രസകരങ്ങളായ സമസ്യാപൂരണങ്ങള്‍ എന്ന പോസ്റ്റിനെത്തുടര്‍ന്നു് സമസ്യാപൂരണങ്ങളിലുള്ള ബൂലോഗര്‍ക്കുള്ള താത്‌പര്യം വര്‍ദ്ധിച്ചിട്ടുണ്ടു്. ഒരു സമസ്യാപൂരണബ്ലോഗ് തുടങ്ങുമോ എന്നു പലരും ചോദിച്ചു. അതല്പം കടന്ന കയ്യാണെങ്കിലും, ഇവിടെത്തന്നെ വല്ലപ്പോഴും സമസ്യകള്‍ പ്രസിദ്ധീകരിച്ചാലോ എന്നു വിചാരിക്കുകയാണു്. ഭാഷാപോഷിണിയും മംഗളവുമൊക്കെ വേണ്ടെന്നു വെച്ച ഈ വിനോദം നമുക്കു കൊണ്ടു നടക്കാന്‍ പറ്റുമോ എന്നു നോക്കാം. ശ്ലോകങ്ങളെഴുതാന്‍ ഒരു കളരിയുമാവും.
ആദ്യത്തെ സമസ്യയായി എളുപ്പമുള്ള വൃത്തവും ആശയവും നോക്കിയിട്ടു ശരിയായില്ല. അതുകൊണ്ടു് ഒരു നൂറ്റാണ്ടു പഴക്കമുള്ള ഒരു പ്രസിദ്ധസമസ്യ തന്നെ താഴെച്ചേര്‍ക്കുന്നു. വെണ്മണി അച്ഛന്‍ നമ്പൂതിരിയുടെയും കൊച്ചു നമ്പൂതിരിയുടെയും പൂരണങ്ങളും ചേര്‍ത്തിട്ടുണ്ടു്.
സമസ്യ ഇടുന്ന ആള്‍ ഒരു പൂരണവും കൊടുക്കണം എന്നൊരു കീഴ്‌വഴക്കമുണ്ടു്. അതനുസരിച്ചു ഞാന് ഹൈസ്കൂളില്‍ പഠിക്കുമ്പോള്‍ എഴുതിയ ഒരു പൂരണവും ചേര്‍ക്കുന്നു. അതിനേക്കാള്‍ നല്ല ഒരെണ്ണം ഇപ്പോള്‍ എഴുതാന്‍ പറ്റിയില്ല. പറ്റിയാല്‍ ഇനിയും ചേര്‍ക്കാം.
സമസ്യ:
– – – – – – – – – – –
– – – – – – – – – – –
– – – – – – – – – – –
വെളുത്തുപോമെന്നിഹ തോന്നിടുന്നു
വൃത്തം:
ഉപേന്ദ്രവജ്ര (ജ ത ജ ഗ ഗ : v – v – – v v – v – -). മുമ്പുള്ള മൂന്നു വരി ഇതോ ഇന്ദ്രവജ്രയോ (ത ത ജ ഗ ഗ : – – v – – v v – v – -) ആകാം.
പൂരണങ്ങള്‍:
- വെണ്മണി അച്ഛന്‍ നമ്പൂതിരി:
കുളുര്‍ത്ത ചെന്താമര തന്നകത്തെ-
ദ്ദളത്തിനൊക്കും മിഴിമാര്‍മണേ! കേള്‍
തളത്തില്‍ നിന്നിങ്ങനെ തന്നെ നേരം
വെളുത്തുപോമെന്നിഹ തോന്നിടുന്നു!
- കൊച്ചുനമ്പൂതിരി:
ചെറുപ്പകാലത്തു തനൂരുഹങ്ങള്‍
കറുത്തിരു, ന്നായതിലതിലര്‍ദ്ധമിപ്പോള്‍
വെളുത്തതോര്‍ത്താലിനി മേലിതെല്ലാം
വെളുത്തുപോമെന്നിഹ തോന്നിടുന്നു!
- ഉമേഷ് (1980):
കുളിച്ചിടുമ്പോളയി സുന്ദരീ, സോ-
പ്പളിച്ചു തേക്കായ്ക നിറം വരുത്താന്‍
കിളുര്‍ത്തു നില്‍ക്കും മുടി പോലുമിന്നു
വെളുത്തുപോമെന്നിഹ തോന്നിടുന്നു!
പൂരണങ്ങള്‍ ദയവായി കമന്റായി ചേര്‍ക്കുക. ഒരാള്‍ക്കു` എത്ര പൂരണങ്ങള്‍ വേണമെങ്കിലും അയയ്ക്കാം. വൃത്തം തെറ്റാത്തവയും (തെറ്റിയാല്‍ നമുക്കു കമന്റുകളിലൂടെ നേരെയാക്കാം) ആശയം യോജിക്കുന്നവയുമായ പൂരണങ്ങള്‍ ഞാന് പോസ്റ്റില്‍ത്തന്നെ ചേര്‍ക്കാം. മുമ്പു പ്രസിദ്ധീകരിച്ച പൂരണങ്ങളുടെ ആശയം കഴിയുന്നത്ര അപഹരിക്കാതിരിക്കാന്‍ ശ്രമിക്കുക.
Umesh::ഉമേഷ് | 12-Oct-06 at 1:04 pm | Permalink
മടിച്ചു നില്‍ക്കാതെ കടന്നു വരുവിന്‍… സമസ്യ പൂരിപ്പിക്കുവിന്‍…
Sreejith K | 12-Oct-06 at 1:23 pm | Permalink
ടി.വി., കമ്പ്യൂട്ടര്‍, മൊബൈല്‍, ക്യാമറ
ഇനിയും വാങ്ങണം സാധനങ്ങള്‍ ചറപറ
ഇങ്ങനെ പോയാല്‍ എന്‍ കുടുമ്പമാകെ
വെളുത്തുപോമെന്നിഹ തോന്നിടുന്നു!
ഇതിന്റെ വൃത്തം പറയില്ല. സീക്രട്ടാ…
***
ജത്തജം തത്തജം എന്ന് ഈണത്തിലഹോ
പറഞ്ഞീടുവാന്‍ പഠിച്ചതില്ലഞാന്‍ നൃത്തം,
നേര്‍വരപോലെ നീണ്ട് പോകുന്നതഹോ
ഞാന് എഴുതീടും കവിതതന്‍ വൃത്തം
(എന്താ ഇതിന്റെ ഒരു പ്രാസം. വെല്‍ഡന്‍ മൈ ബോയ്.)
കാളിയമ്പി | 12-Oct-06 at 1:58 pm | Permalink
കറുത്ത മോന്തതന്‍ ചേലു പോരഞ്ഞ-
ങ്ങളിഞ്ഞ വെള്ളയ്ക്കാ വരെ തേച്ചു നോക്കി,
ഒഴിഞ്ഞ‘ ക്രീമുകള്‍’ തന്‍ കൂടു കണ്ടാല്‍
വെളുത്തു പോമെന്നിഹ തോന്നിടുന്നു!
(കീശയും മോന്തയും(പാണ്ട് പിടിച്ചിട്ട്))
Adithyan | 12-Oct-06 at 2:05 pm | Permalink
സുമയ്ക്ക് മാല, ജലജയ്ക്കു വള
പുഷ്പയ്ക്ക് വേണ്ടതോ പന്ത്രണ്ട് റോസ്
ബാച്ചിലറൊരുത്തന്റെ ജീ‍വിതമിവിടെ
വെളുത്തുപോമെന്നിഹ തോന്നിടുന്നു!
കാളിയമ്പി | 12-Oct-06 at 2:26 pm | Permalink
വെളുത്ത തൊലിയുള്ളോരു കൊച്ച് കിട്ടാന്‍
വിളഞ്ഞ കുങ്കുമത്തിന്റെ പൂവു വേണം.
വാമഭാഗത്തിന്‍, കുത്ത് വാക്കു കേട്ടാല്‍
വെളുത്തു പോമെന്നിഹ തോന്നിടുന്നു!
ദില്‍ബാസുരന്‍ | 12-Oct-06 at 2:32 pm | Permalink
ഉത്സാഹമേറി പിന്മൊഴി കാണ്മാന്‍
കണ്ടയുടനോ മറുമൊഴിയിടുവാന്‍
ഇങ്ങനെപോയാല്‍ പണി പോയിക്കുടുംബം
വെളുത്തുപോമെന്നിഹ തോന്നിടുന്നു!
പച്ചാളം | 12-Oct-06 at 2:36 pm | Permalink
ക്ലീതമവള്‍ക്കഗ്നിരേതസ്സ്
കളഞ്ജം കണക്കെ ദരിതനായ് ഉദൂഢന്‍
പരേംഗിതജ്ഞാനം അറിയാത്ത കാന്തന്‍
വെളുത്തുപോമെന്നിഹ തോന്നിടുന്നു!
കാളിയമ്പി | 12-Oct-06 at 2:39 pm | Permalink
വെളുത്ത മുണ്ടിന്നൊടുത്തിറങ്ങി,
വളഞ്ഞ റോഡേ, മഴ, ചെള്ളവെള്ളം-
തെറിച്ചൊരീ മുണ്ടൊന്നലക്കണം ന്നാല്‍
വെളുത്തു പോമെന്നിഹ തോന്നിടുന്നു.
ദില്‍ബാസുരന്‍ | 12-Oct-06 at 2:40 pm | Permalink
പച്ചാളം,
എന്തരഡേ ഇത്? നീ തന്നെ ഈ കമന്റിട്ടത്? എഴുതിയത് തെറിയൊന്നുമല്ലെങ്കില്‍ നീ ഒരു സംഭവമാണ് മോനേ…… 🙂
കാളിയമ്പി | 12-Oct-06 at 2:52 pm | Permalink
മടിച്ചു നില്‍ക്കാതെ കടന്നു വന്നിട്ടൊരു
സമസ്യ പൂരിപ്പിച്ചിങ്ങെടുക്കൂ,
ഉമേശോപദേശം കേട്ടിരുന്നാല്‍
വെളുത്തുപോമെന്നിഹ തോന്നിടുന്നു
(നേരവും…ഇന്റെര്‍നെറ്റ് കാശു കൂടി കീശയും)
പുലികേശി രണ്ട് | 12-Oct-06 at 2:53 pm | Permalink
ചരക്കുതാരങ്ങളുരിഞ്ഞുനില്‍‌ക്കും
പടങ്ങള്‍ കണ്ടിട്ടഥ ബാച്ചിലന്മാര്
തരിപ്പുതീരാതെയുരച്ചുചുറ്റും
വെളുത്തുപോമെന്നിഹതോന്നിടുന്നു
Umesh::ഉമേഷ് | 12-Oct-06 at 2:54 pm | Permalink
പാച്ചാളമേ, നിന്‍ പ്രതിഭാവിലാസം
ഊച്ചാളിബ്ലോഗില്‍ ചളമാക്കിടല്ലേ
നോബല്‍ പുരസ്കാരശതങ്ങളാല്‍ നീ
വെളുത്തു പോമെന്നിഹ തോന്നിടുന്നു..
കാളിയമ്പി | 12-Oct-06 at 3:08 pm | Permalink
വെളുപ്പിനും മുമ്പെഴുന്നേറ്റു ഞാനീ
ക്കുളത്തില്‍ മുങ്ങിക്കുളിച്ചീറനായി
വെളുത്ത ഭസ്മം,തൊഴാമെന്‍ മനസ്സും
വെളുത്തു പോമെന്നിഹ തോന്നിടുന്നു
കാളിയമ്പി | 12-Oct-06 at 3:22 pm | Permalink
തുടുത്ത കദളി,അവല്‍, തേങ്ങ ശര്‍ക്കര
കറുത്തൊരെള്ളിന്‍ മണി, കറുക മാല
ജപിച്ചു വയ്ക്കാം ഗണേശാ, എന്‍ മനം
വെളുത്തു പോമെന്നിഹ തോന്നിടുന്നു
Umesh::ഉമേഷ് | 12-Oct-06 at 3:29 pm | Permalink
പാച്ചാളത്തെപ്പറ്റി എഴുതിയിട്ടും എഴുതിയിട്ടും തീരുന്നില്ല. ഒരു പൂരണം കൂടി…
പാച്ചാളമേ, നിന്‍ കവനാഭിലാഷം
ഈച്ചീളു കാര്യത്തില്‍ രമിച്ചിടേണ്ടാ
കറുത്ത നീ ലക്ഷമവാര്‍ഡു കിട്ടി
വെളുത്തു പോമെന്നിഹ തോന്നിടുന്നു…
🙂
കാളിയമ്പി | 12-Oct-06 at 3:30 pm | Permalink
ചുവന്ന ചെമ്പരത്തിപ്പൂവുമാല
സുവര്‍ണ്ണ, നെയ്‌വിളക്കിന്‍ ജ്വാലയാലേ,
ജ്വലിച്ചു ദേവീ, കണ്ടിന്നെന്‍ മനം
വെളുത്തു പോമെന്നിഹ തോന്നിടുന്നു
Umesh::ഉമേഷ് | 12-Oct-06 at 3:32 pm | Permalink
കാളിയമ്പീ,
ശ്ലോകമൊക്കെ കൊള്ളാം. പക്ഷേ പലതും സമസ്യയോടു ചേര്‍ന്നു പോകുന്നില്ല.
“വെളുപ്പിനും മുമ്പു്…” അസ്സലായിട്ടുണ്ടു്. ഉപേന്ദ്രവജ്രയുടെ ഏഴാമത്തെ അക്ഷരം ലഘുവാണു്, ഗുരുവല്ല. തിരുത്തി പോസ്റ്റു ചെയ്യുമോ?
പുലികേശീ, ഉഗ്രന്‍. അല്പം കൂടി സഭ്യമാക്കാന്‍ ശ്രമിക്കുമോ?
അര | 12-Oct-06 at 3:44 pm | Permalink
പുലികേശി കലക്കി.
ഇന്നാ എന്റെ വക
ഉമേഷുമാഷിന്റെ സമസ്യക്കു ബൂലോഗര്‍
പൂരണം നല്‍കുന്ന മട്ടുകണ്ട്
കാരറ്റ് നിറമുള്ള ആ മുഖം, വിളറി-
വെളുത്തുപോമിന്നിഹ തോന്നിടുന്നു.
വൃത്തം – വിഷമവൃത്തം.
പച്ചാളം | 12-Oct-06 at 3:45 pm | Permalink
നന്ദി, നന്ദി 🙂
ഇതു വിവാഹിതര്‍ക്കും കൂടിയുള്ളതാന്ന് മനസ്സിലായോ?
(ഞാന് ഉമേഷേട്ടനില്‍ നിന്ന് ചീത്തയാണ്‍` പ്രാതീക്ഷിച്ചത്)
വല്യമ്മായി | 12-Oct-06 at 3:50 pm | Permalink
അണ്ണാന്‍ കുഞ്ഞിനും തന്നാലായത്:വൃത്തമൊന്നും അറിയില്ല.സ്നേഹിക്കുന്ന പെണ്കുട്ടിയെ കല്യാണം കഴിക്കനെന്തിനാ സന്ദേഹം എന്ന് ഒരു ബാചിലര്‍ ക്ളബ് അംഗത്തോട് ചോദിച്ചപ്പോള്‍:
അവള്‍ക്ക് പഥ്യം പാശ്ചാത്യ വേഷം
പൂശാനായ് ഫ്രെഞ്ച് പെര്‍ഫ്യൂമും
അവളെ കെട്ടിയാലെന്റെ കീശ
വെളുത്തു പോമെന്നിഹ തോന്നിടുന്നു
കാളിയമ്പി | 12-Oct-06 at 3:55 pm | Permalink
ഉമേഷ് ഭായീ, സത്യം പറഞ്ഞാല്‍ എനിയ്ക്ക് ലഘുവും ഗുരുവുമൊന്നും അറിയില്ല.പണ്ടെങ്ങോ ഉസ്ക്കൂളില്‍ പഠിപ്പിച്ചതോര്‍ക്കുന്നു..അന്നൊക്കെ ആരു പഠിച്ചു? വല്യ പൊങ്ങച്ചമായി പറഞ്ഞതല്ല.നാണം തോന്നുണ്ട്.വൃത്തവും അറിയില്ല.
ഒരീണമൊപ്പിച്ച് എഴുതിയതാണ്.
പിന്നെ ”വെളുപ്പിനും മുമ്പ്” എഴുതിക്കഴിഞ്ഞപ്പോള്‍ ഭക്തിവന്നു…
സായിപ്പ് പറയുന്ന പോലെ(The Indian Holi Family-The Shiva and Family ) സ്റ്റയിലില്‍ ഓരോ അംഗത്തിനും ഓരോന്നാകട്ടെ എന്നു വച്ചു..
ഉമേഷ് ഭായി ഇഷ്ടമൊള്ള പോലെ തിരുത്തിക്കോളൂ..ഒന്നും എന്റേതല്ല
പിന്നേ, എനിയ്ക്കതാണോടോ പണീ..എന്നൊന്നു ചോദിയ്ക്കല്ലേ..
അറിയാത്തതു കൊണ്ടാണ്..
(അ-ലഘു, ആ-ഗുരു…അങ്ങനല്ലേ..)
Umesh::ഉമേഷ് | 12-Oct-06 at 4:11 pm | Permalink
കാളിയമ്പീ,
വൃത്തമറിയാതെ എഴുതിയതാണോ ഇതൊക്കെ? അപാരം. നല്ല വൃത്ത-താളബോധമുണ്ടു്. ശ്രമിച്ചാല്‍ നന്നായി എഴുതാം എന്നു തോന്നുന്നു.
വെളുപ്പിനും മുമ്പെഴുനേറ്റു ഞാനീ
ക്കുളത്തില്‍ മുങ്ങിക്കുളിയും കഴിഞ്ഞു്
വെളുത്ത ഭസ്മം,തൊഴുമെന്‍ മനസ്സും
വെളുത്തു പോമെന്നിഹ തോന്നിടുന്നു
എന്നാക്കിയാല്‍ വൃത്തം ശരിയാകും.
അരേ, എന്നെ കണ്ടിട്ടില്ലെന്നു മാത്രമല്ല, എന്റെ ഫോട്ടോ പോലും കണ്ടിട്ടില്ല, അല്ലേ? “കാരറ്റു പോലുള്ള മുഖം” പോലും! പക്ഷേ, സമസ്യാപൂരണം ഉഗ്രന്‍! വൃത്തം കൂടി ഒന്നു ശരിയായിരുന്നെങ്കില്‍…
പുലികേശി രണ്ട് | 12-Oct-06 at 4:25 pm | Permalink
ഉമെഷ് സാറു ഒരുകാര്യം ആവശ്യ്പ്പെട്ടാല്‍ ഞാനെങ്ങനെ നിരസിക്കും?“അഥ ബാച്ചിലന്മാര്” എന്നത് “അവിവാഹിതന്മാര്‍” എന്നു തിരുത്തിയിരിക്കുന്നു.മതിയോ
എന്‍ ജെ മല്ലു | 12-Oct-06 at 4:36 pm | Permalink
ഉമേഷേ, ഈ പരിപാടി കൊള്ളാം.
പച്ചാളം തന്നെ സൂപ്പര്‍‌സ്റ്റാറ് 😀 ആദ്യത്തെ രണ്ടുവരി വായിച്ച് ക്ലീതമിളകി ഞാന് ആകെ ഉദൂഢനായി പൊട്ടിപ്പൊട്ടിച്ചിരിച്ചു. അപാരം, പച്ചാളമേ, അപാരം.
Umesh::ഉമേഷ് | 12-Oct-06 at 4:42 pm | Permalink
രാജേഷ് വര്‍മ്മ ഇതു പൂരിപ്പിച്ചിട്ടുണ്ടു്. അദ്ദേഹം തന്നെ പോസ്റ്റു ചെയ്യട്ടേ എന്നു കരുതി. കാണാഞ്ഞതുകൊണ്ടു് ഞാന് തന്നെ ഇടുന്നു:
കൊടുത്തു നാമെത്ര പണം സുശീലേ
വരുത്തുവാനായ്‌ പല ലേപനങ്ങള്‍
വെളുത്തിടും മുമ്പുടലീക്കുടുംബം
വെളുത്തു പോമെന്നിഹ തോന്നിടുന്നു
Physel | 12-Oct-06 at 4:56 pm | Permalink
തണുവാര്‍ന്ന രാവിലീ ചന്ദ്രികയില്‍
തരളം മിടിക്കും ഹൃദന്തമോടെ
മെയ്യോടു മെയ് ചേര്‍ത്തു പുണര്‍ന്നു, നേരം
വെളുത്തുപോമെന്നിഹ തോന്നിടുന്നു
Umesh::ഉമേഷ് | 12-Oct-06 at 4:57 pm | Permalink
പാച്ചാളമേ, നിന്‍ ചരണാരവിന്ദം
പാപ്പാന് വരെത്താണു വണങ്ങിടുന്നു;
വിചിത്രമീ ഭൂമി, കുളിച്ച കാക്ക
വെളുത്തു പോമെന്നിഹ തോന്നിടുന്നു
പച്ചാളം | 12-Oct-06 at 5:18 pm | Permalink
ഞാന് വെളുത്ത് കാണാന്‍ എത്രപേരാ…ഈശ്വരാ 😉
jyothirmayi | 12-Oct-06 at 5:20 pm | Permalink
ഹാഹായ്‌! വന്നല്ലോ സമസ്യാ-പൂരണം
പൂരണം നിറച്ച സമോസ ഓര്‍മ്മവരുന്നു-
മോദകത്തിന്റേയും ഇലയടയുടെയും സമോസയുടേയും ഒക്കെ ഉള്ളില്‍ നിറയ്ക്കുന്നതിനെയല്ലേ “പൂരണം” എന്നു പറയുക, അടുക്കളക്കാരേ:-)
jyothirmayi | 12-Oct-06 at 5:23 pm | Permalink
സമസ്യയും പൂരണവും മറക്കാം
സമോസയും പൂരികളും പൊരിയ്ക്കാം
ഉറക്കൊഴിച്ചും വിളയാടി, നേരം
വെളുത്തുപോമെന്നിഹ തോന്നിടുന്നൂ
jyothirmayi | 12-Oct-06 at 5:24 pm | Permalink
സമസ്യതന്‍ പൂരണപൂരമെല്ലാം
മിഴിച്ചകണ്‍കൊണ്ടൊരു നോക്കുകാണ്‍കേ
പകച്ചുപോയീ,യിരവായി, നേരം-
വെളുത്തുപോമെന്നിഹ തോന്നിടുന്നൂ.
എന്‍ ജെ മല്ലു | 12-Oct-06 at 5:26 pm | Permalink
ആദിയുടേതു മോടിയാക്കാന്‍ എന്റെ ശ്രമം (ആകെ ഒരു വെണ്മണിമണമാണല്ലോ ഇവിടെ, അതിനാല്‍ ഒരു പൊടിക്കു ഞാനും):
“സുമയ്ക്കു മാല, ജലജയ്ക്കു പെര്ഫ്യൂം
പുഷ്പയ്ക്കരഞ്ഞാണമിതെന്നു വേണ്ട
നടന്നു കോന്തും ലോലന്റെ കീശ
വെളുത്തു പോമെന്നിഹ തോന്നിടുന്നു.”
ദിവാ (ദിവാസ്വപ്നം) | 12-Oct-06 at 5:30 pm | Permalink
എടുത്തവന്‍ ബാങ്കിന്റെ ലോണതൊന്ന്
കൊടുത്തവന്‍ പതിനായിരം മൂന്നതിന്
കിതപ്പതില്ലാതോടുമിരുചക്രമിതാലേ
വെളുത്തുപോമെന്നിഹതോന്നിടുന്നു
jyothirmayi | 12-Oct-06 at 5:40 pm | Permalink
കറുത്തകോളാ വിഷമാണതുണ്ണീ
കുടിച്ചിടൊല്ലേ; തെളിനീരു നല്‍കാം
വിഷം കളഞ്ഞാലഥ പച്ചവെള്ളം
വെളുത്തുപോമെന്നിഹ തോന്നിടുന്നൂ.
ദിവാ (ദിവാസ്വപ്നം) | 12-Oct-06 at 5:43 pm | Permalink
കിളുന്തുപച്ചാളം കാളിയമ്പി മഹതി ജ്യോതിടീച്ചര്‍ വരെ
കൃത്യമായ്‌ ചെയ്യും സമസ്യാപൂരണം കണ്ടസൂയയാലെ
കൃത്രിമമായ്‌ ഉത്തര-പൂരണം ചെയ്തയെന്‍ കേശജാലം
വെളുത്തുപോമെന്നിഹ തോന്നിടുന്നു
ദിവാ (ദിവാസ്വപ്നം) | 12-Oct-06 at 5:51 pm | Permalink
ഇവ്വിധം വെളുത്തൊരെന്‍ കേശജാലം കറുത്ത
മഷിയാലേ കറുപ്പിച്ചു ഞാന് ലജ്ജമൂലം
വെളുത്തമേഘം കറുത്തു കണ്ണീരൊഴുക്കിവിട്ടാലത്‌
വെളുത്തു പോമെന്നിഹ തോന്നിടുന്നു
ദിവാ (ദിവാസ്വപ്നം) | 12-Oct-06 at 5:59 pm | Permalink
വേനല്‍ കഴിഞ്ഞു വേണ്ടാത്ത വിന്റര്‍ വന്നണഞ്ഞു
വേണമെങ്കിലും വയ്യ യ്യോ വെളിയില്‍ വിളയാടാന്‍
വിടവില്ലാത്ത മഞ്ഞിന് വീഴ്ചയാലേ വീടുചുറ്റും
വെളുത്തുപോമെന്നിഹ തോന്നിടുന്നു
‘കപി’ത്വം (ശനിയന്‍) | 12-Oct-06 at 6:00 pm | Permalink
ഉമേഷ്ജീയും ഞാനും തമ്മില് അയച്ച മെയിലുകളില് നിന്ന്
ഞാനയ്ച്ചു കൊടുത്തത്:
നനുത്ത മഞ്ഞുകണമൊട്ടു മായ്ച്ചീ
കടുത്തൊരാദിത്യനിതെങ്ങു പോയി?
ഇരുട്ടിലിന്നവനെ നോക്കി മാത്രം,
വെളുത്തുപോമെന്നിഹ തോന്നിടുന്നു!
പ്രചോദനം: വെള്ളമടിച്ചു പൂസായി ഒരു ദിവസം രാത്രി മുഴുവന് സൂര്യനെ അന്വേഷിച്ചു നടന്ന എന്റെ ഒരു സുഹൃത്ത്
മാഷിന്റെ തിരുത്ത്
നനുത്ത മഞ്ഞിന് കണമൊട്ടു മായ്ച്ചീ
കടുത്തൊരാദിത്യനിതെങ്ങു പോയി?
ഇരുട്ടില് നിന്നിട്ടൊരുപാടു നോക്കി / ഇരുട്ടില് നിന്നിങ്ങനെ നോക്കി നേരം
വെളുത്തുപോമെന്നിഹ തോന്നിടുന്നു!
എനിക്കിഷ്ടമായത്
നനുത്ത മഞ്ഞിന് കണമൊട്ടു മായ്ച്ചീ
കടുത്തൊരാദിത്യനിതെങ്ങു പോയി?
ഇരുട്ടില് നിന്നിങ്ങനെ നോക്കി നേരം
വെളുത്തുപോമെന്നിഹ തോന്നിടുന്നു!
വേണു | 12-Oct-06 at 6:03 pm | Permalink
ദിവാ ദിവാ തന്റെ സ്വപ്നഭാഷ്യം
തീരുന്നിതില്ലിവിടെന്‍റെ ഭാഗ്യം
കിളിന്തു പച്ചാളമൊന്നുമല്ലാ
വെളുത്തുപോമെന്നിഹ തോന്നിടുന്നു
Umesh::ഉമേഷ് | 12-Oct-06 at 6:19 pm | Permalink
ദിവാസ്വപ്നത്തിന്റെ പൂരണങ്ങളുടെ ആശയമെല്ലാം അത്യുഗ്രന്‍ മൌലികാശയങ്ങള്‍. അതു വൃത്തത്തിലായിരുന്നെങ്കില്‍…
ഇതിനെയാണോ എറിയാനറിയുന്നവന്റെ കൈയില്‍ ദൈവം വടി കൊടുക്കില്ല എന്നു പറയുന്നതു്? 🙂
Adithyan | 12-Oct-06 at 6:35 pm | Permalink
38-ആമത്തെ കമന്റില്‍ ശനിയന്‍ ഉദ്ദേശിച്ച സുഹൃത്ത് ഞാന് അല്ല എന്ന് വ്യക്തമാക്കിക്കൊള്ളുന്നു. അല്ല, നിങ്ങക്കാര്‍ക്കും അങ്ങനെ ഒരു തെറ്റിദ്ധാരണ ഉണ്ടാവില്ല എന്നറിയാം…
പാപ്പേട്ടാ, നമ്മടെ കൊളാബറേഷന്‍ പദ്യം(?) ഉമേഷ്ജി പബ്ലിഷ് ചെയ്യുമ്പോള്‍ കിട്ടാന്‍ പോകുന്ന റോയല്‍റ്റി നമ്മള്‍ ഏതു റേഷ്യോയില്‍ വീതിക്കണം?
Umesh::ഉമേഷ് | 12-Oct-06 at 6:37 pm | Permalink
ദിവാസ്വപ്നത്തിന്റെ നാലു ശ്ലോകങ്ങളുടെ പദ്യപരിഭാഷ:
എടുത്തവന്‍ ബാങ്കിലെ ലോണതൊന്നു്
കൊടുത്തവന്‍ മുപ്പതിനായിരം ഹാ!
കിതച്ചു പായും ശകടത്തിനാല്‍ താന്‍
വെളുത്തുപോമെന്നിഹതോന്നിടുന്നു
സമസ്യ തന്‍ പൂരണമേറെയിന്നു
മഹാരഥര്‍ നല്‍കുവതൊക്കെ നോക്കി
അസൂയ കൊണ്ടെന്നുടെ കേശജാലം
വെളുത്തുപോമെന്നിഹതോന്നിടുന്നു
വെളുത്ത കേശം മഷിയാല്‍ കറുപ്പി-
ച്ചിരുപ്പു ഞാന്; ദുഃഖമടക്കിടാതെ
കറുത്ത മേഘം മിഴിനീരൊഴുക്കി
വെളുത്തു പോമെന്നിഹ തോന്നിടുന്നു
കളിക്കുവാനിന്നൊരു രക്ഷ നല്‍കാ-
തടുത്തണഞ്ഞൂ ബത! ശൈത്യകാലം.
കുടിയ്ക്കു ചുറ്റോടിടതൂര്‍ന്ന മഞ്ഞാല്‍
വെളുത്തു പോമെന്നിഹ തോന്നിടുന്നു
Umesh::ഉമേഷ് | 12-Oct-06 at 6:39 pm | Permalink
പാപ്പാനേ, വൃത്തം ശരിയായില്ലല്ലോ. പിന്നെ, “കോന്തും” എന്നു വെച്ചാല് എന്താ?
ദേവരാഗം | 12-Oct-06 at 6:45 pm | Permalink
വെറുപ്പു നിറച്ച തുറികണ്ണുമായിവര്‍
തുറുപ്പു മലര്‍ത്തെന്നഹോ ചൊല്ലിടുന്നു
വെളുക്കുവോളം ലഭിച്ച പണമിത
വെളുത്തുപോമെന്നിഹ തോന്നിടുന്നു
[വൃത്തം വേണമെന്ന് നിര്‍ബ്ബന്ധമാണേല്‍ ഞാന് താഴെ ഒരെണ്ണം വരച്ചിടാം]
വേണു | 12-Oct-06 at 6:50 pm | Permalink
ആശയമൊക്കെ മികച്ചതത്രേ
വ്രുത്തത്തിലല്ലാത്തൊരു വ്യഥമാത്രമുണ്ടു്.
എറിയാനറിയുന്നൊരുവടിനല്‍കിവിട്ടാല്‍,
വെളുത്തു പോമെന്നിഹ തോന്നിടുന്നു .
bhootakkannati | 12-Oct-06 at 6:52 pm | Permalink
കന്നിമാസത്തിലെ ശ്വാവിനെപ്പോല്‍, മൈ-
ക്കണ്ണിയാള്‍ തന്‍ മണം പിടി,ച്ചുല്ലാസ
യാത്രകളളിവ്വിധം ഘോഷിചു നിന്‍ കീശ,കേശവും
വെളുത്തുപോമെന്നിഹ തോന്നിടുന്നു!!
(ഈ പൂരണം കണ്ട് ഇതെന്നെ ഉദ്ദേശിച്ചാണ്, എന്നെത്തന്നെ യുദ്ദേശിച്ചാണ്, എന്നെമാത്രം ഉദ്ദേശിച്ചാണ് എന്നാര്‍ക്കെങ്കിലും തോന്നിയാല്‍,ആറ്റുകാലമ്മച്ചിയാണെ ഞാനൊന്നും ഉദ്ദേശിച്ചിട്ടില്ലേ..!!)
സന്തോഷ് | 12-Oct-06 at 6:54 pm | Permalink
കറുത്ത കാന്തന്‍ നഗരൂര്‍ക്കു പോകേ
കറുത്ത ശ്യാമയ്ക്കറിയാതെ ഗര്‍ഭം!
കണക്കു നോക്കുമ്പൊ, ളീക്കുഞ്ഞുവന്നാല്‍
വെളുത്തു പോമെന്നിഹ തോന്നിടുന്നു.
Adithyan | 12-Oct-06 at 7:07 pm | Permalink
ബൈദിബൈ, പാപ്പേട്ടന്റെ പദ്യം (ഇതിനെയൊക്കെ പദ്യം എന്നു തന്നെ അല്ലെ വിളിക്കണ്ടെ?) വായിച്ചുകഴിഞ്ഞപ്പോഴാ ഞാന് എത്ര ഡീസന്റാണെന്ന് എനിക്കു തന്നെ മനസിലായെ. ഒന്നുമില്ലേല്‍ ഞാന് അരഞ്ഞാണത്തില്‍ കേറിപ്പിടിച്ചില്ലല്ലോ!
സന്തോഷ് | 12-Oct-06 at 7:09 pm | Permalink
നിറങ്ങളില്ലാത്ത ദ്രവങ്ങള്‍ ലാബില്‍
കലര്‍ത്തി വീണ്ടും ക്ഷമ കെട്ടു മെല്ലേ!
ചുവന്നു കിട്ടേണ്ട പരീക്ഷണം, ദേ-
വെളുത്തുപോമെന്നിഹ തോന്നിടുന്നു!
എന്‍ ജെ മല്ലു | 12-Oct-06 at 7:11 pm | Permalink
‘കോന്തല്‍‘ എന്നാല്‍ ഈ (ആദിത്യ്യനൊഴികെയുള്ള) ബാച്ചിലേഴ്സ് നടത്തുന്ന ഒരു വിനോദം — പെണ്‍‌കോന്തല്‍ എന്നു പൂര്‍ണ്ണരൂപം. കോന്തല്‍ കോന്തന്‍ ചെയ്യുന്ന ക്രിയയായിട്ട് ആദ്യം കേട്ടത് സീയീറ്റിയില്‍.
വൃത്തഭംഗം മൂന്നാം വരിയിലാണോ?
സന്തോഷ്, കലക്കി. കൊടുകൈ.
എന്‍ ജെ മല്ലു | 12-Oct-06 at 7:18 pm | Permalink
സന്തോഷ്, കൈ തന്നത് നഗരൂര്‍ പദ്യത്തിനാണ്. ലാബും മോശമില്ല.
ആദി മനസ്സില്‍ക്കാണുമ്പോള്‍ ഞാന് മരത്തില്‍‌ക്കാണും. ആദിയുടെ മനസ്സിലുണ്ടായിരുന്നതൊരു അരഞ്ഞാണമല്ലേ എന്നു തന്നോടുതന്നെ ചോദിച്ചുനോക്കൂ.
സന്തോഷ് | 12-Oct-06 at 7:20 pm | Permalink
ശ്യ കൂട്ടക്ഷരമല്ലെന്നും ദ്രവങ്ങള്‍ എന്നതിലെ ള്‍ തീവ്രയത്നമുരയ്ക്കാത്ത ചില്ലാണെന്നും ആരെങ്കിലും പറയൂ:)
കരീം മാഷ് | 12-Oct-06 at 7:22 pm | Permalink
പോരിനാരെങ്കിലും പോകുന്നങ്കിലവന്റെ പോരായ്‌മ തന്നെ
ചേരിനോടൊരുത്തരും ചേരില്ലങ്കിലതിന്റെ ചേരായ്‌മ തന്നെ
വെത്തമുണ്ടു പക്ഷെ കറുത്ത കക്ഷിയും കാശിന്‍ ബലത്താല്‍
വെളുത്തു പോമെന്നിഹ തോന്നിടുന്നു.
ഒ.ടൊ.“മൈക്കള്‍ ജാക്‌സന്‍ വെളുപ്പനായി”
കോമ്പസ്സ്‌ ഇല്ലാത്തതിനാല്‍ വൃത്തം വരക്കാന്‍ പറ്റുന്നില്ല.
ദേവരാഗം | 12-Oct-06 at 7:26 pm | Permalink
പുളിച്ച കള്ളിനു കറിയായിയല്‍പ്പം
വളിച്ച പുഴവാളക്കറി തൊട്ടു കൂട്ടി
വെളിക്കിരിക്കുന്നവന്‍ പുറത്തിറങ്ങേ
വെളുത്തുപോമെന്നിഹ തോന്നിടുന്നു.
(വൃത്തം ശോധനാക്രാന്ത)
ഏവൂരാന്‍ | 12-Oct-06 at 7:31 pm | Permalink
തകര്‍ക്കുകയാണല്ലോ പൂരണക്കാര്‍.. ആഹ്‌ ഇതൊക്കെ കണ്ടു കൊണ്ടിങ്ങനെ നില്‍ക്കാം… 🙂
വല്യമ്മായി | 12-Oct-06 at 7:40 pm | Permalink
കാനനമെല്ലാം വെട്ടി നിരത്തി
വയലുകളെല്ലാം മണ്ണിട്ടു മൂടി
പച്ചപ്പിന്റെ തെളിവില്ലാ ഭൂമി
വെളുത്തു പോമെന്നിഹ തോന്നിടുന്നു.
സങ്കുചിതന്‍ | 12-Oct-06 at 8:00 pm | Permalink
അടിച്ചുപൊളിച്ചു നടന്ന കാലത്ത്
ഇരുത്തംവരാത്തതിനാലപ്പോള്
ലഭിച്ച ധനമെല്ലാം ഹനിച്ചതോറ്ത്ത്
വെളുത്തുപോമെന്നിഹ തോന്നിടുന്നു!
ദിവാ (ദിവാസ്വപ്നം) | 12-Oct-06 at 8:04 pm | Permalink
ശുംഭനുമാരംഭ ശൂരനുമാമെനിക്ക
ന്‍പന്റെ വാക്കുകളത്യാഡംഭരം
ഡംഭനുമാമെനിക്കനര്‍ഹാഭ, ഗുരുഭൂതന്‍മാനം
വെളുത്തുപോമെന്നിഹ തോന്നിടുന്നു
ദിവാ (ദിവാസ്വപ്നം) | 12-Oct-06 at 8:06 pm | Permalink
ആഡംബരം
qw_er_ty
കൂമന്‍സ് | 12-Oct-06 at 8:20 pm | Permalink
സന്തോഷെ, നഗരൂര്‍ ശ്ലോകം എനിക്കുമിഷ്ടമായി. നാട്ടിലെ പേരൊക്കെ കേട്ടപ്പോള്‍ ഒരു തന്തോഴം.
(ഓടോ: സന്തോഷേ, നമ്മ ഒരു നാട്ടുകാരാന്നേ.)
ദിവായുടെ ശ്ലോകം ഉമേഷ് തിരുത്തിയത് സൂപ്പര്‍:
“വെളുത്ത കേശം മഷിയാല്‍ കറുപ്പി-
ച്ചിരുപ്പു ഞാന്; ദുഃഖമടക്കിടാതെ
കറുത്ത മേഘം മിഴിനീരൊഴുക്കി
വെളുത്തു പോമെന്നിഹ തോന്നിടുന്നു” എന്നത്.
പച്ചാളം | 12-Oct-06 at 8:20 pm | Permalink
ദ്വൈരഥരാരെല്ലാ മെന്നുകണ്ടര്‍ജ്ജുനന്‍-
തന്നുടെ ദ്വിവിധ കാണ്‍കെയാല്‍ സാരഥി
ചൊല്ലിയ ഗീതതന്‍ ശോഭയാല്‍ എന്നിഹം
വെളുത്തുപോമെന്നിഹ തോന്നിടുന്നു
(എന്തോ ഒരു പ്രശ്നം പോലെ, തിരുത്തി തരുമോ ഉമേഷ്ജീ)
ബിന്ദു | 12-Oct-06 at 8:30 pm | Permalink
ബ്ലോഗില്‍ സമസ്യാ പൂരണങ്ങള്‍ മൂലം
മടുത്തുപോയിട്ടുണ്ടുമേഷുമാഷും
ഇമ്മട്ടിലീരീതി തുടര്‍ന്നുപോയാല്‍
വെളുത്തു പോമെന്നിഹ തോന്നിടുന്നു. 🙂
(തല്ലല്ലേ…)
ഇഞ്ചിപ്പെണ്ണ് | 12-Oct-06 at 8:46 pm | Permalink
ഹഹഹ്ഹ, ബിന്ദൂട്ടി കൊടു കൈ..
അതുപോലൊരെണ്ണം തപ്പി പിടിച്ച് എഴുതാന്‍ വരുവായിരുന്നു.. 🙂
സന്തോഷ് | 12-Oct-06 at 8:57 pm | Permalink
പച്ചാളം, എന്തെരെടേ യിതക്കെ?
Adithyan | 12-Oct-06 at 8:58 pm | Permalink
അതുപോലൊരെണ്ണം തപ്പി പിടിച്ച് എഴുതാന്‍ വരുവായിരുന്നു..
പയ്യെ തന്നെ… കവിത എഴുതാനൊക്കെ ഒരു സഹൃദയത്വം ഒക്കെ വേണം… പാപ്പേട്ടനെയും എന്നെയും ഒക്കെ പോലെ… അല്ലേല്‍ ദേ പച്ചാളത്തിനെപ്പോലെ
ശനിയന്‍ | 12-Oct-06 at 9:18 pm | Permalink
എന്നാ ഒന്നൂടെ.. തെറ്റുണ്ടാവും, ആരെങ്കിലും (കാര്യവിവരമുള്ളവര്‍) തിരുത്തുവാന്‍ അപേക്ഷ..
പന്ഥാവിലെത്ര രവങ്ങള്, രാവില്
മറഞ്ഞു നില്ക്കുന്നൊരു ചന്ദ്ര ബിംബം
പറഞ്ഞു നില്ക്കാതിനിയാത്രയാകാല്
വെളുത്തുപോമെന്നിഹ തോന്നിടുന്നു!
കാളിയമ്പി | 12-Oct-06 at 9:24 pm | Permalink
ഉമേഷ് ഭായീ..ഇതൊക്കെ വായിച്ചപ്പോളൊരു സംശയം…
ഇതേ വൃത്തമാണോ(ഈ താളം..താളം എന്നു പറയുന്നത് വച്ച് പിടിച്ചതാണേ)
പണ്ട് സ്കൂളില്‍ പഠിച്ച ഒരു പദ്യമെന്നൊരു സംശയം
“ഉടന്‍ മഹാദേവിയിടത്തു കൈയ്യാല്‍
………..ജ്വലിച്ച കണ്‍ കൊണ്ടൊരു നോക്കു നോക്കി..
ആണോ?
ശനിയന്‍ | 12-Oct-06 at 9:28 pm | Permalink
കാളിയമ്പിയുടെ സംശയം അടിയനുമുണ്ടേ..
Umesh::ഉമേഷ് | 12-Oct-06 at 9:48 pm | Permalink
തന്നെ, തന്നെ. അതു തന്നെ വൃത്തം കാളീ, അമ്പീ, ശനീ.
രണ്ടര മണിക്കൂര്‍ മാറി നിന്നപ്പോള്‍ ഇത്രയായോ? സമസ്യാപൂരണത്തിനൊന്നും ആളുണ്ടാവില്ല എന്നു പറഞ്ഞ രാജേഷ് വര്മ്മയെ തല്ലണം!
കലക്കന്‍ പൂരണങ്ങള്‍, സന്തോഷേ! ശ്യ, ദ്ര ഒന്നും കുഴപ്പമില്ല. പക്ഷേ
കണക്കു നോക്കുമ്പൊ, ളീക്കുഞ്ഞുവന്നാല്‍
എന്നതില്‍ വൃത്തഭംഗമുണ്ടല്ലോ.
ഇനിയും ദാ പോകണം. ബാക്കി പിന്നീടു്.
ബിന്ദു | 12-Oct-06 at 9:59 pm | Permalink
ദൈവമേ.. പച്ചാളത്തിന്റെ കമന്റിപ്പോഴാ ശ്രദ്ധിച്ചത്. കുഞ്ഞുനാവില്‍ വല്യ കാര്യങ്ങള്‍ പറയല്ലെ പച്ചാളം.:)
ഇഞ്ചിയെ, എഴുതാന്‍ വന്നത് എഴുതൂന്നെ.ഇത് നമ്മടെ ഉമേഷ്ജിയുടെ ബ്ലോഗല്ലെ. 😉
എന്‍ ജെ മല്ലൂ | 12-Oct-06 at 10:12 pm | Permalink
അതെന്താ ഉമേഷേ, ദേവന്റെ പൂരണം കണ്ടതുകൊണ്ടാണോ “ഇനിയും ദാ പോകണം. ബാക്കി പിന്നീടു്“ എന്നൊക്കെ കമന്റിടുന്നേ? 🙂
സന്തോഷ് | 12-Oct-06 at 10:17 pm | Permalink
അ…
“കണക്കു നോക്കീടുകിലിന്നു കുഞ്ഞും”
എന്നോ
“കണക്കു ചൊന്നാലിതുപാരയാകും”
എന്നോ തിരുത്തി വായിക്കുക.
കറുത്ത കാന്തന്‍ നഗരൂര്‍ക്കു പോകേ
കറുത്ത ശ്യാമയ്ക്കറിയാതെ ഗര്‍ഭം!
കണക്കു ചൊന്നാലിതുപാരയാകും
വെളുത്തു പോമെന്നിഹ തോന്നിടുന്നു.
അല്ലെങ്കില്‍ ഉമേഷ് തന്നെ തിരുത്തൂ!
(രാജേഷിനെ തല്ലുന്ന ദിവസം മുന്‍‍കൂട്ടി അറിയിച്ചാല്‍ ഞാനും കൂടാം.)
എന്‍ ജെ മല്ലൂ | 12-Oct-06 at 10:21 pm | Permalink
കറുത്തകാലില്‍ ചൊറിവന്നുകൂടി
ചൊറിഞ്ഞനേരം തൊലിയങ്ങുപോയി
പടര്‍ന്നിതെന്നാല്‍ മമശ്യാമദേഹം
വെളുത്തുപോമെന്നിഹ തോന്നിടുന്നു.
ഇഞ്ചിപ്പെണ്ണ് | 12-Oct-06 at 10:25 pm | Permalink
ഈ സന്തോഷേട്ടന് ആക്ചുവലി എത്ര ബാല്യകാല സഖികള്‍ ഉണ്ടായിരുന്നു? പണ്ട് ഒരു അന്‍പത് വാക്കില്‍ കഥ എഴുതിയത് മുതല്‍ ഞാന് എണ്ണുവാ..
തീരണില്ല്യല്ലൊ എന്നിട്ടും 🙂 അന്‍പത് എങ്കിലും അടിക്കുവോ?
രാജേഷേട്ടനെ തല്ലാന്‍ ഞാനും കൂടാം,അതിന്റെ കൂടെ ഉമേഷേട്ടനിട്ടും രണ്ടെണ്ണം കൊടുക്കാന്‍ പറ്റുമെങ്കില്‍ 🙂
സന്തോഷ് | 12-Oct-06 at 10:25 pm | Permalink
അതു കൊള്ളാമല്ലോ പാപ്പാനേ…
പാപ്പേട്ടനെയും എന്നെയും ഒക്കെ പോലെ എന്ന് ഇവിടെ ‘ചിലര്‍’ പറഞ്ഞപ്പൊഴേ തോന്നി, പാപ്പാന് ആ കമ്പനിയില്‍ നിന്ന് പുറത്ത് വരണമെന്ന്!
Umesh::ഉമേഷ് | 12-Oct-06 at 10:25 pm | Permalink
ഇഞ്ചിപ്പെണ്ണു പറഞ്ഞു:
അതുപോലൊരെണ്ണം തപ്പി പിടിച്ച് എഴുതാന്‍ വരുവായിരുന്നു…
ഒവ്വ ഒവ്വേ! ഇതു കേട്ടപ്പോള്‍ എനിക്കൊരു ശ്ലോകം തോന്നുന്നു:
കവിത്വമിഞ്ചിയ്ക്കു ഭവിക്കുമെങ്കില്‍
തണുത്തു പോമഗ്നി; നടക്കുമദ്രി;
മിടുക്കനാം ബാച്ചിലര്‍; ആന, ടാറും
വെളുത്തു പോം-എന്നിഹ തോന്നിടുന്നു.
എന്‍ ജെ മല്ലൂ | 12-Oct-06 at 10:25 pm | Permalink
ശാന്തം പാപം, രാജേഷ് വര്മ്മയെ അടിക്കുമ്പോള്‍ അദ്ദേഹത്തിനു വൃത്തഭംഗം വരാത്തവിധം അടിക്കണേ…
ഇഞ്ചിപ്പെണ്ണ് | 12-Oct-06 at 10:41 pm | Permalink
എന്നെ ചാലഞ്ച് ചെയ്യല്ലേ ഉമേഷേട്ടാ‍ാ ഞാനും എഴുതും..ഈ ചാലഞ്ചിന്റെ മലയാളം എന്നതാ?
കറുത്ത ചെമ്മരിയാടിനോടൊ-
രിക്കല്‍ പൂടയുണ്ടോയെന്നു ചോദിച്ചു.
എന്‍ പൂട മൊത്തം തന്നാല്‍ ഞാന്
വെളുത്തു പോം-എന്നിഹ തോന്നിടുന്നു.
(കട: ബാ ബാ ബ്ല്ലാക് ഷീപ്പ്) 🙂
എന്‍ ജെ മല്ലൂ | 12-Oct-06 at 10:49 pm | Permalink
challenge – വെല്ലുവിളി
സന്തോഷ് | 12-Oct-06 at 10:52 pm | Permalink
ഇഞ്ചീ,
കഴിഞ്ഞ കാര്യങ്ങളൊരിക്കലും നാം
പറഞ്ഞു വീണ്ടും ഞെളിയാതിരിക്കൂ!
കളത്രമെങ്ങാനുമറിഞ്ഞിടുന്നാള്‍
വെളുത്തുപോമെന്നിഹ തോന്നിടുന്നു.
Umesh::ഉമേഷ് | 12-Oct-06 at 10:52 pm | Permalink
ഇവിടെ ചിലര്‍ എഴുതിയ ശ്ലോകങ്ങളുടെ വൃത്തം നേരെയാക്കാന്‍ ഒരു ശ്രമം. അതിന്റെ ആദ്യത്തെ ഷിപ്‌മെന്റ്:
(കുറിപ്പു്: ആശയം എനിക്കിഷ്ടപ്പെട്ടവയും, താളം ഉപേന്ദ്രവജ്രയുടെ ഏഴയലത്തുകൂടി പോയവയും മാത്രമേ ഞാന് പരിഗണിക്കുന്നുള്ളൂ. ബാക്കിയുള്ളവര്‍ ക്ഷമിക്കുക.)
ദേവരാഗം:
പുളിച്ച കള്ളിന്‍ കറിയായൊരല്‍പ്പം
വളിച്ച വാളക്കറി തൊട്ടു കൂട്ടി
വെളിക്കിരിക്കുന്നിട്ടു പുറത്തിറങ്ങേ
വെളുത്തുപോമെന്നിഹ തോന്നിടുന്നു.
വെറുപ്പു മുറ്റും നയനങ്ങളുള്ളോര്‍
തുറുപ്പു കാട്ടാനിത ചൊല്ലിടുന്നു
വെളുക്കുവോളം കളി വെന്ന കാശു
വെളുത്തുപോമെന്നിഹ തോന്നിടുന്നു
ആദിത്യന്‍/പാപ്പാന്:
സുമയ്ക്കു ഹാരം, ജലജയ്ക്കു പെര്ഫ്യൂം,
പുഷ്പയ്ക്കരഞ്ഞാണമിതെന്നു വേണ്ട
നടന്നു കോന്തും തിരുടന്റെ കീശ
വെളുത്തു പോമെന്നിഹ തോന്നിടുന്നു.
അര:
ഉമേഷുമാഷിന്റെ സമസ്യ ലോകര്‍
തിരിച്ചു നല്‍കുന്നൊരു മട്ടുകണ്ട്
കാരറ്റ് പോലുള്ള മുഖം വിളര്‍ത്തു
വെളുത്തുപോമിന്നിഹ തോന്നിടുന്നു.
കാളിയമ്പി:
വെളുത്ത മുണ്ടുള്ളതുടുത്തിറങ്ങി,
വളഞ്ഞ റോഡേ, മഴ, ചള്ളവെള്ളം
തെറിച്ചൊരീ മുണ്ടൊരലക്കു ചെയ്താല്‍
വെളുത്തു പോമെന്നിഹ തോന്നിടുന്നു.
ദില്‍ബാസുരന്‍:
ഉത്സാഹമായ് പിന്മൊഴി കാണുവാനും
കണ്ടാലതിന്‍ പിന്മൊഴിയിട്ടിടാനും
ഈ വണ്ണമായാല്‍ പണി പോയ്‌ക്കുടുംബം
വെളുത്തുപോമെന്നിഹ തോന്നിടുന്നു!
Umesh::ഉമേഷ് | 12-Oct-06 at 11:02 pm | Permalink
കൊള്ളാം ഇഞ്ചീ. ഇഞ്ചിയുടെ ശ്ലോകം നന്നാക്കിയതു്:
കറുത്തതാം ചെമ്മരിയാടിനോടാ-
യൊരിക്കല്‍ ഞാന് രോമമിരന്നിടുമ്പോള്‍
ഉരച്ചു പോല്‍: “ഞാനതു മൊത്തമേകില്‍
വെളുത്തു പോമെന്നിഹ തോന്നിടുന്നു”
Umesh::ഉമേഷ് | 12-Oct-06 at 11:06 pm | Permalink
“കളത്രം” സന്തോഷിനെ തിരിഞ്ഞു കടിച്ചല്ലോ. അതിന്റെ അര്‍ത്ഥം “ഭാര്യ” എന്നാണു്. പാവം ദിവ്യ!
ഇഞ്ചിയെയാണുദ്ദേശിച്ചതെങ്കില്‍
അറിഞ്ഞുവെന്നാല്‍ പതി, യന്നു നമ്മള്‍
എന്നോ മറ്റോ മൂന്നാം വരി മാറ്റണം.
സന്തോഷ് | 12-Oct-06 at 11:13 pm | Permalink
ഞാന് എന്നെത്തന്നെയാണ് ഉദ്ദേശിച്ചത്, ഉമേഷേ. ഭാര്യയറിഞ്ഞാല്‍ മുഖം വിളറുമെന്നതിനാല്‍ ഇഞ്ചിയുടെ ചോദ്യത്തിന് ഉത്തരം നല്‍കുന്നില്ല എന്ന് വിവക്ഷ.
🙂
Adithyan | 12-Oct-06 at 11:14 pm | Permalink
കുറിപ്പു്: ആശയം എനിക്കിഷ്ടപ്പെട്ടവയും, താളം ഉപേന്ദ്രവജ്രയുടെ ഏഴയലത്തുകൂടി പോയവയും മാത്രമേ ഞാന് പരിഗണിക്കുന്നുള്ളൂ.
ഹുറേ!!!
എന്റെ കവിതയും ഉപേന്ദ്രവജ്രേടെ ഏഴയല്വക്കത്തൂടെ പോയി അല്ലെ? ഞാന് പോലും ഉദ്ദേശിച്ചില്ല… (ഈ നോബല്‍ സമ്മാനം എന്റെ സഹ ശാസ്ത്രജ്ഞന്‍ ശ്രീ പാപ്പേട്ടന്റെ പരിശ്രമഫലമാണെന്ന് ഞാന് ഊന്നിയൂന്നി പറയുന്നു)
നിങ്ങളെന്നെ കവിതയെഴുത്തുകാരനാക്കി!!
(സന്തോഷ് ഒരു എക്സ്‌ട്രാ !-ക്ക് മാഫി, സന്തോഷം കൊണ്ടാ)
Umesh::ഉമേഷ് | 12-Oct-06 at 11:16 pm | Permalink
ശ്രീജിത്ത്:
കമ്പ്യൂട്ടറും ക്യാമറയും മൊബൈലും
തൊട്ടുള്ള കുന്തങ്ങളെ വാങ്ങി വാങ്ങി
ഈ മട്ടിലായിട്ടു കുടുംബമാകെ
വെളുത്തുപോമെന്നിഹ തോന്നിടുന്നു!
പാച്ചാളം:
“ക്ലീതാഭമാണിന്നവളഗ്നിരേതസ്-
കളഞ്ജമെന്നേ ദരിതന്നുദൂഢന്‍…”
ഈ മട്ടിലോതുന്ന ശിരസ്സു തന്‍ സ്ക്രൂ
വെളുത്തു; പോമെന്നിഹ തോന്നിടുന്നു.
ബാക്കി പിന്നീടു് 🙂
Umesh::ഉമേഷ് | 12-Oct-06 at 11:18 pm | Permalink
പാപ്പാനേ, ആ ചൊറി ശ്ലോകം കലക്കി. ചൊറി നല്ല വൃത്തമൊത്തു വന്നിട്ടുമുണ്ടു് 🙂
സന്തോഷ് | 12-Oct-06 at 11:18 pm | Permalink
ഞാന് ഉദ്ദേശിച്ചത് ഇതാണ് എന്ന് വ്യക്തമാക്കട്ടെ:
കഴിഞ്ഞ കാര്യങ്ങളൊരിക്കലും ഞാന്
പറഞ്ഞു വീണ്ടും ഞെളിയാതിരിപ്പൂ!
കളത്രമെങ്ങാനുമറിഞ്ഞിടുന്നാള്‍
വെളുത്തുപോമെന്നിഹ തോന്നിടുന്നു.
പാവം ദിവ്യ!
Umesh::ഉമേഷ് | 12-Oct-06 at 11:22 pm | Permalink
പാച്ചാളത്തിന്റെ “ദ്വൈരഥരാരെല്ലാം” എന്ന പൂരണം വായിച്ചിട്ടു ഞാന് ചിരിച്ച ചിരി വക്കാരിയുടെ പോസ്റ്റുവായിച്ചിട്ടു പോലും ചിരിച്ചില്ല 🙂
താങ്ക്സ്, പാച്ചാളം!
Umesh::ഉമേഷ് | 12-Oct-06 at 11:45 pm | Permalink
ജ്യോതിയുടെ പൂരണങ്ങളെല്ലാം ഉഗ്രന്‍!
ബിന്ദുവിന്റെ പൂരണം തേച്ചു മിനുക്കിയതു്:
സമസ്യ തന്‍ പൂരണമേറെയായി
മടുത്തുപോയ്‌പോലുമുമേഷുമാഷും
ഇമ്മട്ടിലീരീതി തുടര്‍ന്നുപോയാല്‍
വെളുത്തു പോമെന്നിഹ തോന്നിടുന്നു.
Umesh::ഉമേഷ് | 13-Oct-06 at 12:06 am | Permalink
പെറാനമേരിക്കലൊന്നു ചെന്നാല്‍
നിറം വരാ കുഞ്ഞി, നതിന്നു മുന്‍‌പേ
കുറച്ചു നാളങ്ങു വസിച്ചുവെന്നാല്‍
വെളുത്തു പോമെന്നിഹ തോന്നിടുന്നു
(സന്തോഷിന്റെ ഒരു പൂരണത്തോടു കടപ്പാടു്)
എന്‍ ജെ മല്ലു | 13-Oct-06 at 12:09 am | Permalink
കൊഴുത്തപാല്‍ ചാലെയടുപ്പിലേറ്റി-
ത്തിളച്ചനേരം മധുരം കലക്കി
ഒരൊറ്റ ‘ടീ ബാഗി’ലടിച്ച ചായ
വെളുത്തുപോമെന്നിഹ തോന്നിടുന്നു.
Umesh::ഉമേഷ് | 13-Oct-06 at 12:15 am | Permalink
വല്യമ്മായിയുടെ ആശയം കൊള്ളാം.
കാടായ കാടിന്‍ തടിയാകെ വെട്ടി-
ക്കാണായ പാടങ്ങളില്‍ മണ്ണു മൂടി
പച്ചപ്പു പോയോരു ധരിത്രി മൊത്തം
വെളുത്തു പോമെന്നിഹ തോന്നിടുന്നു.
കരീം മാഷേ, കോമ്പസ്സില്ലെന്നു പറഞ്ഞു വരച്ചിരിക്കുന്നതെന്താ, ആര്‍ക്കിമിഡീസ് സ്പൈരലോ? അതിനെ ഞാന് എന്തു ചെയ്യാന്‍? 🙁
എന്‍ ജെ മല്ലു | 13-Oct-06 at 12:33 am | Permalink
ആദീടേം എന്റേം പരീക്ഷണത്തെ ഒന്നൂടി വെളുപ്പിക്കട്ടെ (മതമൈത്രി വളരട്ടെ, പ്രാസം പുലരട്ടെ):
സൂമയ്ക്കു ഹാരം, സുഹറയ്ക്കു പെര്ഫ്യൂം
സൂസിയ്ക്കരഞ്ഞാണമിതൊക്കെവേണം.
ഇവറ്റയെക്കോന്തുമവന്റെ കീശ
വെളുത്തുപോമെന്നിഹ തോന്നിടുന്നു.
എന്‍ ജെ മല്ലു | 13-Oct-06 at 12:34 am | Permalink
(സുമയ്ക്ക്, സൂമയ്ക്കല്ല)
qw_er_ty
Umesh::ഉമേഷ് | 13-Oct-06 at 12:43 am | Permalink
എന്നാല്‍പ്പിന്നെ സുമയ്ക്കു നെക്ക്‍ലേസ് മതി പാപ്പാനേ. ഏതായാലും മറ്റവള്‍ക്കു പെര്ഫ്യൂം ആണല്ലോ 🙂
അപ്പോ ഇതു ശ്രീജിത്തിനെപ്പറ്റിയല്ല, അല്ലേ?
Umesh::ഉമേഷ് | 13-Oct-06 at 12:47 am | Permalink
അല്ലെങ്കില്‍ വേണ്ടാ, സുഹറയ്ക്കു കമ്മലായ്ക്കോട്ടേ. എല്ലാവര്‍ക്കും ആഭരാണം കൊടുത്തേക്കൂ. അതല്ലേ അതിന്റെയൊരു ഇതു്, യേതു്?
ആദിത്യനോടു ചോദിച്ചിട്ടു മതി :))
എന്‍ ജെ മല്ലു | 13-Oct-06 at 12:52 am | Permalink
ഇനിയൊക്കെ ആദീടെ ഇഷ്ടം. കോന്തുന്നതും അവന്‍, കൊടുക്കുന്നതും അവന്‍. ആദീടെ തട്ടാന്‍ പൊന്നുരുക്കണേടത്ത് ദേവരാഗത്തിന്റെ പൂച്ചയ്ക്കെന്തുകാര്യം?
Umesh::ഉമേഷ് | 13-Oct-06 at 1:02 am | Permalink
സന്തോഷേ, നൂറടിക്കാന്‍ പമ്മിയിരിക്കുകയാണോ?
Umesh::ഉമേഷ് | 13-Oct-06 at 1:02 am | Permalink
നൂറായിടും നേരമടിക്കുവാനായ്
ധാരാളമാളുണ്ടു തപസ്സിരുന്നു്;
സമസ്യ വന്നാല്‍ മഷിയിന്നവര്‍ക്കു
വെളുത്തുപോമെന്നിഹ തോന്നിടുന്നു
Adithyan | 13-Oct-06 at 1:22 am | Permalink
ഹ്ഹഹാ
=))
qw_er_ty
എന്‍ ജെ മല്ലു | 13-Oct-06 at 1:41 am | Permalink
പിടിച്ചു ഡെന്റിസ്റ്റു ഗളത്തിലപ്പോള്‍
ത്തുറന്ന വായയ്ക്കകമാകെയായാള്‍
ഉരച്ചിടുന്നേരമിതെന്റെ നാവും
വെളുത്തുപോമെന്നിഹ തോന്നിടുന്നു.
കാളിയമ്പി | 13-Oct-06 at 2:38 am | Permalink
നൂറ്റൊന്നു രൂപായടയ്ക്കയും വച്ചു
റക്കൊഴിച്ചു കാത്തിരുന്നു ഞാനും,
ഒരു മണിക്കൂറു കഴിഞ്ഞുവെന്നാല്‍
വെളുത്തുപോമെന്നിഹ തോന്നിടുന്നു
കാളിയമ്പി | 13-Oct-06 at 2:41 am | Permalink
ഛെ..പോയി…നൂറ്റൊന്നായെന്നു പറഞ്ഞിട്ടതാ…
മല്ലൂനേയും ആദിത്യനേയും ആരെങ്കിലും തള്ളി മാറ്റോ…..
Dr.N.S.Panicker | 13-Oct-06 at 4:28 am | Permalink
മറ്റൊരു രീതിയില്‍ അര്‍ഥമുണ്ടാകാന്‍ ശ്രമിച്ചതാണേ ഉമേഷേ തല്ലല്ലേ
നനച്ച മുണ്ടിണ്റ്റെ അവസ്തയെന്താം
ഗൃഹത്തില്‍ വന്നിട്ട്‌ വിരുന്നുകാരന്‍
കുറച്ചിരുന്നീടുകിലെന്തു തോന്നും
വെളുത്തു, പോമെന്നിഹ തോന്നിടുന്നു
സന്തോഷ് | 13-Oct-06 at 5:00 am | Permalink
ക്രമാലങ്കാരവും, അങ്ങനെ, ശ്രീ. പണിക്കരിലൂടെ ഇവിടെയെത്തിയിരിക്കുന്നു!
ശനിയന്‍ | 13-Oct-06 at 5:09 am | Permalink
ഉമേഷ്ജീയുടെ തിരുത്തോടു കൂടി:
പന്ഥാവിലെന്തെന്തു രവങ്ങള്, രാവില്
മറഞ്ഞു നില്ക്കുന്നൊരു ചന്ദ്ര ബിംബം
പറഞ്ഞു നില്ക്കാതിനിയാത്രയാകാല്
വെളുത്തുപോമെന്നിഹ തോന്നിടുന്നു!
നന്ദി!
Dr.N.S.Panicker | 13-Oct-06 at 5:11 am | Permalink
വൈദ്യനായല്‍ ഒരു വൈദ്യപൂരണവും വേണ്ടേ
നിരീക്ഷണം ചെയ്തുകഴിഞ്ഞുവന്നാ ഭിഷഗ്വരന്നാതുരപുത്രനോടെ
പറഞ്ഞുകണ്ണിണ്റ്റെ കറുത്ത ഭാഗം
വെളുത്തു പോമെന്നിഹ തോന്നിടുന്നു
Dr.N.S.Panicker | 13-Oct-06 at 5:22 am | Permalink
രണ്ടാമത്തേ വരി ഇങ്ങനെ വായിക്കാനപേക്ഷ
“ഭിഷഗ്വരന്നാതുരപുത്രനോടായ്‌”
Sreejith K | 13-Oct-06 at 5:23 am | Permalink
ശീതകാലത്തിന്നാരംഭമായിയീ
ബാംഗ്ലൂര്‍ നഗരം വിറങ്ങലിപ്പൂ,
തൊലിയിളകുന്നു മല്‍‌ദേഹമിനിഞാന്‍
വെളുത്തുപോമെന്നിഹ തോന്നിടുന്നു!
വൃത്തം: പടം‌പൊഴി
വല്യമ്മായി | 13-Oct-06 at 5:28 am | Permalink
111!!
എന്റെ ആശയം പൊളിച്ചെഴുതിയതിന് നന്ദി ഉമേഷ് ചേട്ടാ,പത്താം ക്ലാസ്സില്‍ നിര്‍ത്തി വെച്ച വൃത്തമൊക്കെ ഒന്നു കൂടി പഠിക്കാന്‍ എന്താ വഴി
അര | 13-Oct-06 at 6:56 am | Permalink
ഉമേഷന്‍ മാഷേ…
ഇതാ എന്റെ വക ഒന്നൂടി.
കാശേറെ മുടക്കിവാങ്ങിയെന്‍ കറുത്ത ബെന്‍സ്
ഓപ്പണ്‍ പാര്‍ക്കിങ്ങിലിട്ടു നിത്യം ജോലിചെയ്താല്‍
കാക്കകള്‍ ,പണ്ടാരം, കാഷ്ടിച്ചു കാഷ്ടിച്ചതു
വെളുത്തുപോമിന്നിഹ തോന്നിടുന്നു.
വൃത്തം – കാക്കകാഷ്ഠി.
Mathew | 13-Oct-06 at 7:05 am | Permalink
അടിച്ച കള്ളിന്റെ കെട്ടുവിട്ട
കുടിയന്‍ തോമ തന്‍ കീശ തപ്പി
കാലിയായുള്ളൊരു പേഴ്സുകണ്ടാല്‍
വെളുത്തുപോമിന്നിഹ തോന്നിടുന്നു
kOmaram | 13-Oct-06 at 8:10 am | Permalink
കറുത്ത മേനിയിതൊന്നു വെളുത്തതാക്കാന്‍
കണ്ടു ഞാന് ഡോക്ടറെ, വൈദ്യനെ, സിദ്ധനെ
കറുത്തരാവില്‍ കടവത്തുപോയി കാലുയര്‍ത്തി
തലകുത്തി നിന്നാല്‍ വെളുക്കുമെന്ന് കുറിച്ചു വൈദ്യന്‍
കുറിപ്പുമായ് കടവത്തുപോയി
കഴിഞ്ഞരാത്രിയില്‍ തലകുത്തി നിന്നു
മേനിയൊന്നും വെളുത്തതില്ല,
നേരം വെളുത്തു പോമെന്നിഹ തോന്നിടുന്നു.
Dr.N.S.Panicker | 13-Oct-06 at 9:41 am | Permalink
കളിക്കിടെ ക്യാമറ കയ്യിലാക്കി
ത്തുറന്നു നോക്കുന്ന സുപുത്രനോടായ്‌
നടുക്കമോടച്ഛനുരച്ചഹോ ഫിലിം
വെളുത്തു പോമെന്നിഹ തോന്നിടുന്നു
how many times it should be done?
ശ്രീജിത്ത് കെ | 13-Oct-06 at 9:52 am | Permalink
വിലക്കുറവെന്ന തന്ത്രത്തില്‍ വീണുഞാന്‍
വാങ്ങിക്കൂട്ടി ബഹുവര്‍ണ്ണവസ്ത്രങ്ങളനവധി
അലക്കുവാന്‍ തുടങ്ങുമ്പോളിവ നിറമിളകി
വെളുത്തു പോമെന്നിഹ തോന്നിടുന്നു
വേണു | 13-Oct-06 at 10:26 am | Permalink
കുടിച്ചു പൂസ്സായ ബാച്ചിലറാശാന്‍
അടിച്ചു വീലായി പാതിരായ്ക്കു്
തിരിച്ചു പോകുന്ന രീതി കണ്ടാല്‍(വീട്ടില്‍ എത്താന്‍)
നേരം വെളുത്തു പോമിന്നിഹ തോന്നിടുന്നു.
Dr.N.S.Panicker | 13-Oct-06 at 10:56 am | Permalink
സിഗര്‍ട്ടുധൂമത്തിനടിപ്പെടുന്നോര്‍
ക്കുടന്‍ ലഭിക്കുന്നൊരു സത്യമോതാം
കറുത്തിരുണ്ടുള്ളോരു മീശപോലും
വെളുത്തുപോമെന്നിഹ തോന്നിടുന്നു
(തോന്നലല്ല സത്യം തന്നെയാണേ)
ഇങ്ങനെ എഴുതി എഴുതിയും വെളുത്തുപോവോ– ഉമേഷേ ഇനിയെങ്കിലും ഇതുനിര്‍ത്തിച്ചില്ലെങ്കില്‍ അപകടമാണേ
mullappoo | 13-Oct-06 at 11:12 am | Permalink
സമസ്യാപൂരണം അല്ലേ, അതു എനിക്കു മനസ്സിലാവില്ല എന്നു കരുതി ഈ വഴി വരാതിരുന്നതാ. പക്ഷേ ഇതു സൂപ്പര്‍.
ഉമേഷെട്ടാ, ഇങ്ങനെ ഒരു സംരംഭം എത്ര പേരെയാ കവികള്‍ (?) ആക്കിയതു !
Dr.N.S.Panicker | 13-Oct-06 at 11:30 am | Permalink
കുടിച്ചു കുടിച്ചു കുടിച്ചിരുന്നാല്‍
കറുത്തു കറുത്തു കറുത്ത മീശേം
വെളുത്തു വെളുത്തു വെളുത്തു
പിന്നേം
വെളുത്തു പോമെന്നിഹ തോന്നിടുന്നു
ശ്രീജിത്ത് കെ | 13-Oct-06 at 12:09 pm | Permalink
എന്തെടോ, ഇത്രയും അഴുക്കിതിലെന്ന
പരിഹാസം കേട്ട് തുടയ്ക്കുവാന്‍ തുടങ്ങീ
ഐഡന്റിറ്റികാര്‍ഡില്‍വിളങ്ങുമെന്‍‌ചിത്രം
വെളുത്തു പോമെന്നിഹ തോന്നിടുന്നു
benyamin | 13-Oct-06 at 12:42 pm | Permalink
പകലന്തിയോളം ശ്രമിച്ചുനോക്കി
വരുന്നില്ലൊരു വരിപോലും സമസ്യയായി
ഇരുപ്പു ഞാനിങ്ങനെ തുടര്‍ന്നുപോയാല്‍, നേരം
വെളുത്തുപോമെന്നിഹ തോന്നിടുന്നു
Rajesh R Varma | 13-Oct-06 at 1:08 pm | Permalink
ഉമേഷും പാപ്പാനും സന്തോഷും ഇഞ്ചിയും കൂടി എന്തായാലും എന്നെ തല്ലും. എന്നാല്‍പിന്നെ സത്യം പറഞ്ഞിട്ടു തല്ലുകൊണ്ടേക്കാം: ഇപ്പം മനസ്സിലായില്ലേ ഭാഷാപോഷിണിക്കാര്‌ സമസ്യാപൂരണം നിറുത്താനുള്ള കാരണം? (ഇന്നസെന്റ്‌ സ്റ്റൈലില്‍) അയ്യേയ്യേയ്യേയ്യേ.
അര | 13-Oct-06 at 1:14 pm | Permalink
ഉമേഷ്ജീ രണ്ടെണ്ണം കൂടി. പിടിച്ചിട്ടു കിട്ടുന്നില്ല. അനര്‍ഗ്ഗനിര്‍ഗ്ഗളപ്രവാഹം!
ഒന്ന് :
നോക്കിനില്‍ക്കാതെ ചേര്‍ക്കെടോ ശര്‍ക്കര
കാത്തുനില്‍ക്കാതെയിളക്കു വേഗം
ഇല്ലെങ്കിലിന്നു വിളമ്പുന്ന പായസം
വെളുത്തുപോമെന്നിഹ തോന്നിടുന്നു.
വൃത്തം : സദ്യാപോഷിണി
രണ്ട്:
ചായപ്പൊടി ടിന്നു കാലിയായിന്നിനി
ചായ ഞാനെങ്ങനെ കടുപ്പമാക്കും
ചേട്ടന്നു പഥ്യമാം സ്ട്രോംഗ് ചായയിന്നിനി
വെളുത്തുപോമെന്നിഹ തോന്നിടുന്നു.
വൃത്തം : കുടുംബംകലഹി
Umesh::ഉമേഷ് | 13-Oct-06 at 1:33 pm | Permalink
മിനിക്കഥ ചോദിച്ചാല്‍ നീണ്ടകഥയാണോ തരുന്നതു കോമരമേ?
കോമരത്തിനും വേണുവിനും വേണ്ടി അടുത്ത സമസ്യ ശാര്‍ദ്ദൂലവിക്രീഡിതത്തിലായിരിക്കും. പറയാനുള്ളതു മുഴുവന് പറയാമല്ല്ലോ!
പണിക്കര്‍ മാഷേ, കലക്കന്‍ പൂരണങ്ങള്‍! പക്ഷേ, 120-)ം കമന്റിലെ “കറുത്തു കറത്തു….” എന്ന ശ്ലോകത്തില്‍ വൃത്തഭംഗമുണ്ടല്ലോ. കറുത്തു കാറത്തു, വെളുത്തു വേളത്തു എന്നൊക്കെ പറയണമല്ലോ വൃത്തം ശരിയാവാന്‍?
ശ്രീജിത്തേ, വീണ്ടുമെത്തി അല്ലേ? ശ്രീജിത്ത് ഐശ്വര്യമായി തുടങ്ങിയതു കൊണ്ടാണു് ഇതു നന്നായതു്. ഇന്നി എല്ലാ സമസ്യകളുടെയും കൈനീട്ടപൂരണം ശ്രീജിത്ത് തന്നെ മതി. ജ്ജ് ഒരു ജീനിയസ് തന്നെ മ്വാനേ!
Shiju Alex | 13-Oct-06 at 1:36 pm | Permalink
ഉമേഷ്ജി സമസ്യാ പൂരണം ഈ പോസ്റ്റോടുകൂടി നിര്‍ത്തുമെന്ന് ഉറപ്പായി. ബൂലോഗത്ത് സമസ്യാപൂരണക്കാരേ ഉള്ളോ എന്നൊരു സംശയം. വെറുതെയല്ല ഭാഷാപോഷിണീ ഈ പരിപാടി നിര്‍ത്തിയത്.
ശ്രീജിത്ത് കെ | 13-Oct-06 at 1:45 pm | Permalink
പ്രശംസ എത്ര ചൊരിഞ്ഞാലും ഞാന് മിണ്ടാതെ നിന്നു കേള്‍ക്കും. അതാ ശീലം. ഉമേഷേട്ടന് എന്നെ എത്ര വേണമെങ്കിലും പൊക്കിപ്പറഞ്ഞോളൂ. എനിക്കൊരു വിഷമവുമില്ല. ഇനിയും ഇങ്ങനെയുള്ള രസകരങ്ങളായ സമസ്യകള്‍ ഞങ്ങള്‍ക്ക് കളിക്കാന്‍ ഇട്ടു തരണം കേട്ടോ. ഉമേഷേട്ടന് നല്ലതേ വരൂ.
***
ഐശ്വര്യമായൊര്‍ന്നൊരെന്നഭിപ്രായം-
ആദ്യം‌ലഭിച്ചിടമൊന്നും ശോഭിച്ചതില്ല
ആദ്യാനുഭവത്തില്‍ പ്രശംസയാലെന്മുഖം
വെളുത്തുപോമെന്നിഹ തോന്നിടുന്നു.
കരീം മാഷ് | 13-Oct-06 at 1:52 pm | Permalink
ശ്രീജിത്തിനിന്നു സമസ്യാലഹരികേറിയിരിക്കയാണല്ലോ?
പിടിച്ചിട്ടു കിട്ടുന്നില്ല.
കൂമന്‍ | 13-Oct-06 at 2:05 pm | Permalink
വൃത്തം ശരിയാണെന്നു തോന്നുന്നില്ല. ഗുരുകുലമല്ലേ, തെറ്റൊക്കെ മാഷു തിരുത്തട്ടെ.
വെളുത്ത സുന്ദരി മദാമ്മയെന്നോ-
ടടുത്തിരുന്നൊന്നു ചിരിയ്ക്കയാലീ-
കറുത്തു കുള്ളനായി ജനിച്ച ഞാനും
വെളുത്തു പോമെന്നിഹ തോന്നിടുന്നു.
പുളിച്ച മോരാലളിച്ചു ചോറീ
വടിച്ചു നക്കുന്ന നക്കു കണ്ടാല്‍
അഴുക്കടിഞ്ഞൊരു പാത്രമൊക്കെ
വെളുത്തു പോമെന്നിഹ തോന്നിടുന്നൂ
Umesh::ഉമേഷ് | 13-Oct-06 at 2:20 pm | Permalink
കൂമന്‍സേ,
ആദ്യത്തേതിഷ്ടപ്പെട്ടില്ല. രണ്ടാമത്തേതു സൂപ്പര്‍!
വൃത്തം നേരെയാക്കിയതു്. മതിയോ എന്നു നോക്കുക.
വെളുത്ത മുഗ്ദ്ധാംഗി മദാമ്മയെന്നോ-
ടടുത്തിരുന്നൊന്നു ചിരിക്കയാലീ
കറുത്ത മെയ്യോടെ ജനിച്ച ഞാനും
വെളുത്തു പോമെന്നിഹ തോന്നിടുന്നു
പുളിച്ച മോരിങ്കലളിച്ച ചോറു്
വടിച്ചു നക്കുന്നൊരു നക്കു കണ്ടാല്‍
അഴുക്കടിഞ്ഞുള്ളൊരു പാത്രമൊക്കെ
വെളുത്തു പോമെന്നിഹ തോന്നിടുന്നു
കൂമന്‍ | 13-Oct-06 at 2:31 pm | Permalink
വൃത്തം മാറ്റിയതു മതിയോ എന്നോ? ഛന്ദ്ശാസ്ത്രത്തില്‍ ഉമേഷ് ഗുരുക്കളോട് അഭിപ്രായം പറയാന്‍ ഞാനാര്?
ദാ രാവിലത്തെ എന്റെ സിറ്റുവേഷന്‍ തന്നെ മറ്റൊരു ശ്ലോകമായി. ഇതും തിരുത്തിത്തരണം
തരുന്ന കാശിനു പണി നടത്താന്‍
മുരത്ത മൂരാച്ചി ബോസു തന്റെ
വരട്ടു വാദങ്ങള്‍ കേട്ടെന്‍ കഴല്‍
വെളുത്തു പോമെന്നിഹ തോന്നിടുന്നു.
Umesh::ഉമേഷ് | 13-Oct-06 at 2:39 pm | Permalink
ഇനി മുതല്‍ വൃത്തം ശരിയാക്കാന്‍ ശ്ലോകമൊന്നിനു് അര ഡോളര്‍ വെച്ചു ചാര്‍ജ് ചെയ്യുന്നതായിരിക്കും.
അതു മാറ്റുന്നില്ല. വേറൊരെണ്ണം എഴുതട്ടേ:
തരുന്ന കാശിന്‍ പണി ചെയ്തിടാതെ
കൂമന്‍സു ബ്ലോഗില്‍ കയറുന്ന കണ്ട
ബോസിന്റെ കാല്‍കള്‍ കഴുകിത്തുടച്ചു
വെളുത്തു പോമെന്നിഹ തോന്നിടുന്നു.
🙂
Dr.N.S.Panicker | 13-Oct-06 at 3:02 pm | Permalink
ആദ്യത്തേ മൂന്നു വരികളും തിരുത്തുന്നതിനുപകരം ആ സമസ്യയായ നാലാം വരിയിലെ ഗുരുവിനെ ഒന്നങ്ങു ലഘുവാക്കിയാല്‍ (-അല്ല ഒരഡ്ജസ്റ്റ്‌മന്റ്‌)
വേണ്ട പറ്റില്ലെങ്കില്‍ വേണ്ട, നമുക്കു ശ്ലോകം ഇങ്ങനെയാക്കാം
കുടിച്ചു കൂട്ടായി മദിച്ചിരുന്നാല്‍
കറുത്തു കാണുന്നൊരു മീശപോലും
വെളുത്തു വേണ്ടാത്തൊരു പഞ്ഞിപോലെ
വെളുത്തുപോമെന്നിഹ തോന്നിടുന്നു
പക്ഷെ ശ്ലോകത്തിന്റെ ആ സുഖമങ്ങു പോയി, സാരമില്ല പോട്ടെ
ഇഞ്ചിപ്പെണ്ണ് | 13-Oct-06 at 3:08 pm | Permalink
ഹൊ! മനുഷ്യന് പ്രാന്ത് പിടിച്ചാല്‍ സമസ്യ എഴുതാം..സമസ്യക്ക് പ്രാന്ത് പിടിച്ചലൊ?
കൂമന്‍ | 13-Oct-06 at 3:12 pm | Permalink
അയ്യോ സോറി, മറ്റേ ശ്ലോകത്തില്‍ കഴല്‍ എന്നല്ല കുഴല്‍ എന്നാ ഉദ്ദേശിച്ചത് (കുഴല്‍ എന്നാല്‍ മുടി എന്നു തന്നെയല്ലേ, ഇനി അല്ല എന്നുണ്ടെങ്കില്‍ എല്ലാരും കൂടിയെന്നെയങ്ങ് കൊന്നേക്ക്)
ഒന്നു തിരുത്തിയേക്കു മാഷേ. അതിനുള്ള ചാര്‍ജ് എന്റെ അടുത്ത പുസ്തകത്തിന്റെ വിറ്റുവരവില്‍ നിന്നു തന്നേക്കാം.
അല്‍പ്പം തിരുത്തോടെ:
തരുന്ന കാശിനു പണി നടത്താനായ്
മുരത്ത മൂരാച്ചി ബോസിന്റെയോരോ
വരട്ടു വാദങ്ങള്‍ കേട്ടു കരിങ്കുഴല്‍
വെളുത്തു പോമെന്നിഹ തോന്നിടുന്നു.
ശനിയന്‍ | 13-Oct-06 at 3:12 pm | Permalink
ഇഞ്ചിയിട്ട് കറിവെക്കാം…
😉
എന്‍ ജെ മല്ലു | 13-Oct-06 at 4:18 pm | Permalink
ഈ നൂറ്റാണ്ടില്‍ എനിക്കേറ്റവും ഇഷ്ടപ്പെട്ട പദ്യ്ങ്ങളിലൊന്ന് പാച്ചാളത്തിന്റെ ഒന്നാമത്തെ പൂരണമായിരുന്നു 🙂 അതുവായിച്ച് വീണ്ടും വീണ്ടും ചിരിക്കുന്നതിനിടയില്‍ പാച്ചാളത്തിന് ഇതാ ഒരു ഹൈകു:
അഗ്നിരേതസ്സായ പാച്ചാളം
കല്യാണം കഴിച്ചിട്ടുപോലുമില്ല
ഇവന്‍ വീടുകത്തിയ്ക്കും തീര്‍ച്ച
ഇഞ്ചിപ്പെണ്ണ് | 13-Oct-06 at 4:24 pm | Permalink
പാപ്പേട്ടന് അത്രക്കും ഇഷ്ടായെങ്കി പച്ചാളാത്തിന്റെ ശ്ലോകത്തിന്റെ അര്‍ത്ഥം ഒന്ന് പറഞ്ഞേ? ങ്ങാഹാ..
എനിക്കെല്ലാം മനസ്സിലായതുകൊണ്ടാ.
ഉമേഷ്::Umesh | 13-Oct-06 at 4:25 pm | Permalink
എനിക്കു കൂടുതലിഷ്ടപ്പെട്ടതു പാച്ചാളത്തിന്റെ രണ്ടാമത്തെ പൂരണമാണു്:
ദ്വൈരഥരാരെല്ലാ മെന്നുകണ്ടര്‍ജ്ജുനന്‍-
തന്നുടെ ദ്വിവിധ കാണ്‍കെയാല്‍ സാരഥി
ചൊല്ലിയ ഗീതതന്‍ ശോഭയാല്‍ എന്നിഹം
വെളുത്തുപോമെന്നിഹ തോന്നിടുന്നു
(എന്തോ ഒരു പ്രശ്നം പോലെ, തിരുത്തി തരുമോ ഉമേഷ്ജീ)
ഇപ്പോഴും ഇതെന്നെ പൊട്ടിച്ചിരിപ്പിക്കുന്നു. പ്രത്യേകിച്ചു് അവസാനത്തെ ചോദ്യം (എന്തോ ഒരു പ്രശ്നം പോലെ…)
നഞ്ഞെന്തിനാ നാനാഴി? എവനെപ്പോലുള്ളവന്‍ എന്തിനാ അധികമെഴുതുന്നതു്?
പച്ചാളം | 13-Oct-06 at 4:32 pm | Permalink
ഞാനിവിടുണ്ട്!
അര്‍ഥം പറഞ്ഞുകൊടുക്കൂ..ആരെങ്കിലും, ഒന്നാമത്തേതിന്‍റെ!
രണ്ടാമത്തേത് വായിച്ച് ഉമേഷ്ജി ചിരിച്ചു കൊണ്ടേയിരിക്കുന്നു.. ഈശ്വരാ എന്തിനായിരിക്കും??
ഉമേഷ്::Umesh | 13-Oct-06 at 4:33 pm | Permalink
പണിക്കര്‍ മാഷേ, പതുക്കെപ്പറയൂ. ആളുകള്‍ എഴുതിയ വൃത്തത്തിനനുസരിച്ചു സമസ്യ മാറ്റണമെന്നു പറഞ്ഞാല്‍ ആദി മുതല്‍ കോമരം വരെ ഒരു പടയുണ്ടാവും തിക്കിത്തിരക്കി… 🙂
പുതിയ പൂരണവും മോശമില്ല, മാഷേ.
ഉമേഷ്::Umesh | 13-Oct-06 at 4:40 pm | Permalink
എന്നാലും സ്വന്തം തലമുടിയെ “കുഴല്‍” എന്നു് ആലങ്കാരികമായി വിളിച്ചു കളഞ്ഞല്ലോ കൂമന്‍സേ. ഒരു സുഹൃത്തിന്റെ തലമുടിയെ ഞാന് “കുന്തളം” എന്നൊരിക്കല്‍ പറഞ്ഞതു് ഓര്‍മ്മ വരുന്നു. ഇതാണു് ആ ശ്ലോകം:
കണ്ടാല്‍ പെന്‍‌സിലു പോലെയാണു, മുഖമോ നത്തിന്നു തുല്യം, ചിരി-
ച്ചെന്നാലാളുകളോടി ദൂരെ മറയും, കണ്ടാല്‍ കുളിച്ചീടണം,
പന്നിക്കൊത്തൊരു കുന്തളം, തവള തോറ്റീടുന്ന ശബ്ദം, ശരി-
ക്കിന്നീ ലക്ഷണമൊക്കെയൊത്തൊരു മഹാനാം സുന്ദരാ! കൈതൊഴാം!
യതിഭംഗമുണ്ടെങ്കിലും ശാര്‍ദ്ദൂലവിക്രീഡിതമാണു സംഗതി. ഇപ്പോഴിതു പാച്ചാളത്തിനു യോജിക്കും.
ആര്‍. ഇ. സി. വിദ്യാര്‍ത്ഥിയായിരുന്ന സ്മര്യപുരുഷന്‍ സുന്ദരേശ്വരന്‍ വികടകവികള്‍ക്കെല്ലാം പ്രചോദനമായിരുന്നു. ഒരിക്കല്‍ അമ്പലത്തില്‍ പോകുമ്പോള്‍ എതിരെ വന്ന സുന്ദരേശ്വരനെ കണ്ടു് ഞാന് കേകയില്‍ ഉണ്ടാക്കിയ നിമിഷകവിത:
വന്ദനം സഹോദരാ, സുന്ദരേശ്വരാ, താങ്കള്‍
മന്ദിരം ഗമിച്ചെന്നോ, ചന്ദനം കാണുന്നല്ലോ…
മന്ദമാരുതസമാ, കന്ദര്‍പ്പസമാകാരാ,
മന്ദാ, മാരുതിസമാ, …
പച്ചാളം | 13-Oct-06 at 5:13 pm | Permalink
ക്ലാന്തമായ മേനിയാല്‍
ക്ലിഷ്ടമായിരുന്നു ഞാന്
ക്ലേശമായ വാക്കിനാല്‍
ക്ലിന്നമായെന്നക്ഷികള്‍…
ഉമേഷ്ജി 🙂
സന്തോഷ് | 13-Oct-06 at 5:14 pm | Permalink
എനിക്ക് മനസ്സിലാകാത്തത്, പാപ്പാനും ഉമേഷും കൂടി പാവം പച്ചാളത്തിനെ എന്തിനാണ് പാച്ചാളമാക്കുന്നതെന്നാണ്. അത് കേട്ട് മിണ്ടാതിരിക്കാന്‍ ഒരു പച്ചാളവും. ബൂലോഗം എങ്ങോട്ട്?
സന്തോഷ് | 13-Oct-06 at 5:18 pm | Permalink
ക്ലിഷ്ടനായെ ദുഷ്ടന്
ക്ലിക്കതൊന്നു നല്‍കുവാന്‍
ക്ലബ്ബിലാരുമില്ലയോ
ക്ലബ്യമായെന്നുള്ളവും.
jyothirmayi | 13-Oct-06 at 5:24 pm | Permalink
വിഷമായാലും അധികം ആവരുതല്ലോ? അതെ, നഞ്ഞെന്തിനാ നാനാഴി? നിറുത്തി, സമസ്യ ഞാന് നിറുനിറുത്തി.
സന്തോഷുണ്ടേ, പുത്തന്‍ പ്രതിഭകളെ കാണാന്‍ കഴിഞ്ഞതില്‍. ഗുരുവിന്‌ അഭിമാനിയ്ക്കാം.
ഇവിടെ പുതിയകവിയുടെ പുത്തന്‍സംരംഭത്തിന്‌ (ഉമേഷ്ജി തെരെഞ്ഞെടുക്കുന്നുവെങ്കില്‍) എന്റെ വക സമ്മാനമുണ്ടായിരിയ്ക്കും. (സസ്പെന്‍സ്‌)
ഇതുവരെയുള്ള കമന്റുകളില്‍ ദിവാസ്വപ്നത്തിന്റെ “വെളുത്തകേശം…” എന്നു ഉമേഷ് മിനുക്കിയ പൂരണമാണ്‌ എനിയ്ക്കേറ്റവും ഇഷ്ടമായത്‌.
ഇഞ്ചിയേ, പാച്ചാളത്തിന് എന്തും പറയാന്‍ സ്വാതന്ത്ര്യമുണ്ടെന്നാ തോന്ന്ണത്‌. അര്‍ഥം ചോദിച്ച്‌ വടിയാവണ്ട എന്നേ എനിയ്ക്കുപറയാനുള്ളൂ.:-)
കുട്ടിപ്പാച്ചാളമേ, എവിടുന്നാ താങ്കള്‍ക്കു റേഷനരി? ആ ചുറ്റുവട്ടത്തെങ്ങാന്‍…:-))
കൂമന്‍ | 13-Oct-06 at 6:04 pm | Permalink
ഗോള്‍പോസ്റ്റ് അല്പം ഒഴിഞ്ഞ സ്ഥിതിയ്ക്ക് ഞാനിനി ഗോളടിച്ചു പ്രാക്ടീസ് ചെയ്യാം. 🙂
കടുത്ത വേനലിന്‍ ചുടുവെയില്‍ തട്ടി
ക്കറുത്തു പോയെന്‍ വദനാംബുജം; ഈ
കറുത്ത കാലന്‍ കുടപോലുമിന്നിതാ
വെളുത്തു പോമെന്നിഹ തോന്നിടുന്നു.
എന്‍ ജെ മല്ലു | 13-Oct-06 at 6:07 pm | Permalink
ഇഞ്ചീ, ഒരു കവിത കേള്‍ക്കുന്ന മാത്രയില്‍ത്തന്നെ എല്ലം മനസ്സിലായാല്‍ അതൊരു പ്രസ്താവന മാത്രമായില്ലേ? കുറച്ചൊക്കെ നിഗൂഢത വേണ്ടേ. പച്ചാളം/പാച്ചാളം പോലുള്ള ഒരു മഹാന്‍ പറയുന്നതെല്ലാം നമുക്കു മനസ്സിലാവണമെന്നില്ല. വാല്‍മീകി “മാ നിഷാദ” ചൊല്ലിയപ്പോള്‍ കാട്ടാളനെത്ര മനസ്സിലായിക്കാണും? 🙂
സന്തോഷേ, പാച്ചാളം എന്നാല്‍ ഒരൊന്നന്നര പച്ചാളം. 🙂
വേണു | 13-Oct-06 at 6:37 pm | Permalink
കോമരത്തിനും വേണുവിനും വേണ്ടി അടുത്ത സമസ്യ ശാര്‍ദ്ദൂലവിക്രീഡിതത്തിലായിരിക്കും.
ഉമെഷ്ജി,
ശാര്‍ദ്ദൂലവിക്രീഡിതപേരു നല്‍കി
ഞാന്‍കോമരം സമസ്യ ആയി
സമസ്യ തീര്‍ക്കാന്‍ പണിപ്പെട്ടഞങ്ങള്‍
വെളുത്തു പോയെന്നിഹ തോന്നിടുന്നു.
(വെളുത്തു= ചമ്മി പോയി)
ബിന്ദു | 13-Oct-06 at 6:44 pm | Permalink
ശനിയാ, രണ്ടാമത്തെ വരിയില്‍ വൃത്തം തെറ്റിയെന്നു തോന്നുന്നു.;) 150
ഉമേഷ്::Umesh | 13-Oct-06 at 6:47 pm | Permalink
നൂറ്റമ്പതടിക്കണമെങ്കില്‍ വന്നു് അടിച്ചിട്ടു പോയാല്‍ പോരേ, അതിനു ശനിയനെ കുറ്റം പരയുന്നതെന്തിനാ? 🙂
ശനിയന്റെ ഏതു ശ്ലോകത്തിലാ വൃത്തഭംഗം?
Adithyan | 13-Oct-06 at 6:52 pm | Permalink
കാട്ടാളന്റെ പേര് മനീഷ് എന്നാരുന്നെങ്കില്‍ അങ്ങേര്‍ക്ക് ചിലപ്പോ എല്ലാം മനസിലായേനേ… “മനീഷേ ദാ” എന്നും പറഞ്ഞ് മുനി കമണ്ടലു ചൂണ്ടിയ വശത്തേക്ക് മനീഷ് കാട്ടാളന്‍ മിക്കവാറും രണ്ടാമത്തെ കിളിയെ വെടിവെക്കാന്‍ വേണ്ടി നോക്കാന്‍ ചാന്‍സ് ഉണ്ട്.
(ഒരു പാട് ചളമായി അല്ലെ? പബ്ലിഷ് ചെയ്യണ്ട എന്നു വിചാരിച്ചതാ, പറ്റുന്നില്ല )
ഉമേഷ്::Umesh | 13-Oct-06 at 6:56 pm | Permalink
ഇനി രക്ഷയില്ല. ഓഫ്‌ടോപ്പിക് ഇല്ലാതെ നൂറ്റമ്പതു കമന്റായതാ. ബിന്ദു വന്നതോടെ ഓഫ്‌ടോപ്പിക്കും തുടങ്ങി. ബിന്ദു എന്താ ഓഫ്‌ടോപ്പിക് ഉല്പ്രേരകമോ? ആദിയേ…
ബിന്ദു | 13-Oct-06 at 7:02 pm | Permalink
ഇല്ലെ ഉമേഷ്ജീ? എന്നാല്‍ വേണ്ട. ഉമേഷ്ജി അവിടെ 150 അടിക്കാന്‍ പതുങ്ങി ഇരിക്കുകയാണെന്നു വിചാരിച്ചു. എന്നാല്‍ പിന്നെ അതു ഞാന് തന്നെ പറഞ്ഞേക്കാം എന്നു കരുതി. പോയാല്‍ ഒരു വാക്ക്, കിട്ടിയാല്‍…;)(ഇന്നലെ ആരും കാണാതെ 100 അടിച്ചില്ലെ, ഞാന് കണ്ടായിരുന്നു.:) )
GajaGaamini | 13-Oct-06 at 7:04 pm | Permalink
ഒരു ഓടോ ഞാനും.
എന്തസ്യ?
സമസ്യ
എന്‍ ജെ മല്ലു | 13-Oct-06 at 7:10 pm | Permalink
(മിക്കവാറും അടുത്ത ആദിക്കഥ “മനീഷ് എന്ന കാട്ടാളന്‍” എന്നോ മറ്റോ ആയിരിക്കും)
qw_er_ty
ഇഞ്ചിപ്പെണ്ണ് | 13-Oct-06 at 7:51 pm | Permalink
ആദി എന്നെയാണൊ അങ്ങെര്‍ എന്നു വിളിച്ചേ?
എന്തായലും നിങ്ങള്‍ക്കൊക്കെ സന്തോഷിക്കാന്‍ ഒരു നല്ല വാര്‍ത്തയുണ്ട്. എന്റെ ബ്ലോഗ് മൊത്തം പോയിക്കിട്ടി 🙂 ചവറൊന്നും വേണ്ടാന്ന് ഗൂഗിള്‍ തീരുമാനിച്ച് കാണും . 🙂
പിന്നെ സ്വന്തം ബ്ലോഗ്ഗില്‍ നൂറ് അടിക്കുന്നത് അസാധുവാണ് ഉമേഷേട്ടാ
ഉമേഷ്::Umesh | 13-Oct-06 at 8:12 pm | Permalink
നൂറടിക്കുന്ന ശ്ലോകവും എഴുതിവെച്ചുകൊണ്ടു് ഞാന് എണ്‍‌പത്തഞ്ചു മുതല്‍ നോക്കിയിരിക്കുകയായിരുന്നു. തൊണ്ണൂറ്റെട്ടില്‍ പാപ്പാന് പറഞ്ഞതു കഴിഞ്ഞു് ഒരു ശ്മശാനമൂകത. ആരെങ്കിലും 99 അടിച്ചാല്‍ എനിക്കു 100 അടിക്കാം എന്നു വിചാരിച്ചിരുന്നിട്ടു് ആരും അടിക്കുന്നില്ല. സഹികെട്ടു് ഞാന് തന്നെ രണ്ടും അടിച്ചു 🙂
100 അടിക്കാന്‍ കൊതിയായിട്ടല്ല, നൂറടിക്കുന്നതിനെപ്പറ്റിയുള്ള ശ്ലോകം അടിക്കാനാണു് ഇതൊക്കെ ചെയ്തതു്.
ഇഞ്ചിയുടെ ബ്ലോഗിനെന്തു പറ്റി? ബ്ലോഗ് അഡ്മിന്‍ ആയിരുന്ന ഇ-മെയില്‍ ഐഡി ക്യാന്‍സല്‍ ചെയ്യുകയോ വല്ലതും ചെയ്തോ?
ബിന്ദു | 13-Oct-06 at 8:22 pm | Permalink
അയ്യോ.. ശരിയാണല്ലൊ ഇഞ്ചീ, എന്താ ചെയ്തത്? 🙁
കാളിയമ്പി | 13-Oct-06 at 8:23 pm | Permalink
ഇഞ്ഞി പൊന്നപ്പനെയ്ഷ്ടപ്പെട്ടു എന്നു പറഞ്ഞതും ഡൂമ്മ്..ഠും..
സ്വന്തം ബ്ലോഗെല്ലാം പൊട്ടി…
ബ്ലോഗുമുത്തപ്പനു പോലും ഇഷ്ടപ്പെട്ടില്ല
ശനിയന്‍ | 13-Oct-06 at 8:24 pm | Permalink
എന്നാല്‍ എന്റെ വക ഒന്നും കൂടി :-
ശസ്ത്രാഭിഷേകമതു ചെയ്ത ശേഷം
വരത്തിനായിട്ടിഹ കേണിടാമോ?
ശപിച്ചുവെങ്കില് തവ ഖ്യാതിപോലും
വെളുത്തുപോമെന്നിഹ തോന്നിടുന്നു!
ആരും തെറ്റിദ്ധരിക്കരുത്, ഞാന് പച്ചാളത്തിനു പഠിക്കുകയല്ല.:-) അല്ലാന്ന്‌!
ദാ വിശദീകരണം:
വിഷയം: മാനേജര്മാരുടെ പൊതു സ്വഭാവം (വായിക്കുന്ന മാനേജരേമാന്മാര്‍ ക്ഷമിക്കുക 🙂 ).. തോന്നിയവാസം മുഴുവന് കാണിക്കും, നമ്മളെ തെറി വിളിക്കും, എന്തെങ്കിലും പ്രശ്നമായാല് കാപ്പാത്തുങ്കോ എന്നു പറയും..
ശസ്ത്രാഭിഷേകമതു ചെയ്ത ശേഷം —– > അമ്പു കൊണ്ട് (എന്നെ) കുളിപ്പിച്ചിട്ട്
വരത്തിനായിട്ടിഹ കേണിടാമോ? —–> വരം തരണേ എന്ന് കരഞ്ഞു വിളിക്കാമോ?
ശപിച്ചുവെങ്കില് തവ ഖ്യാതിപോലും —–> ശപിച്ചൂന്ന് (തെറി വിളിച്ചൂന്ന്) വെച്ചാല് നിന്റെ നല്ല പേരു പോലും
വെളുത്തുപോമെന്നിഹ തോന്നിടുന്നു! ——> വെളുത്തു ഇല്ലാതാവും …………………
തിരുത്തിയത്:
ശസ്ത്രാഭിഷേകത്തിനു ശേഷമിന്നു
വരത്തിനായിട്ടിഹ കേണിടാമോ?
ശപിച്ചുവെങ്കില് തവ കീര്ത്തി പോലും
വെളുത്തു പോമെന്നിഹ തോന്നിടുന്നു
ഉമേഷ്ജിക്കു നന്ദി!
ശനിയന്‍ | 13-Oct-06 at 8:26 pm | Permalink
വെളുത്തുപോകും = ഇല്ലാതാവും എന്നു വായിക്കുക..
നന്ദി!
qw_er_ty
കാളിയമ്പി | 13-Oct-06 at 8:27 pm | Permalink
അല്ലാ സത്യായിട്ടും പോയോ…
ഉമേഷ്::Umesh | 13-Oct-06 at 9:07 pm | Permalink
ഇഞ്ചിയേ,
എന്റെ പസ്സില്‍ ബ്ലോഗ് പൂട്ടിക്കുമെന്നു് ഇന്നലെ പറഞ്ഞില്ലേ? അതിനു ബ്ലോഗനാര്‍കാവിലമ്മ തന്ന ശിക്ഷയാ…
പ്രായശ്ചിത്തം ചെയ്താല്‍ രണ്ടു ദിവസത്തിനുള്ളില്‍ തിരികെ വരും 🙂
സിദ്ധാർത്ഥന്‍ | 13-Oct-06 at 9:10 pm | Permalink
വിശാലന്റെ ജിമെയിലേ! ഞാനിതു കാണാന്‍ വൈകി
എന്തുമാത്രം ശ്ലോകികള്‍! എന്തുമാത്രം ശ്ലോകങ്ങള്‍!
ഇപ്പരിപാടി നേരത്തേ തുടങ്ങേണ്ടതായിരുന്നു മാഷേ
ഇടിച്ചു നില്‍ക്കണമെങ്കില്‍ പൂരണമൊന്നു പോര. അതിനാല്‍ മൂന്നെണ്ണം എഴുതുന്നു.
ഇതു ഗര്‍ഭിണിയായ ഭാര്യയെ ദേഷ്യം പിടിപ്പിക്കാനെഴുതിയതു്.
ദിനേന ടെസ്റ്റിംഗ്‌ ഗുളികാസവങ്ങള്‍
മുറേന സ്കാനിംഗ്‌ ചെലവി,ക്കുടുംബം
അടുത്തയംഗം അണയുമ്പൊഴേക്കും
വെളുത്തുപോമെന്നിഹ തോന്നിടുന്നു
ഇതവളെ സമാധാനിപ്പിക്കാന്‍.
തണുത്തൊരീരാത്രി പുതച്ചുറങ്ങും
പ്രിയംവദേ നിന്‍ മുഖകാന്തിയേറ്റീ
കറുത്തമേലാടയി രാവുപോലും
വെളുത്തു പോമെന്നിഹ തോന്നിടുന്നു
(പ്രിയംവദ ആരുടെയെങ്കിലും പേരായി തോന്നുന്നവർക്കു് പ്രിയങ്കരി എന്നാക്കാം)
ഇതു സമസ്യാപൂരണത്തിനു
ഉമേഷുതന്‍ബ്ലോഗിനകത്തു വച്ച
സ്സമസ്യപൂരിപ്പതിന്‍ മുമ്പുതന്നേ
വെളുത്തിരുന്നോരു ദിനം ഇരുണ്ടു
വെളുത്തുപോമെന്നിഹ തോന്നിടുന്നു
ഇതിലെ ശ്ലോകങ്ങൾ തിരുത്തിത്തന്നെ ഉമേഷും വെളുത്തുപോമെന്നിഹ…..
Adithyan | 13-Oct-06 at 9:42 pm | Permalink
ബുഹഹഹഹഹ്ഹഹ
പല ബ്ലോഗും പൂട്ടിക്കാന്‍ നടന്ന ഇഞ്ചിയേച്ചീടെ ബ്ലോഗ് പടക്കം പോലെ പൊട്ടി അല്ലെ? ഈ സന്ദര്‍ഭത്തില്‍, ഈ ശുഭ വേളയില്‍ എന്റെ ഇപ്പൊഴത്തെ ആ ഒരു അവസ്ഥ കാണിക്കാന്‍ ഞാന് ഈ ആനിമേഷന്‍ ഉപയോഗിക്കുകയാണ് – http://www.zube.com/uploaded_images/hobbes_dancing-768783.gif എന്റെ പ്രതികരണവും അതു തന്നെ 😉
കൂമന്‍ | 13-Oct-06 at 9:47 pm | Permalink
ആദീ: ഉമേഷു ചിരിക്കണ കണ്ടിട്ട് നമ്മള്‍ ചിരിക്കണ്ട. 🙂 മൂപ്പര്‍ സ്വന്തം സര്‍വറിലാണേ ബ്ലോഗു നടത്തുന്നത്. ഗൂഗിള്‍ നമ്മളെയൊക്കെ ബ്ലോഗര്‍ – 3 ലേയ്ക്ക് പടി കടത്തുമ്പോള്‍ കൂമനും കുതിരയുമൊക്കെ ഇഞ്ചി കടിച്ച അണ്ണാനേപ്പോലാകാന്‍ ഞാന് സാദ്ധ്യത കാണുന്നു. അന്നേരം ഇഞ്ചിച്ചേയിക്കു ലാസ്റ്റ് ലാഫു കിട്ടുമേ. 🙂
ഉമേഷ്::Umesh | 13-Oct-06 at 9:58 pm | Permalink
ബൂലോഗത്തിലെ ശ്ലോകമെഴുത്തു പുലികളില്‍ സിദ്ധാര്‍ത്ഥന്‍ മാത്രമേ വരാനുണ്ടായിരുന്നു. എവിടെപ്പോയി എന്നു വിചാരിച്ചിരിക്കുകയായിരുന്നു. ബാക്കിയുള്ള പുലികളൊക്കെ (രാജേഷ്, ജ്യോതി, സന്തോഷ്, പണിക്കര്‍ മാഷ്) വന്നിട്ടു പോയി. പിന്നെ ഒരുപാടു് എലികള്‍ പുലികളാവുകയും ചെയ്തു.
സിദ്ധാര്‍ത്ഥന്റെ പൂരണങ്ങള്‍ കൊള്ളാം. (ഇതെന്താ, ബൂലോഗം മുഴുവന് ഗര്‍ഭിണികളായ ഭാര്യമാരാണല്ലോ 🙂 ) അംഗം + അണയുമ്പൊഴേക്കും, ദിനം + ഇരുണ്ടു എന്നിവ ചേര്‍ക്കുമ്പോള്‍ മുമ്പിലുള്ള അക്ഷരം ലഘുവാകുന്നതുകൊണ്ടു വൃത്തഭംഗമുണ്ടു്. അതു പോലെ “സ്സമസ്യപൂരിപ്പതിന്‍ മുമ്പുതന്നേ” എന്നതിന്റെ ഏഴാമക്ഷരം ഗുരുവായിപ്പോയല്ലോ. ഇവ ശരിയാക്കാമോ?
“മുറേന” ഒരു കടന്ന കയ്യായി. “മുറ” എന്ന മലയാളവാക്കിന്റെ കൂടെ “ഏന” എന്ന സംസ്കൃതപ്രത്യയം. എന്തൊരു മണിപ്രവാളം! ഇങ്ങേരാരാ, തോലകവിയോ?
അടുത്ത സമസ്യ-പഞ്ചേന്ദ്രിയാകര്‍ഷണം-ഇട്ടിട്ടുണ്ടു്. ഇവിടെ.
കൂമാ, കാലന്‍ കുടയുടെ പൂരണം കലക്കി!
Adithyan | 13-Oct-06 at 10:11 pm | Permalink
കൂമന്‍,
പണ്ടാരാണ്ടു പറഞ്ഞ പോലെ “ആങ്ങള ചത്താലും വേണ്ടില്ല നാത്തൂന്‍ ഒന്ന് വിധവയായി കണ്ടാ മതി” എന്നാണ് ഇപ്പൊഴത്തെ എന്റെ സ്റ്റാന്റ് 😉
സാധാരണഗതിയില്‍ ബ്ലോഗ് പോകില്ല. ഇഞ്ചീസ് പല വളയമില്ലാ ചാട്ടങ്ങളും ചാടി നോക്കിയതുകൊണ്ടാണ് പോയത് എന്നാണെന്റെ ബലമാ‍യ വിശ്വാസം. :))
ഇഞ്ചിപ്പെണ്ണ് | 13-Oct-06 at 10:30 pm | Permalink
ഹിഹി..പസ്സില്‍ ബ്ലോഗ് എന്തായാലും പൂട്ടിക്കും..അത് എന്റെ ബ്ലോഗ് മൊത്തം അടിച്ചു പോയാലും ശരി! 🙂
ബ്ലോഗൊന്നും ശാശ്വതമല്ല ഉമേഷേട്ടാ. ഇഞ്ചിമാങ്ങാ ബ്ലോഗില്‍ ഒരു ഗ്രീന്‍ ബ്ലോഗ് പ്രോജകന്റിന്റെ റൌണ്ട് അപ്പ് ഉണ്ടായിരുന്നു. അത് പോയതു മാ‍ത്രമാണ് വിഷമം. അത് പത്തു നാല്‍പ്പതു പേരുടെ അധ്വാനം ആയിരുന്നു.ബാക്കിയെല്ലാം പോയാലും നഷ്ടമൊന്നുമില്ല. ആ പിള്ളേരുടെ പ്രാക്ക് കിട്ടും..അത് കാഷേയില്‍ നിന്ന് തപ്പി എടുക്കണം..
കൂമന്‍സേ, അതെന്താ സ്വന്തം സെര്‍വെര്‍ അടിച്ചു പോവൂല്ലേ? 🙂
എല്ലാ ഇത്രേയുള്ളൂ. 🙂
ഇപ്പൊ എനിക്കൊരു ബാച്ചിലര്‍ ആയേന്റെ ത്രില്ല്.. ആരേയും എന്തും പറയാം. നീയെന്താടീ എഴുതി വെച്ചേകണേന്ന് ആരും ചോദിക്കൂലല്ലൊ.. 🙂
ആദിയേ, എന്നാലും അത്രേം വേണ്ടായിരുന്നു…ചങ്കിലാ ഉണ്ണീ നീ കൂത്തിയേ, ഞാന് ഗുരുചിത്തയായി 🙂
-സു- | 14-Oct-06 at 7:20 am | Permalink
ഉമേഷ്, വൃത്തം തിരിക്കാനുള്ള ഉപായം കൂടെ പറയണമായിരുന്നു. അക്ഷരസ്ലോകത്തില്‍നിന്നെടുത്ത വിവിരങ്ങള്‍ ഇവിടെയുണ്ട്‌. http://chintha.com/node/786
ഒരു പൊതു അറിവിനായി ഞാനത്‌ പോസ്റ്റാം.
സിദ്ധാർത്ഥന്‍ | 14-Oct-06 at 9:26 am | Permalink
ഹ ഹ മുറേന എന്നതെനിക്കും തോന്നിയിരുന്നു
മുറയ്ക്കു് എന്നെഴുതിവച്ചപ്പോൾ ഒരു സുഖമില്ല ചൊല്ലാൻ ന്നാൽ പിന്നെ ഇതു കിടക്കട്ടെ. മാറ്റി മുറയ്ക്കു് തന്നെ ആക്കാം ല്ലേ? പക്ഷേ നമുക്കു് അടുത്ത തലമുറിയന്മാരോടു ചില കടപ്പാടുകളൊക്കെയില്ലേ? നമ്മളിപ്പൊ ഇതെഴുതിയാൽ നാളെ അവർക്കു പറ്യാം. മഹാകവി ഉമേഷും സിദ്ധാർത്ഥനുമൊക്കെ ഇപ്രകാരം പ്രയോഗിച്ചിട്ടുണ്ടെന്നു് 😉
അടുത്ത/യംഗം അ/ണയുമ്പൊ/ഴേക്കും
v – v/- – V/V – v/ – –
ഇങ്ങനെയല്ലേ ഗുരുക്കളേ വരിക?
ഇതിലെവിടാണു പ്രശ്നം? ഇതു പഠിപ്പിച്ചിട്ടുമതി അടുത്ത സമസ്യ. ഇല്ലേൽ അവിടേം തെറ്റും.
‘സ്സമസ്യപൂരിപ്പതിന്‍ മുമ്പുതന്നേ’ എന്നതിലെ ചില്ലു് തീവ്രയത്നമുരയ്ക്കാത്തതല്ലേ? അല്ലേ സന്തോഷേ 😉
മാറ്റം ചുരിക തരൂ ആരെങ്കിലും
Umesh::ഉമേഷ് | 14-Oct-06 at 2:27 pm | Permalink
ചേരുമ്പോള്‍ “അടുത്തയംഗമണയുമ്പൊഴേയ്ക്കും…” എന്നാവില്ലേ? പൂര്‍വ്വാര്‍ദ്ധത്തിന്റെയും ഉത്തരാര്‍ദ്ധത്തിന്റെയും ഇടയില്‍ ഒഴികെ എല്ലായിടത്തും സന്ധി ചേരണമെന്നാണു നിയമം. കാരണം നാം അതു ചൊല്ലുന്നതാണല്ലോ.
അടുത്ത കുഞ്ഞിങ്ങണയുമ്പൊഴേയ്ക്കും
എന്നോ മറ്റോ പറഞ്ഞാല്‍ ശരിയാകും.
“അതിന്‍ മുമ്പു്” എന്നതിലെ ചില്ലു തീവ്രയത്നമുരയ്ക്കാത്തതാണോ? ചൊല്ലി നോക്കിയിട്ടു തോന്നുന്നില്ല. വേണമെങ്കില്‍ അങ്ങനെയും പറയാം. “അതില്‍ മുമ്പു്” എന്നതില്‍ തീവ്രയത്നമില്ല. പക്ഷേ, “അതിന്‍ മുമ്പു്” എന്നതു തീവ്രയത്നമില്ലാതെ ഉച്ചരിക്കാന്‍ പറ്റുമോ?
Umesh::ഉമേഷ് | 14-Oct-06 at 2:43 pm | Permalink
സുനില്‍,
ത്ര്യക്ഷരഗണങ്ങളുടെ സഹായമില്ലാതെ പദ്യം ചൊല്ലി നോക്കി വൃത്തം കണ്ടുപിടിക്കാന്‍ സഹായിക്കുന്ന ഒരു പോസ്റ്റ് എഴുതിത്തുടങ്ങിയിട്ടു് ഒരുപാടു കാലമായി. ശബ്ദവും വേണമെന്നുള്ളതാണു കാലതാമസത്തിനു കാരണം. കഴിയുന്നത്ര വേഗം പ്രസിദ്ധീകരിക്കാം.
ഗണങ്ങള്‍ തിരിച്ചു “ത ഭ ജം ജ ഗം ഗം” എന്നു കുട്ടികളെ കാണാതെ പഠിപ്പിക്കുന്ന വിദ്യാഭ്യാസരീതിയാണു നമ്മളെ ഛന്ദശ്ശാസ്ത്രത്തില്‍ അജ്ഞരാക്കിയതു്. ലക്ഷണം എഴുതാന്‍ ഒരു നൊട്ടേഷന്‍ ആയി മാത്രമേ അതുപയോഗിക്കാവൂ.
ഒരു പാട്ടു കേട്ടു് അതിന്റെ രാഗവും താളവും മനസ്സിലാക്കുന്നതു് ഓരോ സ്വരസ്ഥാനവും നോക്കി ഏതു രാഗത്തിന്റെ ആരോഹണത്തോടു ചേര്‍ന്നു നില്‍ക്കുന്നു എന്നും താളത്തെ എണ്ണി നോക്കിയിട്ടുമല്ലല്ലോ. വൃത്തനിര്‍ണ്ണയം അതിലും വളരെ എളുപ്പമാണു്.
പദ്യത്തിന്റെ താളത്തില്‍ നിന്നു വൃത്തം അനുമാനിക്കാന്‍ വളരെ എളുപ്പമാണു്. വഞ്ചിപ്പാട്ടും വടക്കന്‍ പാട്ടും ഭരണിപ്പാട്ടുമൊക്കെ കേട്ടാല്‍ നമ്മള്‍ തിരിച്ചറിയില്ലേ?
ഇന്ദ്രവജ്രയും ഉപേന്ദ്രവജ്രയും ചേര്‍ന്ന ഉപജാതി ഇപ്പോള്‍ എല്ലാവര്‍ക്കും മനസ്സിലായി എന്നു കരുതുന്നു. ഇതിലെ പൂരണങ്ങളുടെ വൃത്തം. ഇനി പണ്ടു പഠിച്ച പദ്യങ്ങളിലെ ഈ വൃത്തത്തിലുള്ള വരികള്‍ എഴുതാന്‍ ഒന്നു ശ്രമിച്ചു നോക്കൂ. ഞാന് തുടങ്ങാം.
(ഗണം തിരിച്ചു നോക്കരുതു്. ചൊല്ലി നോക്കി ടൈപ്പു ചെയ്യൂ. തെറ്റിയാല്‍ സാരമില്ല.)
തോട്ടത്തിലിപ്പോള്‍ ഗൃഹസാര്‍വ്വഭൌമന്‍
അതാതു സസ്യങ്ങളെയങ്ങുമിങ്ങും
ചെറുപ്പകാലങ്ങളിലുള്ള ശീലം
മറക്കുമോ മാനുഷനുള്ള കാലം?
മകന്‍ പരിക്കേറ്റു കിടക്കിലെന്തു്?
മഹാ‍രഥന്‍ ശിഷ്യനടുക്കലില്ലേ?
പഴുത്ത മാവിന്നില കൊണ്ടു തേച്ചാല്‍
പുഴുത്ത പല്ലും പുതുതായ് ഭവിക്കും
കാര്യേഷു മന്ത്രീ, കരണേഷു ദാസീ
രൂപേഷു ലക്ഷ്മീ, ക്ഷമയാ ധരിത്രീ
പരോപകാരാര്‍ദ്ധമിദം ശരീരം
സരസ്വതീ നിന്‍ ചരണാരവിന്ദം
സിദ്ധാർത്ഥന്‍ | 14-Oct-06 at 8:19 pm | Permalink
Ok
ഇപ്പോൾ മനസ്സിലായി. നന്ദി
അടുത്തയാളങ്ങണയുമ്പൊഴേക്കും എന്നാക്കി തിരുത്തിയിരിക്കുന്നു.
മറ്റേതു നാളെ തിരുത്തിത്തരുന്നതായിരിക്കും ഇപ്പോൾ ഒന്നും തോന്നുന്നില്ല. അല്ലെങ്കിൽ വെളുത്തസൂര്യൻ ചെമലച്ചിരുണ്ടു എന്നാക്കിയാലോ. 😉
ആ തിൻ ചില്ലിൽ തീവ്രയത്നമുണ്ടു്. ‘സമസ്യയൊപ്പിക്കുവതിന്നു മുമ്പേ’ എന്നായാലോ?
ഈ വഹകളെ അപ്പ്രൂവ് ചെയ്താലുടൻ ശ്ലോകം പുനപ്പ്രസിദ്ധീകരിക്കുന്നതായിരിക്കും.
പിന്നെ, ചൊല്ലിശരിയാക്കി എഴുതുന്നതിൽ ഒരു കുഴപ്പമുണ്ടു് ഗുരോ. ചില സ്ഥലങ്ങളിൽ ഗുരുവിന്റെ സ്ഥാനത്തു് രണ്ടു ലഘുക്കൾ സുഖമായി ചൊല്ലിപ്പോകും. എഴുതിയിടുമ്പോൾ ആദ്യമ്പൂജ്യം തുടങ്ങേണ്ടി വരും
ഉമേഷ്::Umesh | 16-Oct-06 at 9:32 pm | Permalink
സിദ്ധാര്‍ത്ഥാ,
“വെളുത്തിരുന്നോരു ദിനം കറുത്തു” എന്നു പോരേ? സമസ്യ പൂരിപ്പിച്ചു കഴിയുമ്പോഴേക്കും പകല്‍ രാത്രിയായി വീണ്ടും പകലാകും എന്നല്ലേ വിവക്ഷ?
“സമസ്യയൊപ്പിക്കുവതിന്നു മുമ്പേ” കൊള്ളാം.
ചൊല്ലുമ്പോള്‍ ഗുരുവിനു പകരം രണ്ടു ലഘുവാകുന്നു എന്നു പറഞ്ഞാല്‍ ഛന്ദശ്ശാസ്ത്രം നന്നായി ഉള്‍ക്കൊണ്ടു എന്നര്‍ത്ഥം. അങ്ങനെ തന്നെയാണു വേണ്ടതു്, പഠിക്കുന്നതും പഠിപ്പിക്കുന്നതും അങ്ങനെയല്ലെങ്കിലും.
എല്ലായിടത്തും അതു ശരിയല്ല താനും. ഉദാഹരണമായി
താരാരാ തര താരരാ തരതരാ താരാര താരാരരാ
എന്ന ശാര്‍ദ്ദൂലവിക്രീഡിതത്തിനെ
തരതാരാ തര തരതരാ തരതരാ തരതാര തരതാരരാ
എന്നു മാറ്റിയാലും വൃത്തം മാറി എന്നെനിക്കു തോന്നുന്നില്ല. എന്നാല്‍ ഇവയല്ലാതെ മറ്റൊരു ഗുരുവിനെയും രണ്ടു ലഘുവായി മാറ്റാന്‍ പറ്റില്ല.
പല സംസ്കൃതവൃത്തങ്ങളെയും ഞാനിങ്ങനെ വിശകലനം ചെയ്തു് എഴുതിവെച്ചിട്ടുണ്ടു്. സാമാന്യമായ ഒരു തിയറി ഉണ്ടാക്കാന്‍ ഇതുവരെ കഴിഞ്ഞിട്ടില്ല.
ഡോക്ടര്‍ ആര്‍. രാജന്‍ ഇതേപ്പറ്റി കുറേ പഠിച്ചിട്ടുണ്ടു്. അദ്ദേഹത്തിന്റെ ഒരു പുസ്തകം ഈയിടെ കിട്ടിയതു വൃത്തിയായി വായിക്കാന്‍ ഇതു വരെ അവസരം കിട്ടിയില്ല.
പറ്റിയാല്‍ ഇതിനെപ്പറ്റി എന്നെങ്കിലും എഴുതാം.
Adithyan | 16-Oct-06 at 10:21 pm | Permalink
താനാരോ തന്നാരോ പാടിയാണല്ലെ ഉമേഷേട്ടന് വൃത്തം കണ്ടു പിടിക്കുന്നത്? ഇപ്പൊഴല്ലേ ടെക്നിക്ക് മനസിലായത്… ഇനി ഞാനും ഒരു കൈ നോക്കാം, ഒരു ശ്ലോകം തരൂ പ്ലീസ്, വൃത്തം കണ്ടു പിടിക്കാനാണ് . അതോ ഇനി ഞാന് തന്നെ ശ്ലോകം എഴുതി അതിന്റെ വൃത്തം കണ്ടുപിടിക്കണോ? വേണോ? 😉
ഉമേഷ്::Umesh | 16-Oct-06 at 10:27 pm | Permalink
ഇവിടെ നോക്കൂ ആദിത്യാ. ഇഷ്ടം പോലെ ശ്ലോകങ്ങളുണ്ടു്.
ഇഞ്ചിപ്പെണ്ണ് | 16-Oct-06 at 11:16 pm | Permalink
ആദിത്യാ,
അദിതിര്‍ ദ്യൌ: അദിതിരന്തരിക്ഷം
അദിതിര്‍ മാതാ സ് പിതാ സ് പുത്ര:
വിശ്വേദേവാ അദിതി: പഞ്ചജനാ
അദിതിര്‍ ജാതം അദിതിര്‍ ജനിത്വം
ഈ വെരി സിമ്പിള്‍ ശ്ലോകം
മതിയോ? 🙂
ദില്‍ബാസുരന്‍ | 17-Oct-06 at 5:27 am | Permalink
ആദീ,
ഹ ഹ! അത് കലക്കി!
Umesh::ഉമേഷ് | 22-Oct-06 at 3:37 pm | Permalink
പണിക്കര്‍ മാഷേ,
കളിക്കിടെ ക്യാമറ കയ്യിലാക്കി
ത്തുറന്നു നോക്കുന്ന സുപുത്രനോടായ്‌
നടുക്കമോടച്ഛനുരച്ചഹോ ഫിലിം
വെളുത്തു പോമെന്നിഹ തോന്നിടുന്നു
എന്ന പൂരണത്തില്‍ (കമന്റ് നമ്പര്‍ 115) വൃത്തഭംഗമുണ്ടു്. മൂന്നാം വരിയില്‍ ഒരക്ഷരം കൂടി ഉപേന്ദ്രവജ്ര വംശസ്ഥമായിപ്പോയി.
തിരുത്തി വീണ്ടും കമന്റിടാമോ?
indiaheritage | 23-Oct-06 at 4:17 am | Permalink
കളിക്കിടെ ക്യാമറ കയ്യിലാക്കി
ത്തുറന്നു നോക്കുന്ന സുപുത്രനോടായ്‌
ഫിലിം, നടുക്കത്തൊടുരച്ചു താതന്‍,
വെളുത്തു പോമെന്നിഹ തോന്നിടുന്നു
Umesh::ഉമേഷ് | 23-Oct-06 at 2:10 pm | Permalink
പണിക്കര്‍ മാഷിന്റെ നന്നാക്കിയ പൂരണം ഇവിടെ ചേര്‍ത്തിട്ടുണ്ടു്.
krishnakumar | 09-Apr-09 at 1:41 pm | Permalink
കാര്‍ കൂന്തല്ന്‍ മുല്ലതന്‍ സൌരഭതാല്‍
മോഹനമായോരീ മണ്ഡപവും, നിന്‍
ലാസ്യ ഭാവങ്ങളാല്‍ കറുത്തവാവും ,
വെളുത്തു പോമെന്നിഹ തോന്നിടുന്നു.
vrithakkaar kshemikkuka..