആകാരമുള്ളവന്‍!!!! :-)))) ഒറിജിനലാ??
ഞാനിത് അടുത്ത ചാന്‍സില്‍ ഇവിടെയടിച്ച് കൈയ്യടി വാങ്ങും. ഉമേഷ്ജിയുടെ പേരു പറയുമോന്നോ? ഏയ്!! 🙂
Shaniyan | 04-Apr-06 at 3:00 pm | Permalink
മാഷേ,
ഏകദേശം ജൂണിന്‍ ശേഷം പ്രതീക്ഷിക്കാം.. അപ്പൊഴേക്കും എന്റെ സമയവിവരപ്പട്ടിക ഏകദേശം തീരുമാനമാവും..
(ജ്യോത്സ്യരേക്കൊണ്ടൊന്നു നോക്കിച്ചാല്‍ ഏകദേശം സമയം കൃത്യമായിക്കിട്ടും 😉 ശനിദശ!)
Devanand Pillai | 04-Apr-06 at 7:39 pm | Permalink
ഹാവൂ..
കമ്പ്യൂട്ടറേല്‍ കേടായ കാര്‍ഡുകളൊക്കെ മാറിയും മറിച്ചുമൊക്കെയിട്ട്‌ അവസാനം സംഭവം കേട്ടു. മൂന്നു തച്ചു പണി ആയെങ്കിലെന്താ മൊതലായി.
കുട്ടിപ്പുലിയാളൊരു വല്യ പുലി തന്നെ..
kuttyedathi | 05-Apr-06 at 8:33 pm | Permalink
ഉമേഷ്ജിയേ,
‘ആന വരുന്നേ’ എനിക്കൊന്നു മെയിലിലയച്ചു തരാമോ ? ഈ പെണ്ണു മിനിഞ്ഞാന്നതു കേട്ടപ്പോ മുതല്‍ കമ്പ്യൂട്ടറിന്റെ മുന്നീന്നെഴുന്നേറ്റിട്ടില്ല. ഓരോ പ്രാവശ്യവും പാടിത്തീരുമ്പോ വീണ്ടും പ്ലേ ചെയ്തു കൊടുത്തില്ലെങ്കില്‍ പിന്നെ കരച്ചിലു തന്നെ.
എന്തെങ്കിലും അടവുനയമൊക്കെ എടുത്ത്‌ പതുക്കെ കമ്പ്യൂട്ടറിന്റെ മുന്നില്‍ നിന്നു പൊക്കി കൊണ്ടുവന്നതാ.. അറിയാതെ ഞാന്‍ ‘ആന വരുന്നേ’ ഒന്നു മൂളിപോയി. മറന്നുപോയ എന്തോ ഒന്നോര്‍ത്തെടുത്തതു പോലെ പെണ്ണ്‍ പിന്നെയും കമ്പ്യൂട്ടറിന്റെ മുന്നില്‍!
ഇതു പ്ലേ ചെയ്തു കൊടുത്ത്‌ ഞാന്‍ മടുത്തു. അവള്‍ വിശാഖുമായി പ്രനയത്തിലായോ എന്തോ 🙂 ഇത്രേം നാളും നമ്മുടെ ശ്രീനിവാസന്റെ മോനാരുന്നു (കരളേ …കരളിന്റെ കരളേ… പാടിയ വിനീത്‌ ശ്രീനിവാസ്‌ ) അവളുടെ ക്രഷ്‌.
അതൊന്നയച്ചു തന്നിരുന്നെങ്കില്‍, വിന്‍ഡോസ്‌ മീഡിയ പ്ലേയറില്‍ റിപ്പീറ്റ്‌ മോടിലങ്ങിട്ടു കൊടുത്താല്‍ എനിക്കു സമാധാനമായിട്ടടുക്കളയില്‍ വല്ലതും കാച്ചിക്കരിക്കാമായിരുന്നു.
ഉമേഷ് | Umesh | 05-Apr-06 at 10:29 pm | Permalink
ഞാന്‍ “download MP3″ ലിങ്കുകള്‍ ഇട്ടിട്ടുണ്ടു്. ക്ലിക്കു ചെയ്താല്‍ മീഡിയാ പ്ലെയറില്‍ (അല്ലെങ്കില്‍ associate ചെയ്തിരിക്കുന്ന application-ല്‍) കേള്‍ക്കാം. Right-click ചെയ്തു് ഹാര്ഡ് ഡിസ്കിലേക്കു സേവു ചെയ്യുകയും ചെയ്യാം.
Umesh | 05-Apr-06 at 11:06 pm | Permalink
കുട്ട്യേടത്തി,
എന്റെ മുമ്പത്തെ കമന്റു നോക്കുക. എന്റെ ഇപ്പോഴത്തെ സെറ്റപ്പില്‍ പോസ്റ്റ് ഇട്ടയാള്‍ കമന്റിട്ടാല്‍ അതു പിന്മൊഴിയില്‍ വരില്ല. അതു പിന്നെ ശരിയാക്കാം.
നളന്‍ | 08-Apr-06 at 2:50 am | Permalink
എന്നാ അലക്കാ അലക്കിയത്.. ഓണത്തിനിപ്പഴേ ബുക്ക് ചെയ്യട്ടെ, പിന്നീട് ഡേറ്റില്ലാന്നൊന്നും പറയരുത് ങാ!
Jacob | 03-May-06 at 8:51 pm | Permalink
ഉമേഷ്ജി.. സൂപ്പറായിട്ടുണ്ട്‌ . ഇപ്പഴാ കേള്‍ക്കാന്‍ പറ്റിയത്‌
anil | 12-May-06 at 12:49 pm | Permalink
എന്താ ഞങ്ങളിതുവരെ കാണാത്തതും കേള്‍ക്കാത്തതുമെന്നറിയില്ല…
ഇന്നെവിടെനിന്നോ ഇവിടെയെത്തി. കേട്ടു.
പിള്ളാര്‍ ഉച്ചയൊഴിവുസമയം മുഴുവന്‍ കേട്ടു.
Achinthya | 13-May-06 at 6:25 am | Permalink
അയ്യോടാ…
എന്തൊരു രസാ,എന്തൊരു സ്വാദാ …സുധച്ചേച്ചി പറഞ്ഞപ്പഴാ ഇവടെ ഇങ്ങനെ ഒരു സംഭവള്ള കാര്യം അറിഞ്ഞേ !! എന്തൊരു തെളീഞ്ഞ ശബ്ദാ,എന്തൊരു ഇന്‍‍വോള്‍വ്വ്മെന്‍റോട്യാ ഉണ്ണിക്കുട്ടന്‍ ചൊല്ലീരിക്കണെ !
അതീന്ന് ഒന്നുരണ്ട് പാഠങ്ങള്‍ അച്ഛനും പഠിക്കാം!നല്ല ഒരു ദിവസം. നന്ദി.എന്നും അവന്‍ ഇങ്ങനെ സന്തോഷാത്തോടെ , ആഘോഷത്ത്തോടെ പാടട്ടേ.
ഒരുപാടൊരുപാട് സ്നേഹം!
kumar | 13-May-06 at 11:11 am | Permalink
അയ്യോടാ എന്തുരസം. കുഞ്ഞന്റെ ഇന്വോള്വ്മെന്റ് അതിമനോഹരം. ഇതങ്ങു തുടരട്ടെ.
ഇതൊക്കെ ഒരു കുളിരാണ് ഉമേഷ്. സന്തോഷമാണ്. തൃപ്തിയാണ്.
hak | 25-May-06 at 7:29 am | Permalink
എന്തിനാണ്‌ താഴെ ഇറക്കുന്നത്‌ [download] ഇറക്കിയാല്‍ പോരെ
hak | 25-May-06 at 7:49 am | Permalink
ഹാര്ഡ് ഡിസ്കില്‍ നിറച്ചാ‍ല്‍ പോരെ, സേവ്‌ ചെയ്യണോ?
pulluran | 25-May-06 at 8:39 am | Permalink
atipoliyaayittundu… umeshji….
Umesh | 25-May-06 at 6:07 pm | Permalink
പ്രിയപ്പെട്ട ഹക്കിനു്,
പല പദങ്ങള്‍ക്കും സമാനമായ മലയാളപദങ്ങള്‍ ഇന്നും വ്യാപകമായിട്ടില്ല. മൈക്രോസോഫ്റ്റില്‍ അതിനു വേണ്ടി ഒരു ശ്രമം നടക്കുന്നു എന്നറിയുന്നു. അതുകൊണ്ടാണു് “സേവു ചെയ്യുക” തുടങ്ങിയവ ഉപയോഗിച്ചതു്. ഹക്ക് നിര്‍ദ്ദേശിച്ച വാക്കു മനസ്സിലായില്ല. “നിറയ്ക്കുക” എന്നാണോ? “സൂക്ഷിച്ചു വയ്ക്കുക” എന്നോ മറ്റോ അല്ലേ അല്പം കൂടി നല്ലതു്?
Download-നു് “ഇറക്കുക“ എന്നു മതി. നന്ദി.
പക്ഷേ താഴൊട്ടേ ഇറക്കാന്‍ പറ്റൂ എന്നതു കൊണ്ടു് “താഴെ ഇറക്കുക” എന്നതു പൌനരുക്ത്യമാണെന്നു് എനിക്കു തോന്നുന്നില്ല. ലോറിയില്‍ നിന്നു സാധനങ്ങള്‍ വീടിന്റെ മുകളിലും ഇറക്കാമല്ലോ. കുത്തിക്കയറ്റുക, കുത്തിയിറക്കുക എന്നിവയും ഉണ്ടല്ലോ.
ഈ വാക്കുകള്‍ക്കൊക്കെ പറ്റിയ മലയാളം വാക്കുകള്‍ ഉണ്ടാകേണ്ടിയിരിക്കുന്നു.
നന്ദി, ഹക്ക്.
Umesh | 25-May-06 at 6:17 pm | Permalink
അരവിന്ദോ,
“കലാകാരന്‍” കുറെക്കാലമായി ഞാന്‍ എന്റേതെന്നു പറഞ്ഞു കൊണ്ടുനടക്കുന്നു. എവിടെയോ കേട്ടതാണു്. ബോംബെയില്‍ അക്ഷരശ്ലോകസമിതിയുടെ വാര്‍ഷികത്തില്‍ പങ്കെടുക്കാന്‍ ത്രിശ്ശൂര്‍ നിന്നെത്തിയ ശങ്കുണ്ണിക്കുട്ടന്‍ മാസ്റ്റര്‍ പറഞ്ഞതാണു് എന്നാണു് ഒരോര്‍മ്മ.
ഇതെവിടെയെങ്കിലും സ്വന്തമെന്നു പറഞ്ഞു കാച്ചിയാല്‍ ആ പോസ്റ്റു മുഴുവന്‍ ഞാന്‍ കമന്റിട്ടു നാറ്റിക്കും, പറഞ്ഞേക്കാം!
ദേവോ, നളോ, ജേക്കബേ, അചിന്ത്യേ, കുമാറേ, പുല്ലൂരാനേ,
എല്ലാവര്‍ക്കും നന്ദി.
അവനെക്കൊണ്ടു ഞാന്‍ “കാക്കേ, കാക്കേ…”, “നെല്ലു കുത്തട, കോരാ…” തുടങ്ങി ചില പാട്ടുകള്‍ റെക്കോര്‍ഡു ചെയ്യിച്ചിട്ടുണ്ടു്. കക്ഷിയ്ക്കു് നല്ലതൊന്നും റെക്കോര്‍ഡു ചെയ്യാന്‍ താത്‌പര്യമില്ല. “കലാ പിലാ, വാടാ, പോടാ, ഇപ്പോള്‍ കാണിച്ചു തരാമെടാ…” ഇങ്ങനെയുള്ള സ്വന്തം കൃതികള്‍ അവതരിപ്പിക്കാനാണു താത്‌പര്യം.
സിന്ധുവിനെയും അവനെയും കൊണ്ടു് “ഈ വല്ലിയില്‍ നിന്നു ചെമ്മേ…” ഒന്നു ചൊല്ലിക്കാന്‍ ഞാന്‍ കുറേ ദിവസമായി ശ്രമിക്കുന്നു. രണ്ടും അടുക്കുന്നില്ല.
എവൂരാന്‍ | 25-May-06 at 10:06 pm | Permalink
മാറ്റങ്ങള്‍ക്ക് ശേഷമാണെന്ന് തോന്നുന്നു ഹേഡ്മ്മാഷ്ട്രേ, കമ്മന്റിന്റെ html rendering കുളമായി, ബ്രേക്കുകളില്‍
ഉദാഹരണം
എവൂരാന്‍ | 25-May-06 at 10:19 pm | Permalink
തന്നെതന്നെ.
അതിവിടെ വരുമ്പോള്‍, ഇങ്ങനെയാണെന്നാണ് ഞാന്‍ പറഞ്ഞത്.
<b>$
it shud have been:
$
cat -A വെച്ചൊന്ന് ക്യാറ്റി നോക്കൂ. There is a newline char inserted between b & r.
Umesh | 25-May-06 at 10:27 pm | Permalink
Wow! ഇ-മെയിലില്‍ word wrap സംഭവിച്ചതാണു്.
എനിക്കെന്തു ചെയ്യാന്‍ കഴിയും ഇതില്‍?
ഏവൂരാനേ, ഈ കമന്റുകളിലൊക്കെ HTML കാണിക്കണമെങ്കില്‍ < -നെ < എന്നൊകെ എഴുതണം. അല്ലെങ്കില്‍ ഇങ്ങനെ ആയിപ്പോകും.
അദിത്യന്‍ | 26-May-06 at 12:41 am | Permalink
ഉമേഷ്ജീ, അതുഗ്രന്‍ സംഭവം… 🙂 ഇപ്പൊഴാ കേള്‍ക്കാന്‍ പറ്റിയത്‌…
കൊച്ചു മിടുക്കനെ അന്വേഷണവും അഭിനന്ദനവും അറീയിക്കണേ…
ബെന്നി | 27-May-06 at 10:15 am | Permalink
അതുശരി! ഉമേഷൊരു സംഭവമാണല്ലോ….
ഞാനാലോചിക്കുകയാണ്, ഒരു മനുഷ്യന് ഇത്രയും സമയമൊക്കെ എങ്ങനെയുണ്ടാക്കാന്‍ പറ്റുന്നു. അചിന്ത്യ പറഞ്ഞ പോലെ ഇന്വോള്വ്മെന്റ് തന്നെ സംഗതി. ഞങ്ങളൊക്കെ ഉമേഷിനെ കണ്ടു പഠിക്കേണ്ടിയിരിക്കുന്നു.
വളരെ, വളരെ, വളരെ നന്നായിരിക്കുന്നു. വിശാഖിനോടും എന്റെ അന്വേഷണം പറയണേ…
hak | 27-May-06 at 12:24 pm | Permalink
ഉമേഷ്, ഹാക്ക്‌ വീണ്ടും
മറുപടി എഴുതിയതിന്‌ നന്ദി.
സേവിനെ കുറിച്ച്.
താങ്കള്‍ പറയുന്നത് ശരിയാണ്‌. പല കമ്പ്യൂട്ടര്‍ പദങ്ങള്‍ക്കും നല്ല മലയാളം ഉണ്ടായിട്ടില്ല. മൈക്രോസോഫ്റ്റും കേരളത്തിലെ സി. ഡിറ്റും ഈ രംഗത്ത്‌ ശ്രമം നടത്തുന്നുണ്ട്‌. സി ഡി റ്റ്‌ നടത്തുന്ന ശ്രമം ഒടുവില്‍ പണ്ട്‌ ഭാഷാ ഇന്‍സ്റ്റിറ്റ്യൂട്ട്‌ ചെയ്ത തരത്തിലാവുമോയെന്ന്‌ എനിയ്ക്ക്‌ സംശയമുണ്ട്‌. നാം പ്രയോഗിച്ചു തുടങ്ങിയാല്‍ അത്‌ പ്രചാരത്തില്‍ വരുത്താന്‍ കഴിഞ്ഞേയ്ക്കും.
പലപ്പോഴും നാം ആംഗലേയ വാക്കുകളെ തര്‍ജ്ജമ ചെയ്യാനാന്‍ മാത്രമാണ്‌ ശ്രമിയ്ക്കുന്നത്‌. ഇതിന്‌ പകരം അതിന്റെ ആശയം എടുക്കുകയാണ്‌ നേരായ വഴി എന്ന് ഞാന്‍ കരുതുന്നുന്നു. അതുകൊണ്ടാണ്‌ സേവിന്‌ ‘ നിറ’ എന്ന വാക്കുകള്‍ ഉപയോഗിച്ചത്‌. നിറയ്ക്ക്‌ നമ്മുടെ സംസ്കാരത്തില്‍ ചില പ്രത്യേക അര്‍ത്ഥം ഉണ്ടല്ലോ. നിറ പുത്തരി, പത്തായ നിറ തുടങ്ങിയവ. അതുകൊണ്ട്‌ നിറ ശരിയാണെന്ന്‌ എനിയ്ക്ക്‌ തോന്നുന്നു.
ഇനി ഇറക്കല്‍
ലോറിയില്‍ നിന്ന്‌ വീട്ടിന്റെ മുകളിലേയ്ക്കാണ്‌ ഇറക്കുന്നതെങ്കിലും അത്‌ ലോറിയില്‍ നിന്ന്‌ ഇറക്കുകയാണ്‌ ചെയ്യുന്നത്‌.
മലയാളത്തില്‍ അത്ര വലിയ പരിജ്ഞാനം ഒന്നും ഇല്ല, വെറും പ്രായോഗിക പരിചയം മാത്രം.
സസ്നേഹം.
ഹാക്ക്‌
Umesh | 29-May-06 at 3:17 pm | Permalink
ഹാക്കിനു്,
ഹാക്കിന്റെ കമന്റ് ഞാനൊന്നു് തിരുത്തി ഇട്ടിട്ടുണ്ടു്. ഇങ്ങനെ തന്നെയല്ലേ ഉദ്ദേശിച്ചതു് എന്നു നോക്കുക.
ഞാന്‍ പറഞ്ഞതു് “താഴെ ഇറക്കുക” എന്നതില്‍ പൌനരുക്ത്യമില്ല എന്നു മാത്രമാണു്. Download-നു് നല്ല തര്‍ജ്ജമ അതാണെന്നല്ല. അതാണു ഞാന്‍ ലോറിയുടെ ഉദാഹരണം പറഞ്ഞതു്.
“നിറ” നല്ല വാക്കു തന്നെ. പക്ഷേ അതു fill-നല്ലേ കൂടുതല്‍ യോജിക്കുക, save-നേക്കാള്‍?
വിശ്വം, സന്തോഷ്, ബെന്നി തുടങ്ങിയവര്‍ എന്തു പറയുന്നു?
vempally | 29-May-06 at 3:26 pm | Permalink
ഉമേഷ്ജി, ഇതിപ്പോഴാണല്ലോ കേക്കണെ! അപ്പനും മകനും ഒന്നിനൊന്നു മെച്ചം. വിശാഖ്മോനെ, അച്ഛന്‍റടുത്തൂന്ന് പറ്റുന്നതെല്ലാം അടിച്ചു മാറ്റണേ!!
സന്തോഷ് | 30-May-06 at 5:52 pm | Permalink
ഡൌണ്‍ലോഡ് എന്ന വാക്ക് ഇപ്പോള്‍ അപ്പടി തന്നെയാണ് മൈക്രോസോഫ്റ്റിന്‍റെ മലയാളം LIP-യില്‍ ഉപയോഗിക്കുന്നത്. ഹക്ക് മലയാളം LIP ഉപയോഗിച്ചിട്ടുണ്ടോ?
Gurukulam | ഗുരുകുലം :: നൂറടിക്കുമ്പോള്‍… | 18-Jul-06 at 2:14 am | Permalink
[…] പെരിങ്ങോടന്‍ പിന്നെയും വിട്ടില്ല. അദ്ദേഹത്തിന്റെ അപേക്ഷപ്രകാരമാണു് ഒരു ഓഡിയോ ബ്ലോഗ്‌ തുടങ്ങിയതു്. അതില്‍ കവിതകള്‍ ചൊല്ലിയതു ബൂലോഗചരിത്രത്തില്‍ കറുത്ത ലിപികളില്‍ എഴുതപ്പെട്ടിരിക്കുന്നു. അതിനിടയില്‍ എന്റെ മകന്‍ വിശാഖ് ഉണ്ടായിരുന്നതുകൊണ്ടു തത്ക്കാലം രക്ഷപ്പേട്ടെന്നു പറയാം. പെരിങ്ങോടന്റെ തന്നെ അപേക്ഷപ്രകാരം തുടങ്ങിയ ഛന്ദശ്ശാസ്ത്രം ഇല്ലത്തുനിന്നിറങ്ങുകയും ചെയ്തു, അമ്മാത്തൊട്ടെത്തിയുമില്ല എന്ന പരുവത്തില്‍ നില്‍ക്കുന്നു. […]
athikkurssi | 18-Jul-06 at 1:11 pm | Permalink
ഗുരുവേ,
അങ്ങയുടെ ബ്ലൊഗിലെത്തിനോക്കി എന്നല്ലാതെ, രചനകള്‍ രുചിക്കാനുള്ള സാവകശം കിട്ടിയില്ല. ക്ഷമിക്കുക..
101 തികഞ്ഞതിനും ആശംസകള്‍. വിശദമായ്‌ പിന്നെ കമന്റുന്നുണ്ട്‌..
Balachandran Nair | 21-Aug-06 at 12:20 am | Permalink
Dear Umesh,
Superb. Finally you could put to gether all your talents into one place – this blog!!
I came to know of your site thru today’s “Mathtubhumi Varaantha Pathippu”.
Congratulations. God bless you!
I never knew that you and Visalamanaskan are friends.
Ameya and Hari liked Visakh’s recitals and “Vipareetham” very much. They arelistening to it all the time.
By the way, I think you made the Aluva verion of the Panjangam for me.
-Balachandran, Los Angeles, CA.
dhanya.g.nair | 22-Aug-06 at 3:35 am | Permalink
hello ammava .hihi…
atipoli,kurache kettullu.
vishak enthu parayunnu
Praveen | 01-Jul-19 at 11:09 am | Permalink
Hi,
Wanted to check with you if i can use this script (and probably adapt it) for a skit for a cultural programme in UK. Do drop me a line, if you are fine with it.