കവിയും ബാലസാഹിത്യകാരനും അക്ഷരശ്ലോകവിദഗ്ദ്ധനും ഭാഗവതപണ്ഡിതനുമായ ബാലേന്ദു (ശ്രീ കെ. സി. ചന്ദ്രശേഖരന്‍ നായര്‍) അദ്ദേഹം പണ്ടു ജനയുഗത്തില്‍ കണ്ട ഒരു സമസ്യ അക്ഷരശ്ലോകം യാഹൂ ഗ്രൂപ്പിലേയ്ക്കു സ്വന്തം പൂരണത്തോടൊപ്പം അയച്ചിരുന്നു. അതു് ഇവിടെ പ്രസിദ്ധീകരിക്കാന്‍ അദ്ദേഹം സദയം സമ്മതിച്ചിട്ടുണ്ടു്. കുറേക്കാലമായി മുടങ്ങിക്കിടന്നിരുന്ന സമസ്യാപൂരണപംക്തി പുനരാരംഭിക്കുന്നു.
സമസ്യ:
– – – – – – – – – – –
– – – – – – – – – – –
– – – – – – – – – – –
തല്ലാണു നല്ലവഴിയെന്നതു തീര്ച്ചയല്ലേ?
വൃത്തം:
വസന്തതിലകം (ത ഭ ജ ജ ഗ ഗ : – – v – v v v – v v – v – -). ഈ പോസ്റ്റും കാണുക.
ബാലേന്ദുവിന്റെ പൂരണം:
നല്ലോണമുണ്ടു മഴ, ഭൂമി കൃഷിക്കു കേമം,
ചൊല്ലാര്‍ന്ന കാര്‍ഷികപരമ്പര നല്ലവണ്ണം;
ഇല്ലാത്തതൊന്നു പണി ചെയ്‌വതിനുള്ളൊരുക്കം
തല്ലാണു നല്ല വഴിയെന്നതു തീര്ച്ചയല്ലേ?
പൂരണങ്ങള്‍ ദയവായി കമന്റായി ചേര്‍ക്കുക. ഒരാള്‍ക്കു` എത്ര പൂരണങ്ങള്‍ വേണമെങ്കിലും അയയ്ക്കാം. വൃത്തം തെറ്റാത്തവയും (തെറ്റിയാല്‍ നമുക്കു കമന്റുകളിലൂടെ നേരെയാക്കാം) ആശയം യോജിക്കുന്നവയുമായ പൂരണങ്ങള്‍ ഞാന്‍ വേറൊരു പോസ്റ്റില്‍ ചേര്‍ക്കാം. മുമ്പു പ്രസിദ്ധീകരിച്ച പൂരണങ്ങളുടെ ആശയം കഴിയുന്നത്ര അപഹരിക്കാതിരിക്കാന്‍ ശ്രമിക്കുക.
ഇതിനു മുമ്പു പ്രസിദ്ധീകരിച്ച സമസ്യകള്‍:
Umesh:ഉമേഷ് | 10-Mar-08 at 5:53 pm | Permalink
ഇതിനു തേങ്ങയടിക്കുന്നതു ഞാന്‍ തന്നെ…
നല്ലോരു പോസ്റ്റെഴുതവേ, യൊരു തത്ത്വദീക്ഷ-
യില്ലാതെ വന്നു ചിലര്‍ തേങ്ങയടിച്ചിടുന്നു;
സുല്ലഗ്രജാദികള്‍ തുടങ്ങിയൊരീപ്പണിക്കു
തല്ലാണു നല്ല വഴിയെന്നതു തീര്ച്ചയല്ലേ?
🙂
Umesh:ഉമേഷ് | 10-Mar-08 at 6:29 pm | Permalink
സല്ലാപ, മൊത്തു സിനിമയ്ക്കു, ലവം പഠിത്ത-
മില്ലാ, തമാശ, ചിരി, മുട്ടിയുരുമ്മി നില്‌പും,
പിള്ളേരിതെന്നു കരുതി ക്ഷമയേകി നമ്മള്‍;
തല്ലാണു നല്ല വഴിയെന്നതു തീര്ച്ചയല്ലേ?
ശ്രീജിത്ത് കെ | 10-Mar-08 at 6:40 pm | Permalink
നാട്ടുകാരുടെ ശ്രദ്ധയ്ക്ക്. ഇത് ഉമേഷേട്ടന്‍ എഴുതിയത്.
മുഴുനേരം വെള്ളം, ഇടയ്ക്കിച്ചിരി പെണ്ണ്
ഓഫീസിലിരുന്നും ടൊറന്റില്‍ തന്നെ കണ്ണ്
അപ്രൈസലില്‍ ഈ വരി ഉറപ്പ് തന്നെ,
തല്ലാണു നല്ല വഴിയെന്നതു തീര്ച്ചയല്ലേ?
ഇത് ഞാന്‍ അത് തിരുത്തി വൃത്തത്തിലാക്കിക്കൊടുത്തത്. വൃത്തം: വാസന്തി തിലകന്‍.
മദ്യം സദാ, യിടയിലിത്തിരി സൊള്ള, ലാപ്പീസ്
നേരത്തുമൊത്തിരി ടൊറന്റില്‍ രമിപ്പു കണ്ണു്;
അപ്രൈസലില്‍ വരിയുറപ്പു്: “ഇവന്നു നല്ല
തല്ലാണു നല്ല വഴിയെന്നതു തീര്ച്ചയല്ലേ?”
***
ഓ.ടോ: അങ്ങിനെ ഉമേഷേട്ടനു ഒരു കാര്യം തീര്‍ച്ചയായി. തല്ലാണു നല്ല വഴി എന്ന്.
അനോണീ തിലകം | 10-Mar-08 at 9:07 pm | Permalink
പൊല്ലാപ്പ് കാട്ടിയതു യാഹൂ, കുട്ടിനെന്നാലോ ദുനിയ
ചെല്ലന്മാര്‍ ചുടു ചോറു മാന്തിടും കിഴങ്ങന്മാര്‍
ദില്‍ബനല്പ്പന്‍, മണ്ടനോ മരമണ്ടന്‍, പച്ചാളനൂച്ചാളി
തല്ലാണു നല്ല വഴിയെന്നതു തീര്ച്ചയല്ലേ?”
നല്ലോരു പേരിവിടെയുള്ളവരിന്നു നട്ടെ-
ല്ലില്ലാതെ ലോകരെയലമ്പു വിളിക്കുവാനായ്
നിര്‍ല്ലജ്ജമീവിധമനോണികളായി വന്നാല്‍
തല്ലാണു നല്ല വഴിയെന്നതു തീര്ച്ചയല്ലേ?
ജ്യോതിര്‍മയി | 10-Mar-08 at 9:14 pm | Permalink
പോസ്റ്റിട്ടു,കിട്ടിയ കമന്റുകള്‍ കണ്ടു ദുഃഖി-
ച്ചാദ്യം തിരുത്തി,യൊരു പോസ്റ്റു പുറത്തുമിട്ടു
വല്ലാതെയുണ്ടു വിഷമം പണി ബ്ലോഗെഴുത്തില്‍
തല്ലാണു നല്ലവഴിയെന്നതു തീര്ച്ചയല്ലേ?
ടീച്ചര്‍ ഇത്ര ബുദ്ധിമുട്ടി പൂരിപ്പിച്ചല്ലോ. എന്റെ വക ഒരു പൂരണം കൂടി:
ചൊല്ലാര്‍ന്ന സൂരിവചനത്തെയറിഞ്ഞിടാതെ,
തെല്ലും സ്വതേ മനസി നര്‍മ്മമിയന്നിടാതെ,
പൊല്ലാപ്പു തന്നെ ചികയുന്നൊരു ടീച്ചര്‍മാര്‍ക്കു
തല്ലാണു നല്ല വഴിയെന്നതു തീര്ച്ചയല്ലേ?
pramod km | 11-Mar-08 at 2:53 am | Permalink
ഉദ്ദണ്ഡനെപ്രതിയനേകമുരച്ചുവെന്നാ-
ലുദ്ദേശ്യശുദ്ധിയുളവാകുമവന്റെയുള്ളില്‍
എന്നുള്ളചിന്തയതു വേണ്ടയിതിന്നു ചുട്ട
തല്ലാണു നല്ല വഴിയെന്നതു തീര്ച്ചയല്ലേ?
നല്ല പൂരണം, പ്രമോദ്. വൃത്തവും കിറുകൃത്യം!
Rajesh R Varma | 11-Mar-08 at 5:43 am | Permalink
ഇല്ലിറ്റു ചോര പൊടിയാനിട, കോലുവേണ്ട,
തെല്ലല്ല നോവു, മുറി ദുഷ്കരമാണുണക്കാന്‍,
വെല്ലേണമെങ്കിലെതിരാളിയെ, വാക്കുകള്‍ തന്‍
തല്ലാണു നല്ലവഴിയെന്നതു തീര്ച്ചയല്ലേ?
രസികന്‍ പൂരണം!
Devan | 11-Mar-08 at 5:49 am | Permalink
വല്ലാതെ കൂടും പണി, വരുന്നയാഴ്ച്ചയതില്‍
അല്ലാതെ തന്നെ ബാക്കിയേറെ തീര്‍ത്തിടാനായ്
എല്ലാമറിഞ്ഞിഞ്ഞിട്ടു ബ്ലോഗു നിരങ്ങിടുന്നേന്‍
തല്ലാണു നല്ല വഴിയെന്നതു തീര്ച്ചയല്ലേ?
(വൃത്തം നശൂല വിക്രീഡിതം)
വൃത്തം ശരിയാക്കിയതു്:
വല്ലാതെയുണ്ടു പണി, യീ വരുമാഴ്ച തന്നില്‍
അല്ലാതെ തന്നെഒരുപാടു കിടപ്പു കഷ്ടം!
എല്ലാമറിഞ്ഞുമിഹ ബ്ലോഗു നിരങ്ങിടുന്നേന്‍
തല്ലാണു നല്ല വഴിയെന്നതു തീര്ച്ചയല്ലേ?
Devan | 11-Mar-08 at 5:49 am | Permalink
പുല്ലാണെനിക്കു പണി, പണമാര്‍ക്കു വേണം
നല്ലോണം സംതൃപ്തി തരുന്നു ബ്ലോഗ്ഗിങ്ങ്
എല്ലുകള്‍ മുറിവോളം പണിനോക്കിടുന്നവനു
തല്ലാണു നല്ല വഴിയെന്നതു തീര്ച്ചയല്ലേ?
(വൃത്തം ആത്മഹര്‍ഷാക്രാന്തം)
വൃത്തം ശരിയാക്കിയതു്:
പുല്ലാണെനിക്കു പണി, യാര്‍ക്കു പണം പ്രധാനം?
നല്ലോണമിന്നിവനു തൃപ്തി തരുന്നു ബ്ലോഗിംഗ്
എല്ലാകവേ മുറിയുമാറു പണിഞ്ഞവന്നു
തല്ലാണു നല്ല വഴിയെന്നതു തീര്ച്ചയല്ലേ?
Devan | 11-Mar-08 at 5:50 am | Permalink
നല്ലോണമുണ്ടു കടം, കടന്നു പോകാന്‍
വല്ലാതെ വിഷമിച്ചിടുന്നോരു മാസം
ഇല്ലായ്മയറിയാതെ ചിലവിടും സുതയ്ക്കു
തല്ലാണു നല്ല വഴിയെന്നതു തീര്ച്ചയല്ലേ?
(വൃത്തം ഗൃഹനാഥോത്ക്കണ്ഠ)
വൃത്തം ശരിയാക്കിയതു്:
നല്ലോണമുണ്ടു കട, മൊന്നു കടന്നു പോകാന്‍
വല്ലാതെ ഞാന്‍ വിഷമമാ, യതു നോക്കിടാതെ
ഇല്ലായ്മ വിട്ടു ചെലവാക്കിന പുത്രിമാര്‍ക്കു
തല്ലാണു നല്ല വഴിയെന്നതു തീര്ച്ചയല്ലേ?
Devan | 11-Mar-08 at 5:51 am | Permalink
ഇല്ലാ സമയമമച്ഛനു ടാറ്റ പോയിടാനായ്
ഇല്ലൊട്ടുമെന്നൊത്ത് കളിക്കാന്‍, കഥിക്കാന്‍
വല്ലാത്തയാസക്തി ബ്ലോഗിലെന്‍ താതനു
തല്ലാണു നല്ല വഴിയെന്ന് തീര്ച്ചയല്ലേ?
(വൃത്തം ദേവദത്തരോഷം)
വൃത്തം ശരിയാക്കിയതു്:
ഇല്ലാ ലവം സമയമച്ഛനു ടാറ്റ പോവാന്‍
ഇല്ലൊട്ടുമെന്നൊടൊരുമിച്ചു കളിക്കുവാനും
വല്ലാത്ത പിമ്പിരികള്‍ താതനു ബ്ലോഗിനോടായ്
തല്ലാണു നല്ല വഴിയെന്നതു തീര്ച്ചയല്ലേ?
കണ്ണൂസ് | 11-Mar-08 at 5:57 am | Permalink
ഇല്ലില്ല, ബഹുമാനമൊട്ടു, മിവന്നു ചേലില്‍
ചുമ്മാതെ വന്നു വിളി പരന്‍ തള്ളക്കു പോലും
എന്നിട്ടും പൂട്ടില്ല സ്വയം, തന്‍ വായയെന്നാല്‍
തല്ലാണു നല്ലവഴിയെന്നതു തീര്ച്ചയല്ലേ?
(സമര്‍പ്പണം : ഹര്‍ഭജന്‍ സിംഗിന്‌)
വൃത്തം ശരിയാക്കിയതു്:
ഇല്ലില്ലിവന്നു ബഹുമാനമൊരാളൊടും, പോയ്
ചുമ്മാതെ ചൊല്ലുമപരന്നുടെ തള്ളയേയും
എന്നിട്ടുമീ ഹരിഭജന്‍ നിജ വായ പൂട്ടാ
തല്ലാണു നല്ല വഴിയെന്നതു തീര്ച്ചയല്ലേ?
pramod km | 11-Mar-08 at 6:07 am | Permalink
നല്ലോരു രാജ്യപതിയായ മഹാബലിക്ക്
പാതാളമേകിയൊരു വാമനനേയുമമ്പോ
സുല്‍ത്താനെയും പുകള്‍ കയറ്റിയ വര്‍മ്മ മാഷേ
തല്ലാണു നല്ലവഴിയെന്നതു തീര്ച്ചയല്ലേ?
കൊള്ളാം. തെറ്റിപ്പോയ കമന്റ് ഡിലീറ്റു ചെയ്തിട്ടുണ്ടു്.
pramod km | 11-Mar-08 at 6:18 am | Permalink
ഇല്ലാത്ത വൃത്തമഹഹഹോ!നിര്‍മ്മിച്ചു വിണ്വാ-
ക്കോതുന്ന ദേവഗണനായകവീരനേയും
കണ്ണൂസുചേട്ടനെയുമോട്ടിവിടുന്നതിന്ന്
തല്ലാണു നല്ലവഴിയെന്നതു തീര്ച്ചയല്ലേ?
ഇല്ലാത്ത വൃത്തമുളവാക്കി, മുടിഞ്ഞ വിണ്വാ-
ക്കോതുന്ന
എന്നാക്കിയാല്‍ വൃത്തം ശരിയാകും.
ജ്യോതിര്‍മയി | 11-Mar-08 at 6:21 am | Permalink
പ്രമോദേ, പാതാളം വരെ ലിങ്കുണ്ടോ? 🙂
മൂന്നാം വരിയില്‍ ‘വര്‍മ്മമാഷെ’ എന്നാക്കിയാല്‍ കുറച്ചുകൂടി ആശയം വ്യക്തമാവും എന്നാണെന്റെ ഏഷണി
🙂
ദേവന്‍ മാഷേ, ആദ്യത്തെവൃത്തം ‘പുലിക്കളി’ അല്ലേ ഉദ്ദേശിച്ചത്? 🙂
pramod km | 11-Mar-08 at 6:27 am | Permalink
‘വര്‍മ്മമാഷെ’ എന്നു തന്നെയാണുദ്ദേശിച്ചതും ജ്യോതിച്ചേച്ചീ. പിന്നെ അവിടെ പാതാളത്തിന്റെ കാര്യത്തില്‍ എന്നോട് പറയാന്‍ ഒന്നുമില്ലാതായപ്പോള്‍ സാക്ഷാല്‍ വാമനനെക്കൊണ്ട് കത്തെഴുതിക്കുകപോലുമുണ്ടായി. അപ്പോള്‍ ലിങ്ക് കൊടുത്തില്ലെങ്കിലല്ലേ അത്ഭുതപ്പെടേണ്ടൂ!
abhayarthi | 11-Mar-08 at 6:31 am | Permalink
ഞാനാണ് കേമന് നീയോ പടുമുള എന്നീവണ്ണം
നിനച്ചിരിയാതെ ചെല്ലൂ വേഗം ഗുരുകുലത്തില്
കൊള്ളിക്കാവുന്നൊരു പടുപാട്ടെങ്കിലുംകോറിവക്കുകില്ലേല്
തല്ലാണു നല്ല വഴിയെന്നതു തീര്ച്ചയല്ലേ?
Example:- for no rhyme and reason
വൃത്തം ശരിയാക്കിയതു്:
ഞാനാണു കേമ, നൊരു നിര്‍ഗ്ഗുണനാണു നീയെ-
ന്നോരാതെ നീ ഗുരുകുലത്തിലുടന്‍ ഗമിക്കൂ
കൊള്ളുന്ന പോലെയൊരു പാട്ടു കുറിക്കി, നല്ലേല്‍
തല്ലാണു നല്ല വഴിയെന്നതു തീര്ച്ചയല്ലേ?
സിദ്ധാര്‍ത്ഥന്‍ | 11-Mar-08 at 6:34 am | Permalink
ദൈവമേ
ശ്ലോകരോഗികളുടെ എണ്ണം നാള്‍ക്കുനാള്‍ വര്‍ദ്ധിച്ചു വരികയാണല്ലോ.
ഒന്നു ചമച്ചതു തൃപ്തിയായില്ല. എന്നാലുമിവിടിടാം
തച്ചിട്ടകറ്റയിലെനെല്‍പതിരെന്നപോലെ
കച്ചിത്തുരുമ്പിലധികാരവഴിക്കുതൂങ്ങും
രാഷ്ട്രീയനാറികളെയപ്പടികെട്ടിയിട്ടു
ത്തല്ലാണുനല്ലവഴിയെന്നതു തീര്ച്ചയല്ലേ
സിദ്ധാര്‍ത്ഥന്‍ | 11-Mar-08 at 6:40 am | Permalink
ലാസ്റ്റിലെ ത എന്റെ അനുവാദമില്ലാതെ ഇരട്ടിച്ചതാണു്. സത്യം!
ഷാരു | 11-Mar-08 at 6:46 am | Permalink
ബ്ലോഗറാം അഗ്രജനെ കാണാന്‍ ചെന്നിട്ടും
തറവാടിതന്‍ പടമെടുത്തു പോസ്റ്റാക്കിയതു പോല്‍
ഷാരുവാമെന്നെ മാനിച്ചു കരുതാത്തൊര്‍ഗ്രജനു
തല്ലാണു നല്ല്ല വഴിയെന്നത് തീര്ച്ചയല്ലേ
വല്ലാത്ത വേല പലതിപ്പടി ചെയ്തു, പിന്നീ-
ടെല്ലാം കഴിഞ്ഞതിനു പിന്നെ വഴക്കു കൂട്ടി
പൊല്ലാപ്പു ചെയ്‌വതിനു പൂരണമായി വന്നാല്‍
തല്ലാണു നല്ല വഴിയെന്നതു തീര്ച്ചയല്ലേ?
pramod km | 11-Mar-08 at 6:58 am | Permalink
സിദ്ധാര്‍ത്ഥനെന്നൊന്നൊരുമനുഷ്യനരാഷ്ട്രവാദി
സിദ്ധാന്തമെന്തു പറയു,ന്നനുവാദമില്ലാ-
തേതെങ്കിലും‘ത’യതിരട്ടിയതായിവന്നാല്‍
തല്ലാണുനല്ലവഴിയെന്നതു തീര്ച്ചയല്ലേ
അക്ഷരത്തെറ്റു തിരുത്തിയതു്:
സിദ്ധാര്‍ത്ഥനെന്നൊരു മനുഷ്യനരാഷ്ട്രവാദി
സിദ്ധാന്തമെന്തു പറയു, ന്നനുവാദമില്ലാ-
തേതെങ്കിലും‘ത’യതിരട്ടിയതായി വന്നാല്‍
തല്ലാണു നല്ലവഴിയെന്നതു തീര്ച്ചയല്ലേ
പൂര്‍വ്വാര്‍ദ്ധത്തിനും ഉത്തരാര്‍ദ്ധത്തിനും ഇടയില്‍ ഇങ്ങനെ ശ്ലോകത്തില്‍ സന്ധിയോ സമാസമോ പാടില്ല.
സിദ്ധാര്‍ത്ഥന്‍ | 11-Mar-08 at 7:17 am | Permalink
ഹ ഹ് പ്രമോദേ
എനിക്കിന്നൊന്നു പിഴച്ചാല്‍ നിനക്കി‘ന്നൊ’ന്നു പിഴയ്ക്കും
pramod km | 11-Mar-08 at 7:20 am | Permalink
ഹഹ
അത് കഷ്ടമായിപ്പോയി.
Aravind | 11-Mar-08 at 7:26 am | Permalink
എച്യൂസ് മീ..എല്ലാരും ഒന്നു മാറി നിന്നേ..ഞാന്‍ പദ്യം ചൊല്ലട്ട്.
“നാടാണ്, നമ്മുടെ സുന്ദര തീരമാണ്
വിദ്യാഭ്യാസമുണ്ട് ഗള്‍ഫില്‍ ചാന്‍‌സുമുണ്ട്
എങ്കിലും വെട്ടാന്‍ വടിവാളെടുക്കുമീ പൊട്ടര്‍ക്കു-
തല്ലാണ് നല്ല വഴിയെന്നത് തിര്‍ച്ചയല്ലേ”
വൃത്തം ശരിയാക്കിയതു്:
നാടാണു നമ്മളുടെ സുന്ദരതീരമാണു്,
വിദ്യയ്ക്കുമില്ല കുറ, വക്കരെ ജോലിയുണ്ടു്
ഏന്തുന്നു പിന്നെ വടിവാളിവര്‍, എന്തു കഷ്ടം!
തല്ലാണു നല്ല വഴിയെന്നതു തീര്ച്ചയല്ലേ?
സിദ്ധാര്‍ത്ഥന്‍ | 11-Mar-08 at 7:42 am | Permalink
പാടില്ലയെന്നടിയനേറെവിലക്കിയിട്ടും
തെല്ലൊന്നുകണ്ണുകളടയ്ക്കവെനിങ്കലെത്തും
മല്‍ചിത്തബാലകനുമാന്മിഴിനിങ്കടാക്ഷ
ത്തല്ലാണുനല്ലവഴിയെന്നതു തീര്ച്ചയല്ലേ
ഇതിനു മുമ്പിലത്തേതു ഡിലീറ്റ് ചെയ്തു.
pramod km | 11-Mar-08 at 7:47 am | Permalink
സിദ്ധാര്‍ത്ഥേട്ടാ.. ത വീണ്ടും ഇരട്ടിച്ചു കേട്ടാ…
പ്രിവ്യൂ ഉണ്ടായിരുന്നെങ്കിലോ കമന്റ് ഡിലീറ്റേണ്ട ഓപ്ഷന്‍ ഉണ്ടായിരുന്നെങ്കിലോ എനിക്കി‘ന്നൊ’ന്നു പിഴക്കുമായിരുന്നോ:)
സനാതനന്‍ | 11-Mar-08 at 7:56 am | Permalink
ഇല്ലായെനി,ക്കുചിത ചിന്ത,യൊരൊട്ടുപോലും,
അല്ലാകയെങ്കിലിതു കണ്ടു രമിച്ചിടാമോ!
വല്ലാകയൊക്കെയു മെടുത്തു പയറ്റിടാമോ!
തല്ലാണു നല്ലവഴിയെന്നതു തീര്ച്ചയല്ലേ?
എന്നെ തല്ലണ്ടമ്മാവാ ഞാന്‍ നന്നാവൂല്ല
എന്നാലും ഒരു കൊതി…. 🙂
pramod km | 11-Mar-08 at 8:23 am | Permalink
തല്ലേണ്ടയെന്നെ മമമാതുല,തല്ലിയാലും
നന്നാകുകില്ലയിവനെന്നുമൊഴിഞ്ഞിടുന്നോന്‍
ആരാകിലെന്തതു സനാതനനാകിലെന്ത്
തല്ലാണു നല്ലവഴിയെന്നതു തീര്ച്ചയല്ലേ?
:)))
ഹഹഹ.. അതു കലക്കി!
സനാതനന്‍ | 11-Mar-08 at 8:45 am | Permalink
ചൊല്ലാണു നല്ലവഴിയെന്നു നിനച്ചിടാതേ
തല്ലാനിറങ്ങി പലരീതിവരട്ടുവാദം
പൊല്ലാതുരച്ചകവിവീരന്‍ പ്രമോദിനാട്ടേ
തല്ലാണുനല്ലവഴിയെന്നതു തീര്ച്ചയല്ലേ?
പ്രമോദുകുട്ടാ തല്ലിയാല്‍ ഞാന്‍ എന്റെ ഉത്തരോത്തരാധുനികന്‍ പുറത്തെടുക്കുമേ 😉
Aravind | 11-Mar-08 at 8:47 am | Permalink
ദേ ഞാന്‍ പിന്നേം വന്നൂ..എന്റെ ഒരു കാര്യം.
വൃത്തം- സൈമണ്ടീയം.
ആറടിപ്പൊക്കമതിനൊത്ത തൂക്കം,
ക്രിക്കറ്റ് ഫീല്‍ഡിലോ പോക്രി, തെറിയും വിളിക്കും
ആരെയും കൂസാത്ത റോയിയെ നന്നാക്കാന്‍
തല്ലാണ് നല്ല വഴിയെന്നത് തിര്‍ച്ചയല്ലേ?
അല്ലേന്ന്? ങള് പറയീന്‍.
(റോയ് – ആന്‍ഡ്ര്യൂ സൈമണ്ട്സിന്റെ റ്റീമിലെ വിളിപ്പേര്)
ഓ.ടോ: സിഡ് ജീ..സിഡ് ജി ആളുകൊള്ളാം.
“….തല്ലാണു” എന്ന് പോസ്റ്റ്ഫിക്സ് വരുന്ന, അടിയെന്ന അര്‍ത്ഥം വരാത്ത, ഒരു വാക്ക് ആലോചിച്ച് ഇപ്പോ സമയം പത്തരയായി. സിഡ്‌ജിയും അതേ ലൈന്‍ ആ അല്ലേ? ഞാന്‍ ഏതായാലും വിട്ടു-റ്റൈമില്ല.
വൃത്തവും ആളിനെയും ശരിയാക്കിയതു്:
ആറില്‍ കവിഞ്ഞടികള്‍ നീള, മതൊത്ത തൂക്കം,
ബ്ലോഗില്‍ പുഴുത്ത തെറി, വട്ടു, നിഷേധി, പോക്രി,
ഈവണ്ണമുള്ളൊരരവിന്ദനെ നല്ലതാക്കാന്‍
തല്ലാണു നല്ല വഴിയെന്നതു തീര്ച്ചയല്ലേ?
🙂
കണ്ണൂസ് | 11-Mar-08 at 8:50 am | Permalink
വങ്കത്തരം, ഇതിനിന്നൊരറുതി വേണം
കവിയായ എന്നെ നീ അപമാനിച്ചിടൊല്ല!
ഉരുളക്കുപ്പേരി കണക്കിലുള്ളീ ശ്ലോക
തല്ലാണ് നല്ല വഴിയെന്നതു തീര്ച്ചയല്ലേ?
സമര്‍പ്പണം : പ്രമോദിന് 😉
വൃത്തം ശരിയാക്കിയതു്:
വങ്കത്തരത്തിനറുതിയ്ക്കൊരു മാര്‍ഗ്ഗമെന്തോ?
എന്നെ-പ്പെരും കവിയെ-നീയപമാന്യനാക്കി!
ഇന്നീ വിധത്തിലുരുളയ്ക്കുതു പോലെ ശ്ലോക-
ത്തല്ലാണു നല്ല വഴിയെന്നതു തീര്ച്ചയല്ലേ?
ഉരുളയും ഉപ്പേരിയും കൂടി വൃത്തത്തിലൊതുങ്ങിയില്ല. വേണമെങ്കില്‍ മൂന്നാം വരി
ഉപ്പേരി പോലെയുരുളയ്ക്കു നമുക്കു ശ്ലോക-
എന്നാക്കിക്കോളൂ 🙂
ധനേഷ് | 11-Mar-08 at 8:50 am | Permalink
തെല്ലും പരിചയമില്ല കവിതയെഴുത്തിലെന്നു
നല്ലോണമുണ്ട് മനസ്സിലുറപ്പെങ്കിലും നേര-
മില്ലാത്തനേരത്തിതു കുത്തിക്കുറിക്കുമെനിക്കു
തല്ലാണു നല്ല വഴിയെന്നതു തീര്ച്ചയല്ലേ?
വൃത്തം ശരിയാക്കിയതു്:
തെല്ലും വരാ കഴിവു പദ്യമെഴുത്തിലെന്നു
നല്ലോണമുണ്ടു മനതാരിലുറപ്പു, പക്ഷേ
ഇല്ലാത്ത നേരമുളവായെഴുതുന്നെനിക്കു
തല്ലാണു നല്ല വഴിയെന്നതു തീര്ച്ചയല്ലേ?
സനാതനന്‍ | 11-Mar-08 at 8:54 am | Permalink
ചൊല്ലാണു നല്ലവഴി യെന്നുനി നച്ചിടാതേ
കൊല്ലാനിറങ്ങി പലരീതിയില്‍തത്വശാസ്ത്രം
പൊല്ലാതെ വാരി വിതറീടിന പും‌ഗവര്‍ക്കും
തല്ലാണു നല്ലവഴിയെന്നതു തീര്ച്ചയല്ലേ?
ഞാന്‍ നന്നാവാന്‍ തീരുമാനിച്ചു മുകളിലെ വരി ഞാനിങ്ങനെ തിരുത്തി,ആരെങ്കിലും ഒന്നു വൃത്തത്തിലാക്കുമോ…പ്രമോദേ ക്ഷമി… 🙂
കണ്ണൂസ് | 11-Mar-08 at 9:02 am | Permalink
😀 സനാതനാ, ഫുള്‍ ഫോമിലാണല്ലോ.
തമനു | 11-Mar-08 at 9:05 am | Permalink
മൂക്കോളമുണ്ട് കടമായിട്ട് നാട്ടിലെങ്ങും
ഷക്കീല പോല്‍ പുരനിറഞ്ഞതുണ്ടൊന്ന് വീട്ടില്‍
എന്നാലതൊന്നുമോര്‍ത്തിടാതെ, ഷാപ്പില്‍ കെടപ്പോന്
തല്ലാണു നല്ല വഴിയെന്നതു തീര്ച്ചയല്ലേ?
വൃത്തം ശരിയാക്കിയതു്:
മൂക്കോളമുണ്ടു കടമപ്പടി നാട്ടില്‍, വീട്ടില്‍
ഷക്കീല പോല്‍ പുര നിറഞ്ഞൊരു പെണ്ണുമുണ്ടു്
എല്ലാം മറന്നവിടെ ഷാപ്പുകിടപ്പു ചെയ്‌വോന്‍
തല്ലാണു നല്ല വഴിയെന്നതു തീര്ച്ചയല്ലേ?
അന്ത ഷക്കീലയ്ക്കു് ഇന്ത പട്ടു്!
pramod km | 11-Mar-08 at 9:11 am | Permalink
വൃത്തത്തിലാക്കുകിതുമൊത്തമിതും മൊഴിഞ്ഞു
ചുറ്റുന്നതിന്നിടയിലെന്നുടെ തത്വശാസ്ത്രം
തൊട്ടെങ്കിലക്കളികള്‍ തീക്കളിയാണ് മാഷേ
തല്ലാണു നല്ലവഴിയെന്നതു തീര്ച്ചയല്ലേ?
(സനാതനന്‍ ഭായ് പോരേ? ഹിഹി, മതി അല്ലേ ?ഇല്ലെങ്കില്‍ ഉമേഷ് ഗുരിക്കള്‍ വടിയെടുക്കും)
അക്ഷരത്തെറ്റു തിരുത്തിയിട്ടുണ്ടു്.
സനാതനന്‍ | 11-Mar-08 at 9:13 am | Permalink
കണ്ണൂസ് കണ്ണുവച്ചു,എന്റെ ഫ്യൂസുപോയി 🙂
സനാതനന്‍ | 11-Mar-08 at 9:18 am | Permalink
പ്രമോദേ നമോവാകം 😉
കണ്ണൂസ് | 11-Mar-08 at 9:29 am | Permalink
കാട്ടില്‍, രമിച്ചു തിമര്‍ക്കുമൊരു തക്ഷകനെ
പെട്ടെന്നെടുത്തു തന്‍ കണ്ഠേ ചാര്‍ത്തിയിട്ട്
ചാരത്തു നില്പ്പവനു പണി നല്‍കുവോന്‌
തല്ലാണ് നല്ല വഴിയെന്നതു തീര്ച്ചയല്ലേ?
സമര്‍പ്പണം : ഉദ്ദണ്ഡ ശാസ്ത്രികള്‍ക്ക് 🙂
മനസ്സിലായില്ലല്ലോ കണ്ണൂസേ. ഇതാണോ ഉദ്ദേശിച്ചതു്?
വേലിക്കു മേലെ മരുവീടിന പാമ്പിനെപ്പോയ്
വാലില്‍ പിടിച്ചു നിജ കോണകമാക്കിയിട്ടു
ചാരത്തു നില്പ്പവനു ജോലി കൊടുക്കുവോനു
തല്ലാണു നല്ല വഴിയെന്നതു തീര്ച്ചയല്ലേ?
pramod km | 11-Mar-08 at 9:35 am | Permalink
കണ്ണൂസഹോ കഴിവുകൂടിയ കണ്ണുവെച്ചൂ
ഫ്യൂസങ്ങടിച്ചു സനാതന പുംഗവന്റെ
രണ്ടാളുമോടുകുടനങ്ങനെയല്ലയെങ്കില്‍
തല്ലാണു നല്ലവഴിയെന്നതു തീര്ച്ചയല്ലേ?
ധനേഷ് | 11-Mar-08 at 9:59 am | Permalink
ആദ്യമായാണു ഇത്തരം ഒരു ബ്ലോഗില്‍ എത്തുന്നത്… (ബൂലോകത്തിലെ പരിചയക്കുറവു തന്നെ കാരണം)
സ്കൂളില്‍ പഠിക്കുമ്പോള്‍ ക്ലാസ് കട്ട് ചെയ്യാന്‍ വേണ്ടി മത്സരങ്ങള്‍ക്കാണുപ്രധാനമായും കവിത ഏഴുതിയിട്ടുള്ളത്.. അതിനു ശേഷം ഞാന്‍ ആദ്യമായി എഴുതിയ കവിത മുകളീല്‍ താങ്ങിയിരിക്കുന്നതാണ്‌.
ഇവിടെ ശ്ലോകങ്ങളിലൂടെ പരസ്പരം പാരകള്‍ വയ്ക്കുന്നത്കണ്ട് ആവേശം കയറി ഞാന്‍ ഒരു വെറൈറ്റി പരീക്ഷണം കൂടി നടത്തുന്നു.
സഹിക്കൂ.. ക്ഷമിക്കൂ…
അല്ലല്‍ പലതുമറിഞ്ഞു, അലഞ്ഞുനടന്നു ഏറെ,
ഇല്ലാ തൊഴില്‍ കൈക്കൂലി കൊടുത്തിടാതെ,
ഇല്ലത്തു പട്ടിണിമാറ്റുവാനിനിത്തൊണ്ടു-
തല്ലാണു നല്ലവഴിയെന്നതു തീര്ച്ചയല്ലേ?
രസികന്‍ പൂരണം! വൃത്തം ശരിയാക്കിയപ്പോള്‍ ഇങ്ങനെ ആയി:
അല്ലല്‍ ശരിക്കു പല, തേറെയലച്ചി, ലൊന്നു-
മില്ലാ നമുക്കു പണി കാശു കൊടുത്തിടാതെ,
ഇല്ലത്തു പട്ടിണി, യൊരൊറ്റ നിവൃത്തി – തൊണ്ടു-
തല്ലാണു നല്ലവഴിയെന്നതു തീര്ച്ചയല്ലേ?
abhayarthi | 11-Mar-08 at 10:13 am | Permalink
വനസ്ഥലിയല്ലിത്‌ നെറ്റിനുള്ളില്‍
ഗുരുകുലമെന്നൊരു സമ്പ്രദായം
ചിരകാലമായി തുടരുന്നുമേശന്ന്‌
തല്ലാണു നല്ലവഴിയെന്നതു തീര്ച്ചയല്ലേ?
പൊട്ടക്കവിതയെഴുതാന്‍ ഏതഭയാര്‍ത്ഥിക്കുമാകും.
Aravind | 11-Mar-08 at 10:25 am | Permalink
I think the prize goes to Dhanesh 🙂
സനാതനന്‍ | 11-Mar-08 at 10:56 am | Permalink
അല്ലായിതെന്തുപറയുന്നു നമുക്കുതല്ലാ-
നില്ലാതിരിപ്പതൊരുകാരണമെന്നുകാണ്‍കേ
ചൊല്ലായിതിങ്ങുനിറയുന്ന രസത്തിരപ്പൊല്‍
തല്ലാണു നല്ലവഴിയെന്നതു തീര്ച്ചയല്ലേ?
പ്രമോദേ അവസാനത്തെ ശ്ലോകം,ഗുരുവേ ക്ഷമി…
കണ്ണൂസ് | 11-Mar-08 at 11:22 am | Permalink
പണ്ടേ തുലച്ചതാണാറു വര്‍ഷമതെന്തിനാലും
ഇണ്ടല്‍ മറന്നൊരു ‘നോട്ടം’ തൊടുത്തു വിട്ട്
എന്നാല്‍ ‘അനന്തരം’ ഇന്നെഴുതുന്ന കൈക്ക്
തല്ലാണ് നല്ല വഴിയെന്നത് തീര്ച്ചയല്ലേ?
പ്രമോദിന് വീണ്ടും. 🙂
ധനേഷ് | 11-Mar-08 at 11:45 am | Permalink
അരവിന്ദേ.. എന്നെയങ്ങു കൊല്ല്…(അല്ലെങ്കില്‍ വേണ്ട.. അതിനും കൂടി ബുദ്ധിമുട്ടിക്കുന്നില്ല… )
ഈ എന്നെക്കൊണ്ട് പോലും എഴുതാന്‍ തോന്നിപ്പിച്ച, ഒപ്പം ഇത്രയും പ്രതിഭകളുടെ ലീലാവിലാസങ്ങള്‍ കാണൂവാന്‍ അവസരം ഉണ്ടാക്കിത്തന്ന, ഒരു നല്ല സമസ്യ തന്നതിനു ഉമേഷ്ജിക്ക് ഒരായിരം നന്ദി…
ഇത്തരം കലാപരിപാടികള്‍ ഇടക്കിടക്ക് നടന്നിരുന്നെങ്കില്‍ ഒന്നു സാധകം ചെയ്തു തെളിയാമായിരുന്നു.. :-)…
പ്രശാന്ത് | 11-Mar-08 at 12:35 pm | Permalink
ഇല്ലെടോ തനിക്കു നാണമിതൊട്ടുമേ
ചെല്ലെഴും പിടകളെ പറ്റിനടക്കുവാന്‍
കല്ലെടുത്തെറിഞ്ഞാലും പോകായ്കയെങ്കില്‍ പിന്നെ
തല്ലാണു നല്ല വഴിയെന്നതു തീര്ച്ചയല്ലേ.
തഥാഗതന്‍ | 11-Mar-08 at 12:51 pm | Permalink
എല്ലാവിധ ബ്രാന്‍ഡുകളും ലഭിച്ചീടും ബാറുകള്‍
എല്ലായിടത്തും വെളിച്ചം പൊലിച്ചു നില്‍ക്കേ
എല്ലാമുപേക്ഷിച്ചു പിംഗാര തേടി പോമെനിക്കു
തല്ലാണ് നല്ല വഴിയെന്നത് തീര്ച്ചയല്ലേ?
മനു | 11-Mar-08 at 3:55 pm | Permalink
തല്ലരുത്……. ജീവിതത്തില്‍ ആദ്യമായി എഴുതുന്നതാണിത്. ആഗ്രഹം കൊണ്ടു എഴുതിപ്പോയതാണ്……… ഇനി ആവര്‍ത്തിക്കില്ല.
ഉണ്ടൊരു വീട്, ഒന്നിലധികവും ചിലര്‍ക്ക്,
നിക്ഷേപമായി വീണ്ടും ഫ്ലാറ്റും സ്ഥലവും വാങ്ങുന്നിതു ചിലര്‍,
പാവങ്ങള്‍ക്കു കൂരയില്ലാതാക്കും പുതു പണക്കാര്‍ക്ക്,
തല്ലാണ് നല്ല വഴിയെന്നത് തീര്ച്ചയല്ലേ?
അല്ലാ, യിതേതു മനു? വാളറിയാന്‍ പ്രയാസം;
എല്ലാം മനുക്കളിഹ ഗുപ്ത-വിഹാര-സ്യാലര്‍!
നല്ലോണമാരിവനിതോതുക, യില്ലയെങ്കില്‍
തല്ലാണു നല്ല വഴിയെന്നതു തീര്ച്ചയല്ലേ?
ഏതായാലും വൃത്തം തിരുത്തിത്തരാം.
വീടുണ്ടൊരെണ്ണമൊരുപാടു, മതെങ്കിലും ചെ-
ന്നോരോത്തര്‍ ഫ്ലാറ്റുകളെ വാങ്ങു, മിവണ്ണമിപ്പോള്‍
പാവങ്ങള്‍ വീടു തടയും ധനികര്‍ക്കു നല്ല
തല്ലാണു നല്ല വഴിയെന്നതു തീര്ച്ചയല്ലേ?
(ശരിയായില്ല. ഒരുപാടു കാര്യമുണ്ടു ശ്ലോകത്തില്‍ 🙁 )
Umesh:ഉമേഷ് | 11-Mar-08 at 5:10 pm | Permalink
എന്റമ്മേ! രാവിലെ നോക്കിയപ്പോള്‍ 53 കമന്റ്!
തിരുത്തുകളും മറുപടികളും അതാതു കമന്റുകള്‍ എഡിറ്റു ചെയ്തു ചേര്‍ത്തിട്ടുണ്ടു്. എല്ലാം തിരുത്തുവാന്‍ പറ്റിയില്ല. സമയം കിട്ടുമ്പോള്‍ ചെയ്യാം.
ഇടയ്ക്കിടെ വന്നു കമന്റുകാള്‍ വീണ്ടും വായിക്കൂ 🙂
Umesh:ഉമേഷ് | 11-Mar-08 at 5:13 pm | Permalink
ഗദ്യത്തില്‍ കവിതയെഴുതുന്നവര്‍ അങ്ങനെ ചെയ്യുന്നതു വൃത്തത്തിലെഴുതാന്‍ കഴിവില്ലാത്തതു കൊണ്ടാണെന്നു പറഞ്ഞവരുടെയെല്ലാം വായടച്ചുകൊണ്ടു് പ്രമോദും സനാതനനും ശുദ്ധവസന്തതിലകത്തില്‍ അനേകം ശ്ലോകങ്ങള് പൂരണങ്ങളായി അയച്ചുകൊണ്ടു ജൈത്രയാത്ര നടത്തുന്നു.
ഇനിയെങ്കിലും വൃത്തവാദികള്‍ കവിത എന്തെന്നു മനസ്സിലാക്കിയിരുന്നെങ്കില്‍!
സന്തോഷ് | 11-Mar-08 at 6:04 pm | Permalink
തെല്ലൊട്ടുമില്ല രുചി, തോരനു, മോലനൊന്നും
വല്ലാത്ത ഗന്ധമൊഴുകുന്ന പുളിങ്കറിക്കും
ഉല്ലാസമോടശനമാകണമോ? സ്വപത്നീ-
തല്ലാണു നല്ലവഴിയെന്നതു തീര്ച്ചയല്ലേ?
നല്ലൂണു ഭാര്യ വഴിയേ റെഡിയാക്കി വെച്ച-
തെല്ലാം നിറച്ചു വയര്‍ കുട്ടകതുല്യമാക്കി
നിര്‍ലജ്ജമിങ്ങനെഴുതുന്ന കവിയ്ക്കു പത്നീ-
തല്ലാണു നല്ല വഴിയെന്നതു തീര്ച്ചയല്ലേ?
ഭാര്യാഹസ്തേന താഡനം എന്നു ശാസ്ത്രം 🙂
പ്രിയ ഉണ്ണികൃഷ്ണന്‍ | 11-Mar-08 at 8:19 pm | Permalink
മിഴിവാര്‍ന്ന സ്വപ്നങ്ങളെയറിഞ്ഞിടാതെ
കരള്‍ പറിയ്ക്കും വേദനയറിഞ്ഞിടാതെ
സോദരെ തന്നെ കൊന്നൊടുക്കും മനുജര്‍ക്കു
തല്ലാണു നല്ല വഴിയെന്നതു തീര്ച്ചയല്ലേ?
ഉമേഷ്ജി, ഏറ്റോ???
ദേവന്‍ | 11-Mar-08 at 8:53 pm | Permalink
അരവിന്ദിനു വേണ്ടത് തല്ലാണു എന്നതിനു അടി എന്നല്ലാത്ത അര്‍ത്ഥം അല്ലേ? അത്/ഇത്+ അല്ല+ അണു ആക്കൂ
ഉണ്ടാക്കി പക്ഷിപ്പനിക്കു വാക്സിനൊന്നതു
കണ്ടുടന്‍ മ്യൂട്ടേഷന്‍ നടത്തി വൈറസ്‌
ഉണ്ടായമരുന്നിനാല്‍ ചെറുക്കുവാനാവ-
തല്ലാണു, നല്ല വഴിയെന്നതു തീര്ച്ചയല്ലേ!!
(വൃത്തം വിഹഗവിരേചിത)
ഇല്ല + അണു മലയാളത്തില്‍ ഇല്ലയണുവേ ആവൂ. അ + അ = ആ ആവുന്നതു സംസ്കൃതത്തിലാണു്.
പിന്നെ ഇല്ലാ + അണു എന്നു വേണമെങ്കില്‍ പറയാം.
ഇഞ്ചിപ്പെണ്ണ് | 11-Mar-08 at 11:26 pm | Permalink
അക്ഷരമാലയതൊട്ടുമറിഞ്ഞീടിലും
മലയാളമതൊരല്പം വീക്കാണെങ്കിലും
ഉണ്ടൊരാഗ്രഹം കവിതയെഴുതുവാന്‍
തല്ലാണു, നല്ല വഴിയെന്നതു തീര്ച്ചയല്ലേ!!
pramod km | 12-Mar-08 at 12:50 am | Permalink
സന്തോഷ് ഗുരോയിവിടെയുണ്ടിവനേകനായി
സന്താപമോടെ പശികൊണ്ടു വലഞ്ഞ്,കഞ്ഞി-
ക്കില്ലെങ്കിലുംരുചി,തരേണമെനിക്കതല്ലേല്‍
തല്ലാണു നല്ല വഴിയെന്നതു തീര്ച്ചയല്ലേ?
സിദ്ധാര്‍ത്ഥന്‍ | 12-Mar-08 at 5:26 am | Permalink
1/2vinda,
ഇതെങ്ങനെയുണ്ടെന്നു നോക്കൂ.
ചുറ്റുംവളഞ്ഞുപലതോതിമതാധിപന്മാര്‍
എന്റേതുനല്ലവഴി,ചീത്തയതെന്നുതീര്‍ച്ച
യല്ലേ?ജനത്തിനതിയായകുഴപ്പമായേ-
തല്ലാ/ണു നല്ലവഴിയെന്നതു തീര്ച്ചയല്ലേ?
vadavosky | 12-Mar-08 at 5:58 am | Permalink
പൊല്ലാപ്പുകളേറെ, വിഘ്നങ്ങളുമുണ്ടനേകം
വല്ലാതെയാക്കല്ലെ യേകദന്താ, നിനക്കുവേണ്ടി
നല്ലോരു നാളികേരമുടച്ചിടാമെന്നതുമാത്രമ
തല്ലാണു നല്ലവഴിയെന്നതു തീര്ച്ചയല്ലേ.
manu | 12-Mar-08 at 9:34 am | Permalink
പൂരണമൊന്നും ഇല്ല. വൃത്തത്തിലെഴുതാന്‍ പോയിട്ട് ചതുരത്തില്‍ എഴുതാന്‍ തോന്നണില്ല രാവിലെ. പക്ഷെ
നല്ലോരു പേരിവിടെയുള്ളവരിന്നു നട്ടെ-
ല്ലില്ലാതെ ലോകരെയലമ്പു വിളിക്കുവാനായ്
നിര്‍ല്ലജ്ജമീവിധമനോണികളായി വന്നാല്‍
തല്ലാണു നല്ല വഴിയെന്നതു തീര്ച്ചയല്ലേ?
ഇതിനൊരു നമോവാകം പറയാതെ പോകാന്‍ തോന്നുന്നില്ല 🙂
ഓടോ.
പ്രമോദിന്റെ
ഇല്ലാത്ത വൃത്തമഹഹഹോ!നിര്‍മ്മിച്ചു വിണ്വാ-
ക്കോതുന്ന ദേവഗണനായകവീരനേയും
കണ്ണൂസുചേട്ടനെയുമോട്ടിവിടുന്നതിന്ന്
തല്ലാണു നല്ലവഴിയെന്നതു തീര്ച്ചയല്ലേ?-
കണ്ടപ്പോള്‍ പഴയ ‘വല്ലായ്മ ദേവകള്‍ പെടുത്തുവതും പൊറുക്കവൊന്നല്ലായിരുന്നു ബുഹുഹുഹുഹഹഹഹാ ഭാരത പൂര്‍വരക്തം‘ ഓര്‍മവന്നു. അന്ന് ഇങ്ങരെന്തിനാണ് ചിരിക്കുന്നതെന്നോര്‍ത്ത് പുകഞ്ഞ എന്റെ തലതണുക്കാന്‍ ആറ്റിലിറങ്ങി മുങ്ങിക്കിടക്കേണ്ടി വന്നു 😉
pramod km | 12-Mar-08 at 11:35 am | Permalink
ബുഹഹഹാ
മനുഭായ്,അത് നന്നായി ബോധിച്ചു:)
Aravind | 12-Mar-08 at 12:43 pm | Permalink
“ആറില്‍ കവിഞ്ഞടികള്‍ നീള, മതൊത്ത തൂക്കം,
ബ്ലോഗില്‍ പുഴുത്ത തെറി, വട്ടു, നിഷേധി, പോക്രി,
ഈവണ്ണമുള്ളൊരരവിന്ദനെ നല്ലതാക്കാന്‍
തല്ലാണു നല്ല വഴിയെന്നതു തീര്ച്ചയല്ലേ?”
ഇതാണീ ഉമേഷ്ജിയുടെ ബ്ലോഗില്‍ വന്നാലുള്ള കുഴപ്പം.
ചാന്‍സ് കിട്ട്യാ ഉമേഷ്ജി എന്നെയങ്ങു പുകഴ്ത്തിക്കളയും!..ശോ! ആള്‍ക്കാരൊക്കെയെന്നാ വിചാരിക്കും! ഇതൊക്കെ എപ്പഴുമിങ്ങനെ പറഞ്ഞു പുകഴ്ത്തണോ, എല്ലാര്‍ക്കും അറിയാവുന്ന കാര്യമല്ലേ?
സിഡ്‌ജീ/ദേവ്‌ജീ അതു കൊള്ളാം…എങ്കിലും ഇക്കാര്യത്തില്‍ നയാപൈസ ആയ എനിക്ക് ഏറ്റവും ബോധിച്ചത് തൊണ്ട് തല്ലാണ്..വെളുത്തുപോമിന്നിഹക്ക് തീയേറ്ററിലെ കാര്യം ആരോ പൂശീരുന്നല്ലോ..ആ ഒരു “ക്രിയേറ്റീവ്” (വികട) ഡിഫറന്‍സ് അതിന് ഉണ്ട്…(അല്ല ഈ ദേവ്‌ജി എന്തായിത് മെഷീന്‍ ഗണ്ണു വെച്ചാണോ സമസ്യ പൂരിപ്പിക്കണേ? ചറപറാന്നാ വരവ്!)
ഏതായാലും സമസ്യാപൂരണത്തെ ബ്ലോഗില്‍ ജനകീയമാക്കിയതില്‍ ഉമേഷ്ജിക്കുള്ള പങ്ക്, രാധാസ് ആയുര്വ്വേദിക് റ്റോയ്ലെറ്റ് സോപ്പിന്റെ പരിമളം പോലെ, ഒളിച്ചുവെച്ചാലും ഒളിച്ചിരിക്കില്ല. 🙂
രസകരമായ കമന്റുകള്‍ക്ക് എല്ലാ സമസ്യപ്പുലികള്‍‌ക്കും ഈ നയാപ്പൈസയുടെ നമോവാകം.
Moorthy | 12-Mar-08 at 6:32 pm | Permalink
പോസ്റ്റോളമായാല്‍ കമന്റവിടുന്നു മാറ്റി, താങ്ങണം പുതിയ ബ്ലോഗൊരെണ്ണം തുടങ്ങി
പോസ്റ്റിനേക്കാള്‍ വലിയ കമന്റടി നിര്‍ത്തുവാന്‍
തല്ലാണു നല്ല വഴിയെന്നതു തീര്ച്ചയല്ലേ?
ഞാന്‍ കുറച്ച് ദിവസം അവധിയിലായിരിക്കും…:)
പപ്പൂസ് | 12-Mar-08 at 7:16 pm | Permalink
വല്ലായ്മയൊട്ടു കുറവില്ലയതിന്നുമോര്‍ത്ത്
ഇല്ലാത്ത കാശിനു വാങ്ങിയൊരോസിയാറിന്‍
നല്ലോരു ബോട്ടിലതു ചേട്ടനടിച്ചു മാറ്റി;
തല്ലാണു നല്ല വഴിയെന്നതു തീര്ച്ചയല്ലേ?
വൈകി, ല്ലേ? ഇതു ഞാന്‍ ശീലമാക്കീ… 😉
രണ്ടാം വരിയില്‍ മാത്രമേ വൃത്തഭംഗമുള്ളൂ. “ഇല്ലാത്ത കാശതിനു്” എന്നോ “ഇല്ലാത്ത കാശു വടിയാക്കിയൊരോസിയാറിന്‍” എന്നോ മാറ്റിയാല്‍ ശുഭം. 🙂
ഈ ഓസിയാറെന്നു പറയുന്നതു റമ്മല്ലേ? അതാണോ ശീലമാക്കിയെന്നു പറഞ്ഞതു്? 🙂
ഉമേഷ് | Umesh | 12-Mar-08 at 11:22 pm | Permalink
ഒരു വ്യത്യസ്തപൂരണം. ക്രമാലങ്കാരം (പിപീലികാ ദന്തിവരം പ്രസൂതേ…) ഉപയോഗിച്ചു്:
(1) പിള്ളേര്‍ക്കു ചൊല്ലുവിളി നല്‍കുമുപായമെന്താ-
(2) ണെല്ലാ ഗൃഹത്തിനുമവശ്യമിടേണ്ടതെന്തോ?
(3) നല്ലോര്‍ക്കു നല്ല വിധിയെന്നതു തീര്‍ച്ചയാണോ?
(1) തല്ലാണു; (2) നല്ല വഴി; (3) യെന്നതു തീര്‍ച്ച; – അല്ലേ?
pramod km | 13-Mar-08 at 2:18 am | Permalink
(1)ചൊല്ലിക്കൊടുത്തു,ഗുണമില്ലിനി യെന്തുമാര്‍ഗ്ഗം?
(2)എല്ലാരുമൊത്തു തിരയേണ്ടൊരു കാര്യമെന്തേ?
(3)ഇല്ലെങ്കിലല്ലല്‍,ഇവിടം മഹനീയമാകും
(1)തല്ലാണു (2)നല്ലവഴി(3)യെന്നതു തീര്ച്ചയല്ലേ?
(ക്രമാലങ്കാരമെങ്കില്‍ അത്)
അക്രമം!
അനോണി ആന്റണി | 13-Mar-08 at 5:41 am | Permalink
തള്ളേണെ തല്ലുമിവനീ പയലിന്നെകേട്ടോ
പുല്ലാണെനിക്കിവിടെ യോര്‍ത്തുകൊള്‍, പോടെ ദൂരെ
ഇല്ലീലു നിന്റെ കടിയിന്നു നിറുത്തുവാനീ
തല്ലാണു നല്ലവഴിയെന്നതു തീര്ച്ചയല്ലേ?
[ബ്ലോഗര്‍ ബ്ലോക്ക് ചെയ്താലും ഉമേഷിന്റെ സൈറ്റില്‍ കേറാനൊക്കും!
സ്വന്തമായി സേര്വറുള്ളവര്‍ നീണാള്‍ വാഴ്ക]
കലക്കന്‍ പൂരണം, ആന്റണീ! ആന്റണിക്കു നല്ല വൃത്തബോധമുണ്ടല്ലോ…
അനോണി ആന്റണിയും ശ്ലോകമയച്ചു. ഇനി കോവാലനും അയയ്ക്കുമോ എന്തോ? 🙂
ഇടിവാള്‍ | 13-Mar-08 at 7:38 am | Permalink
ദേവസ്വമാണത്രേ വകുപ്പു പക്ഷേ,
ദേവിയെപ്പോലും ലജ്ജിപ്പിക്കും
കല്ലന്‍ തെറികള്‍ ചൊല്ലും സുധാകരാ
തല്ലാണു നല്ല വഴിയെന്നതു തീര്ച്ചയല്ലേ?
Pls Edit 🙂
ഇടിവാള്‍ | 13-Mar-08 at 7:45 am | Permalink
ചൊളചൊളായെന്നെല്ലാ ഒന്നാം തീയതീം
ശമ്പളമെണ്ണി വാങ്ങുന്ന കുട്ടപ്പന്‍
തെല്ലും പണിയെടുക്കാതെ ബ്ലോഗുമ്പോള്‍
തല്ലാണു നല്ല വഴിയെന്നതു തീര്ച്ചയല്ലേ?
ഇടിവാള്‍ | 13-Mar-08 at 7:52 am | Permalink
ചെല്ലക്കിടാവേ പുന്നാരമോനേ
ചൊല്ലുവിളിയല്പം വേണ്ടേട കണ്ണാ
പുല്ലുവില നീ തന്തക്കു തന്നെന്നാല്‍
തല്ലാണു നല്ല വഴിയെന്നതു തീര്ച്ചയല്ലേ
അനോണി ആന്റണി | 13-Mar-08 at 8:04 am | Permalink
നല്ലോണമുണ്ടു മശകം, സകലര്‍ക്കു രോഗം
ഇല്ലൊട്ടുമേ മെന, ചവര്‍, ചളിയെന്തു കഷ്ടം
വല്ലാത്ത പീഡകള്‍ വരുത്തുമിവര്‍ക്കു നാടന്‍
തല്ലാണു നല്ല വഴിയെന്നതു തീര്ച്ചയല്ലേ?
ഇടിവാള്‍ | 13-Mar-08 at 8:22 am | Permalink
കൊള്ളില്ലയീ “വലി“ ലങ്സുകള്‍ക്കൊട്ടുമേ
കൊള്ളിവക്കാനുള്ള നേരം കുറച്ചീടും
എല്ലാമറിഞ്ഞിട്ടുമീ പുകതള്ളുമീ പുള്ളക്ക്
തല്ലാണു നല്ല വഴിയെന്നതു തീര്ച്ചയല്ലേ? 😉
പപ്പൂസ് | 13-Mar-08 at 8:30 am | Permalink
കള്ളാണു സത്യമിതു ചൊല്ലിടുന്നു ഞാനും
എള്ളോളമില്ലിവിടാര്‍ക്കുമൊരിറ്റു സ്നേഹം
തല്ലാതെ, നല്ല വഴി ചൊന്നു വളര്‍ത്തിടായ്കില്‍,
തല്ലാണു നല്ല വഴിയെന്നതു തീര്ച്ചയല്ലേ?
വൃത്തം മിക്കവാറും ശരിയാണു്.
കള്ളാണു സത്യമിതു ചൊല്ലിടുമിന്നു ഞാനും
എള്ളോളമില്ലിവിടെയാര്‍ക്കുമൊരിറ്റു സ്നേഹം,
തല്ലാതെ, നല്ല വഴി ചൊന്നു വളര്‍ത്തിടായ്കില്‍,
തല്ലാണു നല്ല വഴിയെന്നതു തീര്ച്ചയല്ലേ?
ഈ എള്ളോളവും ഇറ്റും കൂടി ഒന്നിച്ചു വേണ്ട. അതു യുക്തം പോലെ ഒന്നു കളഞ്ഞു് അവിടെ എന്തെങ്കിലും വെക്കൂ.
ഇടിവാള്‍ | 13-Mar-08 at 8:30 am | Permalink
എന്താ രസം ഈ സമസ്യാ പൂരണം
സ്വന്തമായി സെര്‍വറുണ്ടെന്നിരിക്കുലും
ദിവസേനയോരോ സമസ്യയിടാത്തയുമേഷിനു(ജീക്ക്)
തല്ലാണു നല്ല വഴിയെന്നതു തീര്ച്ചയല്ലേ
* ഹാവൂ.. എനിക്ക് സമസ്യാമാനിയ എന്ന മാരക രോഗമാണോ ഫഗവാനേ? യെന്നാ ഒരെണ്ണം മര്യാദക്കുണ്ടോ? കഷ്ടം!
ഇടിവാള്‍ | 13-Mar-08 at 8:41 am | Permalink
ഒരെണ്ണം കൂടി.. ബ്ലീസ് 😉
ഇന്നലെ കോണ്‍ഗ്രസ്, ഇന്നോ സിപീയെം
മിനിയാന്നു ബീജേപി ക്കാരു ഹര്‍ത്താല്‍
തുമ്മിയാല്‍ ബന്ദു നടത്തുന്ന മ്ലേച്ഛര്‍ക്ക്
തല്ലാണു നല്ല വഴിയെന്നതു തീര്ച്ചയല്ലേ?
പപ്പൂസ് | 13-Mar-08 at 8:43 am | Permalink
വല്ലാത്ത ജന്മമിവ,നിന്നിടിവാളിതെന്തേ
നല്ലോണമൊട്ടിത്ര പുകച്ചു വലിച്ചു കൊണ്ടേ
ചൊല്ലുന്നഹോ, പുകവലി നല്ലതല്ല; നല്‍-
തല്ലാണു നല്ല വഴിയെന്നതു തീര്ച്ചയല്ലേ?
വൃത്തം ശരിയാക്കിയതു്:
വല്ലാത്ത ജന്മമിവ,നിന്നിടിവാളിതെന്തേ
നല്ലോണമായ് പുക വലിച്ചു മദിച്ചു കൊണ്ടേ
ചൊല്ലുന്നു “ധൂമവലി നല്ലതിനല്ല”- നല്ല
തല്ലാണു നല്ല വഴിയെന്നതു തീര്ച്ചയല്ലേ?
ഇടിവാള്‍ | 13-Mar-08 at 8:46 am | Permalink
എന്താണു വൃത്തം, ശ്ലോകമെന്നോ
ആരാണു തുഞ്ചത്തെഴുത്തച്ചനെന്നോ
ഒന്നുമറിയാതെ ഇവിടെഴുതുമെനിക്ക്
തല്ലാണു നല്ല വഴിയെന്നതു തീര്‍ച്ചയാണേ!
അതുകൊണ്ട് പോണു..ബൈബൈ!
പപ്പൂസ് | 13-Mar-08 at 8:55 am | Permalink
ഇല്ലില്ല നേരമിനി,യൂണു ബ്രേക്കു തീര്‍ന്നു,
സല്ലാപമിനിയെത്ര ബാക്കി കിടപ്പു, ബ്ലോഗില്‍!
ഇല്ലാത്ത നേരമിതു ചെയ്തു മടുപ്പു മാറ്റില്‍,
തല്ലാണു നല്ല വഴിയെന്നതു തീര്ച്ചയല്ലേ?
ഞാന്‍ പോട്ടേ… 😉
വൃത്തം നേരെയാക്കിയതു്:
ഇല്ലില്ല നേരമിനി,യൂണ്‍സമയം കഴിഞ്ഞൂ,
സല്ലാപമെത്രയിനി ബാക്കി കിടപ്പു ബ്ലോഗില്‍!
ഇല്ലാത്ത നേരമിതു ചെയ്തു മടുപ്പു മാറ്റില്‍,
തല്ലാണു നല്ല വഴിയെന്നതു തീര്ച്ചയല്ലേ?
വല്യമ്മായി | 13-Mar-08 at 11:44 am | Permalink
കരയുന്ന കുഞ്ഞിനെ പാലൂട്ടിയുറക്കാതെ
അപ്പീസിലെ പ്പണി സമയത്ത് തീര്‍ക്കാതെ
രണ്ടുദിനമായിവിടെ കറങ്ങുന്നെനിക്ക്
തല്ലാണു നല്ലവഴിയെന്നതു തീര്ച്ചയല്ലേ?
വൃത്തവും ഗുരുവും ലഘുവും വഴങ്ങുന്ന ഒരു ലക്ഷണവുമില്ല,തല്‍ക്കാലം ഇതിരിക്കട്ടെ 🙂
Umesh:ഉമേഷ് | 13-Mar-08 at 1:48 pm | Permalink
വല്യമ്മായിയുടെ പൂരണത്തിനോടു സാദൃശ്യമുള്ള ഒരെണ്ണം ഞാനെഴുതി അക്ഷരശ്ലോകം ഗ്രൂപ്പിലേക്കയച്ചിരുന്നു. അതു താഴെ:
ഇള്ളക്കിടാവിനു കൊടുക്കുകയില്ല പാല്‍, തന്‍
തുല്യം വെടിഞ്ഞ തനുവാകെയുടഞ്ഞു പോകും
ചൊല്ലീട്ടിതേ വിധമിരുന്നിടുമമ്മമാര്‍ക്കു
തല്ലാണു നല്ല വഴിയെന്നതു തീര്ച്ചയല്ലേ?
Umesh:ഉമേഷ് | 13-Mar-08 at 1:54 pm | Permalink
ഇല്ലര്‍ത്ഥമില്ല രസമില്ലൊരു വൃത്തവും, പി-
ന്നെല്ലാം തിരുത്തണമുമേശ, ശരിക്കതെന്നു
ചൊല്ലുന്ന ബ്ലോഗുകവികള്‍ക്കൊരു ചൂരല്‍ കൊണ്ടു
തല്ലാണു നല്ല വഴിയെന്നതു തീര്ച്ചയല്ലേ?
Umesh:ഉമേഷ് | 13-Mar-08 at 2:03 pm | Permalink
ഇല്ല്ലാ പ്രയാസ, മിതിനായി സുഷേണസഞ്ജീ-
വെല്ലാര്‍ക്കുമേകിയൊരു “വൃത്തസഹായി” നോക്കൂ
വല്ലാത്ത വൃത്തരഹിതങ്ങളെയിങ്ങയച്ചാല്‍
തല്ലാണു നല്ല വഴിയെന്നതു തീര്ച്ചയല്ലേ?
പപ്പൂസ് | 13-Mar-08 at 2:23 pm | Permalink
ഹള്ളോ! ചതിച്ചിഹ കിടത്തിയുമേഷനെന്നെ,
ഉള്ളം വഴിഞ്ഞു രചിച്ചതിലിതൊന്നു പോലും
തെല്ലെങ്കിലും തിരുത്തി, മിനുക്കു നടത്തിയില്ലേല്‍
’ഫുള്ളാ’ണെനിക്കു ഹിതമെന്നതു തീര്ച്ചയല്ലേ?
ഓഫായി… 🙁
വല്ലാത്തതാം വ്യഥ കളഞ്ഞിടു, വൃത്തബോധം
നല്ലോണമു, ണ്ടിനിയൊരല്പമിതില്‍ ശ്രമിച്ചാല്‍
എല്ലാം ശരിക്കു വരു, മല്ല കിടന്നലച്ചാല്‍
തല്ലാണു നല്ല വഴിയെന്നതു തീര്ച്ചയല്ലേ?
വല്യമ്മായി | 13-Mar-08 at 3:24 pm | Permalink
അയ്യോ,തറവാടിം ശ്ലോകമെഴുതാന്‍ പൂവ്വാത്രേ 🙂
നല്‍ ലേഖനങ്ങള്‍ തറവാടി രചിച്ചിടട്ടേ;
വല്യമ്മ* നല്ല കവിതയ്ക്കു തുനിഞ്ഞിടട്ടേ
അല്ലാതെ തോന്നിയ വഴിക്കെഴുതുന്നുവെങ്കില്‍
തല്ലാണു നല്ല വഴിയെന്നതു തീര്ച്ചയല്ലേ?
*വല്യമ്മായി വസന്തതിലകത്തില്‍ കൊള്ളുന്നില്ല. അതുകൊണ്ടു വല്യമ്മ എന്നു വിളിക്കുന്നു. ക്ഷമി.
തറവാടി | 13-Mar-08 at 3:49 pm | Permalink
സുന്ദരി സുശീല വിദ്യാസമ്പന്ന
ഉളളതോ നല്ലോരു ജോലി
എന്നിട്ടും സ്ത്രീധനം പോരാന്നലമ്പുന്നോര്‍ക്ക്
തല്ലാണ് നല്ലവഴിയെന്നത് തീര്‍ച്ചയല്ലെ?
ഉമേഷേട്ടാ , വൃത്തം പഠിച്ചിട്ടിനിയും വരാം 😉
കോവാല കൃഷ്ണന്‍ | 13-Mar-08 at 3:56 pm | Permalink
തള്ളേ ലിനക്സല്ല ഗ്നുവാണു പോലും
റിച്ചാര്‍ഡ് സ്റ്റാള്മാന്‍ കുരുവാണു പോലും
പണിയൊന്നുമില്ലാത്ത സ്വമകര്‍ക്കു ചന്തീല്‍
തല്ലാണു നല്ല വഴിയെന്നതു തീര്ച്ചയല്ലേ?
ഹിഹിഹി. ഉമേഷണ്ണാ ചൊണയുണ്ടങ്കി ഈ ചതുരം ശരിയാക്ക്.
കോവാലകൃഷ്ണാ,
നിന്റെ കമന്റെല്ലാം ഡിലീറ്റ് ചെയ്യും എന്നു നേരത്തെ പറഞ്ഞതു് ഒരു തവണ വേണ്ടെന്നു വെയ്ക്കുന്നു-സമസ്യാപൂരണമായതു കൊണ്ടു്.
നിന്റെ ചതുരവും കോണവുമൊന്നും ശരിയാക്കാന്‍ എന്നെ കിട്ടില്ല. പകരം ഇതു പിടിച്ചോ.
ചൊല്ലാര്‍ന്ന ലോകരെയളിഞ്ഞൊരു ഭാഷ വെച്ചു
ഭള്ളോതുവാന്‍ വിരുത, ഗോപകുമാരവാലാ,
എല്ലാരുമൊത്തു മറ മാറ്റിയെടുത്തു കൂട്ട-
ത്തല്ലാണു നല്ല വഴിയെന്നതു തീര്ച്ചയല്ലേ?
ദില്‍ബാസുരന്‍ | 13-Mar-08 at 7:07 pm | Permalink
ഇല്ല ഡീസന്‍സിയല്പവും മര്യാദയൊട്ടുമേ
എങ്കിലും ബ്ലോഗെന്നുകെട്ടാലുടന്‍ ചാടിവന്നിടും
കാര്യമൊട്ടുമറിയാതെ കമന്റിടുന്നോര്‍ക്ക്
തല്ലാണ് നല്ല വഴിയെന്നത് തീര്ച്ചയല്ലേ?
അനോണി ആന്റണി | 13-Mar-08 at 7:19 pm | Permalink
തിരുത്തിത്തിരുത്തി മാസ്റ്ററു കൊഴഞ്ഞല്ല്. നാട്ടുകാരും കൂടിയൊരു കൈ വയ്ച്ച് സഹായിക്കൂ. കമന്റ് 70- “ഇടിവാളോപദേശം“ ശരിയാക്കാനൊരു ശ്രമം:
ചെല്ലക്കിടാവു പറയുന്നതു പോല്‍ നടക്കൂ
ചൊല്ലും വിളിക്കു വരുനീയിനിയല്‍പ്പമൊക്കെ
പുല്ലാണു തന്തയുടെ വാക്കിനു വച്ചതെന്നോ?
തല്ലാണു നല്ല വഴിയെന്നതു തീര്ച്ചയല്ലേ?
തെറ്റുണ്ടേല്‍ ആരേലും പറയണേ.
ഇടിവാള്‍ | 13-Mar-08 at 7:27 pm | Permalink
ആഹാ, അനോണി ആന്റണി മാഷേ.. എന്റെ പൂരണങ്ങളും തിരുത്ത്യോ? നന്ദി 😉
ബാക്കി എല്ലാം ഉമേഷ്ജീ തിരുത്തിക്കോ (ബാക്കി 5 എണ്ണം)
അല്ലേല്‍ അതെല്ലാം ഞാനെടുത്ത് “എന്റെ ലേറ്റസ്റ്റു കവിതകള്‍” എന്ന പേരില്‍ പബ്ലിഷാക്കും ട്ടാ! ബിവേര്‍ !
കോവാല കൃഷ്ണന്‍ | 14-Mar-08 at 3:15 am | Permalink
ഉമേഷണ്ണനും കൂട ഇങ്ങന തൊടങ്ങ്യാ എങ്ങനാണ്ണാ? എന്‍റ ഐപ്പീം പിടിച്ച്, എന്‍റ ഫാഷേം കുറ്റം പറഞ്ഞ് നടക്കാത ഞാമ്പറേണതി കാര്യൊണ്ടാന്ന് നോക്കണ്ണാ. അണ്ണന്‍റ കാര്യോം കഷ്ടമാണല്ല്. ഇനി ഇത് ഡിലീറ്റുമെങ്കി അങ്ങ് ഡിലീറ്റ്. ഡിലീറ്റാതിരിക്കണോങ്കി ശ്ലോകങ്ങള് എയ്തിയാ മതി അല്ലീ. ന്നാ പിടി.
വല്ലാത്ത കഷ്ടമിതു തന്നയുമേഷുമാഷേ
കാര്യം പറഞ്ഞാല്‍ ഹന്ത കടിക്കാന്‍ വരണല്ല്
ഐപ്പീം പിടിയ്ക്കും ഭാഷേം കളിയാക്കും, നിങ്ങള്‍ക്കു
തല്ലാണു നല്ലവഴിയെന്നതു തീര്ച്ചയല്ലേ?
ഗുപ്തന്‍ | 14-Mar-08 at 11:12 am | Permalink
വീണ്ടുമൊരു ഓഫ്.
പ്രമോദും സനലും മുന്‍പും ഛന്ദസ്സില്‍ കവിത എഴുതിയിട്ടുണ്ട്. അവരവരുടെ ബ്ലോഗില്‍തന്നെ. പ്രമോദിന് സംസ്കൃതവൃത്തങ്ങള്‍ നന്നായി വഴങ്ങും; മുന്‍പും ചില കമന്റുകളില്‍ ശ്ലോകങ്ങള് കണ്ടിരിക്കുന്നു. ആ വൃത്തസഹായി കിടിലോല്‍ക്കിടിലം. ഇന്നലെ അതില്‍ കുറേനേരം കളിച്ചുനോക്കി. 🙂 സമസ്യാപൂരണമൊന്നും തോന്നിയില്ല 🙁
ബാക്കി ശ്ലോകങ്ങള് അങ്ങുവീട്ടില്‍ കിട്ടാന്‍ കൂടിയാണ് കമന്റിയേക്കാം എന്ന് വച്ചത്
Su | 14-Mar-08 at 3:51 pm | Permalink
വല്ലാതെയേറി പനി, തല കനത്തു നിന്നു,
വയ്യാതെ വീട്ടുപണി ചെയ്തു തീര്‍ത്തിടുന്നു,
കിട്ടണമൊരു നല്ല സദ്യയെന്നോതുന്നവര്‍ക്ക്
തല്ലാണു നല്ല വഴിയെന്നതു തീര്ച്ചയല്ലേ?
എത്തിച്ചേര്‍ന്നു വിഷു, പിറന്നാളുമുണ്ട് കൂടെ,
ശമ്പളം കിട്ടിയതും കുറവ് ടാക്സിനാലെ-
യെന്നാലും സാരി വേണമെന്നോതുന്നോള്‍ക്കു,
തല്ലാണു നല്ല വഴിയെന്നതു തീര്ച്ചയല്ലേ?
വന്നു ഷാരൂഖ് ചിത്രം, നല്ല തിരക്കുമുണ്ട്
ബ്ലാക്കിലായ് കൊടുക്കുന്നു ടിക്കറ്റുമെല്ലാം,
എന്നിട്ടുമങ്ങോട്ടോടിത്തിരക്കുന്നവര്‍ക്കു
തല്ലാണു നല്ലവഴിയെന്നതു തീര്ച്ചയല്ലേ?
ഞാന്‍ പണ്ടേ പറഞ്ഞിട്ടുണ്ട്, എനിക്കു വൃത്തവും, വട്ടവും ഒന്നും അറിയില്ലെന്ന്. 😉
pramod km | 15-Mar-08 at 7:47 am | Permalink
വല്ലാതെയേറി പനി,യെന്‍ തലയോ കനത്തു
വയ്യാതെ വീട്ടുപണി ചെയ്തതു തീര്‍ത്തിടുന്നു
കിട്ടേണമിപ്പൊളൊരു സദ്യയിതോതുമോര്‍ക്ക്
തല്ലാണു നല്ല വഴിയെന്നതു തീര്ച്ചയല്ലേ?
എത്തീ വിഷുപ്പുലരി,ഒത്തു വരും പിറന്നാള്‍
കൈവന്നു സാലറിയതും കുറടാക്സിനാ‍ലേ
എന്നാലുമേകുകൊരു സാരിയിതോതുമോള്‍ക്ക്
തല്ലാണു നല്ല വഴിയെന്നതു തീര്ച്ചയല്ലേ?
ഷാരൂഖുചിത്രമതു വന്നു,തിരക്ക് കേമം
ടിക്കറ്റു വില്‍ക്കുവതു കാണുവതുണ്ട് ബ്ലാക്കില്‍
എന്നിട്ടുമോടിയുടനങ്ങു തിരക്കുമോര്‍ക്ക്
തല്ലാണു നല്ല വഴിയെന്നതു തീര്ച്ചയല്ലേ?
[സൂ ഏച്ചിയെ വൃത്തത്തിലാക്കിയത്. ഉമേഷ്ജിക്ക് ഒരു കൈ സഹായം:)]
പപ്പൂസ് | 15-Mar-08 at 9:36 am | Permalink
ചൊല്ലട്ടെ നന്ദി,യതിനൊപ്പമൊരു സംശയം കൂ-
ടില്ലെങ്കിലിന്നിവിടെയിക്കഥ പൂര്‍ണ്ണമാമോ
വല്ലാത്ത വൃത്തമിതിലൊറ്റ ലഘു മായ്‍ച്ചു ചൊന്നാ-
ലുണ്ടായ വൃത്തമതേതെന്നതു ചൊന്നിടാമോ?
ശ്ശെടാ… ഈ വൃത്തവും ശരിയായില്ല എന്നു തന്നെ തോന്നുന്നു.
ഇനി പറഞ്ഞതിന്‍റെ തര്‍ജ്ജമ ;-),
’തല്ലാണു പോംവഴിയെന്നതു തീര്ച്ചയല്ലേ’
എന്നൊരു വരി വരച്ചാല്‍ അതേതെങ്കിലും വൃത്തമാകുമോ? എവിടെയോ കേട്ട പോലെ തോന്നിയതു കൊണ്ടാ. സമയം കിട്ടുമ്പോള്‍ സഹായിക്കൂ. ആ വൃത്തസഹായി എന്റെ മെഷീനില്‍ തുറക്കുന്നില്ല. 🙁
ഓ.ടോ: ഗുപ്തന്‍ – പൂരണമിട്ട മനു ബ്രിജ് വിഹാരിയല്ലെന്നു തോന്നുന്നു. അങ്ങേര് വളരെ മനോഹരമായി, നല്ല വൃത്തത്തിലും താളബോധത്തിലും എഴുതിയ കവിതകള്‍ ഞാന്‍ വായിച്ചിട്ടുണ്ട്. ’ജീവിതത്തിലാദ്യമായി എഴുതുന്നതാണിതെ’ന്നാണ് പൂരണമിട്ട മനു പറഞ്ഞത്. ഇതെത്ര മനുക്കളപ്പാ…! 🙂
Sreevallabhan | 31-Mar-08 at 10:27 am | Permalink
ഉള്ളോരു ജോലിയതു തെല്ലു നിറുത്തിവച്ചി-
ട്ടന്‍പോടു നിന്റെ കദനങ്ങളെ ബ്ലോഗിലാക്കൂ
ഇല്ലാത്ത വേലയിനിമേല്‍ ശ്രഥ മാപ്പിലാക്കാന്‍
തല്ലാണു നല്ല വഴിയെന്നതു തീര്ച്ചയല്ലേ?
ഇപ്പോഴാണ് ഇതൊക്കെ കാണുന്നത്! വൃത്തത്തിലോ, അല്ലാതെയോ എഴുതാനൊന്നും അറിയില്ല. ഒരു ശ്രമം
ഹരിയണ്ണന്‍ | 09-Apr-08 at 10:23 pm | Permalink
ഈ ബ്ലോഗില്‍ ആദ്യമാണ്.വൃത്തത്തി‘ലെന്നുകരുതി’ എന്തെങ്കിലും സ്വന്തമായെഴുതുന്നതും ആദ്യമാണ്.
ഉമേഷ്ജിയും സഹബ്ലോഗന്മാരും ക്ഷമസ്വമാം!!
നാട്ടിലെ കവലയില്‍ ഒരു ജോലിക്കും പോകാതെ തെണ്ടിത്തിരിഞ്ഞുനടക്കുകയും അപ്പന്റെ പണം നശിക്കുകയും ചെയ്യുന്ന ഒരു മഹാനുഭാവനെക്കുറിച്ച്..
*ഇതിലെ കഥാപാത്രം ബൂലോകനല്ല.ഇനി എന്നെത്തല്ലരുത്.. 🙂
വല്ലോരുമെന്നുമവനുള്ളതുനല്‍കുമെന്നാ
പല്ലിന്നുഭംഗിയൊഴിയാതവനെന്നുമെന്നും
ചൊല്ലിച്ചിരിച്ചുകളിയാടിനടപ്പതോര്‍ത്താല്‍
തല്ലാണുനല്ലവഴിയെന്നതു തീര്ച്ചയല്ലേ?
ഹരിയണ്ണന്‍ | 10-Apr-08 at 11:30 am | Permalink
ഇനിയൊന്നുകൂടി….
താരാര താരതര താരര താരതാരാ-
യെന്നുള്ളചിട്ടയതുമാറ്റിവഴീന്നുപോയാല്‍
ചൊല്ലാമനോണികളതേതൊരു ദേവനാട്ടേ
തല്ലാണുനല്ലവഴിയെന്നതു തീര്ച്ചയല്ലേ?!
*സത്യായിട്ടും ദേവേട്ടന്‍ എന്ന് തികച്ചെഴുതാന്‍ വസന്ത അനുവദിക്കാത്തതുകൊണ്ടല്ല;ഞാനെന്റെ അയല്പക്കക്കാരനെ ഉദ്ദേശിച്ചിട്ടേയില്ല!! 🙂
തമനു | 10-Apr-08 at 1:01 pm | Permalink
തൊണ്ണൂറ്റിയേഴിലിതിവീടെ കെടന്നു പോമോ
നൂറൊന്നടിക്കണമതിന്നു, കെടയ്ക്കുമോ “വേ“
എന്നേത്തഴഞ്ഞിവിടടിപ്പവനിന്നു,കിണ്ണന്‍
തല്ലാണു നല്ലവഴിയെന്നതു തീര്ച്ചയല്ലേ ?
നല്ലോരു വ്യാഴമായിട്ട് ഒരു നൂറടിച്ചിട്ട് പോകാം എന്നു വിചാരിച്ചിട്ട് നടക്കുന്നില്ല.. . .. നോ “വേ”..
ഹരിയണ്ണന്‍ | 10-Apr-08 at 1:13 pm | Permalink
തൊണ്ണൂറുതാണ്ടിയകമന്റ്റിവകണ്ടിതാദ്യം
നൂറാമനാകണമിതെന്നുകിനാവുകാണേ
വന്നീടുമാ‘തമനു’ദുഷ്ടനെയിന്നുകണ്ടാല്‍
തല്ലാണുനല്ലവഴിയെന്നതു തീര്ച്ചയല്ലേ?!
അല്ലേ…നിങ്ങളുതന്നെ പറ…?!
ഹരിയണ്ണന്‍ | 10-Apr-08 at 2:31 pm | Permalink
ഈ വഴി ആരും വരുന്നില്ലേ…
നൂറാകുമെന്നുകരുതിക്കരതാഢനത്താല്‍
പോസ്റ്റുന്നതാണുഹരിയണ്ണനതൊത്തൊരെണ്ണം
വല്ലോനുമീവഴിവരാമിനിയെന്നുകണ്ടാല്‍
തല്ലാണുനല്ലവഴിയെന്നതു തീര്ച്ചയല്ലേ?!
നന്ദിനിപ്പശു | 10-Apr-08 at 3:10 pm | Permalink
പുല്ലാണെനിയ്ക്കു മധുരം, തരികിട്ടുവാനേ-
യില്ലാതെയായി നഗരേ/നരകേ ച/കവറാണുതിന്നാന്‍
കല്ലാണുമാനവനുമുള്ളമതെന്നുവന്നാല്‍
തല്ലാണുനല്ലവഴിയെന്നതു തീര്ച്ചയല്ലേ?
മ്ബേ..നൂറാം കമന്റ്
:))
revathy | 10-Sep-10 at 3:55 am | Permalink
എല്ലാ ആണ്കുട്ടികല്ലോടും എല്ലാ പെന്കുട്ടികലോടും ഒരു വാക്ക്-
നിങ്ങള്‍ സ്വന്തം കാലില്‍ നില്‍കാന്‍ പഠിക്കു, ബുദ്ധി ( വിവേകം ) ഉപയോഗിച്ച് ജീവിക്കു. വിവേകപൂര്‍വ്വം ജീവിക്കാന്‍ ധര്‍മ്മശാസ്ത്രം ഉപദേശിക്കുന്നു